315 faith songs available. Lyrics in Roman and Telugu script.
కొంతసేపు కనబడి అంతలోనే మాయమయ్యే / ఆవిరి వంటిదిరా ఈ జీవితం / లోకాన కాదేది శాశ్వతం (2) / యేసే నిజ దేవుడు నిత్యజీవమిస్తాడు / మరణమైన జీవమైన నిన్ను విడువడు (2) ||కొంతసేపు|| / ఎదురౌతారెందరో నీ పయనంలో / నిలిచేది ఎందరు నీ అక్కరలో (2) / వచ్చేదెవరు నీతో మరణము వరకు (2) / ఇచ్చేదేవరు ఆపై నిత్య జీవము నీకు ||యేసే|| / చెమటోడ్చి సుఖము విడిచి కష్టమునోర్చి / ఆస్తులు సంపాదించిన శాంతి ఉన్నదా (2) / ఈ రాత్రే దేవుడు నీ ప్రాణమడిగితే (2) / సంపాదన ఎవరిదగును యోచించితివా ||యేసే|| / నీ శాపం తాను మోసి పాపం తీసి / రక్షణ భాగ్యము నీకై సిద్ధము చేసి (2) / విశ్రాంతినీయగ నిన్ను పిలువగా (2) / నిర్లక్ష్యము చేసిన తప్పించుకొందువా ||యేసే||
నశియించెడి లోకంలో – వసియించవు కలకాలం / మేలైనది చేపట్టి – సాగించు నీ పయనం – (2) / అది నాదంటూ ఇది నాదంటూ – ఆనందం కోల్పోతూ / పరమార్ధం గ్రహియించకనే – గతియించిపోతావా ||నశియించెడి|| / కాలంతో పాటుగా కృశియించును శరీరం / మరణం కబళించును ఏ ఘడియలోనైనా (2) / క్రీస్తు దారిలో సాగి – నిత్య రాజ్యమే చేరి (2) / వసియించు కలకాలం – సత్యమైన లోకంలో ||నశియించెడి|| / నిలచిపోవును మహిలోన బంధాలన్ని / మట్టిలో కలియును దేహం రిక్త హస్తాలతో (2) / ఇకనైనా తేరుకొని – గ్రహియించు సత్యాన్ని (2) / యేసులోకి మళ్ళించు – నీ జీవిత గమనాన్ని ||నశియించెడి||
ఆనందమే పరమానందమే / ఆశ్రయపురమైన యేసయ్యా నీలో (2) / ఆపత్కాలములన్నిటిలో ఆదరించిన / అక్షయుడా నీకే స్తోత్రము (2) ||ఆనందమే|| / పచ్చిక గల చోట్ల పరుండ జేసితివే / జీవ జలములు త్రాగనిచ్చితివే (2) / నా ప్రాణమునకు సేదదీర్చితివి / నీతియు శాంతియు నాకిచ్చితివే (2) ||ఆనందమే|| / గాఢాంధకారము లోయలలో నేను / సంచరించినా దేనికి భయపడను (2) / నీ దుడ్డు కఱ్ఱయు నీ దండమును / అనుదినం అనుక్షణం కాపాడునే (2) ||ఆనందమే|| / నా శత్రువుల ఎదుటే నీవు / నాకు విందును సిద్ధము చేసావు (2) / నీతో నేను నీ మందిరములో / నివాసము చేసెద చిరకాలము (2) ||ఆనందమే||
మన్నేగదయ్యా మన్నేగదయ్యా (2) / మహిలోని ఆత్మ జ్యోతియు తప్ప / మహిలోనిదంతా మన్నేగదయ్యా (2) ||మన్నేగదయ్యా|| / మంచిదంచు ఒకని యించు సంచిలోనే ఉంచినా / మించిన బంగారము మించిన నీ దేహము (2) / ఉంచుము ఎన్నాళ్ళకుండునో / మరణించగానే మన్నేగదయ్యా (2) ||మన్నేగదయ్యా|| / ఎన్ని నాళ్ళు లోకమందు ఉన్నతముగా నిలిచినా / నిన్ను చూచి లోకులంతా ధన్యుడవని పిలిచినా (2) / మెల్లని పుష్పంబు పోలినా / పుష్పంబుతోనే ఊడిపడినది (2) ||మన్నేగదయ్యా|| / మిక్కిలి సౌందర్యమగు చక్కని నీ దేహము / ఒక్కనాడు ఆరిపోగా నీలో ఆత్మ దీపము (2) / కుక్క శవంతో సమమేగా / నిక్కముగనదియు మన్నేగదయ్యా (2) ||మన్నేగదయ్యా|| / మానవునికి మరణమింత ఎంచనంత మన్నిల / మరణమును జయించుచున్న కాలమింత మన్నిల (2) / మరణ విజయుడేసు క్రీస్తుడే / మది నమ్ము నిత్య జీవమిచ్చ్చును (2) ||మన్నేగదయ్యా||
