315 faith songs available. Lyrics in Roman and Telugu script.
ఎట్టి వాడో యేసు – ఎన్ని వింతలు తనవి / వట్టి నరుడు కాడు – పట్టి చూడ ప్రభుని – (2) ||ఎట్టి|| / గాలి సంద్రాలను – గద్ధింపగా యేసు (2) / హద్దు మీరక ఆగి – సద్దుమణిగిపోయే (2) ||ఎట్టి|| / పక్షవాతపు రోగిని – తక్షణమే లెమ్మనగా (2) / పరుపెత్తుకొని లేచి – పరుగెత్తికొనిపోయె (2) ||ఎట్టి|| / పట్టు యేసుని పాదం – తట్టు దేవుని ద్వారం (2) / కట్టు ఇక నీ పాపం – నెట్టు నిను పరలోకం (2) ||ఎట్టి||
ఉన్నత స్థలములలో – నను సదా నిలిపితివి / నా శ్రమ దినములలో – కృపలతో కాచితివి (2) / స్తుతులకు పాత్రుడా నన్ను మరువని దేవుడా / మహిమ నీకేనయ్యా ఎన్నడూ మారని యేసయ్యా (2) / ఆది కాలమందే నాకు ఎప్పుడో పేరు పెట్టి / తల్లి గర్భమందె నన్ను ఆనవాలు పట్టి (2) / నన్ను ఏర్పరచిన నీదు రక్షణతో నింపిన / లేని అర్హతలను నాకు వరముగా చేసిన (2) దేవా ||ఉన్నత|| / కలుగు ఏ శోధన నన్ను నలుగ గొట్టకుండా / నీదు మార్గంబులో నేను వెనుక తిరుగకుండా (2) / శుద్ధ ఆత్మనిచ్చి నాకు మార్గములు చూపిన / హీనమైన నన్ను నీలో దృఢముగా మార్చిన (2) దేవా ||ఉన్నత|| / గాఢాంధకారపు లోయలో నేను కొనసాగినా / పదివేల జనములు నా కుడి ప్రక్కనే కూలినా (2) / నేను భయపడనుగా నీవే ఉంటె ఆశ్రయముగా / ఏ తెగులు రాదుగా నాదు గృహమును చేరగా (2) దేవా ||ఉన్నత||
నీ చల్లని నీడలో / నీ చక్కని సేవలో (2) / నా బ్రతుకు సాగనిమ్మయ్యా / యేసయ్యా – నా బ్రతుకు సాగనిమ్మయ్యా (2) ||నీ చల్లని|| / కష్టాలు ఎన్ని వచ్చినా / వేదనలు ఎదురైనా (2) / నీ కృప నాకు చాలు నీ కాపుదల మేలు / నీ పరిశుద్ధాత్మతో నన్నాదరించవా (2) ||నీ చల్లని|| / ఏర్పరచబడిన వంశములో / రాజులైన యాజకులుగా చేసితివి (2) / పరిశుద్ధ జనముగా సొత్తైన ప్రజలుగా / నీ కొరకే జీవించుట నాకు భాగ్యము (2) ||నీ చల్లని||
ఓ సంఘమా సర్వాంగమా – పరలోక రాజ్యపు ప్రతిబింబమా / యేసయ్యను ఎదుర్కొనగ – నీతి నలంకరించి సిద్ధపడుమా / ఓ సంఘమా వినుమా / రాణి ఓఫిరు అపరంజితో – స్వర్ణ వివర్ణ వస్త్ర ధారణతో / వీణ వాయిద్య తరంగాలతో – ప్రాణేశ్వరుని ప్రసన్నతతో / ఆనంద తైల సుగంధాభిషేకము (2) / పొందితినే యేసునందు (2) ||ఓ సంఘమా|| / క్రీస్తే నిన్ను ప్రేమించెనని – తన ప్రాణ మర్పించెనని / స్వస్థపరచె నిర్దోషముగా – ముడత కళంకము లేనిదిగ / మహిమా యుక్తంబుగా నిలువ గోరె యేసుడు (2) / సహియింతువా తీర్పునాడు (2) ||ఓ సంఘమా|| / చీకటిలో నుండి వెలుగునకు – లోకములో నుండి వెలుపలకు / శ్రీకర గుణాతిశయములను – ప్రకటించుటకే పిలిచెనని / గుర్తించుచుంటివా క్రియలను గంటివా (2) / సజీవముగా నున్నావా (2) ||ఓ సంఘమా|| / చల్లగనైన వెచ్చగను – ఉండిన నీకది మేలగును / నులివెచ్చని స్థితి నీకుండిన – బయటకు ఉమ్మి వేయబడుదువేమో / నీ మనసు మార్చుకో తొలిప్రేమ కూర్చుకో (2) / ఆసక్తితో రక్షణ పొందుమా (2) ||ఓ సంఘమా||
