315 faith songs available. Lyrics in Roman and Telugu script.
బ్రతకాలని ఉన్నా బ్రతకలేకున్నా / నిలవాలని ఉన్నా నిలవలేకున్నా (2) / చూడాలని ఉన్నా చూడలేకున్నా / చేరాలని ఉన్నా నిను చేరలేకున్నా / బ్రతికించుమో యేసయ్యా / దరి చేర్చుమో నన్నయ్యా (2) ||బ్రతకాలని|| / కాపరి లేని గొర్రెనైతి / కాటికి నే చేరువైతి / కావలి లేని తోటనైతి / కారడవిగా నే మారితి / గూడు చెదరిన గువ్వనైతి / గుండె పగిలిన ఎకాకినైతి / గుండె దిగులుగా ఉందయ్యా / గూడు చేర్చుమో యేసయ్యా (2) ||బ్రతకాలని|| / నా ఆశలే అడియాశలై / అడుగంటెనే నా జీవితం / శోధనల సుడివడిలో / తొట్రిల్లెనే నా పయనం / చుక్కాని లేని నావనైతి / గమ్యం తెలియక అల్లాడుచుంటి / గురి చేర్చుమో యేసయ్యా / గుండె గుడిలో నీవుండయ్యా (2) ||బ్రతకాలని||
ఇదే నా కోరిక / నవ జీవన రాగమాలిక (2) ||ఇదే నా కోరిక|| / యేసు లాగ ఉండాలని / యేసుతోనే నడవాలని (2) / నిలవాలని గెలవాలని / యేసునందే ఆనందించాలని (2) ||ఇదే నా కోరిక|| / ఈ లోకంలో పరలోకము / నాలోనే నివసించాలని (2) / ఇంటా బయట యేసునాథునికే / కంటిపాపనై వెలిగిపోవాలని (2) ||ఇదే నా కోరిక|| / యాత్రను ముగించిన వేళ / ఆరోహనమై పోవాలని (2) / క్రీస్తు యేసుతో సింహాసనము / పైకెగసి కూర్చోవాలని (2) ||ఇదే నా కోరిక||
నడిపించు నా నావా నడి సంద్రమున దేవా / నవ జీవన మార్గమున నా జన్మ తరియింప ||నడిపించు|| / నా జీవిత తీరమున నా అపజయ భారమున / నలిగిన నా హృదయమును నడిపించుము లోతునకు / నా యాత్మ విరబూయ నా దీక్ష ఫలియింప / నా నావలో కాలిడుము నా సేవ చేకొనుము ||నడిపించు|| / రాత్రంతయు శ్రమపడినా రాలేదు ప్రభు జయము / రహదారులు వెదకిననూ రాదాయెను ప్రతిఫలము / రక్షించు నీ సిలువ రమణీయ లోతులలో / రతణాలను వెదకుటలో రాజిల్లు నా పడవ ||నడిపించు|| / ఆత్మార్పణ చేయకయే ఆశించితి నీ చెలిమి / అహమును ప్రేమించుచునే అరసితి ప్రభు నీ కలిమి / ఆశ నిరాశాయే ఆవేదనెదురాయే / ఆధ్యాత్మిక లేమిగని అల్లాడే నావలలు ||నడిపించు|| / ప్రభు మార్గము విడచితిని ప్రార్థించుట మానితిని / ప్రభు వాక్యము వదలితిని పరమార్థము మరచితిని / ప్రపంచ నటనలలో ప్రావీణ్యమును బొంది / ఫలహీనుడనై యిపుడు పాటింతు నీ మాట ||నడిపించు|| / లోతైన జలములలో లోతున వినబడు స్వరమా / లోబడుటను నేర్పించి లోపంబులు సవరించి / లోనున్న ఈవులలో లోటైన నా బ్రతుకు / లోపించని అర్పనగా లోకేష చేయుమయా ||నడిపించు|| / ప్రభు యేసుని శిష్యుడనై ప్రభు ప్రేమలో పాదుకొని / ప్రకటింతును లోకములో పరిశుద్ధుని ప్రేమ కథ / పరమాత్మ ప్రోక్షణతో పరిపూర్ణ సమర్పణతో / ప్రాణంబును ప్రభు కొరకు పానార్పణము చేతు ||నడిపించు||
నీవెన్నాళ్ళు రెండు తలంపులతో / కుంటి కుంటి నడిచెదవీవు / యెహోవాయే నీ దేవుడా / లేక వేరే దేవతలున్నారా (2) / మనం తీర్మానించెదమిప్పుడే / మన నోట వంచన లేకుండా (2) / మరుగైన పాపములన్నిటిన్ / హృదయమునుండి తొలగించెదం (2) ||నీవెన్నాళ్ళు|| / మారు మనస్సు పొందెదమిప్పుడే / జీవిత మోసములనుండి (2) / పరిశుధ్ధులమై నిర్దోషులుగా / ప్రభు దినమందు కనబడెదం (2) ||నీవెన్నాళ్ళు|| / నేను నా ఇంటివారలము / యెహోవానే సేవించెదము (2) / నీవెవరిని సేవించెదవో / ఈ దినమే తీర్మానించుకో (2) ||నీవెన్నాళ్ళు||