పరుగెత్తెదా పరుగెత్తెదా / పిలుపుకు తగిన బహుమతికై / ప్రభు యేసుని ఆజ్ఞల మార్గములో / గురి యొద్దకే నేను పరుగెత్తెదా (2) ||పరుగెత్తెదా|| / దైవ భయము కలిగి – శరీరేఛ్చలను విడిచి (2) / అక్షయ కిరీటము కొరకే – ఆశతో పరుగెత్తెదా (2) ||పరుగెత్తెదా|| / ఆత్మాభిషేకము కలిగి – ఆత్మల భారముతో (2) / అతిశయ కిరీటము కొరకే – అలయక పరుగెత్తెదా (2) ||పరుగెత్తెదా|| / యేసు వైపు చూచుచు – విశ్వాసము కాపాడుకొనుచు (2) / వాడబారని కిరీటముకే – వాంఛతో పరుగెత్తెదా (2) ||పరుగెత్తెదా||
సృష్టి కర్తా యేసు దేవా / సర్వ లోకం నీ మాట వినును (2) / సర్వ లోక నాథా సకలం నీవేగా / సర్వ లోక రాజా సర్వము నీవేగా / సన్నుతింతును అను నిత్యము ||సృష్టి|| / కానాన్ వివాహములో అద్భుతముగా / నీటిని ద్రాక్షా రసము చేసి / కనలేని అంధులకు చూపు నొసగి / చెవిటి మూగల బాగు పరచితివి / నీకసాధ్యమేదీ లేనే లేదు ఇలలో / ఆశ్చర్యకరుడా గొప్ప దేవుడవు ||సర్వ|| / మృతుల సహితము జీవింపజేసి / మృతిని గెలిచి తిరిగి లేచితివి / నీ రాజ్యములో నీతో వసింప / కొనిపోవ త్వరలో రానుంటివే / నీకసాధ్యమేదీ లేనే లేదు ఇలలో / ఆశ్చర్యకరుడా గొప్ప దేవుడవు ||సర్వ||
కావలివాడా ఓ కావలివాడా / కనులు తెరచి పొలమును చూడు / కోతకు వచ్చిన పంటను కోయుము ||కావలి|| / పిలిచెను నీ యజమానుడు / జత పనివాడవై యుండుటకు (2) / కొలుచును నీ ఫలమంతమున / పని చేసిన రీతిగనే (2) ||కావలి|| / నమ్మెను నీ యజమానుడు / అప్పగించెను తన స్వాస్థ్యము (2) / తిరిగి వచ్చును జీతమియ్యను / సిద్ధ పడుము ఇక నిద్ర మాని (2) ||కావలి|| / ఎంచెను నీ యజమానుడు / నీ పాదములు సుందరములని (2) / ఉంచెను కర్మెలు పర్వతముపై / పరుగిడుము పరాక్రమ శాలివై (2) ||కావలి|| / వేయుము పునాది నేర్పరివై / చెక్కుము రాళ్లను శిల్ప కారివై (2) / కొయ్య కాలును కర్ర గడ్డియు / కాలిపోవును అగ్ని పరీక్షలో (2) ||కావలి||
ఇకనైన కానీ ఇప్పుడైన కానీ / దర్శించగా రావా / అభిషేకం లేక దర్శనము రాక / నశియించుచున్నానయ్యా (2) / కావలివాడు ఉదయం కోసం / మెలుకువ కలిగి చూచునట్లుగా (2) / నీ కోసం చూసానయ్యా – నా యేసయ్యా / నా జీవం నీవేనయ్యా (4) / ఎండిన నేల వర్షం కోసం / నేలను విరచి చూచునట్లుగా (2) / నీ కోసం చూసానయ్యా – నా యేసయ్యా / నా జీవం నీవేనయ్యా (4) / దుప్పి నీటి వాగుల కొరకు / ఇలలో ఎదురు చూచునట్లుగా (2) / నీ కోసం చూసానయ్యా – నా యేసయ్యా / నా జీవం నీవేనయ్యా (4)
