233 grace songs available. Lyrics in Roman and Telugu script.
విడువను నిను ఎడబాయనని నా / కభయ మొసంగిన దేవా / నా కభయ మొసంగిన దేవా / నేరములెన్నో చేసి చేసి – దారి తప్పి తిరిగితినయ్యా (2) / నేరము బాపుము దేవా – నీ దారిని నడుపుము దేవా ||విడువను|| / పందులు మేపుచు ఆకలి బాధలో – పొట్టును కోరిన నీచుడనయ్యా (2) / నీ దరి చేరితినయ్యా నా తండ్రివి నీవెగదయ్యా ||విడువను|| / మహిమ వస్త్రము సమాధానపు జోడును నాకు తొడిగితివయ్యా (2) / గొప్పగు విందులో చేర్చి నీ కొమరునిగా చేసితివి ||విడువను|| / సుందరమైన విందులలో పరిశుద్దులతో కలిపితివయ్యా (2) / నిండుగా నా హృదయముతో దేవ వందనమర్పించెదను ||విడువను||
చూచుచున్న దేవుడవయ్యా నన్ను చూచినావు (2) / నీ పేరు మిటో ఎరుగనయ్యా (2) / నా పేరుతో నన్ను పిలిచావయ్యా (2) ||చూచుచున్న|| / శారాయి మాటలే విన్నాను / అబ్రహాము భార్యనై య్యాను (2) / ఈ అరణ్య దారిలో ఒంటరినై (2) / దిక్కులేక తిరుగుతున్న హాగరును / నేను హాగరును ||చూచుచున్న|| / ఇష్మాయేలుకు తల్లినైతిని / అయినవారితో త్రోసివేయబడితిని (2) / కన్నకొడుకు మరణము చూడలేక (2) / తల్లడిల్లిపోతున్న తల్లిని నేను / అనాథ తల్లిని నేను ||చూచుచున్న|| / పసివాడి మొరను ఆలకించావు / జీవజలములనిచ్చి బ్రతికించావు (2) / నీ సంతతిని దీవింతునని (2) / వాగ్దానమిచ్చిన దేవుడవు / గొప్ప దేవుడవు ||చూచుచున్న||
శాశ్వతమైనది నీవు నాయెడ చూపిన కృప / అనుక్షణం నను కనుపాపవలె (2) / కాచిన కృప ||శాశ్వతమైనది|| / నీకు బహుదూరమైన నన్ను చేరదీసిన నా తండ్రివి (2) / నిత్య సుఖశాంతియే నాకు నీదు కౌగిలిలో (2) ||శాశ్వత|| / తల్లి తన బిడ్డలను మరచినా నేను మరువలేనంటివే (2) / నీదు ముఖకాంతియే నన్ను ఆదరించెనులే (2) ||శాశ్వత|| / పర్వతములు తొలగినను మెట్టలు తత్తరిల్లిన (2) / నా కృప నిను వీడదని అభయమిచ్చితివే (2) ||శాశ్వత||
శృతిచేసి నే పాడనా స్తోత్ర గీతం / భజియించి నే పొగడనా స్వామీ (2) / శృతిచేసి నే పాడనా స్తోత్ర గీతం / హల్లేలూయా హల్లేలూయా / హల్లెలూయ హల్లెలూయ హల్లేలుయా (2) ||శృతిచేసి|| / దానియేలును సింహపు బోనులో / కాపాడినది నీవెకదా (2) / జలప్రళయములో నోవాహును గాచిన / బలవంతుడవు నీవెకదా (2) / నీవెకదా (3) ||హల్లేలూయా|| / సమరయ స్త్రీని కరుణతో బ్రోచిన / సత్య హితుడవు నీవెకదా (2) / పాపులకొరకై ప్రాణమునిచ్చిన / కరుణామయుడవు నీవెకదా (2) / నీవెకదా (3) ||హల్లేలూయా||
హే ప్రభుయేసు హే ప్రభుయేసు హే ప్రభు దేవసుతా / సిల్వధరా – పాపహరా – శాంతికరా ||హే ప్రభు|| / శాంతి సమాధానాధిపతీ / స్వాంతములో ప్రశాంతనిధీ (2) / శాంతి స్వరూపా జీవనదీపా (2) / శాంతి సువార్తనిధీ ||సిల్వధరా|| / తపములు తరచిన నిన్నెగదా / జపములు గొలిచిన నిన్నెగదా (2) / విఫలులు చేసిన విజ్ఞాపనలకు (2) / సఫలత నీవెగదా ||సిల్వధరా|| / మతములు వెదకిన నిన్నెకదా / వ్రతములుగోరిన నిన్నెగదా (2) / పతితులు దేవుని సుతులని నేర్పిన (2) / హితమతి వీవెగదా ||సిల్వధరా|| / పలుకులలో నీ శాంతికధ / తొలకరి వానగా