126 songs found
సర్వాంగ కవచము నీవే / ప్రాణాత్మ దేహము నీవే / నా అంతరంగము నీవే దేవా (2) / నీ పోలికగ చేసి – నీ జీవమును పోసి / నా పాపమును తీసీ / నా భారమును మోసావయ్యా… యేసయ్యా / నా సర్వము నీవే నా యేసయ్యా ఓ.. ఓ.. / నా ప్రాణము నీవే నా యేసయ్యా (2) / వాక్యమను ఖడ్గము నీవై – రక్షణను శిరస్త్రాణమై / సత్యమను దట్టివి నీవై నా యేసయ్యా / నీతియను మైమరువునై విశ్వాసమను డాలునై / సమాధాన సువార్త నీవై నా యేసయ్యా ||నా సర్వము|| / దుఃఖమునకు ప్రతిగా ఉల్లాస వస్త్రము నీవై / బూడిదెనకు ప్రతిగా పూదండవై / దుఃఖమునకు ప్రతిగా ఆనందతైలము నీవై / భారభరితమైన ఆత్మకు స్తుతివస్త్రమై ||నా సర్వము||
సర్వాంగ సుందరా సద్గుణ శేఖరా / యేసయ్యా నిన్ను సీయోనులో చూచెదా / పరవశించి పాడుతూ పరవళ్ళు త్రొక్కెదా (2) / నా ప్రార్థన ఆలకించువాడా / నా కన్నీరు తుడుచువాడా (2) / నా శోధనలన్నిటిలో ఇమ్మానుయేలువై / నాకు తోడై నిలిచితివా (2) ||సర్వాంగ|| / నా శాపములు బాపినావా / నా ఆశ్రయ పురమైతివా (2) / నా నిందలన్నిటిలో యెహోషాపాతువై / నాకు న్యాయము తీర్చితివా (2) ||సర్వాంగ|| / నా అక్కరలు తీర్చినావా / నీ రెక్కల నీడకు చేర్చినావా (2) / నా అపజయాలన్నిటిలో యెహోవ నిస్సివై / నాకు జయ ధ్వజమైతివా (2) ||సర్వాంగ||
సర్వోన్నత స్థలములలో సమాధానము / ప్రాప్తించె ప్రజ కొరకు ప్రభు జన్మముతోను (2) / హల్లెలూయా అర్పణలు – ఉల్లముతో చెల్లింతుమ్ / రాజాధి రాజునకు – హోసన్నా ప్రభువునకు (2) ||సర్వోన్నత|| / పశువుల పాకలో మనకు శిశువు జన్మించె / పొత్తిగుడ్డలలో చుట్టగ పవళించిన తండ్రి (2) / ఆశ్చర్యకరుడు – ఆలోచనకర్త (2) / నిత్యుండు సత్యుండు నిజ రక్షణ క్రీస్తు (2) ||హల్లెలూయా|| / మన వ్యసనములను బాప మొత్తబడుట కొరకై / మన సమాధానార్థ శిక్ష మోపబడుట కొరకై (2) / మన దోషము బాప – మానవరూపమున (2) / జనియించె బాలుండు ఇమ్మానుయేలుండు (2) ||హల్లెలూయా||
సర్వోన్నతుడా / నీవే నాకు ఆశ్రయదుర్గము (2) / ఎవ్వరు లేరు – నాకు ఇలలో (2) / ఆదరణ నీవేగా -ఆనందం నీవేగా (2) / నీ దినములన్నిట ఎవ్వరు నీ ఎదుట / నిలువలేరని యెహోషువాతో (2) / వాగ్దానము చేసినావు / వాగ్దాన భూమిలో చేర్చినావు (2) ॥సర్వోన్నతుడా॥ / నిందలపాలై నిత్య నిబంధన / నీతో చేసిన దానియేలుకు (2) / సింహాసనమిచ్చినావు / సింహాల నోళ్లను మూసినావు (2) ॥సర్వోన్నతుడా॥ / నీతి కిరీటం దర్శనముగా / దర్శించిన పరిశుద్ధ పౌలుకు (2) / విశ్వాసము కాచినావు / జయజీవితము ఇచ్చినావు (2) ॥సర్వోన్నతుడా॥
సహోదరులారా ప్రతి మనుష్యుడు / ఏ స్థితిలో పిలువబడెనో / ఆ స్థితియందే దేవునితో సహవాసము / కలిగియుండుట మేలు (2) / సున్నతి లేకుండ పిలువబడితివా / సున్నతి పొంద నీవు ప్రయత్నించవద్దు (2) / సున్నతి పొంది నీవు పిలువబడితివా / సున్నతిని నీవు పోగొట్టుకొనవద్దు (2) / దేవుని ఆజ్ఞలను అనుసరించుటయే / మనకెంతో ముఖ్యమైనది (2) ||సహోదరులారా|| / దాసుడవైయుండి పిలువబడితివా / స్వతంత్రుడవగుటకు ప్రయత్నించుము (2) / స్వతంత్రుడుగ నీవు పిలువబడితివా / క్రీస్తు యేసుకు నీవు దాసుడవు (2) / విలువ పెట్టి మనము కొనబడినవారము / మనుష్యులకెప్పుడూ దాసులుగా ఉండకూడదు (2) ||సహోదరులారా||
