318 hope songs available. Lyrics in Roman and Telugu script.
యేసయ్య మాట బంగారు మూట / ఎన్నటికి మారని మాటేనన్న / ఎన్నటెన్నటికి మారని మాటేనన్న / నిత్యజీవానికి సత్యమైనది / పరలోక రాజ్యానికి మార్గమైనది / పదరా పదరా పోదాం పదరా / (మన) యేసయ్య చెంతకు పోదాం పదరా – (2) / చెట్టు పైకి చక్కగా చూసాడయ్యా / పొట్టి జక్కయ్యను పిలిచాడయ్యా / తిన్నగా ఇంటికి వేళ్ళాడయ్యా / అబ్రహాము బిడ్డగా మార్చాడయ్యా ||పదరా|| / సమరయ స్త్రీని చూసాడయ్యా / కుండను బద్దలు కొట్టాడయ్యా / జీవపు ఊటలు ఇచ్చాడయ్యా / జీవితాన్నే మార్చివేసాడయ్యా ||పదరా||
సువార్తను ప్రకటింపవా / సునాదము వినిపింపవా / సిలువను ధరియించవా / దాని విలువను వివరింపవా / లెమ్ము సోదరా / లేచి రమ్ము సోదరీ (2) ||సువార్తను|| / సుఖము సౌఖ్యము కోరి నీవు / సువార్త భారం మరచినావు (2) / సోమరివై నీవుండి / స్వామికి ద్రోహం చేయుదువా (2) ||లెమ్ము|| / నీలోని ఆత్మను ఆరనీకు / ఎదలో పాపము దాచుకోకు (2) / నిను నమ్మిన యేసయ్యకు / నమ్మక ద్రోహం చేయుదువా (2) ||లెమ్ము||
నన్ను గన్నయ్య రావె నా యేసు / నన్ను గన్నయ్య రావె నా ప్రభువా ||నన్ను|| / ముందు నీ పాదారవిందము / లందు నిశ్చల భక్తి ప్రేమను (2) / పొందికగా జేయరావే నా / డెందమానంద మనంతమైయుప్పొంగ ||నన్ను|| / హద్దులేనట్టి దురాశల / నవివేకినై కూడి యాడితి (2) / మొద్దులతో నింక కూటమి / వద్దయ్య వద్దయ్య వద్దయ్య తండ్రి ||నన్ను|| / కాలము పెక్కు గతించెను / గర్వాదు లెడదెగవాయెను (2) / ఈ లోకమాయ సుఖేచ్ఛలు / చాలును జాలును జాలు నోతండ్రి ||నన్ను|| / దారుణ సంసార వారధి / దరి జూపి ప్రోవ నీ కన్నను (2) / కారణ గురువు లింకెవ్వరు / లేరయ్య – లేరయ్య లేరయ్య తండ్రి ||నన్ను|| / నా వంటి దుష్కర్మ జీవిని / కేవలమగు నీదు పేర్మిని (2) / దీవించి రక్షింపనిప్పుడే / రావయ్య రావయ్య రావయ్య తండ్రి ||నన్ను||
నీ స్వరము వినిపించు ప్రభువా / నీ దాసుడాలకించున్ (2) / నీ వాక్యమును నేర్పించు / దానియందు నడుచునట్లు నీతో ||నీ స్వరము|| / ఉదయమునే లేచి – నీ స్వరము వినుట / నాకు ఎంతో మధురము / దినమంతటి కొరకు – నను సిద్ధపరచు / రక్షించు ఆపదలనుండి – (2) ||నీ స్వరము|| / నీ వాక్యము చదివి – నీ స్వరము వినుచు / నేను సరి చేసికొందు / నీ మార్గములో – నడుచునట్లుగా / నేర్పించుము ఎల్లప్పుడూ – (2) ||నీ స్వరము|| / భయ భీతులలో – తుఫానులలో / నీ స్వరము వినిపించుము / అభయము నిమ్ము – ఓ గొప్ప దేవా / ధైర్య పరచుము నన్ను – (2) ||నీ స్వరము|| / నాతో మాట్లాడు – స్పష్టముగా