233 grace songs available. Lyrics in Roman and Telugu script.
దేవర నీ దీవెనలు / ధారాళముగను వీరలపై / బాగుగ వేగమే దిగనిమ్ము / పావన యేసుని ద్వారగను (2) / దంపతులు దండిగ నీ / ధాత్రిలో వెలయుచు సంపదలన్ / సొంపుగ నింపుగ పెంపగుచు / సహింపున వీరు సుఖించుటకై ||దేవర నీ|| / ఈ కవను నీ కరుణన్ / ఆకరు వరకును లోకములో / శోకము లేకయే ఏకముగా / బ్రాకటముగను జేకొనుము ||దేవర నీ|| / ఇప్పగిది నెప్పుడును / గొప్పగు ప్రేమతో నొప్పుచు దా / మొప్పిన చొప్పున దప్పకను / మెప్పుగ బ్రతుకగ బంపు కృపన్ ||దేవర నీ|| / తాపములు పాపములు / మోపుగ వీరిపై రాకుండగా / గాపుగ బ్రాపుగ దాపునుండి / యాపదలన్నియు బాపుచును ||దేవర నీ|| / సాధులుగన్ జేయుటకై / శోధనలచే నీవు శోధింపగా / కదలక వదలక ముదమున నీ / పాదము దాపున బాదుకొనన్ ||దేవర నీ|| / మెండుగ భూమండలపు / గండములలో వీరుండగను / తండ్రిగ దండిగ నండనుండి / వెండియు వానిని ఖండించావే ||దేవర నీ|| / యిద్దరు వీరిద్దరును / శుద్ధులై నిన్ను సేవించుటకై / శ్రద్ధతో బుద్ధిగ సిధ్ధపడన్ / దిద్దుము నీ ప్రియ బిడ్డలుగాన్ ||దేవర నీ|| / వాసిగ నీ దాసులము / చేసిన ఈ మొఱ్ఱల్ దీసికొని / మా సకలేశ్వర నీ సుతుడ / యేసుని పేరిట బ్రోవుమామేన్ ||దేవర నీ||
బంగారం అడుగలేదు వజ్రాల్ని అడుగలేదు / హృదయాన్ని అడిగాడయ్యా / ఆస్తులను అడుగలేదు అంతస్తులు అడుగలేదు / హృదయాన్ని అడిగాడయ్యా (2) / మనుషులను చేసాడయ్యా / ఈ లోకాన్ని ఇచ్చాడయ్యా (2) / నా యేసయ్యా.. నా యేసయ్యా… / నా యేసయ్యా.. నా యేసయ్యా… ||బంగారం|| / పాపాన్ని తొలగించి శాపాన్ని విరిచేయ / భూలోకం వచ్చాడయ్యా / మానవుని రక్షించి పరలోకమున చేర్చ / సిలువను మోసాడయ్యా (2) / కన్నీటిని తుడిచాడయ్యా / సంతోషం పంచాడయ్యా (2) ||నా యేసయ్యా|| / రక్షణను అందించి రక్తాన్ని చిందించి / మోక్షాన్ని ఇచ్చాడయ్యా / ధనవంతులనుగా మనలను చేయ / దారిద్ర్యమొందాడయ్యా (2) / కన్నీటిని తుడిచాడయ్యా / సంతోషం పంచాడయ్యా (2) ||నా యేసయ్యా||
ఓరన్న… ఓరన్న / యేసుకు సాటి వేరే లేరన్న… లేరన్న / యేసే ఆ దైవం చూడన్నా… చూడన్నా / యేసే ఆ దైవం చూడన్నా ||ఓరన్న|| / చరిత్రలోనికి వచ్చాడన్నా – వచ్చాడన్నా / పవిత్ర జీవం తెచ్చాడన్నా – తెచ్చాడన్నా (2) / అద్వితీయుడు ఆదిదేవుడు / ఆదరించును ఆదుకొనును (2) ||ఓరన్న|| / పరమును విడచి వచ్చాడన్నా – వచ్చాడన్నా / నరులలో నరుడై పుట్టాడన్నా – పుట్టాడన్నా (2) / పరిశుద్దుడు పావనుడు / ప్రేమించెను ప్రాణమిచ్చెను (2) ||ఓరన్న|| / సిలువలో ప్రాణం పెట్టాడన్నా – పెట్టాడన్నా / మరణం గెలిచి లేచాడన్న – లేచాడన్న (2) / మహిమ ప్రభూ మృత్యుంజయుడు / క్షమియించును జయమిచ్చును (2) ||ఓరన్న||
