నిరీక్షణ | Hope Telugu Songs

318 hope songs available. Lyrics in Roman and Telugu script.

భారత దేశ సువార్త|Bhaaratha Desha Suvaartha

భారత దేశ సువార్త సంఘమా – భువి దివి సంగమమా / ధర సాతానుని రాజ్యము కూల్చే – యుద్ధా రంగమా ||భారత|| / ఎవని పంపుదును నా తరపున – ఇల ఎవరు పోవుదురు నాకై / నేనున్నాను నన్ను పంపమని – రమ్మూ సంఘమా / భారత దేశములో వెలిగే క్రీస్తు సంఘమా ||భారత|| / అడవి ప్రాంతములు, ఎడారి భూములు – ద్వీపవాసులను గనుమా / అంధకార ప్రాంతములో ప్రభుని – జ్యోతిని వెలిగించను కనుమా / భారత దేశములో వెలిగే క్రీస్తు సంఘమా ||భారత|| / బ్రతుకులోన ప్రభు శక్తిలేని – క్రైస్తవ జనాంగమును గనుమా / కునుకు దివ్వెలను సరిచేయగ – ఉజ్జీవ జ్వాలగొని చనుమా / భారత దేశములో వెలిగే క్రీస్తు సంఘమా ||భారత||

దేవునియందు నిరీక్షణ నుంచి|Devuniyandu Nireekshana Nunchi

దేవునియందు నిరీక్షణ నుంచి / ఆయనను స్తుతించు నా ప్రాణమా (2) / ఏ అపాయము రాకుండ నిన్ను – దివారాత్రులు కాపాడువాడు (2) / ప్రతిక్షణం – నీ పక్షముండు – రక్షకుడు (2) ||దేవుని|| / చీకటిని వెలుగుగా చేసి – ఆయన నీ ముందు పోవువాడు (2) / సత్యమగు – జీవమగు – మార్గమేసే (2) ||దేవుని|| / నీకు సహాయము చేయువాడు – సదా ఆదుకొను వాడు ఆయనే (2) / ఆధారము – ఆదరణ – ఆయనలో (2) ||దేవుని|| / తల్లి తన బిడ్డను మరచిననూ – మరువడు నీ దేవుడు నిన్ను (2) / తల్లికన్నా – తండ్రికన్నా – ఉత్తముడు (2) ||దేవుని|| / నీకు విరోధముగా రూపించిన – ఏ విధ ఆయుధమును వర్ధిల్లదు (2) / శత్రువులు – మిత్రులుగా – మారుదురు (2) ||దేవుని|| / పర్వతములు తొలగి పోయిననూ – తన కృప నిన్ను ఎన్నడు వీడదు (2) / కనికర – సంపన్నుడు – నా దేవుడు (2) ||దేవుని|| / స్తుతి మహిమలు నీకే ప్రభు – నిత్యము నిన్నే కొనియాడెద (2) / హల్లెలూయ – హల్లెలూయ – హల్లెలూయ (2) ||దేవుని||

ధన్యము ఎంతో ధన్యము|Dhanyamu Entho Dhanyamu

ధన్యము ఎంతో ధన్యము – యేసయ్యను కలిగిన జీవితము (2) / ఇహమందున పరమందున – నూరు రెట్లు ఫలముండును (2) / వారె ధన్యులు – వారెంతో ధన్యులు (2) ||ధన్యము|| / ఎవరి అతిక్రమములు – పరిహరింపబడెనో (2) / ఎవరి పాపములు – మన్నించబడెనో (2) ||వారె ధన్యులు|| / క్రీస్తు యేసుకు సమర్పించు – కరములే కరములు (2) / క్రీస్తుయేసు స్వరము విను – వీనులే వీనులు (2) ||వారె ధన్యులు|| / ప్రభు యేసుని సేవచేయు – పాదములే సుందరములు (2) / ప్రభుని గూర్చి పాటపాడు – పెదవులే పెదవులు (2) ||వారె ధన్యులు|| / ఆత్మలో నిత్యము – ఎదుగుచున్న వారును (2) / అపవాది తంత్రములు – గుర్తించు వారును (2) ||వారె ధన్యులు|| / శ్రమలయందు నిలచి – పాడుచున్న వారును (2) / శత్రు బాణములెల్ల – చెదరగొట్టు వారును (2) ||వారె ధన్యులు||