కురిసెగదా (2) / మలమల మాడిన మానవ హృదయము (2) / కలకలలాడె కదా ||సిల్వధరా|| / కాననతుల్య సమాజములో / హీనత జెందెను మానవత (2) / మానవ మైత్రిని సిల్వ పతాకము (2) / దానము జేసెగదా ||సిల్వ ధరా|| / దేవుని బాసిన లోకములో / చావుయే కాపురముండె గదా (2) / దేవునితో సఖ్యంబును జగతికి (2) / యీవి నిడితివి గదా ||సిల్వ ధరా|| / పాపము చేసిన స్త్రీని గని / పాపుల కోపము మండె గదా (2) / దాపున జేరి పాపిని బ్రోచిన (2) / కాపరి వీవెగదా ||సిల్వ ధరా|| / ఖాళీ సమాధిలో మరణమును / ఖైదిగ జేసిన నీవే గదా (2) / ఖలమయుడగు సాతానుని గర్వము (2) / ఖండనమాయె గదా ||సిల్వ ధరా|| / కలువరిలో నీ శాంతి సుధా / సెలయేరుగ బ్రవహించె గదా (2) / కలుష ఎడారిలో కలువలు పూయుట (2) / సిలువ విజయము గదా ||సిల్వ ధరా||
ఎందుకో దేవా ఇంతటి ప్రేమా / ఎన్నిక లేని నరుని మీద (2) / మమతకు ప్రేమకు అర్హత లేని (2) / మంటిపై ఎందుకు ఇంత ప్రేమ ||ఎందుకో|| / ఎందుకు పనికిరాని నన్ను / ఎన్నుకొంటివి ఎందుకయ్యా (2) / ఎంచితివి నీ పుత్రికగా నన్ / పెంచితివి నీ కృపతో నన్ను ||ఎందుకో|| / సర్వ పాపముల పరిహారి / సర్వ జనులకు ఉపకారి (2) / శాపము నొందిన దోషి మీద / శాశ్వత ప్రేమను చూపితివా ||ఎందుకో|| / నాశ మార్గములో బ్రతికిన నన్ను / నీతి మార్గముకు పిలిచితివా (2) / నిత్యము నీతో యుండుటకు / పాపిని నన్ను పిలచితివా ||ఎందుకో||
నీ ధనము నీ ఘనము ప్రభు యేసుదే / నీ దశమా భాగమునీయ వెనుదీతువా – వెనుదీతువా ||నీ ధనము|| / ధరలోన ధన ధాన్యముల నీయగా / కరుణించి కాపాడి రక్షింపగా (2) / పరలోక నాధుండు నీకీయగా / మరి యేసు కొరకీయ వెనుదీతువా ||నీ ధనము|| / పాడిపంటలు ప్రభువు నీకీయగా / కూడు గుడ్డలు నీకు దయచేయగా (2) / వేడంగ ప్రభు యేసు నామంబును / గడువేల ప్రభుకీయ నో క్రైస్తవా ||నీ ధనము|| / వెలుగు నీడలు గాలి వర్షంబులు / కలిగించె ప్రభు నీకు ఉచితంబుగా (2) / వెలిగించ ధర పైని ప్రభు నామము / కలిమి కొలది ప్రభున కర్పింపవా ||నీ ధనము|| / కలిగించె సకలంబు సమృద్దిగా / తొలగించె పలుభాధ భరితంబులు (2) / బలియాయె నీ పాపముల కేసువే / చెలువంగ ప్రభుకీయ చింతింతువా ||నీ ధనము||
ప్రభువా… కాచితివి ఇంత కాలం / కాచితివి ఇంత కాలం / చావైన బ్రతుకైన నీ కొరకే దేవా (2) / నీ సాక్షిగా నే జీవింతునయ్యా ||ప్రభువా|| / కోరి వలచావు నా బ్రతుకు మలిచావయ్యా / మరణ ఛాయలు అన్నిటిని విరిచావయ్యా (2) / నన్ను వలచావులే – మరి పిలిచావులే (2) / అరచేతులలో నను చెక్కు కున్నావులే (2) ||ప్రభువా|| / నిలువెల్ల ఘోరపు విషమేనయ్యా / ఇలలో మనిషిగ పుట్టిన సర్పాన్నయ్యా (2) / పాపము కడిగావులే – విషము విరచావులే (2) / నను మనిషిగా ఇలలోన నిలిపావులే (2) ||ప్రభువా|| / బాధలను బాపితివి నీవేనయ్యా / నా కన్నీరు తుడిచితివి నీవేనయ్యా (2) / నన్ను దీవించితివి – నన్ను పోషించితివి (2) / నీ కౌగిలిలో నను చేర్చుకున్నావులే (2) ||ప్రభువా||