క్రొత్త యేడు మొదలు బెట్టెను మన బ్రతుకు నందు / క్రొత్త యేడు మొదలు బెట్టెను / క్రొత్త మనసు తోడ మీరు క్రొత్త యేట ప్రభుని సేవ / తత్తర పడకుండ జేయు టుత్తమొత్తమంబు జూడ ||క్రొత్త|| / పొందియున్న మేలులన్నియు బొంకంబు మీర / డెందమందు స్మరణ జేయుడి / ఇందు మీరు మొదలుపెట్టు పందెమందు గెల్వ వలయు / అందముగను రవిని బోలి అలయకుండా మెలయకుండా ||క్రొత్త|| / బలము లేని వారమయ్యీను బలమొందవచ్చు / కలిమి మీర గర్త వాక్కున / అలయకుండా అడుగుచుండ నలగకుండా మోదమొంది / బలమొసంగు సర్వ విధుల నెలమి మీర నొచ్చుచుండ ||క్రొత్త|| / పాప పంకమంటినప్పుడు ప్రభు క్రీస్తు యేసు / ప్రాపు జేరి మీరు వేడగా / సేపు మీర తనదు కరుణ పాపమంతా కడిగివేసి / పాప రోగ చిహ్నలన్ని బాపి వేసి శుద్ది చేయు ||క్రొత్త||
సిలువలో సాగింది యాత్ర / కరుణామయుని దయగల పాత్ర (2) / ఇది ఎవరి కోసమో / ఈ జగతి కోసమే / ఈ జనుల కోసమే ||సిలువలో|| / పాలు కారు దేహము పైన / పాపాత్ముల కొరడాలెన్నో (2) / నాట్యమాడినాయి నడి వీధిలో నిలిపాయి (2) / నోరు తెరువ లేదాయే ప్రేమ / బదులు పలుక లేదాయే ప్రేమ (2) ||ఇది ఎవరి|| / వెనుక నుండి తన్నింది ఒకరు / తన ముందు నిలిచి నవ్వింది మరి ఒకరు (2) / గేలి చేసినారు పరిహాసమాడినారు (2) / నోరు తెరువ లేదాయే ప్రేమ / బదులు పలుక లేదాయే ప్రేమ (2) ||ఇది ఎవరి||
సిలువ చెంత చేరిననాడు / కలుషములను కడిగివేయున్ / పౌలువలెను సీలవలెను / సిద్ధపడిన భక్తులజూచి / కొండలాంటి బండలాంటి / మొండి హృదయంబు మండించు / పండియున్న పాపులనైన / పిలచుచుండే పరము చేర ||సిలువ|| / వంద గొర్రెల మందలోనుండి / ఒకటి తప్పి ఒంటరియాయే / తొంబది తొమ్మిది గొర్రెల విడిచి / ఒంటరియైన గొర్రెను వెదకెన్ ||సిలువ|| / తప్పిపోయిన కుమారుండు / తండ్రిని విడచి తరలిపోయే / తప్పు తెలిసి తిరిగిరాగా / తండ్రియతని జేర్చుకొనియే ||సిలువ|| / పాపి రావా పాపము విడచి / పరిశుద్ధుల విందుల జేర / పాపుల గతిని పరికించితివా / పాతాళంబే వారి యంతము ||సిలువ||
సర్వకృపానిధియగు ప్రభువా / సకల చరాచర సంతోషమా (2) / స్తోత్రము చేసి స్తుతించెదను / సంతసముగ నిను పొగడెదను (2) / హల్లెలూయా హల్లెలూయా… హల్లెలూయా హల్లెలూయా / హల్లెలూయా యని పాడెదను ఆనందముతో సాగెదను / నేను… ఆనందముతో సాగెదను / ప్రేమించి నన్ను వెదకితివి / ప్రీతితో నను రక్షించితివి (2) / పరిశుద్ధముగా జీవించుటకై / పాపిని నను కరుణించితివి (2) ||హల్లెలూయా|| / అల్పకాల శ్రమలనుభవింప / అనుదినము కృపనిచ్చితివి (2) / నాథుని అడుగుజాడలలో / నడుచుటకు నను పిలిచితివి (2) ||హల్లెలూయా|| / మరణ శరీరము మర్పునొంది / మహిమ శరీరము పొందుటకై (2) / మహిమాత్మతో నను నింపితివి / మరణ భయములను తీర్చితివి (2) ||హల్లెలూయా|| / భువినుండి శ్రేష్ట ఫలముగను / దేవునికి నిత్య స్వాస్థ్యముగా (2) / భూజనములలోనుండి నన్ను / ప్రేమించి క్రయ ధనమిచ్చితివి (2) ||హల్లెలూయా|| / ఎవరూ పాడని గీతములు / యేసుతో నేను పాడుటకై (2) / హేతువు లేకయే ప్రేమించెన్ / యేసుకు నేనేమివ్వగలన్ (2) ||హల్లెలూయా||
సదాకాలము నీతో నేను జీవించెదను యేసయ్య / యేసయ్యా యేసయ్యా యేసయ్యా యేసయ్యా (2) ||సదాకాలము|| / పాపాల ఊభిలో పడియున్న నన్ను / నీ ప్రేమతో నన్ను లేపావయ్యా (2) / ఏ తోడులేని నాకు నా తోడుగా / నా అండగా నీవు నిలిచావయ్యా (2) ||యేసయ్యా|| / నీ వాత్సల్యమును నాపై చూపించి / నీ సాక్షిగా నన్ను నిలిపావయ్యా (2) / ఆశ్చర్యకార్యములు ఎన్నో చేసి / నీ పాత్రగా నన్ను మలిచావయ్యా (2) ||యేసయ్యా||