దేవుని సముఖ జీవ కవిలెలో|Devuni Samukha Jeeva Kavilelo

దేవుని సముఖ జీవ కవిలెలో (2) / నీ పేరున్నదా – నీ పేరున్నదా ||దేవుని|| / జీవవాక్యము ఇలలో చాటుచు – జీవితము లర్పించిరే (2) / హత సాక్షుల కవిలెలో (2) / నీ పేరున్నదా – నీ పేరున్నదా ||దేవుని|| / ఆకాశమండలములలో తిరిగెడు – అంధకార శక్తులను గెలిచిన (2) / విజయవీరుల కవిలెలో (2) / నీ పేరున్నదా – నీ పేరున్నదా ||దేవుని|| / పరిశుద్ధ యెరుషలేము సంఖ్య – పరిశుద్ధ గ్రంథము సూచించు (2) / సర్వోన్నతుని పురములలో (2) / నీ పేరున్నదా – నీ పేరున్నదా ||దేవుని|| / దేవుని సన్నిధి మహిమ ధననిధి – దాతను వేడి వరము పొందిన (2) / ప్రార్ధన వీరుల కవిలెలో (2) / నీ పేరున్నదా – నీ పేరున్నదా ||దేవుని|| / పరమునుండి ప్రభువు దిగగా – పరిశుద్ధులు పైకెగయునుగా (2) / పరిశుద్ధుల కవిలెలో (2) / నీ పేరున్నదా – నీ పేరున్నదా ||దేవుని||

నడిపిస్తాడు నా దేవుడు|Nadipisthaadu naa devudu

నడిపిస్తాడు నా దేవుడు – శ్రమలోనైనా నను విడువడు (2) / అడుగులు తడబడినా – అలసట పైబడినా (2) / చేయి పట్టి వెన్నుతట్టి – చక్కని ఆలొచన చెప్పి (2) ||నడిపిస్తాడు|| / అంధకారమే దారి మూసినా – నిందలే నను కృంగదీసినా (2) / తన చిత్తం నెరవేర్చుతాడు / గమ్యం వరకు నను చేర్చుతాడు (2) ||నడిపిస్తాడు|| / కష్టాల కొలిమి కాల్చివేసినా – శోకాలు గుండెను చీల్చివేసినా (2) / తన చిత్తం నెరవేర్చుతాడు / గమ్యం వరకు నను చేర్చుతాడు (2) ||నడిపిస్తాడు|| / నాకున్న కలిమి కరిగిపోయిన – నాకున్న బలిమి తరిగిపోయిన (2) / తన చిత్తం నెరవేర్చుతాడు / గమ్యం వరకు నను చేర్చుతాడు (2) ||నడిపిస్తాడు||

దుర్దినములు రాకముందే|Durdinamulu Raakamunde

దుర్దినములు రాకముందే – సర్వం కోల్పోకముందే / అంధత్వం కమ్మకముందే – ఉగ్రత దిగిరాకముందే (2) / స్మరియించు రక్షకుని అనుకూల సమయమున / చేర్చుకో యేసుని ఆలస్యం చేయక (2) ||దుర్దినములు|| / సాగిపోయిన నీడవంటి జీవితం / అల్పమైనది నీటి బుడగ వంటిది (2) / తెరచి ఉంది తీర్పు ద్వారం / మార్పులేని వారికోసం (2) / పాతాళ వేదనలు తప్పించుకొనలేవు / ఆ ఘోర బాధలు వర్ణింపజాలవు (2) ||దుర్దినములు|| / రత్నరాసులేవి నీతో కూడ రావు / మృతమైన నీ దేహం పనికిరాదు దేనికి (2) / యేసు క్రీస్తు ప్రభువు నందే / ఉంది నీకు రక్షణ (2) / తొలగించు భ్రమలన్ని కనుగొనుము సత్యాన్ని / విశ్వసించు యేసుని విడిచిపెట్టు పాపాన్ని (2) ||దుర్దినములు||

