ఆరాధన కోసం తెలుగు క్రైస్తవ పాటల సాహిత్యం. మా సమాజం కోసం విశ్వసనీయ ఆన్లైన్ వనరుల నుండి సేకరించిన రోమన్ మరియు తెలుగు లిపిలో సాహిత్యం.
1604 songs total|By Alphabet|By Popularity
హృదయపూర్వక ఆరాధన / మహిమ రాజుకే సమర్పణ (2) / నిత్యనివాసి సత్యస్వరూపి / నీకే దేవా మా స్తుతులు (2) ||హృదయ|| / నా మనసు కదిలించింది నీ ప్రేమ / నా మదిలో నివసించింది నీ కరుణ / ఎంతో ఉన్నతమైన దేవా (2) / క్షేమాధారము రక్షణ మార్గము / మాకు సహాయము నీవేగా (2) ||హృదయ|| / ఆత్మతో సత్యముతో ఆరాధన / నే బ్రతుకు కాలమంతా స్తుతి కీర్తన / నీకై పాడెదను యేసయ్యా (2) / కృపామయుడా కరుణ సంపన్నుడా / నిత్యము నిన్నే పూజింతును (2) ||హృదయ||
ఎల్లప్పుడును ప్రభువునందు ఆనందించండి / ప్రతి సమయములోను… / ప్రతి పరిస్థితిలోను ఆనందించండి (2) / యెహోవా చేసిన మేలుల కొరకై / ఎల్లప్పుడును ఆనందించండి (2) / ఆరాధించండి ||ఎల్లప్పుడును|| / పాపంబు తోడ చింతించుచుండ / నరునిగా ఈ భువిలో ఉదయించెగా / మన పాప భారం తన భుజమున మోసి / మనకై తన ప్రాణం అర్పించెగా (2) / ఉచితార్ధమైన రక్షణను నొసగి నీతిమంతుని చేసి / ఉల్లాస వస్త్రమును ధరియింపజేసి యున్నాడు గనుకే ||ఎల్లప్పుడును|| / విశ్వాసమునకు కలిగే పరీక్ష / ఓర్పును కలిగించే ఒక సాధనమై / శోధనకు నిలిచి సహించిన వేళ / జీవ కిరీటమును పొందెదము (2) / నానా విధాలైన శోధనలో పడినప్పుడు ఆనందించండి / సంపూర్ణులుగాను కొదువే లేని ఓర్పును కొనసాగించండి ||ఎల్లప్పుడును|| / ప్రతి బాష్ప బిందువును తుడిచి వేసి / మరణము దుఃఖము ఏడ్పును దూరము చేసి / మనతో నివాసమును కలిగి యుండుటకు / త్వరలోనే రారాజుగా రానైయుండె (2) / శుభప్రదమైన నిరీక్షణతో కాచియుండండి / సిద్ధమైన మనస్సును కలిగి వేచియుండండి ||ఎల్లప్పుడును||
దేవా… యెహోవా… / నాకు చాలిన వాడా (4) / నడి సంద్రమున తుఫాను ఎగసినప్పుడు / నీవుంటివి యేసయ్యా / ఒక్క మాటతో తుఫాను ఆగెను / నీ మాట చాలును యేసయ్యా (2) / నా జీవితంలో తుఫానులు ఆపివేయుమా / నీ మాట చేత నన్ను నీవు లేవనెత్తుమా (2) ||దేవా|| / అడవిలోన మన్నా కురిపించి / నీ బిడ్డగ పోషించితివి / బండ నుండి నీటిని తెచ్చి / దాహమును తీర్చావయ్యా (2) / నీ సమృద్ధిలో నుండి దయచేయుమా / నీ మహిమార్థమై నన్ను లేవనెత్తుమా (2) ||దేవా||
