ఆరాధన కోసం తెలుగు క్రైస్తవ పాటల సాహిత్యం. మా సమాజం కోసం విశ్వసనీయ ఆన్లైన్ వనరుల నుండి సేకరించిన రోమన్ మరియు తెలుగు లిపిలో సాహిత్యం.
1 song found|By Alphabet|By Popularity
ఆశపడకు ఈ లోకం కోసం చెల్లెమ్మా / ఆశించేది ఏదైనా అది మట్టేనమ్మా / మనిషి ఆశించేది ఏదైనా అది మట్టేనమ్మా ||ఆశపడకు|| / ఆశలు రేపే సుందర దేహం – మట్టి బొమ్మ ఓ చెల్లెమ్మా / దేహం కోరేదేదైనా – అది మట్టిలోనే పుట్టిందమ్మా (2) / వెండి బంగారు వెలగల వస్త్రం / పరిమళ పుష్ప సుగంధములు (2) / మట్టిలోనుండి వచ్చినవేనని / మరువబోకు నా చెల్లెమ్మా (2) ||ఆశపడకు|| / అందమైన ఓ సుందర స్త్రీకి – గుణములేక ఫలమేమమ్మా / పంది ముక్కున బంగారు కమ్మీ – పెట్టిన ఫలితం లేదమ్మా (2) / అందమైన ఆ దీనా షెకెములు / హద్దులేక ఏమయ్యిందమ్మా (2) / అంతరంగమున గుణముకలిగిన / శారా చరిత్రకెక్కిందమ్మా (2) ||ఆశపడకు|| / జాతి కొరకు ఉపవాస దీక్షతో – పోరాడిన ఎస్తేరు రాణిలా / నీతి కొరకు తన అత్తను విడువక – హత్తుకున్న రూతమ్మ ప్రేమలా (2) / కన్నీళ్లతో ప్రభు కాళ్ళు కడిగి / తన కురులతో తుడిచిన మగ్దలీనలా (2) / హన్నా వలె మన దోర్కా వలె / ప్రిస్కిల్ల వోలె విశ్వాస వనితలా (2) / వారి దీక్షయే వారసత్వమై / అనంత రాజ్యపు నిత్య స్వాస్థ్యమై (2) / పవిత్రమైన హృదయము కలిగి / ప్రభువు కొరకు జీవించాలమ్మా (2) ||ఆశపడకు||