315 faith songs available. Lyrics in Roman and Telugu script.
ఉతక మీద తలుపు తిరుగు రీతిగా / తన పడక మీద సోమరి తిరుగాడును / గానుగ చుట్టెద్దు తిరుగు రీతిగా / సోమరి చుట్టూ లేమి తిరుగును / సోమరీ మేలుకో… వేకువనే లేచి ప్రార్ధించుకో.. (2) / జ్ఞానముతో నీ బ్రతుకును మార్చుకో / ప్రభు యేసుని నీ మదిలో చేర్చుకో (2) ||ఉతక|| / చిన్న జీవులు చీమలు చూడు / వాటికి ఏలిక లేనే లేదు (2) / అయినను అవి క్రమము గానే నడచును / వేసవిలో ఆహారము కూర్చును (2) ||సోమరీ|| / చిన్న కుందేళ్ళను చూడు / ఏ మాత్రము బలము లేని జీవులు (2) / పేరు సందులలో జీవించును / బంధకములు లేనివై తిరుగును (2) ||సోమరీ|| / చిన్న జీవులు మిడతలు చూడు / వాటికి న్యాయాధిపతి లేడుగా (2) / పంక్తులుగా తీరి సాగి పోవును / జ్ఞానము గల వానిగ పేరొందును (2) ||సోమరీ|| / తెల్లవారుచుండగనే పక్షులు / కిలకిలమని దేవుని స్తుతియించును (2) / బ్రతుకు తెరువు కోసమై తిరుగును / ప్రొద్దుగూకు వేళలో గూడు చేరును (2) ||సోమరీ|| / ఓ మానవుడా నీ మనసును మార్చుకో / ఎందుకో నీ పయనము తెలుసుకో (2) / ప్రభు రాకడ ఎప్పుడో అది తెలియదు / అంతమొచ్చుఁ కాలమొక్కటున్నది (2) ||సోమరీ||
భయము లేదు మనకు / ఇకపై ఎదురు వచ్చు గెలుపు / అదిగో యేసు పిలుపు / వినుమా పరము చేరు వరకు (2) / ఫలితమేదైన ప్రభును వీడకు / కష్టమెంతైన కలత చెందకు / అలుపు లేకుండ పరుగు సాగని / శోధనలు నిన్ను చూసి బెదరని ||భయము|| / సంధించిన బాణమల్లె నీ గురి కొనసాగని / మన తండ్రి వాగ్ధానాలే ఊపిరిగా మారని (2) / కష్టాలే మెట్లుగా మారి యేసులో ఎదిగించని / తన వాక్యం నీలో వెలిగి చీకటి తొలగించని (2) ||ఫలిత|| / మండించే అగ్గితోనే మెరయును బంగారము / శోధనల కొలిమిలోనే బలపడు విశ్వాసము (2) / నీ తరపున యుద్ధం చేసే యెహోవా నీ అండ / తొలగిపోకు ఆ మార్గన్నీ తన ఆజ్ఞను వినకుండా (2) ||ఫలిత|| / కనలేదా సిలువలోన యేసు రాజు కష్టము / తానొందిన శ్రమల ద్వారా నశియించే పాపము (2) / నీ శ్రమల కాలంలోనే మనసు దృఢము కావాలి / తిరిగి నీలో పుట్టే పాపం బీజము నశియించాలి (2) ||ఫలిత|| / ప్రియమైన పుత్రుని మనకై నలిగించిన దేవుడు / అప్పగించలేడా సకలం సర్వశక్తిమంతుడు (2) / తన సన్నిధి రావాలంటూ నిన్ను కోరుతున్నాడు / నీతి నీలో పెంచేటందుకు తపన పడుతూ ఉన్నాడు (2) ||ఫలిత||
