11 songs found
ఉతక మీద తలుపు తిరుగు రీతిగా / తన పడక మీద సోమరి తిరుగాడును / గానుగ చుట్టెద్దు తిరుగు రీతిగా / సోమరి చుట్టూ లేమి తిరుగును / సోమరీ మేలుకో… వేకువనే లేచి ప్రార్ధించుకో.. (2) / జ్ఞానముతో నీ బ్రతుకును మార్చుకో / ప్రభు యేసుని నీ మదిలో చేర్చుకో (2) ||ఉతక|| / చిన్న జీవులు చీమలు చూడు / వాటికి ఏలిక లేనే లేదు (2) / అయినను అవి క్రమము గానే నడచును / వేసవిలో ఆహారము కూర్చును (2) ||సోమరీ|| / చిన్న కుందేళ్ళను చూడు / ఏ మాత్రము బలము లేని జీవులు (2) / పేరు సందులలో జీవించును / బంధకములు లేనివై తిరుగును (2) ||సోమరీ|| / చిన్న జీవులు మిడతలు చూడు / వాటికి న్యాయాధిపతి లేడుగా (2) / పంక్తులుగా తీరి సాగి పోవును / జ్ఞానము గల వానిగ పేరొందును (2) ||సోమరీ|| / తెల్లవారుచుండగనే పక్షులు / కిలకిలమని దేవుని స్తుతియించును (2) / బ్రతుకు తెరువు కోసమై తిరుగును / ప్రొద్దుగూకు వేళలో గూడు చేరును (2) ||సోమరీ|| / ఓ మానవుడా నీ మనసును మార్చుకో / ఎందుకో నీ పయనము తెలుసుకో (2) / ప్రభు రాకడ ఎప్పుడో అది తెలియదు / అంతమొచ్చుఁ కాలమొక్కటున్నది (2) ||సోమరీ||
ఉత్సాహ గానము చేసెదము / ఘనపరచెదము మన యేసయ్య నామమును (2) / హల్లెలూయ యెహోవ రాఫా / హల్లెలూయ యెహోవ షమ్మా / హల్లెలూయ యెహోవ ఈరే / హల్లెలూయ యెహోవ షాలోమ్ (2) / అమూల్యములైన వాగ్ధానములు / అత్యధికముగా ఉన్నవి (2) / వాటిని మనము నమ్మినయెడల / దేవుని మహిమను ఆనుభవించెదము (2) ||హల్లెలూయ|| / వాగ్ధాన దేశము పితరులకిచ్చిన / నమ్మదగిన దేవుడాయన (2) / జయించిన వారమై అర్హత పొంది / నూతన యెరుషలేం ఆనుభవించెదము (2) ||హల్లెలూయ||
ఉదయకాలము మధ్యాహ్నము / సాయంకాలము చీకటి వేళలో (2) / చింత లేదు బాధ లేదు / భీతి లేదు భయము లేదు / యేసు ఉన్నాడు / నాలో యేసు ఉన్నాడు (2) / లోకమునకు వెలుగైన / ఆ యేసే దారి చూపును (2) / చింత లేదు బాధ లేదు / భీతి లేదు భయము లేదు / యేసు ఉన్నాడు / నాలో యేసు ఉన్నాడు (4)
ఉదయమాయె హృదయమా / ప్రభు యేసుని ప్రార్ధించవే (2) / పదిలముగా నిను వదలకుండా / పడక నుండి లేపెనే (2) ||ఉదయమాయె|| / రాత్రి గడచిపోయెనే / రవి తూర్పున తెలవారెనే (2) / రాజా రక్షకుడేసు దేవుని / మహిమతో వివరించవే (2) ||ఉదయమాయె|| / తొలుత పక్షులు లేచెనే / తమ గూటి నుండి స్తుతించెనే (2) / తండ్రి నీవే దిక్కు మాకని / ఆకాశమునకు ఎగిరెనే (2) ||ఉదయమాయె|| / పరిశుద్ధుడా పావనుండా / పరంధాముడా చిరంజీవుడా (2) / పగటియంతయు కాచి మము / పరిపాలించుము దేవుడా (2) ||ఉదయమాయె|| / తండ్రి దాతవు నీవని / ధరయందు దిక్కు ఎవరని (2) / రాక వరకు కరుణ చూపి / కనికరించి బ్రోవుమా (2) ||ఉదయమాయె||
