ఆరాధన కోసం తెలుగు క్రైస్తవ పాటల సాహిత్యం. మా సమాజం కోసం విశ్వసనీయ ఆన్లైన్ వనరుల నుండి సేకరించిన రోమన్ మరియు తెలుగు లిపిలో సాహిత్యం.
1 song found|By Alphabet|By Popularity
ఇదిగో దేవా నా జీవితం / ఆపాదమస్తకం నీకంకితం (2) / శరణం నీ చరణం (4) ||ఇదిగో|| / పలుమార్లు వైదొలగినాను / పరలోక దర్శనమునుండి / విలువైన నీ దివ్య పిలుపుకు / నే తగినట్లు జీవించనైతి (2) / అయినా నీ ప్రేమతో / నన్ను దరిచేర్చినావు / అందుకే గైకొనుము దేవా / ఈ నా శేష జీవితం ||ఇదిగో|| / నీ పాదముల చెంత చేరి / నీ చిత్తంబు నేనెరుగ నేర్పు / నీ హృదయ భారంబు నొసగి / ప్రార్థించి పనిచేయనిమ్ము (2) / ఆగిపోక సాగిపోవు / ప్రియసుతునిగా పనిచేయనిమ్ము / ప్రతి చోట నీ సాక్షిగా / ప్రభువా నన్నుండనిమ్ము ||ఇదిగో|| / విస్తార పంట పొలము నుండి / కష్టించి పని చేయ నేర్పు / కన్నీటితో విత్తు మనసు / కలకాలం మరి నాకు నొసగు (2) / క్షేమ క్షామ కాలమైనా / నిన్ను ఘనపరచు బతుకునిమ్మయ్యా / నశియించే ఆత్మలన్ / నీ దరి చేర్చు కృపనిమ్మయ్యా ||ఇదిగో||