అన్నీ సాధ్యమే / యేసుకు అన్నీ సాధ్యమే (2) / అద్భుత శక్తిని నెరపుటకైనా / ఆశ్చర్య కార్యములొసగుటకైనా (2) / ఆ యేసు రక్తానికి / సాధ్యమే సాధ్యమే సాధ్యమే (2) ||అన్నీ సాధ్యమే|| / మాధుర్యమైన జలముగా – మారాను ప్రభు మార్చెను / మృత్యువు నుండి లాజరును – మాహిమార్థముకై లేపెను (2) / మన్నాను కురిపించగా – ఆకాశమే తెరిచెను / మరణాన్ని ఓడించగా – మృత్యుంజయుడై లేచెను (2) ||అన్నీ సాధ్యమే|| / బండనే చీల్చగా – జలములే పొంగెను / ఎండిపోయిన భూమిపై – ఏరులై అవి పారెను (2) / బందంటే క్రీస్తేనని – నీ దండమే తానని / మెండైన తన కృపలో – నీకండగా నిలచును (2) ||అన్నీ సాధ్యమే|| / ఏకాంతముగా మోకరిల్లి – ప్రార్ధించుటే శ్రేయము / ఏల నాకీ శ్రమలని – పూర్ణ మనసుతో వేడుము (2) / యేసయ్య నీ వేదన – ఆలించి మన్నించును / ఏ పాటి వ్యధలైననూ – ఆ సిల్వలో తీర్చును (2) ||అన్నీ సాధ్యమే|| / కష్టాల కడలిలో – కన్నీటి లోయలో / కనికరమే ప్రభు చూపును – కంటిపాపలా కాయును (2) / కలిగించు విశ్వాసము – కాదేదీ అసాధ్యము / క్రీస్తేసు నామములో – కడగండ్లకే మోక్షము (2) ||అన్నీ సాధ్యమే||
నీవు తప్ప నాకీ లోకంలో ఎవరున్నారయ్యా / నీకు తప్ప నాలో ఎవరికీ చోటే లేదయ్యా (2) / దావీదు కుమారుడా నన్ను దాటిపోకయ్యా / నజరేతు వాడా నను విడిచిపోకయ్యా (2) ||నీవు|| / గ్రుడ్డివాడినయ్యా నా కనులు తెరువవా / మూగవాడినయ్యా నా స్వరమునీయవా (2) / కుంటివాడినయ్యా నా తోడు నడువవా (2) ||దావీదు|| / లోకమంత చూచి నను ఏడిపించినా / జాలితో నన్ను చేరదీసిన (2) / ఒంటరినయ్యా నా తోడు నిలువవా (2) ||దావీదు|| / నా తల్లి నన్ను మరచిపోయినా / నా తండ్రి నన్ను విడచిపోయినా (2) / తల్లిదండ్రి నీవై నన్ను లాలించవా (2) ||దావీదు||
మహోన్నతుడా నీ చాటున నే నివసించెదను / సర్వశక్తుడా నీ నీడలో నే విశ్రమించెదను / బలవంతుడా నీ సన్నిధినే / నే ఆశ్రయించెదా అనుదినము / యేసయ్యా యేసయ్యా / రాత్రివేళ కలుగు భయముకైనా / పగటిలో ఎగిరే బాణముకైనా / చీకటిలో సంచరించు తెగులుకైనా / దినమెల్లా వేధించు వ్యాధికైనా / నే భయపడను నే దిగులు చెందను / యెహోవా రాఫా నా తోడు నీవే / యేసయ్యా యేసయ్యా / వేయిమంది నా ప్రక్క పడిపోయినా / పదివేలు నా చుట్టు కాలినను / అంధకారమే నన్ను చుట్టుముట్టినా / మరణ భయమే నన్ను వేధించినా / నే భయపడను నే దిగులు చెందను / యెహోవా నిస్సి నా తోడు నీవే / యేసయ్యా యేసయ్యా / నిను ప్రేమించువారిని తప్పించువాడా / నిన్నెరిగిన వారిని ఘనపరచువాడా / నా యుద్ధము జయించి లేవనెత్తువాడా / కృప వెంబడి కృప చూపించువాడా / యేసయ్యా యేసయ్యా / నే భయపడను నే దిగులు చెందను / యెహోవా షాలోం నా తోడు నీవే
