65 good friday songs available. Lyrics in Roman and Telugu script.
ఏ యోగ్యతా లేని నన్ను నీవు ప్రేమించినావు దేవా / ఏ అర్హతా లేని నన్ను నీవు రక్షించినావు ప్రభువా / నీకేమి చెల్లింతును / నీ ఋణమెలా తీర్తును (2) ||ఏ యోగ్యతా|| / కలుషితుడైన పాపాత్ముడను / నిష్కళంకముగా నను మార్చుటకు (2) / పావన దేహంలో గాయాలు పొంది (2) / రక్తమంత చిందించినావా ||నీకేమి|| / సుందరమైన నీ రూపమును / మంటివాడనైన నాకీయుటకు (2) / వస్త్రహీనుడుగా సిలువలో వ్రేళాడి (2) / నీ సొగసును కోల్పోయినావా ||నీకేమి|| / పాపము వలన మృతినొందిన / అపరాధినైన నను లేపుటకు (2) / నా స్థానమందు నా శిక్ష భరించి (2) / మరణించి తిరిగి లేచావా ||నీకేమి||
సిలువ సాక్షిగా యేసు సిలువను / సిలువ మోయుచు ప్రకటించెదను (2) / ఇదే నా వేదన – ఇదే నా ప్రార్థన ||సిలువ|| / యేసు ఒళ్ళు చీల్చెను కుల కొరడా దెబ్బలే / క్రీస్తు తలను గుచ్చెను మత ముళ్ల కిరీటమే (2) / మేకులు దిగ గొట్టెను పదవి వ్యామోహమే / సిలువలో వ్రేలాడ దీసెను అధికారమే / కులమా కళ్ళు పొడచుకో – మతమా ఉరి పోసుకో ||సిలువ|| / లోక పాప క్షమాపణ యేసు సిలువ రక్తమే / పాప శాప విమోచన యేసు సిలువ మార్గమే (2) / దైవమా నవ పాలన క్రీస్తు సిలువ జీవమే / సమ సమాజ స్థాపనలో యేసు సిలువ సత్యమే / కులమా కళ్ళు పొడచుకో – మతమా ఉరి పోసుకో ||సిలువ||
అడుగడుగున రక్త బింధువులే / అణువణువున కొరడా దెబ్బలే (2) / నా యేసుకు ముళ్ల కిరీటం / భుజములపై సిలువ భారం (2) / భుజములపై సిలువ భారం ||అడుగడుగున|| / సిలువ మోయుచు వీపుల వెంట / రక్త ధరలే నిన్ను తడిపెను (2) / నా ప్రజలారా ఏడవకండి / మీ కోసము ప్రార్ధించండి (2) ||అడుగడుగున|| / కలువరిలోన నీ రూపమే / నలిగిపోయెను నా యేసయ్యా (2) / చివరి రక్త బిందువు లేకుండా / నా కోసమే కార్చినావు (2) ||అడుగడుగున|| / మరణము గెలిచి తిరిగి లేచిన / మృత్యుంజయుడా నీకే స్తోత్రం (2) / మహిమ స్వరూపా మా యేసయ్యా / మహిమగా నన్ను మార్చినావా (2) ||అడుగడుగున||
యేసువా.. యేసువా.. / యేసువా నా యేసువా (2) / మీ జ్ఞాపకార్థముగా భుజించుచున్నాము / మీ దివ్య దేహమును / తమ ఆజ్ఞానుసారముగా పానము చేసెదము / మీ తీరు రుధిరమును ||యేసువా|| / ఆనాడు మీ దేహమును హింసించి చంపితిమి (2) / ఈనాడు ఆ దేహమే మేము గాచుచుండెనుగా (2) / మేము గాచుచుండెనుగా ||యేసువా|| / ఆనాడు మీ రక్తమును చిందింప చేసితిమి (2) / ఈనాడు ఆ రక్తమే మేము శుద్ధి పరచెనుగా (2) / మేము శుద్ధి పరచెనుగా ||యేసువా|| / మా పాప భారమును సిలువగ మోసితివి (2) / మార్గము చూపితివి రక్షణ నొసగితివి (2) / రక్షణ నొసగితివి ||యేసువా||
త్యాగమెంత చేసావు దేవా / నా పాపమంత కడిగావా నేస్తం (2) / ఓ యేసయ్యా… నా నేస్తమా… (2) ||త్యాగమెంత|| / గెత్సేమనే తోటలో ఒంటరివై మిగిలావా / ఒంటరి నా బ్రతుకులో ఓదార్పువయ్యావా (2) / కన్నీరు తుడిచి / కల్వరికి నడిచావా (2) ||ఓ యేసయ్యా|| / తల వాల్చుటకైన నీకు తావే లేదుగా / తల్లడిల్లు నాకు త్రోవ చూపించినావా (2) / స్వస్థత నాకిచ్చి / సిలువ నీవు మోసావా (2) ||ఓ యేసయ్యా||
