318 hope songs available. Lyrics in Roman and Telugu script.
తల్లిలా లాలించును తండ్రిలా ప్రేమించును (2) / ముదిమి వచ్చువరకు ఎత్తుకొని ముద్దాడును / చంక పెట్టుకొని కాపాడును యేసయ్యా ||తల్లిలా|| / తల్లి అయిన మరచునేమో నేను నిన్ను మరువను / చూడుము నా అరచేతులలో / నిన్ను చెక్కియున్నాను (2) / నీ పాదము తొట్రిల్లనీయను నేను / నిన్ను కాపాడువాడు కునుకడు నిదురపోడు / అని చెప్పి వాగ్దానం చేసిన యేసయ్య ||తల్లిలా|| / పర్వతాలు తొలగవచ్చు తత్తరిల్లు మెట్టలన్నీ / వీడిపోదు నా కృప నీకు / నా నిబంధనా తొలగదు (2) / దిగులుపడకు భయపడకు నిన్ను విమోచించెద / నీదు భారమంతా మోసి నాడు శాంతి నొసగెద / అని చెప్పి వాగ్దానం చేసిన యేసయ్య ||తల్లిలా||
తేనెకన్న తీయనైనది / నా యేసు ప్రేమ – మల్లెకన్న తెల్లనైనది (2) / నన్ను ప్రేమించెను నన్ను రక్షించెను / కష్టకాలమందు నాకు తోడైయుండెను (2) ||తేనెకన్న|| / ఆగకనే సాగిపోదును / నా ప్రభువు చూపించు బాటలో (2) / అడ్డంకులన్ని నన్ను చుట్టినా / నా దేవుని నే విడువకుందును (2) ||తేనెకన్న|| / నా వాళ్ళే నన్ను విడిచినా / నా బంధువులే దూరమైనా (2) / ఏ తోడు లేక ఒంటరినైననూ / నా తోడు క్రీస్తని ఆనందింతును (2) ||తేనెకన్న||
బ్రతకాలని ఉన్నా బ్రతకలేకున్నా / నిలవాలని ఉన్నా నిలవలేకున్నా (2) / చూడాలని ఉన్నా చూడలేకున్నా / చేరాలని ఉన్నా నిను చేరలేకున్నా / బ్రతికించుమో యేసయ్యా / దరి చేర్చుమో నన్నయ్యా (2) ||బ్రతకాలని|| / కాపరి లేని గొర్రెనైతి / కాటికి నే చేరువైతి / కావలి లేని తోటనైతి / కారడవిగా నే మారితి / గూడు చెదరిన గువ్వనైతి / గుండె పగిలిన ఎకాకినైతి / గుండె దిగులుగా ఉందయ్యా / గూడు చేర్చుమో యేసయ్యా (2) ||బ్రతకాలని|| / నా ఆశలే అడియాశలై / అడుగంటెనే నా జీవితం / శోధనల సుడివడిలో / తొట్రిల్లెనే నా పయనం / చుక్కాని లేని నావనైతి / గమ్యం తెలియక అల్లాడుచుంటి / గురి చేర్చుమో యేసయ్యా / గుండె గుడిలో నీవుండయ్యా (2) ||బ్రతకాలని||
ఇదే నా కోరిక / నవ జీవన రాగమాలిక (2) ||ఇదే నా కోరిక|| / యేసు లాగ ఉండాలని / యేసుతోనే నడవాలని (2) / నిలవాలని గెలవాలని / యేసునందే ఆనందించాలని (2) ||ఇదే నా కోరిక|| / ఈ లోకంలో పరలోకము / నాలోనే నివసించాలని (2) / ఇంటా బయట యేసునాథునికే / కంటిపాపనై వెలిగిపోవాలని (2) ||ఇదే నా కోరిక|| / యాత్రను ముగించిన వేళ / ఆరోహనమై పోవాలని (2) / క్రీస్తు యేసుతో సింహాసనము / పైకెగసి కూర్చోవాలని (2) ||ఇదే నా కోరిక||
