233 grace songs available. Lyrics in Roman and Telugu script.
కల్వరిగిరిలోన సిల్వలో శ్రీయేసు / పలు బాధలొందెను – ఘోరబాధలు పొందెను (2) / నీ కోసమే అది నా కోసమే (2) / ప్రతివానికి రూపు నిచ్చె / అతనికి రూపు లేదు (2) / పదివేలలో అతిప్రియుడు / పరిహాసములనొందినాడు (2) ||నీ కోసమే|| / వధ చేయబడు గొర్రెవలె / బదులేమీ పలుకలేదు (2) / దూషించు వారిని చూచి / దీవించి క్షమియించె చూడు (2) ||నీ కోసమే|| / సాతాను మరణమున్ గెల్చి / పాతాళ మందు గూల్చి (2) / సజీవుడై లేచినాడు / స్వర్గాన నిను చేర్చినాడు (2) ||నీ కోసమే||
చాలునయ్యా చాలునయ్యా / నీ కృప నాకు చాలునయ్యా (2) / ప్రేమామయుడివై ప్రేమించావు / కరుణామయుడివై కరుణించావు (2) / తల్లిగ లాలించి తండ్రిగ ప్రేమించే (2) / ప్రేమా కరుణా నీ కృప చాలు (2) ||చాలునయ్యా|| / జిగటగల ఊభిలో పడియుండగా / నా అడుగులు స్థిరపరచి నిలిపితివయ్యా (2) / హిస్సోపుతో నన్ను కడుగుము యేసయ్యా / హిమము కంటెను తెల్లగ మార్చయ్యా / నీకేమి చెల్లింతు నా మంచి మేస్సీయా / నా జీవితమంతా అర్పింతు నీకయ్యా / ప్రేమా కరుణా నీ కృప చాలు (2) ||చాలునయ్యా|| / బంధువులు స్నేహితులు త్రోసేసినా / తల్లిదండ్రులే నన్ను వెలివేసినా (2) / నన్ను నీవు విడువనే లేదయ్యా / మిన్నగ ప్రేమించి రక్షించినావయ్యా / నీకేమి చెల్లింతు నా మంచి మెస్సీయ / నీ సాక్షిగా నేను ఇలా జీవింతునయ్యా / ప్రేమా కరుణా నీ కృప చాలు (2) ||చాలునయ్యా||
భాసిల్లెను సిలువలో పాపక్షమా / యేసు ప్రభూ నీ దివ్య క్షమా ||భాసిల్లెను|| / కలువరిలో నా పాపము పొంచి / సిలువకు నిన్ను యాహుతి చేసి / కలుషహరా కరుణించితివి (2) ||భాసిల్లెను|| / దోషము చేసినది నేనెకదా / మోసముతో బ్రతికిన నేనెకదా / మోసితివా నా శాపభారం (2) ||భాసిల్లెను|| / పాపము చేసి గడించితి మరణం / శాపమెగా నేనార్జించినది / కాపరివై నను బ్రోచితివి (2) ||భాసిల్లెను|| / నీ మరణపు వేదన వృధా గాదు / నా మది నీ వేదనలో మునిగెను / క్షేమము కలిగెను హృదయములో (2) ||భాసిల్లెను|| / ఎందులకో నాపై ఈ ప్రేమ / అందదయ్యా స్వామీ నా మదికి / అందులకే భయమొందితిని (2) ||భాసిల్లెను|| / నమ్మిన వారిని కాదన వనియు / నెమ్మది నొసగెడి నా ప్రభుడవని / నమ్మితి నీ పాదంబులను (2) ||భాసిల్లెను||
కన్నీరే మనిషిని బాధిస్తుంది / ఆ కన్నీరే మనసును ఓదారుస్తుంది (2) / కన్నీరే కాదనుకుంటే / ఓదార్పే కరువైపోతుంది (2) ||కన్నీరే|| / కన్నీరే మరియను బాధించింది / ఆ కన్నీరే మరణము గెలిపించింది (2) / కన్నీరే కాదనుకుంటే / లాజరు తిరిగి బ్రతికేనా (2) / కన్నీరే వలదనుకుంటే / దేవుని మహిమ కనిపించేనా (2) ||కన్నీరే|| / కన్నీరే హన్నాను బాధించింది / ఆ కన్నీరే కుమారుని దయచేసింది (2) / కన్నీరే కాదనుకుంటే / సమూయేలు జన్మించేనా (2) / కన్నీరే వలదనుకుంటే / దేవుని కృపను గాంచేనా (2) ||కన్నీరే||