కల్వరి సిలువలో – యేసయ్య నీ రక్తమే (2) / క్షమియించెను పాపము కడిగె – యేసయ్య నీ రక్తమే / పరిశుద్ధులుగా మము చేసెను – యేసయ్య నీ రక్తమే / కలుషములను కడిగేను – యేసయ్య నీ రక్తమే / కలవరము బాపెను – యేసయ్య నీ రక్తమే / సీయోనును మేము చేర్చెను – యేసయ్య నీ రక్తమే (2) / నీ రక్తమే – నీ రక్తమే / నీ రక్తమే – యేసు నీ రక్తమే / విడుదలను దయచేసెను – యేసయ్య నీ రక్తమే / విజయమును చేకూర్చెను – యేసయ్య నీ రక్తమే / శిక్షంతటిని తొలగించెను – యేసయ్య నీ రక్తమే (2) / నీ రక్తమే – నీ రక్తమే / నీ రక్తమే – యేసు నీ రక్తమే / వేదనను మాన్పెను – యేసయ్య నీ రక్తమే / ఓదార్పు మాకిచ్చెను – యేసయ్య నీ రక్తమే / శాశ్వత జీవం మాకిచ్చెను – యేసయ్య నీ రక్తమే (2) / నీ రక్తమే – నీ రక్తమే / నీ రక్తమే – యేసు నీ రక్తమే / అర్హతను మాకిచ్చెను – యేసయ్య నీ రక్తమే / ఆనందముతో నింపెను – యేసయ్య నీ రక్తమే / ఆశీర్వాదం మాకొసగెను – యేసయ్య నీ రక్తమే (2) / నీ రక్తమే – నీ రక్తమే / నీ రక్తమే – యేసు నీ రక్తమే (2)
నీ రక్త ధారలే – మా జీవనాధారాము / నీ సిల్వ మార్గమే – మా మోక్ష భాగ్యము / ఓ సిల్వ రాజ – క్రీస్తు రాజ / నీతి రాజ – యేసు రాజ (2) / మాలోన పలికించు జీవన రాగము – నీ ఆర్తనాదములే / మాలోన వెలిగించు జీవన జ్యోతులు – నీ సిల్వ రూపమే ||ఓ సిల్వ|| / మమ్మును నడిపించు పరలోకమునకు – నీ సత్య వాక్యమే / పాププు చీకట్లు పారద్రోలెను – నీ నీతి ప్రభావమే ||ఓ సిల్వ|| / నీ సిలువ మరణము మనుజాళికంత – కలిగించె రక్షణ / నీ మరణ విజయము జగమందు వెలుగొందు – క్రైస్తవ విజయమై ||ఓ సిల్వ||
ఏ పాపమెరుగని యో పావన మూర్తి పాప విమోచకుండా / నా పాలి దైవమా నా పాపముల కొర కీ పాట్లు నొందినావా / ముళ్ళతో కిరీట – మల్లి నీ శిరముపై – జల్లాటమున మొత్తిరా / ముళ్ళ పోట్లకు శిరము – తల్లడిల్లగ సోమ్మ – సిల్లిపోతివ రక్షకా ||ఏ పాప|| / కలువరి గిరి దనుక – సిలువ మోయలేక – కలవరము నొందినావా / సిలువ నీతో మోయ – తులువలు వేరొకని – తోడుగా నిచ్చినారా ||ఏ పాప|| / చెడుగు యూదులు బెట్టు – పడరాని పాట్లకు – సుడివడి నడచినావా / కడకు కల్వరి గిరి – కడ కేగి సిల్వను – గ్రక్కున దించినావా ||ఏ పాప|| / ఆ కాల కర్ములు – భీకరంబుగ నిన్ను – ఆ కొయ్యపై నుంచిరా / నీ కాలు సేతులు – ఆ కొయ్యకే సూది – మేకులతో గ్రుచ్చినారా ||ఏ పాప|| / పలువిధంబుల శ్రమలు – చెలరేగ దండ్రికి – నెలుగెత్తి మొరలిడితివా / సిలువపై పలుమారు – కలుగుచుండెడి బాధ – వలన దాహము నాయెనా ||ఏ పాప|| / బల్లిదుండగు బంటు – బల్లెమున నీ ప్రక్క – జిల్లి బడ బొడచినాడా / ఉల్లోలములవలె నల్ల నీరుబుకంగ జల్లారె గద కోపము ||ఏ పాప|| / కట కటా పాప సం – కటము బాపుట కింత – పటు బాధ నొందినావా / ఎటువంటిదీ ప్రేమ – యెటువంటిదీ శాంత – మెటుల వర్ణింతు స్వామి ||ఏ పాప||
