57 songs found
ఎందుకో నన్ను నీవు ప్రేమించావు దేవా / ఏ మంచి లేని నాకై ప్రాణమిచ్చావు ప్రభువా / నీ కృపను బట్టి ఉత్సాహగానము చేసేదనో దేవా (2) / హల్లెలూయా యెహోవ యీరే – హల్లెలూయా యెహోవ రాఫా / హల్లెలూయా యెహోవ షాలోమ్ – హల్లెలూయా యెహోవ షమ్మా ||ఎందుకో|| / నాకు బదులుగా నాదు శిక్షను నీవు భరియించావు / పాతాళ వేదన శ్రమలనుండి / నన్ను విడిపించావు (2) ||నీ కృపను|| / నే కృంగియున్న వేళలో నీవు కరుణించావు / నా గాయములను బాగు చేయ / నీవు శ్రమనొందావు (2) ||నీ కృపను|| / నీ బండపైన నాదు అడుగులు నీవు స్థిరపరిచావు / పరలోక పరిచర్య భాగస్వామిగా / నన్ను స్వీకరించావు (2) ||నీ కృపను||
ఎక్కడెక్కడో పుట్టి ఎక్కడెక్కడో పెరిగి (2) / చక్కనైన జంటగా ఇద్దరొక్కటగుటేమిటో / దేవుని సంకల్పం ఇది సృష్టిలోని చిత్రం – (2) / ఒంటరి బ్రతుకును విడిచెదరు / ఒకరి కొరకు ఒకరు బ్రతికెదరు (2) / పెళ్లినాటి నుండి తల్లి దండ్రుల వదలి / భార్య భర్తలు హత్తుకొనుటేమిటో ||దేవుని|| / గత కాల కీడంతా మరచెదరు / వీనులతో సంతసించెదరు (2) / పెళ్లినాటి నుండి ఒకరి కష్టం ఒకరు / ఇష్టముతో పంచుకొనుటేమిటో ||దేవుని|| / ఫలియించి భూమిని నింపెదరు / విస్తరించి వృద్ధి పొందెదరు (2) / పెళ్లినాటి నుండి మా కుటుంబం అంటూ / ప్రత్యేకముగా ఎంచుకొనుటేమిటో ||దేవుని||
ఎక్కడో మనసు వెళ్ళిపోయింది / ఏమిటో ఇటు రానే రానంది / ఆహాహా.. ఓహోహో… / నిజ ప్రేమ చెంతకు తను చేరానంటుంది / ఈ భువిలోన ఎక్కడైనను కానరాదంది (2) / అక్కడే చిక్కుకుపోయానంటుంది / బయటకు రానే రాలేనంటూ మారాము చేస్తుంది (2) ||ఎక్కడో|| / జీవితాంతము పాద చెంతనే ఉంటానంటుంది / తన ప్రియుని వదలి క్షణమైనా రాలేనన్నది (2) / దేనికీ ఇక చోటే లేదంది / యేసు రాజుని గుండె నిండ నింపుకున్నానంటుంది (2) ||ఎక్కడో|| / ఏకాంతముగా యేసయ్యతో ఉన్నానంటుంది / ఎవరైనా సరే మధ్యలో అసలెందుకు అంటుంది (2) / అక్కడే కరిగిపోతానంటుంది / ప్రేమ ప్రవాహములో మునిగి పోయానంటుంది (2) ||ఎక్కడో||
ఎటు చూచినా యుద్ధ సమాచారాలు / ఎటు చూచినా కరువూ భూకంపాలు / ఎటు చూచినా దోపిడీ దౌర్జన్యాలు / ఎటు చూచినా ఎన్నో అత్యాచారాలు / ఓ సోదరా ఓ సోదరీ (2) / రాకడ గురుతులని తెలుసుకోవా / తినుటకు త్రాగుటకు ఇది సమయమా ||ఎటు|| / మందసము నీ ప్రజలు – గుడారములో నివసిస్తుండగ / యోవాబుని సేవకులు దండులో నుండగను (2) / తినుటకు త్రాగుటకు భార్యతో నుండుటకు (2) / ఇది సమయమా.. ఇది సమయమా.. అని / ఆనాడు ఊరియా దావీదునడిగాడు / ఈనాడు నిన్ను కూడా ప్రభువు అడుగుచున్నాడు ||ఎటు|| / నా పితరుల యొక్క – సమాధులుండు పట్టణము / పాడైపోయెను పాడైపోయెను (2) / యెరూషలేము గుమ్మములు అగ్ని చేత కాల్చబడగా (2) / సంతోషముగ నుండుటకు ఇది సమయమా.. అని / ఆనాడు నెహెమ్యా పర రాజునడిగాడు / ఈనాడు నిన్ను కూడా ప్రభువు అడుగుచున్నాడు ||ఎటు|| / ఈనాడు దేశంలో ఎన్నో ఎన్నో దౌర్జన్యాలు / సజీవ దహనాలు స్త్రీల మానభంగాలు (2) / ఎన్నో గుడులు నేల మట్టం చేయబడుచుండగా (2) / తినుటకు త్రాగుటకు ఇది సమయమా అని / నీ సృష్టికర్తగు యేసు నిన్ను అడుగుచున్నాడు / ఈనాడు దేశం కొరకు ప్రార్ధించమన్నాడు ||ఎటు||