నీదు ప్రేమ నాలో ఉంచి జీవమునిచ్చావు / నీదు రూపమే నాలో ఉంచి నన్ను చేసావు / మంటివాడను నన్ను నీవు మహిమపరిచావు / మరణపాత్రుడనైన నన్ను పరము చేర్చావు / ఎంత ప్రేమ యేసయ్యా – నీకెంత నాపై కరుణయో / మరువగలనా నీ కృప – బ్రతుకంతయు (2) / తోడువైనావు నా నీడవైనావు / నీవు నాకు ఉండగా నాకు ఈ దిగులెందుకు / మంచి కాపరి నీవేనయ్యా నా యేసయ్యా / ఎంచలేనయ్యా నీ వాత్సల్యం ఓ మెస్సయ్యా / జీవితమంతా మరువలేనయ్యా ||నీదు ప్రేమ|| / ప్రాణమైనావు నీవే ధ్యానమైనావు / అన్నీ నీవై చేరదీసి ఆశ్రయమైనావు / నీతిసూర్యుడా పరిపూర్ణుడా నిత్య దేవుడా / కీర్తనీయుడా కృపాపూర్ణుడా సత్యజీవుడా / నేను నిన్ను విడువలేనయ్యా ||నీదు ప్రేమ||
నీ సన్నిధిలో ఈ ఆరాధనను / స్వీకరించుము నా ప్రభువా (2) / నా హృదయములో నీ ఆత్మ బలమును / నింపుము నాపై యేసయ్యా ||నీ సన్నిధిలో|| / ఆవిరివంటి వాడను నేను / మేఘ స్తంభమై నిలిచావు (2) / చల్లని నీ ప్రేమ గాలిని సోకించి (2) / వర్షముగా నను మార్చావు – మార్చావు ||నీ సన్నిధిలో|| / మోడులా మిగిలిన నాకై / సిలువ మ్రానిపై వ్రేళాడి (2) / నీ రక్తముతో నను ప్రోక్షించి (2) / నా మరణ శాపం తొలగించావు – తొలగించావు ||నీ సన్నిధిలో||
మంచిని పంచే దారొకటి / వంచన పెంచే దారొకటి / రెండు దారులలో నీ దారి / ఎంచుకో బాటసారి / సరి చూసుకో ఒక్కసారి (2) / మొదటి దారి బహు ఇరుకు – అయినా యేసయ్యుంటాడు / ప్రేమా శాంతి కరుణ – జనులకు బోధిస్తుంటాడు (2) / పాపికి రక్షణ తెస్తాడు / పరలోక రాజ్యం ఇస్తాడు (2) / అందుకే.. ఇరుకు దారిలో వెళ్ళయ్యా / విశాల మార్గం వద్దయ్యా ||మంచిని|| / మరియొక దారి విశాలం – కాని సాతానుంటాడు / కామం క్రోధం లోభం – నరులకు నేర్పిస్తాడు (2) / దేవుని ఎదిరిస్తుంటాడు / నరకాగ్నిలో పడదోస్తాడు (2) / అందుకే.. ఇరుకు దారిలో వెళ్ళయ్యా / విశాల మార్గం వద్దయ్యా ||మంచిని||
ఆరాధన ఆరాధన ఆరాధనా ఆరాధన / నా ప్రాణమైన ప్రాణమైన ప్రాణమైన యేసు (2) / నా ప్రాణమైన యేసు / నా ప్రాణముతో కలిసి / నా ప్రాణమా.. నే నిన్నే స్తుతియింతున్ – (2) ||నా ప్రాణమైన|| / లోకమంతా మాయెనయ్యా / నీ ప్రేమయే నాకు చాలునయ్యా (2) / (రాజా) నీ నామమునే స్తుతియింతున్ / నా యేసయ్యా.. నా జీవితమంతయు (2) ||నా ప్రాణమైన|| / ఆరాధన ఆరాధన / ఆరాధనా ఆరాధన / ఐ వర్షిప్ యు.. ఐ వర్షిప్ యు… / ఐ వర్షిప్ యు.. ఐ వర్షిప్ యు… / హల్లెలూయా హల్లెలూయా / హల్లెలూయా హల్లెలూయా / ఆరాధన ఆరాధన / ఆరాధనా ఆరాధన ||నా ప్రాణమైన||