ఉదయించినాడు నా జీవితాన / నా నీతిసూర్యుడు నా యేసయ్యా / నా నీతిసూర్యుడు నా యేసయ్యా (2) / సర్వోన్నత స్థలములలో దేవునికి మహిమ / ఇష్టులైన వారికిల సమాధానము (2) ||ఉదయించినాడు|| / మతిలేని నా జీవితాన్ని – మరువలేదు నా మెస్సయ్యా (2) / మరియమ్మ గర్భాన జన్మించినాడు / మార్చెను నా బ్రతుకును నా యేసయ్యా (2) / మార్చెను నా బ్రతుకును నా యేసయ్యా ||ఉదయించినాడు|| / గురిలేని ఈ యాత్రలోన – గుర్తించి నన్ను పిలిచెను (2) / గుణవంతుడైన నా యేసయ్యనే / గురిగా నేను నిలుపుకుంటినే (2) / గురిగా నేను చేసుకుంటినే ||ఉదయించినాడు|| / కష్టాల కడగండ్లలోన కన్నీరు నే కార్చగా (2) / కడతేర్చుటకు కరుణామయునిగా / ఇలలో నాకై ఏతెంచెను (2) / ఇలలో నాకై ఏతెంచెను ||ఉదయించినాడు||
ఉదయించె దివ్య రక్షకుడు / ఘోరాంధకార లోకమున / మహిమ క్రీస్తు ఉదయించెను / రక్షణ వెలుగు నీయను – (2) ||ఉదయించె|| / ఘోరాంధకారమున దీపంబు లేక / పలు మారు పడుచుండగా (2) / దుఃఖ నిరాశ యాత్రికులంతా / దారి తప్పియుండగా (2) / మార్గదర్శియై నడిపించువారు (2) / ప్రభు పాద సన్నిధికి / దివ్య రక్షకుడు ప్రకాశ వెలుగు / ఉదయించె ఈ ధరలో – (3) ||ఉదయించె|| / చింత విచారముతో నిండియున్న / లోక రోదన విని (2) / పాపంబునుండి నశించిపోగా / ఆత్మ విమోచకుడు (2) / మానవాళికై మరణంబునొంది (2) / నిత్య జీవము నివ్వన్ / దివ్యరక్షకుడు ప్రకాశతార / ఉదయించె రక్షింపను – (3) ||ఉదయించె|| / పరలోక తండ్రి కరుణించి మనల / పంపేను క్రీస్తు ప్రభున్ (2) / లోకాంధులకు దృష్టినివ్వ / అరుదెంచె క్రీస్తు ప్రభువు (2) / చీకటి నుండి దైవ వెలుగునకు (2) / తెచ్చె క్రీస్తు ప్రభువు / సాతాను శృంగలములను తెంప / ఉదయించె రక్షకుడు – (3) ||ఉదయించె||
ఉన్నత స్థలములలో – నను సదా నిలిపితివి / నా శ్రమ దినములలో – కృపలతో కాచితివి (2) / స్తుతులకు పాత్రుడా నన్ను మరువని దేవుడా / మహిమ నీకేనయ్యా ఎన్నడూ మారని యేసయ్యా (2) / ఆది కాలమందే నాకు ఎప్పుడో పేరు పెట్టి / తల్లి గర్భమందె నన్ను ఆనవాలు పట్టి (2) / నన్ను ఏర్పరచిన నీదు రక్షణతో నింపిన / లేని అర్హతలను నాకు వరముగా చేసిన (2) దేవా ||ఉన్నత|| / కలుగు ఏ శోధన నన్ను నలుగ గొట్టకుండా / నీదు మార్గంబులో నేను వెనుక తిరుగకుండా (2) / శుద్ధ ఆత్మనిచ్చి నాకు మార్గములు చూపిన / హీనమైన నన్ను నీలో దృఢముగా మార్చిన (2) దేవా ||ఉన్నత|| / గాఢాంధకారపు లోయలో నేను కొనసాగినా / పదివేల జనములు నా కుడి ప్రక్కనే కూలినా (2) / నేను భయపడనుగా నీవే ఉంటె ఆశ్రయముగా / ఏ తెగులు రాదుగా నాదు గృహమును చేరగా (2) దేవా ||ఉన్నత||
ఉన్నపాటున వచ్చు-చున్నాను నీ పాద సన్నిధి-కో రక్షకా / ఎన్న శక్యము గాని పాపము-లన్ని మోపుగ వీపు పైబడి / యున్న విదె నడలేక తొట్రిలు-చున్నవాడను నన్ను దయగను ||ఉన్న|| / కారుణ్య నిధి యేసు – నా రక్షకా నీ శ-రీర రక్తము చిందుట / భూరి దయతో నన్ను నీ దరి – జేర రమ్మని పిలుచుటయు ని / ష్కారణపు నీ ప్రేమ యిది మరి – వేరే హేతువు లేదు నా యెడ ||ఉన్న|| / మసి బొగ్గు వలె నా మా-నస మెల్ల గప్పె దో-ష సమూహములు మచ్చలై / అసిత మగు ప్రతి డాగు తుడువను – గసుటు గడిగి పవిత్ర పరపను / అసువు లిడు నీ రక్తమే యని – మాసల కిప్పుడు సిలువ నిదె గని ||ఉన్న|| / వెలుపట బహు యుద్ధ-ములు లోపటను భయము – కలిగె