ప్రభువా నీవే నాదు శరణం / ఆశ్రయించితి నీ చరణములే (2) / అపవాది క్రియలందు బంధీనైతిన్ / కృప చూపి నను విముక్తుని చేయుమా / విపరీతి గతి పొందియుంటిన్ / నీదు ముక్తి ప్రభావింపనిమ్ము ||ప్రభువా|| / మరణ ఛాయలు నాపై బ్రమ్ముకొనెను / కరుణించి నీ దివ్య కాంతి నిమ్ము / చెదరిన నీదు ప్రతి రూపం / నాపై సరి చేసి ముద్రించు దేవా / నీ న్యాయ విధులన్ని భంగ పరచి / గాయపరచితి నేను అపరాధిని / పరితాపమును పొందుచుంటి / నాదు పాపము క్షమియించు దేవా ||ప్రభువా|| / పాప భారము తొడ అరుదించితి / సేద తీర్చుము శాంతి జలములతో / నీ ప్రేమ రుధిర శ్రవంతి / శాప భారము తొలగించు దేవా ||ప్రభువా|| / శరణం యేసు చరణం (4) ||ప్రభువా||
మహిమగల తండ్రి – మంచి వ్యవసాయకుడు / మహితోటలో నర మొక్కలు నాటించాడు (2) / తన పుత్రుని రక్తనీరు – తడి కట్టి పెంచాడు / తన పరిశుద్ధాత్మను – కాపుగా వుంచాడు (2) / కాయవే తోటా – కమ్మని కాయలు / పండవే చెట్టా – తియ్యని ఫలములు (2) ||మహిమ|| / నీతి పూత జాతి కర్త – ఆత్మ సుతా ఫలములు / నీ తండ్రి నిలువచేయు – నిత్య జీవ ఫలములు (2) / అనంతమైన ఆత్మ బంధ – అమర సుధా కాంతులు (2) / అనుకూల సమయమయ్యె – పూయు పరమ పూతలు (2) ||కాయవే|| / అపవాది కంటబడి – కుంటుబడి పోకు / కాపుకొచ్చి చేదు పండ్లు – గంపలుగా కాయకు (2) / అదిగో గొడ్డలి వేరు – పదును పెట్టియున్నది (2) / వెర్రిగా చుక్కలనంటి – ఎదిగి విర్రవీగకు (2) ||కాయవే|| / కలువరి కొండలో పుట్టి – పారిన కరుణా నిధి / కలుషమైన చీడ పీడ – కడిగిన ప్రేమానిధి (2) / నిజముగాను నీవు – నీ సొత్తు కావు (2) / యజమాని వస్తాడు – ఏమి ఫలములిస్తావు (2) ||కాయవే|| / ముద్దుగా పెంచాడు – మొద్దుగా నుండకు / మోదమెంతో ఉంచాడు – మోడుబారి పోకు (2) / ముండ్ల పొదలలో కృంగి – మెత్తబడి పోకు (2) / పండ్లు కోయ వచ్చువాడు – అగ్నివేసి పోతాడు (2) ||కాయవే||
ధన్యము ఎంతో ధన్యము – యేసయ్యను కలిగిన జీవితము (2) / ఇహమందున పరమందున – నూరు రెట్లు ఫలముండును (2) / వారె ధన్యులు – వారెంతో ధన్యులు (2) ||ధన్యము|| / ఎవరి అతిక్రమములు – పరిహరింపబడెనో (2) / ఎవరి పాపములు – మన్నించబడెనో (2) ||వారె ధన్యులు|| / క్రీస్తు యేసుకు సమర్పించు – కరములే కరములు (2) / క్రీస్తుయేసు స్వరము విను – వీనులే వీనులు (2) ||వారె ధన్యులు|| / ప్రభు యేసుని సేవచేయు – పాదములే సుందరములు (2) / ప్రభుని గూర్చి పాటపాడు – పెదవులే పెదవులు (2) ||వారె ధన్యులు|| / ఆత్మలో నిత్యము – ఎదుగుచున్న వారును (2) / అపవాది తంత్రములు – గుర్తించు వారును (2) ||వారె ధన్యులు|| / శ్రమలయందు నిలచి – పాడుచున్న వారును (2) / శత్రు బాణములెల్ల – చెదరగొట్టు వారును (2) ||వారె ధన్యులు||
స్తుతియించెదా నీ నామం – దేవా అనుదినం / స్తుతియించెదా నీ నామం – దేవా అనుక్షణం / దయతో కాపాడినావు / కృపనే చూపించినావు (2) / నిను నే మరువనేసు – నిను నే విడువనేసు ||స్తుతియించెదా|| / పాపినై యుండగ నేను / రక్షించి దరి చేర్చినావు (2) / నిను నే మరువనేసు – నిను నే విడువనేసు ||స్తుతియించెదా|| / సిలువే నాకు శరణం / నీవే నాకు మార్గం (2) / నిను నే మరువనేసు – నిను నే విడువనేసు ||స్తుతియించెదా||