ఆనందముగా యెహోవా నీ కృపలన్ని / అన్ని కాలంబులందు కీర్తించెదన్ (2) / చావు గోతినుండి లెవనెత్తి నాకు – జీవమిచ్చిన జీవ దాత / వివరింతు నే నీదు విశ్వాస్యత నెంతయో / సవ్యంబుగా ఈ భువియందున ||ఆనందముగా|| / సింహపు పిల్లలు – ఆకలిగొనిన- యెహొవ సహాయుడందరికి / ఇహమందునా ఏ మేలు కొదువ యుండదు / అహా\! ఏమందు నీ విశ్వాస్యతన్ ||ఆనందముగా|| / ఎన్నెన్నో శోధన బాధలు రేగి – నన్ను కృంగదీయ పోరాడినన్ / ఘనమైన నీ విశ్వాస్యతన్ నాకు చూపిన / కన్న తండ్రి నిన్ను కొనియాడెదన్ ||ఆనందముగా|| / పర్వతంబులు – పారిపోయినను- ఉర్విలోమార్పు కలిగిననూ / తరుణములు విరోధముగపై లేచినా – / స్మరియించెద నీ విశ్వాస్యతన్ ||ఆనందముగా||
వేటగాని ఉరిలో నుండి / నా ప్రాణాన్ని రక్షించావు / బలమైన రెక్కల క్రింద / నాకాశ్రయమిచ్చావు (2) / లేనే లేదయ్యా వేరే ఆధారం / నా దుర్గమా నా శైలమా / లేనే లేదయ్యా వేరే ఆధారం / నా శృంగమా నా కేడెమా / ఆరాధన ఆరాధన – నా తండ్రి నీకే ఆరాధన / ఆరాధన ఆరాధన – నా యేసు నీకే ఆరాధన (2) / రాత్రి వేళ భయముకైననూ / పగటి వేళ బాణమైననూ / రోగము నన్నేమి చేయదు / నా గుడారము సమీపించదు (2) ||లేనే లేదయ్యా|| / వేయిమంది పడిపోయినా / పదివేల మంది కూలిపోయినా / అపాయము రానే రాదు / నా గుడారము సమీపించదు (2) ||లేనే లేదయ్యా|| / మానవులను కాపాడుటకు / నీ దూతలను ఏర్పరిచావు / రాయి తగలకుండా / ఎత్తి నన్ను పట్టుకున్నావు (2) ||లేనే లేదయ్యా||
స్తోత్రం చెల్లింతుము స్తుతి స్తోత్రం చెల్లింతుము / యేసు నాథుని మేలులు తలంచి ||స్తోత్రం|| / దివారాత్రములు కంటిపాపవలె కాచి (2) / దయగల హస్తముతో బ్రోచి నడిపించితివి (2) ||స్తోత్రం|| / గాడాంధకారములో కన్నీటి లోయలలో (2) / కృశించి పోనీయక కృపలతో బలపరచితివి (2) ||స్తోత్రం|| / సజీవ యాగముగా మా శరీరము సమర్పించి (2) / సంపూర్ణ సిద్దినొంద శుద్ధాత్మను నొసగితివి (2) ||స్తోత్రం|| / సీయోను మార్గములో పలుశోధనలు రాగా (2) / సాతాన్ని జయించుటకు విశ్వాసము నిచ్చితివి (2) ||స్తోత్రం|| / సిలువను మోసుకొని సువార్తను చేపట్టి (2) / యేసుని వెంబడింప ఎంత భాగ్యము నిచ్చితివి (2) ||స్తోత్రం|| / పాడెద హల్లెలూయా మరనాత హల్లెలూయా (2) / సద పాడెద హల్లెలూయా ప్రభుయేసుకే హల్లెలూయా (2) ||స్తోత్రం||
యుద్ధము యెహోవాదే (4) / రాజులు మనకెవ్వరు లేరు / శూరులు మనకెవ్వరు లేరు (2) / సైన్యములకు అధిపతి అయినా / యెహోవా మన అండ ||యుద్ధము|| / వ్యాధులు మనలను పడద్రోసినా / బాధలు మనలను కృంగదీసినా (2) / విశ్వాసమునకు కర్త అయినా / యేసయ్యే మన అండ ||యుద్ధము|| / ఎరికో గోడలు ముందున్నా / ఎర్ర సముద్రము ఎదురైనా (2) / అద్బుత దేవుడు మనకుండా / భయమేల మనకింకా ||యుద్ధము|| / అపవాది అయిన సాతాను / గర్జించు సింహంవలె వచ్చినా (2) / యూదా గోత్రపు సింహమైనా / యేసయ్య మన అండ ||యుద్ధము||