అది తల మీద పోయబడి / అహరోను గడ్డము మీదుగా కారినా… / సహోదరులు ఐక్యత కలిగి నివసించుట / ఎంత మేలు – ఎంత మనోహరము / సహోదరులు ఐక్యత కలిగి నివసించుట / ఎంత మేలు – ఎంత మనోహరము / అది తల మీద పోయబడి / అహరోను గడ్డము మీదుగా కారినా… / పరిమళము – పరిమళ తైలము – (2) ||సహోదరులు|| / సంఘ సహవాసములో సహోదరులు / మత్సరము ద్వేషము అసూయతో నిండి (2) / వాక్యమును విడచి ఐక్యత లోపించి / తొలగిపోయిరి… ప్రభు కృప నుండి / సహవాసము పరిహాసమాయెను – (2) ||సహోదరులు|| / సిలువ వేయబడిన యేసు రక్షణ మరచి / స్వస్థతలు దీవెనలు అద్భుతములు (2) / క్షయమైన వాటి కొరకు – అక్షయుడగు ప్రభును వదిలి / అపహసించిరి… సువార్త సేవను / పరిశుద్ధాత్ముడు పరిహాసమొందెను – (2) ||సహోదరులు||
సాక్ష్యమిచ్చెద మన స్వామి యేసు దేవుడంచు / సాక్ష్యమనగా గనిన వినిన సంగతులను దెల్పుటయే (2) / సాక్ష్య మిచ్చు కొరకు నన్ను స్వామి రక్షించె నంచు ||సాక్ష్య|| / దిక్కు దెసయు లేని నన్ను దేవుడెంతో కనికరించి (2) / మక్కువతో నాకు నెట్లు మనశ్శాంతి నిచ్చినడో ||సాక్ష్య|| / పల్లెటూళ్ళ జనుల రక్షణ భారము నా పైని గలదు (2) / పిల్లలకును బెద్దలకును బ్రేమతో నా స్వానుభవము ||సాక్ష్య|| / బోధ చేయలేను వాద ములకు బోను నాక దేల (2) / నాధు డేసు ప్రభుని గూర్చి నాకు దెలసినంత వరకు ||సాక్ష్య|| / పాపులకును మిత్రుడంచు బ్రాణ మొసగి లేచెనంచు (2) / బాపముల క్షమించు నంచు బ్రభుని విశ్వసించు డంచు ||సాక్ష్య|| / చోరు లైన జారు లనా చారు లైన నెవ్వరైన (2) / ఘోరపాపు లైన క్రీస్తు కూర్మితో రక్షించు నంచు ||సాక్ష్య|| / పరమత దూషణము లేల పరిహసించి పలుకు టేల (2) / ఇరుగు పొరుగు వారి కెల్ల యేసు క్రీస్తు దేవు డంచు ||సాక్ష్య|| / ఎల్లకాల మూరకుండ నేల యాత్మ శాంతి లేక (2) / తల్లడిల్లు వారలకును తండ్రి కుమా రాత్మ పేర ||సాక్ష్య||
సాగి సాగి పొమ్ము నీవు ఆగిపోక (2) / యేసుతోనే కడవరకు పరముదాక / యేసయ్యతోనే కడవరకు పరముదాక / వెనుతిరిగి చూడక వెనుకంజ వేయక (2) / విశ్వాసకర్త అయిన యేసు వైపు చూడుమా / నా హృదయమా ||సాగి|| / ఇశ్రాయేలు యాత్రలో ఎర్ర సముద్రం / ఇబ్బంది కలిగినే ఎదురు నిలువగా (2) / ఇమ్మానుయేలు నీకు తోడుండగా (2) / విడిపోయి త్రోవనిచ్చే ఎంతో వింతగా / ఎంతో వింతగా ||సాగి|| / పాపమందు నిలచిన పడిపోదువు / పరలోక యాత్రలో సాగకుందువు (2) / ప్రభు యేసు సిలువ చెంత నీవు నిలిచినా (2) / నిత్య జీవ మార్గమందు సాగిపోదువు / కొనసాగిపోదువు ||సాగి|| / విశ్వాస పోరాటంలో విజయ జీవితం / విజయుడేసు సన్నిధిలో మనకు దొరుకును (2) / విలువైన ఆత్మతో బలము నొందుము (2) / వింత లోకం ఎదురాడిన పడక నిలుతువు / పడిపోక నిలుతువు ||సాగి||