ఎట్టి వాడో యేసు – ఎన్ని వింతలు తనవి / వట్టి నరుడు కాడు – పట్టి చూడ ప్రభుని – (2) ||ఎట్టి|| / గాలి సంద్రాలను – గద్ధింపగా యేసు (2) / హద్దు మీరక ఆగి – సద్దుమణిగిపోయే (2) ||ఎట్టి|| / పక్షవాతపు రోగిని – తక్షణమే లెమ్మనగా (2) / పరుపెత్తుకొని లేచి – పరుగెత్తికొనిపోయె (2) ||ఎట్టి|| / పట్టు యేసుని పాదం – తట్టు దేవుని ద్వారం (2) / కట్టు ఇక నీ పాపం – నెట్టు నిను పరలోకం (2) ||ఎట్టి||
ఎడబాయని నీ కృప / నను విడువదు ఎన్నటికీ (2) / యేసయ్యా నీ ప్రేమానురాగం / నను కాయును అనుక్షణం (2) ||ఎడబాయని|| / శోకపు లోయలలో – కష్టాల కడగండ్లలో / కడలేని కడలిలో – నిరాశ నిసృహలో (2) / అర్ధమేకాని ఈ జీవితం / ఇక వ్యర్థమని నేననుకొనగా (2) / కృపా కనికరముగల దేవా / నా కష్టాల కడలిని దాటించితివి (2) ||ఎడబాయని|| / విశ్వాస పోరాటములో – ఎదురాయె శోధనలు / లోకాశల అలజడిలో – సడలితి విశ్వాసములో (2) / దుష్టుల క్షేమమునే చూచి / ఇక నీతి వ్యర్థమని అనుకొనగా (2) / దీర్ఘశాంతముగల దేవా / నా చేయి విడువక నడిపించితివి (2) ||ఎడబాయని|| / నీ సేవలో ఎదురైన – ఎన్నో సమస్యలలో / నా బలమును చూచుకొని – నిరాశ చెందితిని (2) / భారమైన ఈ సేవను / ఇక చేయలేనని అనుకొనగా (2) / ప్రధాన యాజకుడా యేసు / నీ అనుభవాలతో బలపరిచితివి (2) ||ఎడబాయని||
ఎడబాయని నీదు కృప – విడనాడని నీ ప్రేమ (2) / నన్నెంతగానో బలపరచెను / నన్నెంతగానో స్థిరపరచెను (2) / నన్ను బలపరచెను – నన్ను వెంబడించెను / నన్నెంతగానో స్థిరపరచెను (2) ||ఎడబాయని|| / కన్నీటి లోయలలో నుండి / నన్ను దాటించిన దేవా / సింహాల బోనులలో నుండి / నన్ను విడిపించిన ప్రభువా (2) ||నన్ను బలపరచెను|| / నేనున్నతమైన స్థితిలో / ఉండాలని ఆశించితివా / ఏ అర్హత నాకు లేకున్నా / నా కృప నీకు చాలునంటివే (2) ||నన్ను బలపరచెను|| / నేనెదుర్కొనలేని పరిస్థితులు / నా ఎదుట ఉన్నవి దేవా / నీ శక్తిని నేను కోరెదను / నన్ను విడిపించు నా దేవా (2) ||నన్ను బలపరచెను||
ఎత్తైన కొండపైన – ఏకాంతముగ చేరి / రూపాంతర అనుభవము పొ౦ద / ప్రార్ధించు ఓ ప్రియుడా – (2) ||ఎత్తైన|| / క్రీస్తు యేసు వెంటను / కొండపైకి ఎక్కుము (2) / సూర్యునివలె ప్రకాశింప మోము / వస్త్రము కాంతివలెను (2) / వస్త్రము కాంతివలెను… ||ఎత్తైన|| / పరిశుద్ధ సన్నిధిలో / ప్రభువుతో మాట్లాడుము (2) / ప్రభువు తిరిగి మాట్లాడు వరకు / ప్రార్ధించి ధ్యానించుము (2) / ప్రార్ధించి ధ్యానించుము… ||ఎత్తైన||