నీ దయలో నీ కృపలో|Nee Dayalo Nee Krupalo

నీ దయలో నీ కృపలో కాచితివి గతకాలము / నీ దయలో నీ నీడలో దాచుమయా జీవితాంతము / నీ ఆత్మతో నను నింపుమా / నీ సేవలో ఫలియింపగా / దేవా… దేవా… ||నీ దయ|| / కష్టకాలం దుఃఖ సమయం నన్ను వేదించగా / ప్రాణ హితులే నన్ను విడచి వెలిగ నను చూడగ (2) / ఓదార్పువై నా చెంత నీవే ఉండినావు / నా కన్నీరు నీ కవితలో రాసి ఉంచినావు (2) / ఏమి అద్బుత ప్రేమయా ఏ రీతి పాడనయా / నీవె నా మార్గము – నీవె నా జీవము / నీవె నా గమ్యము – నీవె నా సర్వము / నా మనసు తీర నిన్ను పాడి పొగడెద దేవా ||నీ దయ|| / ఏ యొగ్యతయు లేని నా ఎడ నీ కృప చూపితివి / వట్టి పాత్రను మహిమతో నింపి మార్గము నీవైతివి (2) / నీ చిత్తమే నా యందు నెరవేర్పవ్వాలని / నీ సేవయే నా శ్వాసగా కడ వరకు నిలవాలని (2) / నా మది నిండెను ఆశతో నే పాడెద స్తుతి గీతం / నీవె నా తోడుగా – నీవె నా నీడగా / ఆత్మతో నింపుమా – శక్తి నా కొసగుమా / నా చేయి పట్టి నన్ను నీతో నడుపుము దేవా ||నీ దయ||

రండి రండి యేసుని యొద్దకు|Randi Randi Yesuni Yoddaku

రండి రండి యేసుని యొద్దకు రమ్మనుచున్నాడు / ప్రయాసపడి భారము మోయువారలు / ప్రభుని చెంతకు పరుగిడి వేగమే / యేసుని పిలుపు వినియు నింక – యోచింపరేల / అవనిలో అగచాట్ల పాలైన / అబ్బదు శాంతి ఆత్మకు నిలలో ||రండి|| / కరువు రణము మరణము చూచి – కలుగదు మారుమనస్సు / ప్రవచనములు సంపూర్ణములాయెను / యూదులు తిరిగి వచ్చుచున్నారు ||రండి|| / ప్రభు యేసు నీ కొరకై తనదు – ప్రాణము నిచ్చె గదా / సిలువను రక్తము చిందించియును / బలియాయెను యా ఘనుడు మనకై ||రండి|| / యేసుని నామమునందె పరమ – నివాసము దొరకును / ముక్తిని పాప విమోచనమును / శక్తిమంతుడు యేసే యిచ్చును ||రండి|| / నేనే మార్గము నేనే సత్యము – నేనే జీవమును / నేను గాకింకెవరు లేరని / యెంచి చెప్పిన యేసుని వద్దకు ||రండి||