కదలకుందువు సీయోను కొండవలె / బెదరకుందువు బలమైన సింహం వలె (2) / యేసయ్య నీ చెంత ఉండగా / ఏ చింత నీకింక లేదుగా (2) / కష్టములెన్నో కలుగుచున్ననూ / నిట్టూర్పులెన్నో వచ్చియున్ననూ / దుష్ట జనములుపై దుమికి తరిమిన / భ్రష్ట మనుష్యులు నీ మీదికి వచ్చినా ||కదలకుందువు|| / నీటి వరదలు నిలువెత్తున వచ్చినా / నిండు సముద్రము నీళ్లు ఉప్పొంగి పొరలినా / ఆకాశము నుండి పై అగ్ని కురసినన్ / ఏనాడు ఏ కష్టం నష్టం నీకుండదు ||కదలకుందువు|| / నీరు కట్టిన తోటవలెను / నిత్యం ఉబుకుచుండు నీటి ఊటవలెను / నీటి కాల్వల యోరను నాటబడినదై / వర్ధిల్లు వృక్షం వలె నిక్షేపముగా నీవుందువ్ ||కదలకుందువు||
కష్ట నష్టాలైనా కడగండ్ల బ్రతుకైనా / ఈ జీవి నీ తోడు ఎడబాసి పోదులే (2) / ఓ యేసయ్యా… / ఈ జీవి నీ తోడు ఎడబాసి పోదులే(2) / నిను ఎడబాసినపుడు – నా బ్రతుకే దండగా / బ్రతికున్న మూన్నాళ్ళ – నీతోనే పండుగా / యేసయ్య మార్గమే నడవర ఓరన్న (2) ||కష్ట|| / కొండగా అండగా – నీవుండగ లోకాన / ఎండిన ఎముకలయినా – ఉండుగా జీవంగా / యేసయ్య మార్గమే నడవర ఓరన్న (2) ||కష్ట|| / కారు మబ్బు కమ్మినా – కాలమెదురు తిరిగినా / నీ సిలువ నెత్తుకొని – నే సాగిపోతాను / నీ సిలువ నెత్తుకొని – నే సాగిపోతాను (2) ||కష్ట||
యేసు చాలును యేసు చాలును / యే సమయమైన యే స్థితికైన / నా జీవితములో యేసు చాలును / పరమజీవము నాకు నివ్వ తిరిగి లేచెను నాతో నుండ / నిరంతరము నన్ను నడిపించును మరల వచ్చి యేసు కొని పోవును ||యేసు|| / సాతాను శోధనలధికమైన సొమ్మసిల్లక సాగి వెళ్ళెదను / లోకము శరీరము లాగినను లోబడక నేను వెళ్ళెదను ||యేసు|| / పచ్చిక బయలులో పరుండజేయున్ శాంతి జలము చెంత నడిపించును / అనిశము ప్రాణము తృప్తిపరచున్ మరణ లోయలో నన్ను కాపాడును ||యేసు|| / నరులెల్లరు నన్ను విడిచినను శరీరము కుళ్లి కృశించినను / హరించినన్ నా ఐశ్వర్యము విరోధివలె నన్ను విడచినను ||యేసు||