వేటగాని ఉరిలో నుండి / నా ప్రాణాన్ని రక్షించావు / బలమైన రెక్కల క్రింద / నాకాశ్రయమిచ్చావు (2) / లేనే లేదయ్యా వేరే ఆధారం / నా దుర్గమా నా శైలమా / లేనే లేదయ్యా వేరే ఆధారం / నా శృంగమా నా కేడెమా / ఆరాధన ఆరాధన – నా తండ్రి నీకే ఆరాధన / ఆరాధన ఆరాధన – నా యేసు నీకే ఆరాధన (2) / రాత్రి వేళ భయముకైననూ / పగటి వేళ బాణమైననూ / రోగము నన్నేమి చేయదు / నా గుడారము సమీపించదు (2) ||లేనే లేదయ్యా|| / వేయిమంది పడిపోయినా / పదివేల మంది కూలిపోయినా / అపాయము రానే రాదు / నా గుడారము సమీపించదు (2) ||లేనే లేదయ్యా|| / మానవులను కాపాడుటకు / నీ దూతలను ఏర్పరిచావు / రాయి తగలకుండా / ఎత్తి నన్ను పట్టుకున్నావు (2) ||లేనే లేదయ్యా||
క్రొత్త యేడు మొదలు బెట్టెను మన బ్రతుకు నందు / క్రొత్త యేడు మొదలు బెట్టెను / క్రొత్త మనసు తోడ మీరు క్రొత్త యేట ప్రభుని సేవ / తత్తర పడకుండ జేయు టుత్తమొత్తమంబు జూడ ||క్రొత్త|| / పొందియున్న మేలులన్నియు బొంకంబు మీర / డెందమందు స్మరణ జేయుడి / ఇందు మీరు మొదలుపెట్టు పందెమందు గెల్వ వలయు / అందముగను రవిని బోలి అలయకుండా మెలయకుండా ||క్రొత్త|| / బలము లేని వారమయ్యీను బలమొందవచ్చు / కలిమి మీర గర్త వాక్కున / అలయకుండా అడుగుచుండ నలగకుండా మోదమొంది / బలమొసంగు సర్వ విధుల నెలమి మీర నొచ్చుచుండ ||క్రొత్త|| / పాప పంకమంటినప్పుడు ప్రభు క్రీస్తు యేసు / ప్రాపు జేరి మీరు వేడగా / సేపు మీర తనదు కరుణ పాపమంతా కడిగివేసి / పాప రోగ చిహ్నలన్ని బాపి వేసి శుద్ది చేయు ||క్రొత్త||
సోలిపోవలదు మనస్సా సోలిపోవలదు / నిను గని పిలచిన దేవుడు విడిచిపోతాడా (2) ||సోలిపోవలదు|| / ఇక్కట్టులు ఇబ్బందులు నిన్ను / చుట్టుముట్టినా (2) / ప్రియుడు నిన్ను చేరదీసిన / ఆనందం కాదా (2) ||సోలిపోవలదు|| / శోధనలను జయించినచో / భాగ్యవంతుడవు (2) / జీవ కిరీటం మోయువేళ / ఎంతో సంతోషము (2) ||సోలిపోవలదు|| / వాక్కు ఇచ్చిన దేవుని నీవు / పాడి కొనియాడు (2) / తీర్చి దిద్దే ఆత్మ నిన్ను / చేరే ప్రార్ధించు (2) ||సోలిపోవలదు||
రమ్మనుచున్నాడు నిన్ను ప్రభు యేసు / వాంఛతో తన కరము చాపి / రమ్మనుచున్నాడు (2) / ఎటువంటి శ్రమలందును ఆదరణ నీకిచ్చునని (2) / గ్రహించి నీవు యేసుని చూచిన / హద్దు లేని ఇంపు పొందెదవు (2) ||రమ్మను|| / కన్నీరంతా తుడుచును కనుపాపవలె కాపాడున్ (2) / కారు మేఘమువలె కష్టములు వచ్చిననూ / కనికరించి నిన్ను కాపాడును (2) ||రమ్మను|| / సోమ్మసిల్లు వేళలో బలమును నీకిచ్చును (2) / ఆయన నీ వెలుగు రక్షణనై యుండును / ఆలసింపక త్వరపడి రమ్ము (2) ||రమ్మను|| / సకల వ్యాధులను స్వస్థత పరచుటకు (2) / శక్తిమంతుడగు ప్రభు యేసు ప్రేమతో / అందరికి తన కృపలనిచ్చున్ (2) ||రమ్మను||