ఎంత పెద్ద పోరాటమో|Entha Pedda Poraatamo

ఎంత పెద్ద పోరాటమో / అంత పెద్ద విజయమో (2) / పోరాడతాను నిత్యము / విజయమనేది తథ్యము (2) / వాక్యమనే ఖడ్గమును ఎత్తి పట్టి / విశ్వాసమనే డాలుని చేత పట్టి (2) / ముందుకే దూసుకెళ్లెదన్ / యెహోవాదే యుద్ధమనుచు (2) ||ఎంత|| / ప్రార్థన యుద్ధములో కనిపెట్టి / సాతాను తంత్రములు తొక్కి పెట్టి (2) / ముందుకే దూసుకెళ్లెదన్ / యెహోవా నిస్సీ అనుచు (2) ||ఎంత|| / యేసు కాడిని భుజమున పెట్టి / వాగ్ధాన తలుపు విసుగక తట్టి (2) / ముందుకే దూసుకెళ్లెదన్ / సిలువలో సమాప్తమైనదనుచు (2) ||ఎంత||

ఆశపడకు ఈ లోకం కోసం|Aashapadaku Ee Lokam Kosam

ఆశపడకు ఈ లోకం కోసం చెల్లెమ్మా / ఆశించేది ఏదైనా అది మట్టేనమ్మా / మనిషి ఆశించేది ఏదైనా అది మట్టేనమ్మా ||ఆశపడకు|| / ఆశలు రేపే సుందర దేహం – మట్టి బొమ్మ ఓ చెల్లెమ్మా / దేహం కోరేదేదైనా – అది మట్టిలోనే పుట్టిందమ్మా (2) / వెండి బంగారు వెలగల వస్త్రం / పరిమళ పుష్ప సుగంధములు (2) / మట్టిలోనుండి వచ్చినవేనని / మరువబోకు నా చెల్లెమ్మా (2) ||ఆశపడకు|| / అందమైన ఓ సుందర స్త్రీకి – గుణములేక ఫలమేమమ్మా / పంది ముక్కున బంగారు కమ్మీ – పెట్టిన ఫలితం లేదమ్మా (2) / అందమైన ఆ దీనా షెకెములు / హద్దులేక ఏమయ్యిందమ్మా (2) / అంతరంగమున గుణముకలిగిన / శారా చరిత్రకెక్కిందమ్మా (2) ||ఆశపడకు|| / జాతి కొరకు ఉపవాస దీక్షతో – పోరాడిన ఎస్తేరు రాణిలా / నీతి కొరకు తన అత్తను విడువక – హత్తుకున్న రూతమ్మ ప్రేమలా (2) / కన్నీళ్లతో ప్రభు కాళ్ళు కడిగి / తన కురులతో తుడిచిన మగ్దలీనలా (2) / హన్నా వలె మన దోర్కా వలె / ప్రిస్కిల్ల వోలె విశ్వాస వనితలా (2) / వారి దీక్షయే వారసత్వమై / అనంత రాజ్యపు నిత్య స్వాస్థ్యమై (2) / పవిత్రమైన హృదయము కలిగి / ప్రభువు కొరకు జీవించాలమ్మా (2) ||ఆశపడకు||

వాడబారని విశ్వాసముతో|Vaadabaarani Vishwaasamutho

వాడబారని విశ్వాసముతో / శుభప్రదమైన నిరీక్షణతో (2) / వేచియున్నానయ్యా కనిపెట్టుచున్నానయ్యా (2) యేసయ్యా / నీ రాక కోసమై – కడబూర శబ్దముకై / నీ మహిమ కోసమై – నిన్ను చేరుటకై (2) ||వాడబారని|| / మోకాళ్లపై వేచితి – కన్నీళ్ల పర్యంతమై / బీడు బారిన నేల వానకై – ఎదురు చూచినా సంఘమై (2) / సిద్ధపడియున్న వధువునై / ఆశతో వేచానయ్యా (2) యేసయ్యా ||నీ రాక|| / లేఖనములను చూచితి – గురుతులు గమనించితి / ప్రవచన నెరవేర్పులన్ని – జరుగుట గుర్తించితి (2) / రారాజువై నీవు రావాలని / ఎదురు చూచుచున్నానయ్యా (2) యేసయ్యా ||నీ రాక|| / నీటి కొరకై వేచిన – గూడ బాతును పోలిన / ఆత్మ దాహము తోడనిండి – అల్లాడుచున్నానయ్యా (2) / లోక బంధాల నుండి / నీ చెలిమి కోరానయ్యా (2) యేసయ్యా ||నీ రాక||