దేవా ఈ జీవితం నీకంకితం (2) / ఎన్ని కష్టాలైనా… ఎన్ని నష్టాలైనా… / నీతోనే నా జీవితం / వ్యాధి బాధలైనా… శోక సంద్రమైనా… / నీతోనే నా జీవితం (2) ||దేవా|| / నీ ప్రేమను చూపించి – నీ కౌగిటిలో చేర్చి / నీ మార్గమునే నాకు చూపినావు (2) / నీతోనే నడచి – నీలోనే జీవించి / నీతోనే సాగెదను (2) ||ఎన్ని||
భూపునాది మునుపే – ఈ లోక సృష్టి ముందే / ఆనంద ధ్వనులు చేసి – పాడిరి ఉదయ నక్షత్రాలు / కొలతలేసినప్పుడే – ద్వారాలు తెరచినప్పుడే / ఆనంద ధ్వనులు చేసి – పాడిరి దేవుని కుమారులు / నూతనాకాశము.. నూతన లోకము… / నూతనెరుషలేము వచ్చును / దేవుడే మనతో.. గుడారమై యుండును… / మనమంతా మరలా పాడెదము ||భూపునాది|| / జీవమే జీవమే – ప్రాణమే ప్రాణమే / నిత్యము మనలో ఉందును (2) / తండ్రి క్రీస్తుయు – పరిశుద్ధాత్ముడు / మనతో ఏకమై యుండును ||భూపునాది|| / వేదన బాధయు – కన్నీరు దుఃఖము / ఇంకెక్కడా ఉండే ఉండవు (2) / సూర్య చంద్రులు – వెలుగును ఇవ్వవు / దేవుడే వెలుగై యుండును ||భూపునాది||
ఓ నాదు యేసు రాజా / నిన్ను నే నుతించెదను (2) / నీ నామమును సదా / నే సన్నుతించుచుండును (2) ||ఓ నాదు|| / అనుదినము నిను స్తుతియించెదను (2) / ఘనంబు చేయుచుండును నేను (2) ||ఓ నాదు|| / వర్ణించెద నే నీ క్రియలను (2) / స్మరియించెద నీ మంచితనంబున్ (2) ||ఓ నాదు|| / రక్షణ గీతము నే పాడెదను (2) / నిశ్చయ జయధ్వని నే చేసెదను (2) ||ఓ నాదు|| / విజయ గీతము వినిపించెదను (2) / భజియించెద జీవితమంతయును (2) ||ఓ నాదు|| / నిరీక్షణ పూర్ణత కలిగి (2) / పరికించెద నా ప్రభు రాకడను (2) ||ఓ నాదు||
దేవా నీ నామం / బలమైనది నీ నామం (2) / స్తుతియింతును నీ నామం / ఘనపరతును నీ నామం (2) / అన్నిటి కన్న పై నామం / యేసయ్యా నీ నామం (2) / ఆశ్రయ దుర్గము నీ నామం / నా కొండా నా కోట (2) / స్తుతియింతును నీ నామం / ఘనపరతును నీ నామం (2) / అన్నిటి కన్న పై నామం / యేసయ్యా నీ నామం (4)
ఉదయమాయె హృదయమా / ప్రభు యేసుని ప్రార్ధించవే (2) / పదిలముగా నిను వదలకుండా / పడక నుండి లేపెనే (2) ||ఉదయమాయె|| / రాత్రి గడచిపోయెనే / రవి తూర్పున తెలవారెనే (2) / రాజా రక్షకుడేసు దేవుని / మహిమతో వివరించవే (2) ||ఉదయమాయె|| / తొలుత పక్షులు లేచెనే / తమ గూటి నుండి స్తుతించెనే (2) / తండ్రి నీవే దిక్కు మాకని / ఆకాశమునకు ఎగిరెనే (2) ||ఉదయమాయె|| / పరిశుద్ధుడా పావనుండా / పరంధాముడా చిరంజీవుడా (2) / పగటియంతయు కాచి మము / పరిపాలించుము దేవుడా (2) ||ఉదయమాయె|| / తండ్రి దాతవు నీవని / ధరయందు దిక్కు ఎవరని (2) / రాక వరకు కరుణ చూపి / కనికరించి బ్రోవుమా (2) ||ఉదయమాయె||