233 grace songs available. Lyrics in Roman and Telugu script.
స్నేహితుడా నా స్నేహితుడా / నా ప్రాణ స్నేహితుడా / ఆపదలో నన్నాదుకొనే / నిజమైన స్నేహితుడా (2) / నన్నెంతో ప్రేమించినావు / నాకోసం మరణించినావు (2) / మరువగలనా నీ స్నేహము / మరచి ఇల నే మనగలనా (2) ||స్నేహితుడా|| / నా ప్రాణ ప్రియుడా నీ కోసమే / నే వేచానే నిరతం నీ తోడుకై (2) / ఇచ్చెదన్ నా సర్వస్వము / నాకున్న ఆశలు ఈడేర్చుము (2) ||స్నేహితుడా|| / కన్నీటితో ఉన్న నన్ను / కరుణించి నను పలుకరించావు (2) / మండిన ఎడారిలోన / మమత వెల్లువ కురిపించినావు (2) ||స్నేహితుడా||
ఒక క్షణమైన నీవు మరచిన నే బ్రతకగలనా యేసయ్యా / కునికిన నిద్రించిన నా స్థితి ఏమౌనో మెస్సయ్యా (2) / ఒంటరైన వేళలో – జంటగా నేనుందునని / అండ లేని వేళలో – కొండగా నిలుతునని (2) / అభయమునిచ్చిన నా యేసయ్యా / అండగ నిలిచిన నా యేసయ్యా / యేసయ్యా.. యేసయ్యా.. నా యేసయ్యా.. ||ఒక క్షణమైన||
నను విడువక ఎడబాయక / దాచితివా.. నీ చేతి నీడలో / (యేసయ్యా) నీ చేతి నీడలో (2) / సిలువలో చాపిన రెక్కల నీడలో (2) / సురక్షితముగా నన్ను దాచితివా (2) / కన్నీటి బ్రతుకును నాట్యముగా మార్చి / ఆదరించిన యేసయ్యా (2) ||నను|| / ఉన్నత పిలుపుతో నన్ను పిలచి (2) / నీవున్న చోటున నేనుండుటకై (2) / పిలుపుకు తగిన మార్గము చూపి / నను స్థిరపరచిన యేసయ్యా (2) ||నను||
గాయాములన్ గాయములన్ / నా కొరకై పొందెను క్రీస్తు ప్రభు (2) / నా కొరకై పొందెను క్రీస్తు ప్రభు / సురూపమైన సొగసైనా లేదు / దుఃఖ భరితుడాయెను (2) / వ్యాధిగ్రస్తుడుగా వ్యాకులమొందెన్ / వీక్షించి త్రిప్పిరి ముఖముల్ (2) ||గాయాములన్|| / మా అతిక్రమ క్రియలను బట్టి / మరి నలుగ గొట్టబడెను (2) / తాను పొందిన దెబ్బల ద్వారా / స్వస్థత కలిగె మనకు (2) ||గాయాములన్|| / క్రీస్తు ప్రేమను మరువజాలము / ఎంతో ప్రేమించే మనల (2) / సిలువపై మేము గమనించ మాకు / విలువైన విడుదల కలిగె (2) ||గాయాములన్||
దివినేలు స్తోత్రార్హుడా యేసయ్యా / దిగి రానైయున్న మహరాజువు నీవయ్యా / మొదటివాడవు – కడపటివాడవు / యుగయుగములలో ఉన్నవాడవు (2) / మానక నా యెడల కృప చూపుచున్నావు / మారదు నీ ప్రేమ తరతరములకు (2) / మాట తప్పని మహనీయుడవు – మార్పులేని వాడవు / నీవు చెప్పిన మంచి మాటలు – నెరవేర్చువాడవు / నీ మాటలు జీవపు ఊటలు / నీ కృపలే బలమైన కోటలు (2) ||దివినేలు|| / దాచక నీ సంకల్పము తెలియజేయుచున్నావు / దయనొందిన నీ జనుల ముందు నడుచుచున్నావు (2) / దాటి వెళ్లని కరుణామూర్తివై – మనవి ఆలకించావు / దీర్ఘ శాంతముగలవాడవై – దీవించువాడవు / నీ దీవెన పరిమళ సువాసన / నీ ఘనతే స్థిరమైన సంపద (2) ||దివినేలు|| / సీయోను శిఖరముపై నను నిలుపుటకే / జ్యేష్ఠుల సంఘముగా నను మార్చుటకే (2) / దివ్యమైన ప్రత్యక్షతతో – నన్ను నింపియున్నావు / సుందరమైన నీ పోలికగా – రూపు దిద్దుచున్నావు / నీ రాజ్యము పరిశుద్ధ నగరము / ఆ రాజ్యమే నిత్య సంతోషము (2) ||దివినేలు||