నలుగకుండ గోధుమలు కడుపు నింప గలుగునా / కరగకుండ కొవ్వొత్తి కాంతి నివ్వగలుగునా (2) / ఆత్మీయ యాత్రలో నలుగుటయే విలువయా / ఇరుకైన బాటలో కరుగుటయే వెలుగయా (2) ||నలుగకుండ|| / పగలని బండనుండి జలములు హోరులు / విరుగని పొలము మనకు పంటలివ్వగలుగునా (2) / పరలోక యాత్రలో పగులుటయే ఫలమయా (2) / విశ్వాసి బాటలో విరుగుటయే పరమయా (2) ||నలుగకుండ|| / రక్తము చిందకుండ పాపములు పోవునా / కన్నీరు కార్చకుండ కలుషములు కరుగునా (2) / అంతిమ యాత్రలో క్రీస్తేసే గమ్యమయా (2) / ఏకాంత బాటలో ప్రభు యేసే శరణమయా / బహు దూర బాటలో ప్రభు యేసే శరణమయా ||నలుగకుండ||
నీవు లేక క్షణమైనా జీవించలేనయ్యా (2) / నా ఆశ నీవే కదా / ఓ.. నా అండ నీవే కదా (2) / యేసయ్యా.. యేసయ్యా.. యేసయ్యా (2) / నాకై జన్మించితివే – సిలువలో మరణించితివే / నీ ఋణము తీర్చేదెలా / నిను తృప్తి పరచేదెలా (2) / నా మనస్సు నీకిచ్చా – నా ప్రాణమర్పించా (2) / విలువైనదేది నీకన్నా ||యేసయ్యా|| / నీ చేతితో చెక్కావే – నీ రూపులో చేసావే / నిను పోలి జీవించగా / నీ ఆత్మ నాకివ్వుమా (2) / నా జీవితము నీకై – నా జన్మ తరియింప (2) / పరిశుద్ధాత్మను ప్రోక్షించు ||యేసయ్యా||
అన్ని వేళల వినువాడు నీ ప్రార్ధనలన్నియు / ఏ బేధము లేకనే ఆలకింపనైయున్నాడు (2) / ప్రార్ధించుము అలయకనే / కనిపెట్టుము విశ్వాసముతో (2) / నీ ప్రార్ధనే మార్చును నీ స్థితి / నీ ఎదలో కన్నీరు తుడచును ||అన్ని|| / కుమిలిపోతూ నలిగిపోతూ / ఏమౌతుందో అర్ధం కాక (2) / వేదన చెందుతూ నిరాశలో మునిగావా (2) / ఒకసారి యోచించుమా / నీ మొఱ్ఱను వినువాడు యెసయ్యే (2) ||అన్ని|| / ఎవరికీ చెప్పుకోలేక / అంతగా బాధ ఎందుకు (2) / మొఱ్ఱపెట్టిన వారికి సమీపముగా యేసు ఉండును (2) / ఒకసారి యోచించుమా / నీ మొఱ్ఱను వినువాడు యెసయ్యే (2) ||అన్ని||
మా సర్వానిధి నీవయ్యా / నీ సన్నిధికి వచ్చామయ్యా / బహు బలహీనులము యేసయ్యా / మము బలపరచుము యేసయ్యా / యేసయ్యా… యేసయ్యా… / మా ప్రియమైన యేసయ్యా (2) ||మా సర్వానిధి|| / మా పాపములకై కలువరి గిరిపై / నలిగితివా మా ప్రియ యేసయ్యా (2) / విరిగి నలిగిన హృదయాలతో (2) / స్తుతియింప వచ్చామయ్యా / మా స్తుతులందుకో యేసయ్యా (2) ||యేసయ్యా|| / నీవే మార్గము – నీవే సత్యము / నీవే జీవము – మా యేసయ్యా (2) / జీవపు దాత శ్రీ యేసునాథ (2) / స్తుతియింప వచ్చామయ్యా / మా స్తుతులందుకో యేసయ్యా (2) ||యేసయ్యా|| / మా స్నేహితుడవు – మా రక్షకుడవు / పరిశుద్ధుడవు – మా యేసయ్యా (2) / పరిశుద్ధమైన నీ నామమునే (2) / స్తుతియింప వచ్చామయ్యా / మా స్తుతులందుకో యేసయ్యా (2) ||యేసయ్యా||