నీ కృప నాకు చాలును / నీ కృప లేనిదే నే బ్రతుకలేను (2) / నీ కృప లేనిదే నే బ్రతుకలేను / జల రాసులన్ని ఏక రాసిగా / నిలిచిపోయెనే నీ జనుల ఎదుట (2) / అవి భూకంపాలే అయినా / పెను తుఫానులే అయినా (2) / నీ కృపయే శాశించునా / అవి అణగిపోవునా (2) ||నీ కృప|| / జగదుద్పత్తికి ముందుగానే / ఏర్పరచుకొని నన్ను పిలచితివా (2) / నీ పిలుపే స్థిరపరచెనే / నీ కృపయే బలపరచెనే (2) / నీ కృపయే ఈ పరిచర్యను / నాకు అనుగ్రహించెను (2) ||నీ కృప||
నా నీతి నీవే నా ఖ్యాతి నీవే / నా దైవమా యేసయ్యా / నా క్రియలు కాదు నీ కృపయే దేవా / నా ప్రాణమా యేసయ్యా / నదులంత తైలం విస్తార బలులు / నీకిచ్చినా చాలవయ్యా / నీ జీవితాన్నే నాకిచ్చినావు / నీకే నా జీవమయ్యా / హల్లెలూయ ఆమెన్ హల్లెలూయ (4) ||నా నీతి|| / నా దీన స్థితిని గమనించి నీవు / దాసునిగ వచ్చావుగా / నా దోష శిక్ష భరియించి నీవు / నను నీలో దాచావుగా / ఏమంత ప్రేమ నా మీద నీకు / నీ ప్రాణమిచ్చావుగా / నీ రక్తమిచ్చి కొన్నావు నన్ను / యజమానుడవు నీవేగా ||హల్లెలూయ|| / నా ప్రియులే నన్ను వెలివేసినప్పుడు / నీవు చేరదీసావుగా / నా ప్రక్క నిలిచి నను ధైర్యపరచి / కన్నీరు తుడిచావుగా / నేనున్న నీకు భయమేలనంటూ / ఓదార్పునిచ్చావుగా / చాలయ్య దేవ నీ కృపయే నాకు / బ్రతుకంతయు పండుగా ||హల్లెలూయ|| / ఆ ఊభిలోనా నే చిక్కినప్పుడు / నీవు నన్ను చూసావుగా / నీ చేయి చాపి నను పైకి లేపి / నీ వాక్కునిచ్చావుగా / నా సంకటములు నా ఋణపు గిరులు / అన్నిటిని తీర్చావుగా / నీలోన నాకు నవ జీవమిచ్చి / నీ సాక్షిగా నిలిపావుగా ||హల్లెలూయ||
కళ్యాణం కమనీయం / ఈ సమయం అతి మధురం (2) / దేవా రావయ్యా నీ దీవెనలీవయ్యా (2) ||కళ్యాణం|| / ఏదెను వనమున యెహోవ దేవా / మొదటి వివాహము చేసితివే (2) / ఈ శుభ దినమున / నవ దంపతులను (2) / నీ దీవెనలతో నింపుమయ్యా ||దేవా రావయ్యా|| / కానా విందులో ఆక్కరనెరిగి / నీళ్ళను రసముగ మార్చితివే (2) / కష్టములలో నీవే / అండగా నుండి (2) / కొరతలు తీర్చి నడుపుమయ్యా ||దేవా రావయ్యా|| / బుద్ధియు జ్ఞానము సంపదలన్నియు / గుప్తమైయున్నవి నీయందే (2) / ఇహ పర సుఖములు / మెండుగ నొసగి (2) / ఇల వర్ధిల్లగ చేయుమయ్యా ||దేవా రావయ్యా||
ఓ మానవా.. నిజమేదో ఎరుగవా / ఓ మానవా.. ఇకనైనా మారవా / మన పాపములను క్షమియించుటకే / సిలువ మరణము పొందెనని (2) / గ్రహియించి నేడు – ఆ యేసు ప్రభుని వేడు (2) / ఈ దినమే అనుకూలం… / లేదిక వేరే ఏ సమయం (2) / నిజమేదో తెలియకనే / చనిపోతే నీ గతి ఏమి? (2) ||ఓ మానవా|| / సిలువను గూర్చిన శుభ వార్త / వెర్రితనముగా ఉన్నదా? / దేవుని శక్తని తెలుసుకొని / ప్రభు మార్గమును చేరెదవా (2) ||ఈ దినమే|| / ప్రయాసముతో భారము మోసే / నిన్నే దేవుడు పిలిచెనుగా / ప్రయత్నము వీడి విశ్రాంతిని పొంద / వేగిరమే పరుగిడి రావా (2) ||ఈ దినమే|| / నీ ధనము నీ ఘనము / నీ సర్వస్వము చితి వరకే / అర్పించుము నీ హృదయమును / (నిజ) రక్షకుడైన ప్రభు కొరకే (2) ||ఈ దినమే||
