ఆరాధన కోసం తెలుగు క్రైస్తవ పాటల సాహిత్యం. మా సమాజం కోసం విశ్వసనీయ ఆన్లైన్ వనరుల నుండి సేకరించిన రోమన్ మరియు తెలుగు లిపిలో సాహిత్యం.
1604 songs total|By Alphabet|By Popularity
యేసయ్యా నా యేసయ్యా ఎపుడయ్యా నీ రాకడ / రమ్ము రమ్ము యేసునాథ వేగమె రారమ్ము / ఆమెన్ ఆమెన్ హల్లెలూయ ఆమెన్ హల్లెలూయ / చూచుటకెన్నో వింతలున్నవి ఈ భువిలోన / చూడగా ఎందరో ఘనులున్నారు ఈ ధరలోన / ఏమి చూచిన ఎవరిని చూచిన ఫలమేమి / నా కన్నులారా నిన్ను చూడాలి యేసయ్యా ||రమ్ము|| / నా రూపమే మారునంట నిన్ను చూచువేళ / నిన్ను పోలి ఉండెదనంట నీవు వచ్చు వేళ / అనంతమైన నీ రాజ్యమే నా స్వదేశమయ్యా / అందుండు సర్వ సంపదలన్నీ నా స్వంతమయ్యా ||రమ్ము|| / అమూల్యమైన రత్నములతో అలంకరించబడి / గొర్రెపిల్ల దీపకాంతితో ప్రకాశించుచున్న / అంధకారమే లేని ఆ దివ్యనగరమందు / అవధులు లేని ఆనందముతో నీతో నుండెదను ||రమ్ము||
రాకడనే రైలు బండి వస్తున్నది / రెండవ రాకడనే రైలు బండి వస్తున్నది (2) / పరిశుద్ధులకందులో చోటున్నది (2) / మంచి చోటున్నది – భలే చోటున్నది / చక్కని సీటున్నది ||రాకడనే|| / సత్యమనే చక్రములు దానికున్నవి / శాంతి అనెడి పైకప్పు దానికున్నది (2) / పాపములను క్షమియించే బ్రేకులున్నవి – బండికి బ్రేకులున్నవి / జీవమునకు మార్గమని కూయుచున్నది – కూత కూయుచున్నది ||రాకడనే|| / ప్రతి దినము బైబిలును పఠియించుము / ప్రార్దననెడి విజ్ఞాపన వివరించుము – ప్రభుకి వివరించుము / ఎదురు వీచే గాలులనెడి వ్యాధి బాధలన్ / సాతాను చిక్కులను యేసు రక్తమందు కడిగి / జయము పొందుము – పవిత్రుడవు కమ్ము ||రాకడనే|| / తండ్రి కుమారాత్మలనే రైలు బండిది / ఇంజను డ్రైవరు పేరు యెహోవాండి (2) / పరిశుద్ధ ఆత్మ అనెడి గార్డు ఉన్నాడు – బండికి గార్డు ఉన్నాడు / సిలువ జెండా ఎత్తి చూపి బండి నిలుపుము – నీవు ప్రవేశించుము ||రాకడనే|| / రక్షణనే టిక్కెట్టు దానికున్నది (2) / మారు మారుమనస్సు పొంది మీరు / ముందుకు రండి – టిక్కెట్టు కొనండి (2) ||రాకడనే|| / పాపులున్న స్టేషనులో బండి ఆగదు (2) / పరిశుద్ధుల స్టేషనులో / బండి ఆగును – రైలు బండి ఆగును (2) ||రాకడనే||
మార్గములను సృజించువాడు – జీవితాలను వెలిగించువాడు / బ్రతుకు నావ నడిపించువాడు – యెహోవాయే నాకుండగా (2) / నేను సాధించలేనిది లేనే లేదు – జయించలేనిది లేనే లేదు / అసాధ్యమైనది లేనే లేదు – విజయమెప్పుడూ నాదే (2) / ఎన్ని ఇక్కట్లు నాకెదురైననూ / జలములు నాపైకి లేచిననూ (2) / సంకెళ్లు నను బిగదీసిననూ / శత్రు గోడలు అడ్డుగా నిలచిననూ (2) ||నేను|| / జీవితమంతా శూన్యమైననూ / బంధువులందరు నను విడచిననూ (2) / వ్యాధులెన్నో నను చుట్టిననూ / అడ్డంకులెన్నో నాకెదురైననూ (2) ||నేను||
