ఆరాధన కోసం తెలుగు క్రైస్తవ పాటల సాహిత్యం. మా సమాజం కోసం విశ్వసనీయ ఆన్లైన్ వనరుల నుండి సేకరించిన రోమన్ మరియు తెలుగు లిపిలో సాహిత్యం.
3 songs found|By Alphabet|By Popularity
నీ ప్రేమే నాకు చాలయ్యా ఓ యేసయ్యా / నీ కృపయే నాకు తోడయ్యా ఓ మెస్సయ్యా (2) / నీ దీవెనా నాకు చాలయ్యా (2) / ఓ కరుణామయా (4) ||నీ ప్రేమే|| / నన్ను ప్రేమించి నన్నాదరించి / నీ సన్నిధిలో నను నిలిపితివి (2) ||నీ దీవెనా|| / ఈ లోక మనుషులు నన్ను ద్వేషించినా / నీవు నన్ను మరువని దేవుడవు (2) ||నీ దీవెనా|| / కరువులు భూకంపాలు యుద్ధాలు వచ్చినా / నీ రాకడకు గుర్తులుగా ఉన్నవి (2) / నీ సువార్తను నే చాటెదను (2) / ఓ కరుణామయా (4) ||నీ ప్రేమే||
మనిషి బ్రతుకు రంగుల వలయం / ఆ బ్రతుకే క్షణ భంగురం (2) / మారాలి ప్రతి హృదయం / వెదకాలి క్రీస్తు రాజ్యము (2) ||మనిషి|| / గడ్డి పువ్వురా మనిషి జీవితం / గాలి వీచగా రాలిపోవును (2) / గాలిలో నిలువని దీపమురా ఇది / గాలిలో ఎగిరే గాలిపటం రా (2) / తెలుసుకో ఓ మానవా / ఈ క్షణమే ప్రభు యేసుని (2) ||మనిషి|| / ఆత్మ వెళ్లగా శవమని నిన్ను / ఇంట నుంచరు పంచ చేర్చెదరు (2) / ఇరుగు పొరుగువారు కూడ కొందరు / వల్లకాటి వరకే వచ్చెదరు (2) / తెలుసుకో ఓ మానవా / ఈ క్షణమే ప్రభు యేసుని (2) ||మనిషి|| / ధనమున్నదని గర్వించకురా / ధనమే నీకు తోడు రాదురా (2) / లోకమే నీకు అశాశ్వతంబురా / పరలోకమే నీకు శాశ్వతంబురా (2) / తెలుసుకో ఓ మానవా / ఈ క్షణమే ప్రభు యేసుని (2) ||మనిషి||
అందరు నన్ను విడచినా / నీవు నన్ను విడువనంటివే (2) / నా తల్లియు నీవే / నా తండ్రియు నీవే / నా తల్లి తండ్రి నీవే యేసయ్యా (2) / లోకము నన్ను విడచినా / నీవు నన్ను విడువనంటివే (2) / నా బంధువు నీవే / నా మిత్రుడ నీవే / నా బంధు మిత్రుడ నీవే యేసయ్యా (2) / వ్యాధులు నన్ను చుట్టినా / బాధలు నన్ను ముట్టినా (2) / నా కొండయు నీవే / నా కోటయు నీవే / నా కొండ కోట నీవే యేసయ్యా (2) / నేను నిన్ను నమ్ముకొంటిని / నీవు నన్ను విడువనంటివే (2) / నా తోడుయు నీవే / నా నీడయు నీవే / నా తోడు నీడ నీవే యేసయ్యా (2) ||అందరు నన్ను||