మూడు దశాబ్దాల వైవాహిక జీవితాన్ని / దీవించిన దేవా నీకు వందనం (2) / వందనం వందనం… / వందనం నీకే మా వందనం (2) దేవా ||మూడు దశాబ్దాల|| / పాపులమైన మమ్మును / వెదకి రక్షించినందుకు / ఏమియు లేని మాకు / అన్నిటిని నొసగినందుకు (2) ||వందనం|| / బలవంతులుగా చేసి / మూడు బాణాలను ఇచ్చినందుకు / మా భోజనపు బల్ల చుట్టు / ఒలీవ మొక్కల వలె పెంచినందుకు (2) ||వందనం|| / మా కష్టాలలో, దుఃఖాలలో / మమ్ము కాచిన దేవా / మా వ్యాధులను, బాధలను / తీర్చిన దేవా (2) ||వందనం||
ఆహా యేమానందం ఆహా యేమానందము / చెప్ప శక్యమా (2) / ఆహా మా రాజగు యేసు మా వృజినముల / మన్నించి వేసెను (2) ||ఆహా|| / ముదముతో నాడుచు కూడుచు పాడుచు / ఆర్భాటించెదము (2) / వెదకుచు వచ్చిన యేసును హృదయాన / కోరి స్తుతింతుము (2) ||ఆహా|| / అక్షయుడగు ప్రేమతో రక్షణ బాకాను / గ్రహించినందున (2) / రక్షకుడు యేసును గూర్చి మా సాక్ష్యము / నిశ్చయముగా నిత్తుము (2) ||ఆహా|| / తెల్లంగి వాద్యము స్వర్ణ కిరీటము / మేడపై జయ జెండాల్ (2) / ఉల్లాసించి మంటి నుండి మింట కేగిన / రాజున్ స్తుతింతుము (2) ||ఆహా||
నిన్ను కాపాడు దేవుడు / కునుకడు నిదురపోడు – నిదురపోడు / వాగ్ధానమిచ్చి మాట తప్పడు / నమ్మదగినవాడు – నమ్మదగినవాడు / భయమేల నీకు – దిగులేల నీకు (2) / ఆదరించు యేసు దేవుడు ఉండగా ||నిన్ను కాపాడు|| / శత్రు బలము నిన్ను చుట్టుముట్టినా / శోధనలలో – నిన్ను నెట్టినా (2) / కోడి తన పిల్లలను కాచునంతగా / కాపాడు దేవుడు నీకు ఉండగా (2) / భయమేల నీకు – దిగులేల నీకు (2) / కాపాడు గొప్ప దేవుడు ఉండగా ||నిన్ను కాపాడు|| / రోగ భారమందు లేవకున్ననూ / వ్యాధులు నిన్ను కృంగదీసినా (2) / చనిపోయిన లాజరును తిరిగి లేపిన / స్వస్థపరచు దేవుడు నీకు ఉండగా (2) / భయమేల నీకు – దిగులేల నీకు (2) / స్వస్థపరచు సత్య దేవుడు ఉండగా ||నిన్ను కాపాడు||
వాడబారని విశ్వాసం – ఎప్పుడూ.. కోపగించని వాత్సల్యం / పాపమెంచని ఆంతర్యం – నీతో.. వీడదీయని సాంగత్యం / దయచేయుమా నాకు నా యేసయ్యా / సరిచేయుమా నన్ను నా యేసయ్యా / వాడుకో నా యేసయ్యా / అని వేడుకుంటున్నానయ్యా (2) / రాజా రాజా రాజుల రాజా / రాజా రారాజా నా యేసు రాజా (2) / ఏలియా ప్రవక్త / యోర్దాను నదీ సమీపమున / ఆహారమే లేకయుండగా / ఆ మహా కరువు కాలమున (2) / కాకోలముచే ఆహారమును పంపిన దేవా (2) / కాకోలాన్నే వాడిన దేవా / కడుహీనుడనైన నన్నును కూడా ||వాడుకో|| / బెయేరు కుమారుడు బిలాము / దైవాజ్ఞను మీరగా / మోయాబుకు పయనమైన వేళ / తన నేత్రాలు మూయబడగా (2) / గాడిదకు మాట్లాడుటకు పలుకిచ్చిన దేవా (2) / గాడిదనే వాడిన దేవా / గతిలేనివాడను నన్నును కూడా ||వాడుకో||