నెమ్మది దొలాగెను / పలు విధములగు సందియంబుల – వలన పోరాటములచే నే / నలసి యిటునటు గొట్టబడి దు-ర్బలుడనై గాయములతో నిదె ||ఉన్న|| / కడు బీద వాడ నం-ధుడను దౌర్భాగ్యుడను చెడిపోయి పడియున్నాను / సుడివడిన నా మదికి స్వస్థత – చెడిన కనులకు దృష్టి భాగ్యము / బడయ వలసిన వన్ని నీ చే – బడయుటకు నా యొడ యడా యిదె ||ఉన్న|| / నీ వాగ్దత్తము నమ్మి – నీపై భారము పెట్టి – జీవ మార్గము గంటిని / కేవలంబగు ప్రేమ చేతను – నీవు నన్ను క్షమించి చేకొని / భావ శుద్ధి నొనర్చి సంతో-షావసరముల నిడుదువని యిదె ||ఉన్న|| / దరిలేని యానంద-కరమైన నీ ప్రేమ – తరమే వర్ణన చేయను / తెరవు కడ్డం బైన యన్నిటి – విరుగ గొట్టెను గాన నే నిపు / డరుదుగా నీ వాడ నవుటకు – మరి నిజము నీ వాడ నవుటకే ||ఉన్న||
ఉన్నాడు దేవుడు నాకు తోడు / విడనాడడెన్నడు ఎడబాయడు (2) / కష్టాలలోన నష్టాలలోన / వేదనలోన శోధనలోన ||ఉన్నాడు|| / గాఢాంధకారములో సంచరించినా / కన్నీటి లోయలో మునిగి తేలినా (2) / కరుణ లేని లోకము కాదన్ననూ (2) / కన్నీరు తుడుచును నను కొన్నవాడు ||ఉన్నాడు|| / యెహోవ సన్నిధిలో నివసింతును / చిరకాలమాయనతో సంతసింతును (2) / కృపా మధుర క్షేమములే నా వెంటె ఉండును (2) / బ్రతుకు కాలమంతయు హర్షింతును ||ఉన్నాడు||
ఉపవాసంతో ప్రార్ధనలో / నీ వైపే చూస్తున్నా దేవా / మోకాళ్లపై కన్నీటితో / నే చేయు ప్రార్ధన వినుము దేవా / అడిగిననూ ఇయ్యవా దేవా / వెదకిననూ దొరకవా దేవా / తట్టిననూ తీయవా దేవా / యేసయ్యా విను నా ప్రార్ధన ||ఉపవాసంతో|| / నా నోట మాటలెల్ల నిను స్తుతించాలయ్యా / నా యొక్క తలంపులన్ని నీవవ్వాలయ్య (2) / దీపముగా మారి వెలుగును ఇవ్వాలయ్యా (2) / రుచికరంగా నీ ఉప్పుగా ఉండాలయ్యా (2) ||అడిగిననూ|| / జీవించు కాలమంతా నీ సేవ చేయాలి / నీ యొక్క సువాసన నేనివ్వాలయ్యా (2) / నేటి యువతకు ఆదర్శంగా ఉండాలయ్యా (2) / రేపటి సంఘానికి నీ మార్గం చూపాలయ్యా (2) ||అడిగిననూ||
ఉల్లాస జీవితం అది ఊహకు అందనిది / ఉత్సాహమైనది అది నీతో నడచుటయే / కనుపాపే నీవయ్యా – కన్నీళ్లను భరియించి / కష్టాలలో కదిలొచ్చావా – నా కోసం యేసయ్యా (2) / నీవు నా కోసం దిగి వచ్చావా – నన్నూ ప్రేమించి / నా శిక్షను భరియించావా – నన్నూ బ్రతికించి / కరుణే లేని కఠినుల మధ్య నన్నూ / కరుణించేవానిగా చేసావయ్యా యేసయ్యా / కాపరి లేని జీవిత పయణంలోనా / నా కాపరి నీవై కాపాడావా యేసయ్యా / నా కోసం బలి అయ్యావా – నీవు నన్నూ ప్రేమించి / నా మార్గం స్థిరపరిచావా – నా కోసం దిగి వచ్చి / నీవు నా కోసం దిగి వచ్చావా – నన్నూ ప్రేమించి / నా శిక్షను భరియించావా – నన్నూ బ్రతికించి / నలిగిన నా జీవిత పయణంలోనా / నీ నవ్వును పుట్టించావా యేసయ్యా / నూతనమైన జీవిత మార్గంలోనా / నా పాదం నీతో నడిపించావా యేసయ్యా / నా కోసం ఏర్పరిచావా – పరలోకపు నివాసము / నా కోసం తిరిగొస్తావా – నీ కోసం వేచుంటా / నీవు నా కోసం తిరిగొస్తావా – నన్నూ ప్రేమించి / నా జీవిత పయనం – నీతోనే యేసయ్యా (2)