ఎనలేని ప్రేమ నాపైన చూపి / నీ వారసునిగ చేసినావు (2) / నీ ప్రేమ నేను చాటెదన్ / నా సర్వం నీవే యేసయ్యా (2) / నా శిక్షకు ప్రతిగా – ప్రాణము పెట్టిన దేవా / నీ సత్య మార్గములో – నను నడిపిన ప్రభువా (2) / నీ కృప చేత రక్షించినావే / నీ ఋణము నే తీర్చగలనా (2) ||ఎనలేని|| / తండ్రి లేని నాకు – పరమ తండ్రివి నీవై / ఒంటరినైయున్న నాతో – నేనున్నానని అన్నావు (2) / కన్నీరు తుడచి నన్నాదరించిన / ఆ జాలి నే మరువగలనా (2) ||ఎనలేని||
ఎన్ని తరములు స్తుతియించినా (2) / తీరునా నీ ఋణం (4) / నా ప్రాణము – నా జీవము (2) / నీవే నా యేసయ్యా / నీవే నా మెస్సయ్యా ||ఎన్ని|| / కరిగిపోని కన్నీరెంతో / కుమ్మరించాను – కుమ్మరించాను (2) / కరుణామయుడా కన్నులు తుడిచి (2) / (నీ) కృపను చూపావు – కృపను చూపావు (2) ||నా ప్రాణము|| / పాపములోనే పుట్టిన వారిని / పరిశుద్ధపరచితివి – పరిశుద్ధపరచితివి (2) / పరమ తండ్రి పవిత్రతతోనే (2) / (నీ) పరమున చేర్చెదవు – పరమున చేర్చెదవు (2) ||నా ప్రాణము||
ఎన్ని తలచినా ఏది అడిగినా / జరిగేది నీ చిత్తమే (2) ప్రభువా / నీ వాక్కుకై వేచియుంటిని / నా ప్రార్థన ఆలకించుమా (2) ప్రభువా / నీ తోడు లేక నీ ప్రేమ లేక / ఇలలోన ఏ ప్రాణి నిలువలేదు (2) / అడవి పూవులే నీ ప్రేమ పొందగా (2) / నా ప్రార్థన ఆలకించుమా (2) ప్రభువా ||ఎన్ని|| / నా ఇంటి దీపం నీవే అని తెలసి / నా హృదయం నీ కొరకై పదిలపరచితి (2) / ఆరిపోయిన నా వెలుగు దీపము (2) / వెలిగించుము నీ ప్రేమతో (2) ప్రభువా ||ఎన్ని|| / ఆపదలు నన్ను వెన్నంటియున్నా / నా కాపరి నీవై నన్నాదుకొంటివి (2) / లోకమంతయూ నన్ను విడచినా (2) / నీ నుండి వేరు చెయ్యవు (2) ప్రభువా ||ఎన్ని|| / నా స్థితి గమనించి నన్నూ ప్రేమించి / నా కొరకై కల్వరిలో యాగమైతివి (2) / నీదు యాగమే నా మోక్ష మార్గము (2) / నీయందే నిత్యజీవము (2) ప్రభువా ||ఎన్ని||
ఎన్ని మార్లు నీవు దైవ వాక్యమును విని / తిన్ననైన మార్గములో నడువకుందువు? / చిన్ననాటి నుండి నీవు క్రైస్తవుడవని / నులివెచ్చని జీవితమును విడువనందువు? (2) / విశ్వాసీ, ఏది నీ సాక్ష్యము? / దేనిపై ఉన్నది నీ లక్ష్యము? (2) / యేసుపైన లేకుంటే నీ నిరీక్షణ… / ఇంకెందుకు నీకు ఈ రక్షణ? – (2) ||ఎన్ని మార్లు|| / యేసు లేని జీవితం వ్యర్ధమని తెలిసినా / లోకమెప్పు కోసమే వెరచియున్నావా / క్రీస్తు వైపు సాగుతూ వెనుక తట్టు తిరిగితే / ఉప్పు శిలగ మిగిలెదవని మరచిపోయావా (2) / పాపమే వేరు చేసెను / దేవుని నుండి మనలనూ / సిలువ యాగమే దారి చూపెను / ఇకనైనా మార్చుకో నీ మనస్సునూ – (2) ||విశ్వాసీ|| / పాపానికి జీతము మరణమని తెలిసినా / ఇహలోక స్నేహమే పాపమని ఎరుగవా / ఎన్ని మార్లు తప్పినా ఒప్పుకుంటే చాలులే / పరలోకం చేరొచ్చనే భ్రమను విడువవా (2) / చేసిన ప్రతి పాపానికి / తీర్పు దినం ఉంది మరువకు / లేదు నీకు నిత్య జీవము / నీ జీవితం మార్పునొందే వరకు – (2) ||విశ్వాసీ||