భారత దేశమా యేసుకే|Bhaaratha Deshamaa Yesuke

భారత దేశమా యేసుకే / నా భారత దేశమా ప్రియ యేసుకే (2) / నువ్వు సొంతం కావాలన్నదే నా ప్రార్థన / నిను సొంతం చేయాలన్నదే నా ధ్యేయం (2) / యేసు నామమే జయము జయమని ఇహమంత మారుమ్రోగిపోవాలి / పని చేయుచున్న సాతాను శక్తులు పటా పంచలైపోవాలి (2) / భారత దేశమా నా భారత దేశమా / నా ప్రియ యేసునికే నీవు సొంతం కావాలి / భారత దేశమా నా భారత దేశమా / ఉగ్రతలోనుండి నీవు రక్షణ పొందాలి / సృష్టికర్తనే మరచి – భారత దేశమా / సృష్టిని పూజించుట తగునా – నా భారత దేశమా (2) / ఈ లోకమును సృష్టించిన యేసే – భారత దేశమా / నిను రక్షించుటకు ప్రాణం పెట్టెను – భారత దేశమా (2) / భారత దేశమా యేసుని చేరుమా / నూతన సృష్టిగ మార్చబడుదువు భారత దేశమా (2) / భారత దేశమా నా భారత దేశమా / నా ప్రియ యేసునికే నీవు సొంతం కావాలి / భారత దేశమా నా భారత దేశమా / ఉగ్రతలోనుండి నీవు రక్షణ పొందాలి / శాంతికి అధిపతి ఆ యేసే – భారత దేశమా / శాంతి రాజ్యమును స్థాపించును – నా భారత దేశమా (2) / లోకమంతయు లయమైపోవును – భారత దేశమా / లోకాశలన్నియు గతించిపోవును – భారత దేశమా (2) / భారత దేశమా యేసుని చేరుమా / శాంతి సమాధానములను పొందుము భారత దేశమా (2) / భారత దేశమా నా భారత దేశమా / నా ప్రియ యేసునికే నీవు సొంతం కావాలి / భారత దేశమా నా భారత దేశమా / ఉగ్రతలోనుండి నీవు రక్షణ పొందాలి / రాజుల రాజుగ మన యేసే – భారత దేశమా / పెండ్లి కుమారుడై రానుండె – నా భారత దేశమా (2) / యేసుని నమ్మిన దేశములన్ని – భారత దేశమా / యేసుతో కూడ కోనిపోబడును – భారత దేశమా (2) / భారత దేశమా యేసుని చేరుమా / సువర్ణ దేశముగ మార్చబడుదువు భారత దేశమా (2) / భారత దేశమా నా భారత దేశమా / నా ప్రియ యేసునికే నీవు సొంతం కావాలి / భారత దేశమా నా భారత దేశమా / ఉగ్రతలోనుండి నీవు రక్షణ పొందాలి / భారత దేశమా నా యేసుకే / భారత దేశమా ప్రియ యేసుకే (2) / నువ్వు సొంతం కావాలన్నదే నా ప్రార్థన / నిను సొంతం చేయాలన్నదే నా ధ్యేయం (2) / యేసు నామమే జయము జయమని ఇహమంత మారుమ్రోగిపోవాలి / పని చేయుచున్న సాతాను శక్తులు పటా పంచలైపోవాలి (2) / భారత దేశమా నా భారత దేశమా / నా ప్రియ యేసునికే నీవు సొంతం కావాలి / భారత దేశమా నా భారత దేశమా / ఉగ్రతలోనుండి నీవు రక్షణ పొందాలి