దేవా మా కుటుంబము – నీ సేవకే అంకితము (2) / ఈ శాప లోకాన – నీ సాక్షులుగా నిలువ / నీ ఆత్మతో నింపుమా (2) ||దేవా|| / కాపరి మా యేసు ప్రభువే – కొదువేమి లేదు మాకు / మాకేమి భయము – మాకేమి దిగులు / నీకే వందనములయ్యా / లోబడి జీవింతుము – లోపంబులు సవరించుము / లోకాశలు వీడి – లోకంబులోన / నీ మందగా ఉందుము ||దేవా|| / సమృద్ధి జీవంబును – సమృద్ధిగా మాకిమ్ము / నెమ్మది గల ఇల్లు – నిమ్మళమగు మనస్సు / ఇమ్మహిలో మాకిమ్మయ్యా / ఇమ్ముగ దయచేయుము – గిన్నె నిండిన అనుభవము / ఎన్నో కుటుంబాల ధన్యులుగా జేయంగా / మమ్ములను బలపరచుము ||దేవా|| / ఏ కీడు రాకుండగా – కాపాడుము మా పిల్లలను / లోక దురు వ్యసనంలా – తాకుడు లేకుండా / దాచుము నీ చేతులలో / ఒలీవ మొక్కల వలెను ద్రాక్షా తీగెలను పోలి / ఫల సంపదలతోను – కలకాలము జీవించ / కురుపించుము నీ దీవెనలన్ ||దేవా|| / పెంపారు జేయుము మాలో – సొంపుగ నీ ఘన ప్రేమన్ / నింపుమా హృదయములు – శాంతి భాగ్యంబులతో / సంతసంబుగ సాగెదము / వింతైన నీ ప్రేమను – అంతట ప్రకటింతుము / కొంత కాలమే మేము – ఉందుము లోకాన / చెంత చేరగ కోరెదము / నీ చెంత చేరగ కోరెదము ||దేవా||
శాశ్వతమైనది నీవు నాయెడ చూపిన కృప / అనుక్షణం నను కనుపాపవలె (2) / కాచిన కృప ||శాశ్వతమైనది|| / నీకు బహుదూరమైన నన్ను చేరదీసిన నా తండ్రివి (2) / నిత్య సుఖశాంతియే నాకు నీదు కౌగిలిలో (2) ||శాశ్వత|| / తల్లి తన బిడ్డలను మరచినా నేను మరువలేనంటివే (2) / నీదు ముఖకాంతియే నన్ను ఆదరించెనులే (2) ||శాశ్వత|| / పర్వతములు తొలగినను మెట్టలు తత్తరిల్లిన (2) / నా కృప నిను వీడదని అభయమిచ్చితివే (2) ||శాశ్వత||
శృతిచేసి నే పాడనా స్తోత్ర గీతం / భజియించి నే పొగడనా స్వామీ (2) / శృతిచేసి నే పాడనా స్తోత్ర గీతం / హల్లేలూయా హల్లేలూయా / హల్లెలూయ హల్లెలూయ హల్లేలుయా (2) ||శృతిచేసి|| / దానియేలును సింహపు బోనులో / కాపాడినది నీవెకదా (2) / జలప్రళయములో నోవాహును గాచిన / బలవంతుడవు నీవెకదా (2) / నీవెకదా (3) ||హల్లేలూయా|| / సమరయ స్త్రీని కరుణతో బ్రోచిన / సత్య హితుడవు నీవెకదా (2) / పాపులకొరకై ప్రాణమునిచ్చిన / కరుణామయుడవు నీవెకదా (2) / నీవెకదా (3) ||హల్లేలూయా||