యేసుతో ఠీవిగాను పోదమా / అడ్డుగా వచ్చు వైరి గెల్వను / యుద్ధనాదంబుతో బోదము ||యేసుతో|| / రారాజు సైన్యమందు చేరను / ఆ రాజు దివ్య సేవ చేయను (2) / యేసు రాజు ముందుగా ధ్వజము బట్టి నడువగా (2) / యేసుతో ఠీవిగాను వెడలను ||యేసుతో|| / విశ్వాస కవచమును ధరించుచు / ఆ రాజు నాజ్ఞ మదిని నిల్పుచు (2) / అనుదినంబు శక్తిని పొందుచున్నవారమై (2) / యేసుతో ఠీవిగాను వెడలను ||యేసుతో|| / శోధనలు మనల చుట్టి వచ్చినా / సాతాను అంబులెన్ని తగిలినా (2) / భయములేదు మనకిక ప్రభువు చెంత నుందుము (2) / యేసుతో ఠీవిగాను వెడలను ||యేసుతో|| / ఓ యువతి యువకులారా చేరుడి / శ్రీ యేసురాజు వార్త చాటుడి (2) / లోకమంత ఏకమై యేసునాథు గొల్వను (2) / సాధనంబెవరు నీవు నేనెగా ||యేసుతో||
యెహోవా నీ నామము ఎంతో బలమైనది / ఆ…ఆ…ఆ… ఎంతో బలమైనది / యేసయ్య నీ నామము ఎంతో ఘనమైనది / ఆ…ఆ…ఆ… ఎంతో ఘనమైనది || యెహోవా || / మోషే ప్రార్ధించగా మన్నాను కురిపించితివి (2) / యెహోషువా ప్రార్ధించగా సూర్యచంద్రుల నాపితివి (2) || యెహోవా || / నీ ప్రజల పక్షముగా యుద్దములు చేసిన దేవా (2) / అగ్నిలో పడవేసినా భయమేమి లేకుండిరి (2) || యెహోవా || / సింహాల బోనుకైనా సంతోషముగా వెళ్ళిరి (2) / ప్రార్ధించిన వెంటనే రక్షించె నీ హస్తము (2) || యెహోవా || / చెరసాలలో వేసినా సంకెళ్ళు బిగియించినా (2) / సంఘము ప్రార్ధించగా సంకెళ్ళు విడిపోయెను (2) || యెహోవా || / పౌలు సీలను బంధించి చెరసాలలో వేసినా (2) / పాటలతో ప్రార్ధించగా చెరసాల బ్రద్దలాయే (2) ||యెహోవ||
యెహోవా నా బలమా / యదార్థమైనది నీ మార్గం / పరిపూర్ణమైనది నీ మార్గం (2) ||యెహోవా|| / నా శత్రువులు నను చుట్టిననూ / నరకపు పాశములరికట్టిననూ (2) / వరదవలె భక్తిహీనులు పొర్లిన (2) / విడువక నను ఎడబాయని దేవా (2) ||యెహోవా|| / మరణపుటురులలో మరువక మొరలిడ / ఉన్నతదుర్గమై రక్షనశృంగమై (2) / తన ఆలయములో నా మొఱ్ఱ వినెను (2) / ఆదరెను ధరణి భయకంపముచే (2) ||యెహోవా|| / నా దీపమును వెలిగించువాడు / నా చీకటిని వెలుగుగా చేయును (2) / జలరాసులనుండి బలమైన చేతితో (2) / వెలుపల చేర్చిన బలమైన దేవుడు (2) ||యెహోవా|| / పౌరుషముగల ప్రభు కొపింపగా / పర్వతముల పునాదులు వణకెను (2) / తన నోటనుండి వచ్చిన అగ్ని (2) / దహించివేసెను వైరులనెల్లన్ (2) ||యెహోవా|| / మేఘములపై ఆయన వచ్చును / మేఘములను తన మాటుగ జేయును (2) / ఉరుముల మెరుపుల మెండుగ జేసి (2) / అపజయమిచ్చును అపవాదికిని (2) ||యెహోవా|| / దయగలవారిపై దయ చూపించును / కఠినులయెడల వికటము జూపును (2) / గర్విష్టుల యొక్క గర్వమునణుచును (2) / సర్వమునెరిగిన సర్వాధికారి (2) ||యెహోవా|| / నా కాళ్ళను లేడి కాళ్లుగా జేయును / ఎత్తైన స్థలములో శక్తితో నిలిపి (2) / రక్షణ కేడెము నాకందించి (2) / అక్షయముగ తన పక్షము జేర్చిన (2) ||యెహోవా|| / యెహోవా జీవముగల దేవా / బహుగా స్తుతులకు అర్హుడ నీవే (2) / అన్యజనులలో ధన్యత చూపుచు (2) / హల్లెలూయ స్తుతిగానము చేసెద (2) ||యెహోవా||
తరతరాలలో యుగయుగాలలో జగజగాలలో / దేవుడు దేవుడు యేసే దేవుడు / హల్లెలూయా హల్లెలూయా హల్లెలూయా హల్లెలూయా / భూమిని పుట్టించకమునుపు / లోకము పునాది లేనపుడు ||దేవుడు|| / సృష్టికి శిల్పకారుడు / జగతికి ఆదిసంభూతుడు ||దేవుడు|| / తండ్రి కుమార ఆత్మయు / ఒకడైయున్న రూపము ||దేవుడు||