ప్రభువా / నీ స్వరము నా కొరకే / నీతో మనుష్యులతో – సరిచేసికొందు / నీ దివ్య వాక్యము ద్వారా – (2) ||నీ స్వరము|| / నేర్చుకున్నాను – నా శ్రమల ద్వారా / నీ వాక్యమును ఎంతో / నన్నుంచుము ప్రభువా – నీ విశ్వాస్యతలో / నీ యందు నిలచునట్లు – (2) ||నీ స్వరము|| / నా హృదయములోని – చెడు తలంపులను / చేధించు నీ వాక్యము / నీ రూపమునకు – మార్చుము నన్ను / నీదు మహిమ కొరకేగా – (2) ||నీ స్వరము||
నాతో నీవు మాటాడినచో / నే బ్రతికెదను ప్రభు (2) / నా ప్రియుడా నా హితుడా / నా ప్రాణ నాథుడా నా రక్షకా ||నాతో|| / యుద్ధమందు నేను మిద్దె మీద నుంచి / చూడరాని దృశ్యం కనుల గాంచినాను (2) / బుద్ధి మీరినాను హద్దు మీరినాను / లేదు నాలో జీవం ఎరుగనైతి మార్గం / ఒక్క మాట చాలు… ఒక్క మాట చాలు / ఒక్క మాట చాలు ప్రభు ||నాతో|| / కట్టబడితి నేను గట్టి త్రాళ్లతోను / వీడలేదు ఆత్మ వీడలేదు వ్రతము (2) / గ్రుడ్డి వాడనైతి గానుగీడ్చుచుంటి / దిక్కు లేక నేను దయను కోరుచుంటి / ఒక్క మాట చాలు… ఒక్క మాట చాలు / ఒక్క మాట చాలు ప్రభు ||నాతో||
నా తల్లి నను మరచినా / నా వారే నను విడచినా (2) / విడువని దేవుడవయ్యా / ఎడబాయని వాడవయ్యా (2) / యేసయ్యా హల్లెలూయా (4) ||నా తల్లి|| / స్నేహితులే నన్ను బాధించినా / బంధువులే నన్ను వెలివేసినా (2) / అన్నదమ్ములే నన్ను నిందించినా / నే నమ్మినవారే గాయపరచినా (2) ||విడువని|| / లోకమంతా నన్ను ఏడ్పించినా / శత్రువులే నన్ను వేధించినా (2) / సాతానే నన్ను శోధించినా / సమాజమే నన్ను త్రోసేసినా (2) ||విడువని||
బ్యూలా దేశము నాది / సుస్థిరమైన పునాది (2) / కాలము స్థలము లేనిది (2) / సుందర పురము – నందనవనము (2) ||బ్యూలా|| / స్పటిక నది తీరము నాది / అన్నిటిలో ఘనం అనాది (2) / అపశ్రుతి లేని రాగములు (2) / అలరెడు పురము యేసుని వరము (2) ||బ్యూలా|| / జీవ వృక్ష ఫల సాయము నాది / దేవుని మహిమ స్పర్శ వేది (2) / మరణం బాధే లేనిది (2) / అమరుల పురము మంగళకరము (2) ||బ్యూలా||
నీ సన్నిధిలో సంతోషము / నీ సన్నిధిలో సమాధానము (2) / నలిగియున్న వారిని బలపరచును / చెరలో ఉన్న వారికి స్వాతంత్య్రము / యేసయ్యా యేసయ్యా.. (3) ||నీ సన్నిధిలో|| / నీలోనే నేనుంటాను – నీలోనే జీవిస్తాను / విడువను ఎడబాయను – మరువక ప్రేమిస్తాను (2) ||యేసయ్యా|| / నాలో నీవు – నీలో నేను / నా కొరకే నీవు – నీ కొరకే నేను (2) / ఇక భయమే లేదు – దిగులే లేదు / నీ సన్నిధిలో నేనుంటే చాలు (2)