సాగిపోదును – ఆగిపోను నేను / విశ్వాసములో నేను – ప్రార్ధనలో నేడు (2) / హల్లెలూయ హల్లేలూయ – హల్లెలూయ హల్లేలూయ (2) / ఎండిన ఎడారి లోయలలో – నేను నడిచినను / కొండ గుహలలో – బీడులలో నేను తిరిగినను (2) / నా సహాయకుడు – నా కాపరి యేసే (2) / హల్లెలూయ హల్లేలూయ – హల్లెలూయ హల్లేలూయ (2) / పగలెండ దెబ్బకైనను – రాత్రి వేళ భయముకైనా / పగవాని బానములకైనా – నేను భయపడను (2) / నాకు ఆశ్రయము – నా ప్రాణము యేసే (2) / హల్లెలూయ హల్లేలూయ – హల్లెలూయ హల్లేలూయ (2) / పదివేల మంది పైబడినా – పదిలముగానే నుండెదను / ప్రభు యేసు సన్నిధానమే – నాకు ఆధారం (2) / నాకు కేడెము – నా కోటయు యేసే (2) / హల్లెలూయ హల్లేలూయ – హల్లెలూయ హల్లేలూయ (2)
సాగిలపడి మ్రొక్కెదము సత్యముతో ఆత్మలో / మన ప్రభు యేసుని ఆ ఆ ఆఆ (2) ||సాగిలపడి|| / మోషేకంటే శ్రేష్టుడు / అన్ని మోసములనుండి విడిపించున్ (2) / వేషధారులను ద్వేషించున్ / ఆశతో మ్రొక్కెదము (2) ||సాగిలపడి|| / అహరోనుకంటే శ్రేష్టుడు / మన ఆరాధనకు పాత్రుండు (2) / ఆయనే ప్రధాన యాజకుడు / అందరము మ్రొక్కెదము (2) ||సాగిలపడి|| / ఆలయముకన్న శ్రేష్టుడు / నిజ ఆలయముగ తానే యుండెన్ (2) / ఆలయము మీరేయనెను / ఎల్లకాలము మ్రొక్కెదము (2) ||సాగిలపడి|| / యోనా కంటె శ్రేష్టుడు / ప్రాణ దానముగా తన్ను అర్పించెన్ (2) / మానవులను విమోచించెన్ / ఘనపరచి మ్రొక్కెదము (2) ||సాగిలపడి|| / సొలోమోను కన్న శ్రేష్ఠుడు / సర్వజ్ఞానమునకు ఆధారుండు (2) / పదివేలలో అతిప్రియుండు / పదిలముగ మ్రొక్కెదము (2) ||సాగిలపడి|| / రాజులకంటే శ్రేష్ఠుడు / యాజకులనుగా మనలను చేసెన్ (2) / రారాజుగ త్వరలో వచ్చున్ / రయముగను మ్రొక్కెదము (2) ||సాగిలపడి|| / అందరిలో అతి శ్రేష్ఠుడు / మనకందరికి తానే ప్రభువు (2) / హల్లెలూయకు పాత్రుండు / అనుదినము మ్రొక్కెదము (2) ||సాగిలపడి||
సాగేటి ఈ జీవ యాత్రలో / రేగేను పెను తుఫానులెన్నో (2) / ఆదరించవా నీ జీవ వాక్కుతో / సేదదీర్చవా నీ చేతి స్పర్శతో (2) / యేసయ్యా.. ఓ మెసయ్యా / హల్లెలూయా నీకే స్తోత్రమయా (2) ||సాగేటి|| / సుడి గాలులెన్నో లోక సాగరాన / వడిగా నను లాగి పడద్రోసే సమయాన (2) / నడిపించగలిగిన నా చుక్కాని నీవే (2) / విడిపించగలిగిన నాకున్న దిక్కు నీవే (2) ||యేసయ్యా|| / వడ గాటులెన్నో నా పయనములోన / నడవలేక సొమ్మసిల్ల చేసే సమయాన (2) / తడబాటును సరి చేసే ప్రేమ మూర్తి నీవే (2) / కడవరకు నడిపే ఇమ్మానుయేలు నీవే (2) ||యేసయ్యా|| / అలల శ్రమలెన్నో బ్రతుకు నావపైన / చెలరేగి విలవిలలాడించే సమయాన (2) / నిలబెట్టి బలపరిచే బలవంతుడ నీవే (2) / కలవరమును తొలగించే కన్న తండ్రి నీవే (2) ||యేసయ్యా||
సాగేను నా జీవ నావ / దొరికేను ఓ ప్రేమ త్రోవ / నా యేసు పయనించు దారదీ / కల్వరిగిరి చేరే త్రోవదీ / ఆ….ఆ….ఆ…. ||సాగేను|| / నేనెవరో నేనెరుగని తరుణంలో / నా ఉనికిని యేర్పరచిన నాథుడు / విశ్వాసపు నా జీవనతీరంలో / ప్రేమ కెరటమై వచ్చెను యేసుడు / ఆ….ఆ….ఆ…. ||సాగేను|| / తన రక్త ధారలను ప్రోక్షించి / నా హృదిలో పాపము తొలగించెను / అనురాగ రసరమ్య గీతిక / నా హృదిలో ప్రేమను వెలిగించెను / ఆ….ఆ….ఆ…. ||సాగేను|| / ప్రభు పనిలో బలమైన యోధులుగా / ప్రతిచోటను నమ్మకముగా ఉండుటకు / నీవిచ్చిన తలాంతులను ప్రతిచోట / వాడుటకు మమ్మును బలపరచుము / ఆ….ఆ….ఆ…. ||సాగేను||