ఎంతో వింత యెంతో చింత / యేసునాధు మరణ మంత (2) / పంతము తో జేసి రంత / సొంత ప్రజలు స్వామి నంత (2) ||ఎంతో|| / పట్టి కట్టి నెట్టి కొట్టి / తిట్టి రేసు నాధు నకటా (2) / అట్టి శ్రమల నొంది పలుక / డాయె యేసు స్వామి నాడు (2) ||ఎంతో|| / మొయ్యలేని మ్రాను నొకటి / మోపి రేసు వీపు పైని (2) / మొయ్యలేక మ్రాని తోడ / మూర్చబోయే నేసు తండ్రి (2) ||ఎంతో|| / కొయ్యపై నేసయ్యన్ బెట్టి / కాలు సేతులలో జీలల్ (2) / కఠిను లంత గూడి కొట్టిరి / ఘోరముగ క్రీస్తేసున్ బట్టి (2) ||ఎంతో|| / దాహము గొన చేదు చిరక / ద్రావ నిడిరి ద్రోహు లకటా (2) / ధాత్రి ప్రజల బాధ కోర్చి / ధన్యుడా దివి కేగె నహహా (2) ||ఎంతో|| / బల్లెముతో బ్రక్కన్ బొడవన్ / పారే నీరు రక్త మహహా (2) / ఏరై పారే యేసు రక్త / మెల్ల ప్రజల కెలమి నొసగు (2) ||ఎంతో||
కలువరి గిరి నుండి / ప్రవహించే ధార / ప్రభు యేసు రక్త ధార (2) / నిర్దోషమైన ధార / ప్రభు యేసు రక్త ధార (2) / ప్రభు యేసు రక్త ధార (2) ||కలువరి|| / నా పాపముకై నీ చేతులలో / మేకులను దిగగొట్టిరా (2) / భరియించినావా నా కొరకే దేవా / నన్నింతగా ప్రేమించితివా (2) ||కలువరి|| / నా తలంపులే నీ శిరస్సుకు / ముండ్ల కిరీటముగా మారినా (2) / మౌనము వహియించి సహియించినావా / నన్నింతగా ప్రేమించితివా (2) ||కలువరి||
కల్వరిగిరిలోన సిల్వలో శ్రీయేసు / పలు బాధలొందెను – ఘోరబాధలు పొందెను (2) / నీ కోసమే అది నా కోసమే (2) / ప్రతివానికి రూపు నిచ్చె / అతనికి రూపు లేదు (2) / పదివేలలో అతిప్రియుడు / పరిహాసములనొందినాడు (2) ||నీ కోసమే|| / వధ చేయబడు గొర్రెవలె / బదులేమీ పలుకలేదు (2) / దూషించు వారిని చూచి / దీవించి క్షమియించె చూడు (2) ||నీ కోసమే|| / సాతాను మరణమున్ గెల్చి / పాతాళ మందు గూల్చి (2) / సజీవుడై లేచినాడు / స్వర్గాన నిను చేర్చినాడు (2) ||నీ కోసమే||
భాసిల్లెను సిలువలో పాపక్షమా / యేసు ప్రభూ నీ దివ్య క్షమా ||భాసిల్లెను|| / కలువరిలో నా పాపము పొంచి / సిలువకు నిన్ను యాహుతి చేసి / కలుషహరా కరుణించితివి (2) ||భాసిల్లెను|| / దోషము చేసినది నేనెకదా / మోసముతో బ్రతికిన నేనెకదా / మోసితివా నా శాపభారం (2) ||భాసిల్లెను|| / పాపము చేసి గడించితి మరణం / శాపమెగా నేనార్జించినది / కాపరివై నను బ్రోచితివి (2) ||భాసిల్లెను|| / నీ మరణపు వేదన వృధా గాదు / నా మది నీ వేదనలో మునిగెను / క్షేమము కలిగెను హృదయములో (2) ||భాసిల్లెను|| / ఎందులకో నాపై ఈ ప్రేమ / అందదయ్యా స్వామీ నా మదికి / అందులకే భయమొందితిని (2) ||భాసిల్లెను|| / నమ్మిన వారిని కాదన వనియు / నెమ్మది నొసగెడి నా ప్రభుడవని / నమ్మితి నీ పాదంబులను (2) ||భాసిల్లెను||