నీ కృప నిత్యముండును / నీ కృప నిత్య జీవము / నీ కృప వివరింప నా తరమా యేసయ్యా (2) / నీతిమంతుల గుడారాలలో వినబడుచున్నది / రక్షణ సంగీత సునాదము (2) ||నీ కృప|| / శృతి ఉన్న పాటలకు విలువలు ఉన్నట్లె / కృతజ్ఞతనిచ్చావు కృపలో నిలిపావు (2) / కృంగిన వేళలో నను లేవనెత్తిన చిరునామా నీవేగా (2) ||నీ కృప|| / ప్రతి చరణము వెంట పల్లవి ఉన్నట్లె / ప్రతి క్షణమున నీవు పలుకరించావు (2) / ప్రతికూలమైన పరిస్థితిలన్నియు కనుమరుగైపోయెనే (2) ||నీ కృప|| / అనుభవ అనురాగం కలకాలమున్నట్లె / నీ రాజ్యనియమాలలో నిలువనిచ్చావు (2) / రాజమార్గములో నను నడుపుచున్న రారాజువు నీవేగా (2) ||నీ కృప||
వివాహమన్నది పవిత్రమైనది / ఘనుడైన దేవుడు ఏర్పరచినది (2) / ఎముకలలో ఒక ఎముకగా – దేహములో సగ భాగముగా (2) / నారిగా సహకారిగా- స్త్రీని నిర్మించినాడు దేవుడు (2) ||వివాహమన్నది|| / ఒంటరిగా ఉండరాదని – జంటగా ఉండ మేలని (2) / శిరస్సుగా నిలవాలని – పురుషుని నియమించినాడు దేవుడు (2) ||వివాహమన్నది|| / దేవునికి అతిప్రియులుగా – ఫలములతో వృద్ధి పొందగా (2) / వేరుగా నున్న వారిని – ఒకటిగ ఇల చేసినాడు దేవుడు (2) ||వివాహమన్నది||
నీవే నా సంతోషగానము / రక్షణశృంగము మహాశైలము (2) / బలశూరుడా యేసయ్యా నా తోడై / ఉన్నత స్ధలములపై నడిపించుచున్నావు (2) ||నీవే నా|| / ఓ లార్డ్! యు బి ద సేవియర్ / షో మి సం మెర్సీ / బ్లెస్స్ మి విత్ యువర్ గ్రేస్ / సేవియర్! ఫిల్ మి విత్ యువర్ లవ్ / ఐ విల్ సరెండర్ / యు ఆర్ మై కింగ్ గ్లోరి టు ద జీసస్ / త్యాగము ఎరుగని స్నేహమందు / క్షేమము కరువై యుండగా / నిజ స్నేహితుడా ప్రాణము పెట్టి / నీ ప్రేమతో నన్నాకర్షించినావు (2) / నిరంతరం నిలుచును నాపై నీ కనికరం / శోధనలైనా బాధలైననూ ఎదురింతు నీ ప్రేమతో (2) ||నీవే నా|| / వేదన కలిగిన దేశమందు / వేకువ వెలుగై నిలిచినావు / విడువక తోడై అభివృద్ధిపరచి / ఐగుప్తులో సింహాసనమిచ్చినావు (2) / మారదు ఎన్నడూ నీవిచ్చిన దర్శనం / అనుదినం అనుక్షణం నీతో నా జీవితం (2) ||నీవే నా|| / నిర్జీవమైన ఈ లోయయందు / జీవాధిపతివై వెలసినావు / హీనశరీరం మహిమ శరీరముగ / నీ వాక్కుతో మహాసైన్యముగ మార్చినావు (2) / హల్లేలూయా హల్లేలూయా నీవే రారాజువు / హోసన్నా హోసన్నా నీవే మహరాజువు (2) ||నీవే నా||