యేసు వంటి సుందరుడు ఎవ్వరు ఈ భువిలో / ఎన్నడు నే చూడలేదు ఇక చూడబోనుగా / పరిపూర్ణ సుందరుడు భువిలోన జీవితమునకు / నీవే చాలు వేరేవ్వరు నాదు ప్రియ యేసయ్య / మట్టికోసం మాణిక్యమును విడిచిపెట్టెను / పాడు మట్టికోసం మాణిక్యమును విడిచిపెట్టెను / పరిపూర్ణ సుందరుడు రక్షించుకొంటివి నన్ను / సంపూర్ణముగా నన్ను నీకు అర్పించెదను ||యేసు|| / యెరుషలేము కుమార్తెలు నన్ను చుట్టుముట్టిరి / నీపై నున్న ప్రేమను తొలగించబూనిరి ||యేసు|| / దినదినం నీపై నాప్రేమ పొంగుచున్నది / యేసయ్యా వేగమే వచ్చి నన్ను చేరుము ||యేసు||
హే ప్రభుయేసు హే ప్రభుయేసు హే ప్రభు దేవసుతా / సిల్వధరా – పాపహరా – శాంతికరా ||హే ప్రభు|| / శాంతి సమాధానాధిపతీ / స్వాంతములో ప్రశాంతనిధీ (2) / శాంతి స్వరూపా జీవనదీపా (2) / శాంతి సువార్తనిధీ ||సిల్వధరా|| / తపములు తరచిన నిన్నెగదా / జపములు గొలిచిన నిన్నెగదా (2) / విఫలులు చేసిన విజ్ఞాపనలకు (2) / సఫలత నీవెగదా ||సిల్వధరా|| / మతములు వెదకిన నిన్నెకదా / వ్రతములుగోరిన నిన్నెగదా (2) / పతితులు దేవుని సుతులని నేర్పిన (2) / హితమతి వీవెగదా ||సిల్వధరా|| / పలుకులలో నీ శాంతికధ / తొలకరి వానగా కురిసెగదా (2) / మలమల మాడిన మానవ హృదయము (2) / కలకలలాడె కదా ||సిల్వధరా|| / కాననతుల్య సమాజములో / హీనత జెందెను మానవత (2) / మానవ మైత్రిని సిల్వ పతాకము (2) / దానము జేసెగదా ||సిల్వ ధరా|| / దేవుని బాసిన లోకములో / చావుయే కాపురముండె గదా (2) / దేవునితో సఖ్యంబును జగతికి (2) / యీవి నిడితివి గదా ||సిల్వ ధరా|| / పాపము చేసిన స్త్రీని గని / పాపుల కోపము మండె గదా (2) / దాపున జేరి పాపిని బ్రోచిన (2) / కాపరి వీవెగదా ||సిల్వ ధరా|| / ఖాళీ సమాధిలో మరణమును / ఖైదిగ జేసిన నీవే గదా (2) / ఖలమయుడగు సాతానుని గర్వము (2) / ఖండనమాయె గదా ||సిల్వ ధరా|| / కలువరిలో నీ శాంతి సుధా / సెలయేరుగ బ్రవహించె గదా (2) / కలుష ఎడారిలో కలువలు పూయుట (2) / సిలువ విజయము గదా ||సిల్వ ధరా||
హోసన్ననుచూ స్తుతి పాడుచూ సీయోనుకు చేరెదం (2) / హోసన్నా… హోసన్నా… (4) ||హోసన్ననుచూ|| / ఈ లోకయాత్రలో బాటసారులం / ఈ జీవన కడలిలో పరదేశులం (2) / క్షణభంగురం ఈ క్షయ జీవితం / అక్షయ నగరం మనకు శాశ్వతం (2) ||హోసన్నా|| / మన్నయిన ఈ దేహం మహిమరూపమై / ధవళవర్ణ వస్త్రములు ధరియించెదము (2) / నాధుడేసుకు నవ వధువులము / నీతి పాలనలోన యువరాణులము (2) ||హోసన్నా|| / ప్రతి భాష్ప బిందువును తుడిచివేయును / చింతలన్ని తీర్చి చెంత నిలుచును (2) / ఆకలి లేదు దప్పిక లేదు / ఆహా మన యేసుతో నిత్యమానందం (2) ||హోసన్నా||