ప్రియ యేసు రాజును నే చూచిన చాలు / మహిమలో నేనాయనతో ఉంటే చాలు (2) / నిత్యమైన మోక్షగృహము నందు చేరి / భక్తుల గుంపులో హర్షించిన చాలు (2) ||ప్రియ యేసు|| / యేసుని రక్తమందు కడుగబడి / వాక్యంచే నిత్యం భద్రపరచబడి (2) / నిష్కలంక పరిశుధ్దులతో పేదన్ నేను (2) / బంగారు వీదులలో తిరిగెదను (2) ||ప్రియ యేసు|| / ముండ్ల మకుటంబైన తలను జూచి / స్వర్ణ కిరీటం బెట్టి ఆనందింతున్ (2) / కొరడాతో కొట్టబడిన వీపున్ జూచి (2) / ప్రతి యొక్క గాయమును ముద్దాడెదన్ (2) ||ప్రియ యేసు|| / హృదయము స్తుతులతో నింపబడెను / నా భాగ్య గృహమును స్మరించుచు (2) / హల్లెలూయ ఆమెన్ హల్లెలూయ (2) / వర్ణింప నా నాలుక చాలదయ్యా (2) ||ప్రియ యేసు|| / ఆహ ఆ బూర ఎప్పుడు ధ్వనించునో / ఆహ నా ఆశ ఎప్పుడు తీరుతుందో (2) / తండ్రి నా కన్నీటిని తుడుచునెప్పుడో (2) / ఆశతో వేచియుండే నా హృదయం (2) ||ప్రియ యేసు||
పొందితిని నేను ప్రభువా నీ నుండి / ప్రతి శ్రేష్ట ఈవులన్ ఈ భువియందు (2) / జీవిత యాత్రలో సాగి వచ్చితిని (2) / ఇంత వరకు నాకు తోడై యుండి (2) / ఎబినేజరువై యున్న ఓ యేసు ప్రభువా (2) / నా రక్షణ కర్తవు నీవైతివి (2) ||పొందితిని|| / గాలి తుఫానులలోనుండి వచ్చితిని (2) / అంధకార శక్తుల ప్రభావమునుండి (2) / నీ రెక్కల చాటున నను దాచితివయ్యా (2) / నీవే ఆశ్రయ దుర్గంబైతివి (2) ||పొందితిని|| / కష్ట దుఖంబులు నాకు కలుగగా (2) / నను చేరదీసి ఓదార్చితివే (2) / భయ భీతి నిరాశల యందున ప్రభువా (2) / బహుగా ధైర్యంబు నాకొసగితివి (2) ||పొందితిని|| / నా దేహమందున ముళ్ళు నుంచితివి (2) / సాతానుని దూతగా నలుగ గొట్టన్ (2) / వ్యాధి బాధలు బలహీనతలందు (2) / నీ కృపను నాకు దయచేసితివి (2) ||పొందితిని|| / నీ ప్రేమ చేత ధన్యుడనైతిని (2) / కృతజ్ఞతా స్తుతులు చెల్లించెదను (2) / కష్ట పరీక్షలయందు నా ప్రభువా (2) / జయజీవితము నాకు నేర్పించితివి (2) ||పొందితిని||
నీవుంటే నాకు చాలు యేసయ్యా / నీవెంటే నేను ఉంటానేసయ్యా (2) / నీ మాట చాలయ్యా నీ చూపు చాలయ్యా / నీ తోడు చాలయ్యా నీ నీడ చాలయ్యా (2) ||నీవుంటే|| / ఎన్ని బాధలున్ననూ ఇబ్బందులైననూ / ఎంత కష్టమొచ్చినా నిష్టూరమైననూ (2) ||నీ మాట|| / బ్రతుకు నావ పగిలినా కడలి పాలైననూ / అలలు ముంచి వేసినా ఆశలు అనగారినా (2) ||నీ మాట|| / ఆస్తులన్నీ పోయినా అనాథగా మిగిలినా / ఆప్తులే విడనాడినా ఆరోగ్యం క్షీణించినా (2) ||నీ మాట|| / నీకు ఇలలో ఏదియు లేదు అసాధ్యము / నీదు కృపతో నాకేమియు కాదిల సమానము (2) ||నీ మాట||
నేడో రేపో నా ప్రియుడేసు / మేఘాలమీద ఏతెంచును / మహిమాన్వితుడై ప్రభు యేసు / మహీ స్థలమునకు ఏతెంచును ||నేడో రేపో|| / చీకటి కమ్మును సూర్యుని / చంద్రుడు తన కాంతినీయడు (2) / నక్షత్రములు రాలిపోవును / ఆకాశ శక్తులు కదిలిపోవును (2) ||నేడో రేపో|| / కడబూర స్వరము ధ్వనియించగా / ప్రియుని స్వరము వినిపించగా (2) / వడివడిగ ప్రభు చెంతకు చేరెద / ప్రియమార ప్రభుయేసుని గాంచెద (2) ||నేడో రేపో|| / నా ప్రియుడేసుని సన్నిధిలో / వేదన రోదనలుండవు (2) / హల్లెలూయా స్తుతిగానాలతో / నిత్యం ఆనందమానందమే (2) ||నేడో రేపో||