చాచిన చేతులు నీవే / అరచేతిలో చెక్కినావే / కమ్మని అమ్మవు నీవే / కాచిన తండ్రివి నీవే / నీలా ఎవరు ప్రేమిస్తారు / నాకై ప్రాణం అర్పిస్తారు / కన్నీళ్లు తుడిచి కరుణిస్తారు / కళ్ళార్పకుండా కాపాడతారు ||చాచిన|| / కొండలు గుట్టలు చీకటి దారులు / కనిపించదే కళ్ళు చిట్లించినా / కారాలు మిరియాలు నూరేటి ప్రజలు / అన్నారు పడతావొక్క అడుగేసినా / రక్షించే వారే లేరని / నీ పనైపోయిందని (2) / అందరు ఒక్కటై అరచేసినా / అపవాదులెన్నో నాపై మోపేసినా (2) / నీ చేయి చాచేసి చీకటిని చీల్చేసి / శత్రువును కూల్చేసి నిలబెట్టినావు ||చాచిన|| / పేదోడు పిరికోడు ప్రభు సేవకొచ్చాడు / అవమానపడతాడని నవ్వేసినా / చిన్నోడు నీవంటూ అర్హత లేదంటూ / అయినోళ్లు కానోళ్లు చెప్పేసినా / నీవెంత నీ బ్రతుకెంతని / నిలువలేవు నీవని (2) / అందరు ఒక్కటై తేల్చేసినా / కూల్చేయాలని నన్ను కృషిచేసినా (2) / నీ ఆత్మతో నింపేసి నిరాశను కూల్చేసి / నా గిన్నె నింపేసి నడిపించినావు ||చాచిన||
సాగి సాగి పొమ్ము నీవు ఆగిపోక (2) / యేసుతోనే కడవరకు పరముదాక / యేసయ్యతోనే కడవరకు పరముదాక / వెనుతిరిగి చూడక వెనుకంజ వేయక (2) / విశ్వాసకర్త అయిన యేసు వైపు చూడుమా / నా హృదయమా ||సాగి|| / ఇశ్రాయేలు యాత్రలో ఎర్ర సముద్రం / ఇబ్బంది కలిగినే ఎదురు నిలువగా (2) / ఇమ్మానుయేలు నీకు తోడుండగా (2) / విడిపోయి త్రోవనిచ్చే ఎంతో వింతగా / ఎంతో వింతగా ||సాగి|| / పాపమందు నిలచిన పడిపోదువు / పరలోక యాత్రలో సాగకుందువు (2) / ప్రభు యేసు సిలువ చెంత నీవు నిలిచినా (2) / నిత్య జీవ మార్గమందు సాగిపోదువు / కొనసాగిపోదువు ||సాగి|| / విశ్వాస పోరాటంలో విజయ జీవితం / విజయుడేసు సన్నిధిలో మనకు దొరుకును (2) / విలువైన ఆత్మతో బలము నొందుము (2) / వింత లోకం ఎదురాడిన పడక నిలుతువు / పడిపోక నిలుతువు ||సాగి||
నీవే నీవే / నా తోడున్న దేవుడవు (2) / నీ వెంటే వస్తానయ్యా (2) ||నీవే|| / కష్టాల కడలిలోనైనా / కన్నీటి బాధలోనైనా (2) / యెహోవా షాలోమ్ సమాధానం ఇచ్చును (3) ||నీవే|| / ఏ ఘోర పాపము అయినా / మరణకర వ్యాధి అయినా (2) / యెహోవా రాఫా స్వస్థపరచును (3) ||నీవే||