హల్లెలూయ పాట – యేసయ్య పాట / పాడాలి ప్రతి చోట – పాడాలి ప్రతి నోట / హల్లెలూయా హల్లెలూయా హల్లెలూయా (4) ||హల్లెలూయ|| / కష్టాలుయే కలిగినా – కన్నీరుయే మిగిలినా (2) / స్తుతి పాటలే పాడుమా – ప్రభు యేసునే వేడుమా (2) ||హల్లెలూయ|| / చెరసాలలో వేసినా- సంకెళ్లు బిగియించినా (2) / స్తుతి పాటలే పాడుమా – ప్రభు యేసునే వేడుమా (2) ||హల్లెలూయ|| / నీ తల్లి నిను మరిచినా – మరువడు నీ దేవుడు (2) / స్తుతి పాటలే పాడుమా – ప్రభు యేసునే వేడుమా (2) ||హల్లెలూయ|| / శోధనలు నిను చుట్టినా – సంతోషమే తట్టినా (2) / స్తుతి పాటలే పాడుమా – ప్రభు యేసునే వేడుమా (2) ||హల్లెలూయ|| / సింహాల కెరవేసినా – అగ్నిలో పడవేసినా (2) / ధీరుడవై సాగుమా – ప్రభు సిల్వనే చాటుమా (2) ||హల్లెలూయ||
షారోను రోజా యేసే – పరిపూర్ణ సుందరుడు (2) / ప్రేమ మూర్తియని – ఆదరించు వాడని / ప్రాణప్రియుని కనుగొంటిని (2) / అడవులైనా లోయలైనా / ప్రభు వెంట నేను వెళ్ళెదను (2) ||షారోను|| / యేసుని ఎరుగని వారెందరో / వాంఛతో వెళ్ళుటకు ఎవరువున్నారు (2) / దప్పికతో ఉన్న ప్రభువునకే (2) / సిలువను మోసే వారెవ్వరు (2) ||అడవులైనా|| / సీయోను వాసి జడియకుము / పిలిచిన వాడు నమ్మదగినవాడు (2) / చేసిన సేవను మరువకా (2) / ఆదరించి బహుమతులెన్నో ఇచ్చును (2) ||అడవులైనా||
యేసు రాజుగా వచ్చుచున్నాడు / భూలోకమంతా తెలుసుకొంటారు (2) / రవికోటి తేజుడు రమ్యమైన దేవుడు (2) / రారాజుగా వచ్చు చున్నాడు (2) ||యేసు|| / మేఘాలమీద యేసు వచ్చుచున్నాడు / పరిశుద్దులందరిని తీసుకుపోతాడు (2) / లోకమంతా శ్రమకాలం (2) / విడువబడుట బహుఘోరం ||యేసు|| / ఏడేండ్లు పరిశుద్దులకు విందవబోతుంది / ఏడేండ్లు లోకం మీదికి శ్రమ రాబోతుంది (2) / ఈ సువార్త మూయబడున్ (2) / వాక్యమే కరువగును ||యేసు|| / వెయ్యేండ్లు ఇలపై యేసు రాజ్యమేలును / ఈ లోక రాజ్యాలన్ని ఆయన ఏలును (2) / నీతి శాంతి వర్ధిల్లును (2) / న్యాయమే కనబడును ||యేసు|| / ఈ లోక దేవతలన్నీ ఆయన ముందర / సాగిలపడి నమస్కరించి గడగడలాడును (2) / వంగని మోకాళ్ళన్నీ (2) / యేసయ్య యెదుట వంగిపోవును ||యేసు|| / క్రైస్తవుడా మరువవద్దు ఆయన రాకడ / కనిపెట్టి ప్రార్ధనచేసి సిద్ధముగానుండు (2) / రెప్ప పాటున మారాలి (2) / యేసయ్య చెంతకు చేరాలి ||యేసు||