లెమ్ము తేజరిల్లుము నీకు / వెలుగు వచ్చియున్నది (2) / యెహోవా మహిమ నీపై / ప్రకాశముగా నుదయించె (2) ||లెమ్ము|| / యేసే యీ లోకమునకు / వెలుగై యున్నానని చెప్పెన్ (2) / యేసుని నమ్మువారు (2) / వెలుగులో నడుచువారు (2) ||లెమ్ము|| / అంధకార మందుండి / బంధింప బడిన వారిన్ (2) / ఆశ్చర్యమైన వెలుగు (2) / నందించి విమోచించెన్ (2) ||లెమ్ము|| / దాత ప్రభు యేసుని నమ్మి / నీతిగా నడుచువారు (2) / జాతి భేదములు లేక (2) / జ్యోతుల వలె నుందురు (2) ||లెమ్ము|| / మనుజులు మీ సత్క్రియలను / జూచి బహు సంతోషించి (2) / మనసారా పరమ తండ్రిన్ (2) / మహిమ పరచెదరు (2) ||లెమ్ము|| / జనములు నీ వెలుగునకు / పరుగెత్తి వచ్చెదరు (2) / రాజులు నీదు ఉదయ (2) / కాంతికి వచ్చెదరు (2) ||లెమ్ము||
హైలెస్సా హైలో హైలెస్సా (2) / హైలెస్సా హైలెస్సా హైలెస్సా హైలెస్సా / హల్లెలూయా నా పాట / హల్లెలూయా మా పాట / హల్లెలూయా మన పాట / హైలెస్సా హైలో హైలో హైలెస్సా / అలలపైన నా పడవ / అంచలుగా సాగింది / హైలెస్సా హైలెస్సా హైలెస్సా (4) / అలలపైన నా పడవ / అంచలుగా సాగింది / శిలలు కరిగి నదులై / నా జీవ నావ కదిలింది (2) ||హైలెస్సా|| / పెనుతుఫాను గాలులలో / మునిగిపోక నిలిచింది / హైలెస్సా హైలో హైలెస్సా (4) / పెనుతుఫాను గాలులలో / మునిగిపోక నిలిచింది / మునిమాపుకు నా పడవ / మోక్షనగరు చేరింది (2) ||హైలెస్సా||
యేసుని నామములో – మన బాధలు పోవును / దుష్టాత్మలు పారిపోవును / శోధనలో జయమొచ్చును / మృతులకు నిండు జీవమొచ్చును / హృదయములో నెమ్మదొచ్చును / యేసు రక్తముకే – యేసు నామముకే / యుగయుగములకూ మహిమే / అభిషిక్తులగు తన దాసులకు / ప్రతి సమయమునా జయమే ||యేసుని|| / ఘోరమైన వ్యాధులెన్నైనా / మార్పులేని వ్యసనపరులైనా / ఆర్ధికముగా లోటులెన్నున్నా / ఆశలు నిరాశలే ఐనా / ప్రభుయేసుని నమ్మినచో – నీవు విడుదలనొందెదవు / పరివర్తన చెందినచో – పరలోకం చేరెదవు ||యేసు రక్తముకే || / రాజువైనా యాజకుడవైనా / నిరుపేదవైనా బ్రతుకు చెడివున్నా / ఆశ్రయముగా గృహములెన్నున్నా / నిలువ నీడే నీకు లేకున్నా / శ్రీ యేసుని నామమున – విశ్వాసము నీకున్నా / నీ స్థితి నేడేదైనా – నిత్యజీవము పొందెదవు ||యేసు రక్తముకే ||
రాజుల రాజుల రాజు / సీయోను రారాజు (2) / సీయోను రారాజు నా యేసు / పైనున్న యెరూషలేము నా గృహము (2) / తల్లి గర్భము నుండి వేరు చేసి / తండ్రి ఇంటి నుండి నన్ను పిలచి (2) / సీయోను కొరకే నన్ను ఏర్పరచిన / సీయోను రారాజు నా యేసు (2) ||రాజుల|| / నిషేధించబడిన రాయి / సీయోనులో మూల రాయి (2) / ఎన్నిక లేని నన్ను ఎన్నుకొనిన / సీయోను రారాజు నా యేసు (2) ||రాజుల||