ప్రేమ యేసుని ప్రేమ అది ఎవ్వరు కొలువలేనిది / నిజము దీనిని నమ్ము ఇది భువి అందించలేనిది / ఎన్నడెన్నడు మారనిది నా యేసుని దివ్య ప్రేమ / ఎన్నడెన్నడు వీడనిది నా యేసుని నిత్య ప్రేమ ||ప్రేమ|| / తల్లిదండ్రుల ప్రేమ నీడ వలె గతియించును / కన్నబిడ్డల ప్రేమ కలలా కరిగిపోవును ||ఎన్నడెన్నడు|| / భార్యా భర్తల మధ్య వికసించిన ప్రేమ పుష్పము / వాడిపోయి రాలును త్వరలో మోడులా మిగిలిపోవును ||ఎన్నడెన్నడు|| / బంధుమిత్రులయందు వెలుగుచున్న ప్రేమ దీపము / నూనె ఉన్నంత కాలమే వెలుగునిచ్చి ఆరిపోవును ||ఎన్నడెన్నడు|| / ధరలోన ప్రేమలన్నియు స్థిరము కావు తరిగిపోవును / క్రీస్తు యేసు కల్వరి ప్రేమా కడవరకు ఆదరించును ||ఎన్నడెన్నడు||
పొందితిని నేను ప్రభువా నీ నుండి / ప్రతి శ్రేష్ట ఈవులన్ ఈ భువియందు (2) / జీవిత యాత్రలో సాగి వచ్చితిని (2) / ఇంత వరకు నాకు తోడై యుండి (2) / ఎబినేజరువై యున్న ఓ యేసు ప్రభువా (2) / నా రక్షణ కర్తవు నీవైతివి (2) ||పొందితిని|| / గాలి తుఫానులలోనుండి వచ్చితిని (2) / అంధకార శక్తుల ప్రభావమునుండి (2) / నీ రెక్కల చాటున నను దాచితివయ్యా (2) / నీవే ఆశ్రయ దుర్గంబైతివి (2) ||పొందితిని|| / కష్ట దుఖంబులు నాకు కలుగగా (2) / నను చేరదీసి ఓదార్చితివే (2) / భయ భీతి నిరాశల యందున ప్రభువా (2) / బహుగా ధైర్యంబు నాకొసగితివి (2) ||పొందితిని|| / నా దేహమందున ముళ్ళు నుంచితివి (2) / సాతానుని దూతగా నలుగ గొట్టన్ (2) / వ్యాధి బాధలు బలహీనతలందు (2) / నీ కృపను నాకు దయచేసితివి (2) ||పొందితిని|| / నీ ప్రేమ చేత ధన్యుడనైతిని (2) / కృతజ్ఞతా స్తుతులు చెల్లించెదను (2) / కష్ట పరీక్షలయందు నా ప్రభువా (2) / జయజీవితము నాకు నేర్పించితివి (2) ||పొందితిని||
నీవు చేసిన ఉపకారములకు / నేనేమి చెల్లింతును (2) / ఏడాది దూడెలనా… వేలాది పోట్టేల్లనా (2) ||నీవు చేసిన|| / వేలాది నదులంత విస్తార తైలము / నీకిచ్చినా చాలునా (2) / గర్భ ఫలమైన నా జేష్ట్య పుత్రుని / నీకిచ్చినా చాలునా (2) ||ఏడాది|| / మరణపాత్రుడనైయున్న నాకై / మరణించితివ సిలువలో (2) / కరుణ చూపి నీ జీవ మార్గాన / నడిపించుమో యేసయ్యా (2) ||ఏడాది|| / విరిగి నలిగిన బలి యాగముగను / నా హృదయ మర్పింతును (2) / రక్షణ పాత్రను చేబూని నిత్యము / నిను వెంబడించెదను (2) ||ఏడాది|| / ఈ గొప్ప రక్షణ నాకిచ్చినందుకు / నీకేమి చెల్లింతును (2) / కపట నటనాలు లేనట్టి హృదయాన్ని / అర్పించినా చాలునా (2) ||ఏడాది||
మహోన్నతుడా / నీ కృపలో నేను నివసించుట / నా జీవిత ధన్యతై యున్నది / మహోన్నతుడా / నీ కృపలో నేను నివసించుట (2) ||మహోన్నతుడా|| / మోడుబారిన జీవితాలను / చిగురింప జేయగలవు నీవు (2) / మారా అనుభవం మధురముగా / మార్చగలవు నీవు (2) ||మహోన్నతుడా|| / ఆకు వాడక ఆత్మ ఫలములు / ఆనందముతో ఫలియించినా (2) / జీవ జలముల ఊట అయిన / నీ ఓరన నను నాటితివా (2) ||మహోన్నతుడా|| / వాడబారని స్వాస్థ్యము నాకై / పరమందు దాచి యుంచితివా (2) / వాగ్ధాన ఫలము అనుభవింప / నీ కృపలో నన్ను పిలచితివా (2) ||మహోన్నతుడా||