నమ్మకురా నమ్మకురా ఈ లోకం నమ్మకురా / నమ్ముకోరా నమ్ముకోరా ప్రభుయేసుని నమ్ముకోరా (2) / మత్తును నమ్మకురా గమ్మత్తులు సేయకురా / ఆత్మను హత్తుకోరా ఆరోగ్యం పొందుకోరా ||నమ్మకురా|| / ధనము చదువు నేర్పునురా – సంస్కారం నేర్పదురా / ధనము మందులు కొనునురా – ఆరోగ్యం ఇవ్వదురా (2) / వస్తువాహనాల కాధారం / సుఖ సంతోషాలకు బహుదూరం (2) ||నమ్మకురా|| / ధనము పెళ్ళి చేయునురా – కాపురము కట్టదురా / ధనము సమాధి కట్టునురా – పరలోకం చేర్చదురా (2) / డబ్బును నమ్మకురా / గబ్బు పనులు చేయకురా (2) ||నమ్మకురా|| / ధనము ఆస్తిని పెంచునురా – అనురాగం తుంచునురా / ధనము పొగరు పెంచునురా – పరువు కాస్త తీయునురా (2) / ధనము కోరిక తీర్చునురా / నరకానికి చేర్చునురా (2) ||నమ్మకురా||
నీ జీవితములో గమ్యంబు ఏదో ఒకసారి యోచించవా / ఈనాడే నీవు ప్రభు యేసుకొరకు నీ హృదయమర్పించవా (2) ||నీ జీవితములో|| / నీ తల్లి గర్భాన నీవుండినపుడే / నిను చూచే ప్రభు కన్నులు (2) / యోచించలేవా ఏ రీతి నిన్ను / నిర్మించే తన చేతులు (2) ||నీ జీవితములో|| / నీలోనే తాను నివసింపగోరి / దినమెల్ల చేజాచెను (2) / హృదయంపు తలుపు తెరువంగ లేవా / యేసు ప్రవేశింపను (2) ||నీ జీవితములో|| / తన చేతులందు రుధిరంపు ధారల్ / స్రవియించే నీకోసమే (2) / భరియించె శిక్ష నీకోసమేగా / ఒకసారి గమనించావా (2) ||నీ జీవితములో|| / ప్రభు యేసు నిన్ను సంధించునట్టి / సమయంబు యీనాడేగా (2) / ఈ చోటనుండి ప్రభు యేసు లేక / పోబోకుమో సోదరా / ఈ చోటనుండి ప్రభు యేసు లేక / పోబోకుమో సోదరీ ||నీ జీవితములో||
ఒక్కడే యేసు ఒక్కడే / ఒక్కడే పరిశుద్ధుడు ఒక్కడే (2) / మహాదేవుడు మహిమోన్నతుడు / లోకానికి రక్షకుడు యేసు ఒక్కడే (2) ||ఒక్కడే|| / పాపిని రక్షించువాడు యేసు ఒక్కడే / పాపిని ప్రేమించువాడు యేసు ఒక్కడే (2) / జీవమార్గమై సత్యదైవమై / మోక్షానికి చేర్చువాడు యేసు ఒక్కడే (2) ||ఒక్కడే|| / అద్వితీయ దేవుడు యేసు ఒక్కడే / అద్భుతములు చేయువాడు యేసు ఒక్కడే (2) / ఆదరించి ఆశ్రయమిచ్చి / అనుక్షణము కాపాడు యేసు ఒక్కడే (2) ||ఒక్కడే|| / నిత్యమూ ప్రేమించువాడు యేసు ఒక్కడే / నిత్యా శాంతినిచ్చువాడు యేసు ఒక్కడే (2) / నీ వేదనలో నీ బాధలలో / నీ అండగా నిలుచువాడు యేసు ఒక్కడే (2) ||ఒక్కడే|| / మరణము గెలిచినవాడు యేసు ఒక్కడే / మరల రానున్నవాడు యేసు ఒక్కడే (2) / పరిశుద్దులను ఆ పరమునకు / కొనిపోవువాడు యేసు ఒక్కడే (2) ||ఒక్కడే||
కట్టెలపై నీ శరీరం కనిపించదు గంటకు మళ్ళీ / మట్టిలోన పెట్టిన నిన్నే గుర్తించదు నీ తల్లి / ఎన్ని చేసినా తనువు నమ్మినా / కట్టె మిగిల్చింది కన్నీటి గాధ – (2) ||కట్టెలపై|| / దేవాది దేవుడే తన పోలిక నీకిచ్చెను / తన ఆశ నీలో చూసి పరితపించిపోవాలని (2) / కన్న తండ్రినే మరచి కాటికెళ్ళిపోతావా / నిత్య జీవం విడచి నరకమెళ్ళి పోతావా (2) ||ఎన్ని చేసినా|| / ఆత్మ నీలో ఉంటేనే అందరు నిను ప్రేమిస్తారు / అది కాస్త వెళ్ళిపోతే ఎవరికి నీ అవసరముండదు (2) / కన్నవారే ఉన్ననూ కట్టుకున్న వారున్ననూ / ఎవ్వరికీ కనిపించక నీ ఆత్మ వెళ్లిపోవును (2) ||ఎన్ని చేసినా||