దేవుని గొప్ప మహిమను చూసి తిరిగి పాపం చేసెదవా? / ద్వంద నీతికి నిష్కృతి లేదని నీకు తెలుసా ఓ క్రైస్తవా! (2) / ఎంత అధము అన్యుల కన్న, ఎంత ఘోరము ఆ యూద కన్న / వలదు పాపం ఇకపైనన్న, తిరిగి పొందు క్రీస్తులో మన్నా (2) / మరచినవా నీ అపజయములు / గుర్తు లేదా! ఆ శోధనలు / నీవు చూపిన ఆ వినయములు / ఏడ్చి చేసిన ఆ ప్రార్థనలు / తండ్రి నీవే దిక్కంటూ, మోకరిల్లిన ఆ క్షణము / అందుకొంటివి విజయములు, విడిచి పెడితివి వాక్యములు (2) ॥ఎంత॥ / అందుకొంటివి బాప్తిస్మమును / పొందు కొంటివి ఆ రక్షణను / వదలబోకు ఆత్మీయతను / చేరనివ్వకు నిర్లక్ష్యమును / తీర్పు తీర్చే సమయంలో ఓర్పు దొరకదు గుర్తెరుగు / నిత్య జీవం లో నుండి, ఘోర నరకం చేరెదవా? (2) ॥ఎంత॥
నీతోనే నే నడవాలని / నీలోనే నే నిలవాలని / నీవలె నే మారాలని / నీ సాక్షిగా నే బ్రతకాలని (2) / (నా) మదిలోని కోరిక నా యేసయ్యా / నే నీతోనే ఉండాలని (2) / నీతో నీతో నీతో నీతో / నీతో నీతో నీతో (2) ||నీతోనే|| / దవళవర్ణుడా రత్న వర్ణుడా / పదివేల మందిలో అతి సుందరుడా (2) / సువర్ణ వీధులలో నీతోనే నడవాలని / నా మనసు కోరెను నజరేయుడా (2) ||నీతో|| / కీర్తనీయుడా పూజ్యనీయుడా / స్తుతుల మధ్యలో స్తోత్రార్హుడా (2) / ఆ దివ్య నగరిలో నీతోనే నిలవాలని / నా హృది కోరెను నా యేసయ్యా (2) ||నీతో||
హీనమైన బ్రతుకు నాది – ఘోర పాపిని (2) / దాపు జేరితిని శరణు కోరితిని / దిక్కు నీవే నాకు ఇలలో / లేరు ఎవ్వరు నాయను వారు ||హీనమైన|| / మనిషికి మమత ఉన్నందుకా – గుండె కోత / మదిలో నిన్ను నింపుకున్నందుకా – విధి రాత (2) / కరుణించి నన్ను కష్టాలు బాపు (2) / కరుణామయా క్రీస్తేసువా ||హీనమైన|| / తల్లి తండ్రి కన్న మిన్న – నీ మధుర ప్రేమ / భార్య భర్తల కన్న మిన్న – మారని నీ ప్రేమ (2) / పాపి కొరకు ప్రాణమర్పించిన (2) / త్యాగ శీలివి నీకే స్తోత్రము ||హీనమైన|| / నిన్న నేడు రేపు యేసు – మారనే మారవు / లోకులంత మారిపోయిన – స్థిరమైన వాడవు (2) / వెరువను జడియను (2) / నీ కంటి పాపను నను కాచే దైవమా ||హీనమైన||
ఆరిపోయే దీపంలా / ఆగిపోదా ఈ జీవితం (2) / మారలేని లోకమందు / మారలేవా జీవితాన (2) / మార్చుకో నీ జీవితం / చేర్చుకో ఆ దేవుని (2) / ఆ దేవుని (2) ||ఆరిపోయే|| / లోతు లేని లోకమందు / చూడలేవా చోటు కోసం (2) / చూడుమా ఆ దేవుని / వేడుమా ఆ దేవుని (2) / ఆ దేవుని (2) ||ఆరిపోయే||
ద్రాక్షావల్లివి నీవైతే / తీగెగ నేను ఎదిగితిని (2) / తండ్రి తోటలో నే నాటబడితి / ఎంత ధన్యత ఈ మహిలో – (2) ||ద్రాక్షా|| / చల్ల గాలులు వీచగా / కాంతి కిరణాలు ప్రసరించగా (2) / నీతి సూర్యుని నిజ కాంతిలోన / తేజరిల్లెడి బ్రతుకు తోడ / రక్షణ తోటలో విరివిగ పెరిగి / నీటి యోరన నిలిచితిని – (2) ||ద్రాక్షా|| / కొమ్మ కొమ్మను చూడగా / తీగలెన్నో అగుపించెనే (2) / ఆకు మాటున తీగె గావున / మొలవనున్నవి ఫలములెన్నో / నిలిచె అందులో ఫలితము కొరకై / కలిగె స్నేహము యేసునితో – (2) ||ద్రాక్షా||