ఏ రీతి నీ ఋణం తీర్చుకొందు యేసయ్యా (2) / ఏ దిక్కు లేని నన్ను ప్రేమించినావయ్యా / ఎంతో కృపను చూపి దీవించినావయ్యా ||ఏ రీతి|| / పాపాల సంద్రమందున పయనించు వేళలో (2) / పాశాన మనసు మార్చి పరిశుద్ధుని చేసావయ్యా ||ఏ రీతి|| / నా పాప శిక్ష సిలువపై భరియించినావయ్యా (2) / నా దోషములను గ్రహియించి క్షమియించినావయ్యా ||ఏ రీతి||
అవధులే లేనిది దివ్యమైన నీ కృప / అనంతమైనది ఆశ్చర్యమైనది (2) / యేసయ్యా నాపై నీవు చూపిన కృప / అమూల్యమైనది వర్ణించలేనిది (2) ||అవధులే|| / ఊహించలేని హృదయానందమును / దుఃఖమునకు ప్రతిగా దయచేసినావు (2) / భారమెక్కువైనా తీరం కడుదూరమైనా / నీపై ఆనుకొందును / నేను గమ్యం చేరుకొందును (2) ||అవధులే|| / సరిపోల్చలేని మధురమైన అనుభవం / వింతైన నీ ప్రేమలో అనుభవింపజేశావు (2) / సౌందర్యమైన అతిపరిశుద్ధమైన / నీ రూపము తలచుకొందును / నేను నీ కోసమే వేచియుందును (2) ||అవధులే|| / లెక్కించలేని అగ్ని శోధనలో / ప్రయాసమునకు తగిన ఫలములిచ్చినావు (2) / వాడబారని కిరీటము నే పొందుటకు / వెనుకున్నవి మరచి / నేను లక్ష్యము వైపు సాగెద (2) ||అవధులే||
సంగీత నాదముతో స్తోత్ర సంకీర్తనతో / నీ ప్రేమ గీతం పాడెద / నీ గోప్ప కార్యం చాటెద / నా జీవితం మార్చిన యేసయ్యా / ఈ నీ రుణం తీర్చుట ఎటులయ్యా ||సంగీత|| / నా కఠిన హృదయమున కారుణ్యమును నింపి / కలువలు పూయించిన కృపలను కొనియాడెద (2) / పాపములు క్షమియించి నను మార్చిన / దోషములు భరియించి దరిచేర్చిన ||నీ ప్రేమ|| / నా కష్ట సమయమున నా చెంతనే నిలచి / విడువక నడిపించిన విధమును వివరించెద (2) / క్షేమమును కలిగించి నను లేపిన / దీవెనలు కురిపించి కృపచూపిన ||నీ ప్రేమ|| / నా దుఃఖ దినములలో ఓదార్పు కలిగించి / కన్నీటిని తుడిచిన క్రమమును ప్రకటించెద (2) / వాక్యముతో దర్శించి బలపరిచిన / సత్యముతో సంధించి స్థిరపరిచిన ||నీ ప్రేమ||
ఉల్లాస జీవితం అది ఊహకు అందనిది / ఉత్సాహమైనది అది నీతో నడచుటయే / కనుపాపే నీవయ్యా – కన్నీళ్లను భరియించి / కష్టాలలో కదిలొచ్చావా – నా కోసం యేసయ్యా (2) / నీవు నా కోసం దిగి వచ్చావా – నన్నూ ప్రేమించి / నా శిక్షను భరియించావా – నన్నూ బ్రతికించి / కరుణే లేని కఠినుల మధ్య నన్నూ / కరుణించేవానిగా చేసావయ్యా యేసయ్యా / కాపరి లేని జీవిత పయణంలోనా / నా కాపరి నీవై కాపాడావా యేసయ్యా / నా కోసం బలి అయ్యావా – నీవు నన్నూ ప్రేమించి / నా మార్గం స్థిరపరిచావా – నా కోసం దిగి వచ్చి / నీవు నా కోసం దిగి వచ్చావా – నన్నూ ప్రేమించి / నా శిక్షను భరియించావా – నన్నూ బ్రతికించి / నలిగిన నా జీవిత పయణంలోనా / నీ నవ్వును పుట్టించావా యేసయ్యా / నూతనమైన జీవిత మార్గంలోనా / నా పాదం నీతో నడిపించావా యేసయ్యా / నా కోసం ఏర్పరిచావా – పరలోకపు నివాసము / నా కోసం తిరిగొస్తావా – నీ కోసం వేచుంటా / నీవు నా కోసం తిరిగొస్తావా – నన్నూ ప్రేమించి / నా జీవిత పయనం – నీతోనే యేసయ్యా (2)