ఆరాధన కోసం తెలుగు క్రైస్తవ పాటల సాహిత్యం. మా సమాజం కోసం విశ్వసనీయ ఆన్లైన్ వనరుల నుండి సేకరించిన రోమన్ మరియు తెలుగు లిపిలో సాహిత్యం.
4 songs found|By Alphabet|By Popularity
దీవించావే సమృద్ధిగా – నీ సాక్షిగా కొనసాగమని / ప్రేమించావే నను ప్రాణంగా – నీ కోసమే నను బ్రతకమని / దారులలో.. ఎడారులలో.. సెలయేరులై ప్రవహించుమయా.. / చీకటిలో.. కారు చీకటిలో.. అగ్ని స్తంభమై నను నడుపుమయా.. ||దీవించావే|| / నువ్వే లేకుండా నేనుండలేను యేసయ్యా / నీ ప్రేమే లేకుండా జీవించలేను నేనయ్యా / నా ఒంటరి పయనంలో నా జంటగ నిలిచావే / నే నడిచే దారుల్లో నా తోడై ఉన్నావే (2) / ఊహలలో.. నా ఊసులలో.. నా ధ్యాస బాసవైనావే.. / శుద్ధతలో.. పరిశుద్ధతలో.. నిను పోలి నన్నిల సాగమని.. ||దీవించావే|| / కొలతే లేదయ్యా నీ జాలి నాపై యేసయ్యా / కొరతే లేదయ్యా సమృద్ధి జీవం నీవయ్యా / నా కన్నీరంత తుడిచావే కన్నతల్లిలా / కొదువంతా తీర్చావే కన్నతండ్రిలా (2) / ఆశలలో.. నిరాశలలో.. నేనున్నా నీకని అన్నావే.. / పోరులలో.. పోరాటములో.. నా పక్షముగానే నిలిచావే.. ||దీవించావే||
నిత్యం నిలిచేది – నీ ప్రేమే యేసయ్యా / నిలకడగా ఉండేది – నీ మాటే యేసయ్యా (2) / నాతో ఉండేది – నీ స్నేహం యేసయ్యా / నాలో ఉండేది – నీ పాటే యేసయ్యా (2) ||నిత్యం|| / మంటి పురుగునైనా నన్ను ఎన్నుకుంటివి / విలువలేని నా బ్రతుకునకు ప్రేమ పంచినావు (2) / నీకెవరూ సాటే రారయ్యా / నీకంటే లోకంలో ఘనులెవరేసయ్యా (2) ||నిత్యం|| / ఈ లోక స్నేహాలన్నీ మోసమే కదా / అలరించే అందాలన్నీ వ్యర్థమే కదా (2) / నిజమైన స్నేహం నీదయ్యా / నీ స్నేహం లేకుంటే నా బ్రతుకే వ్యర్థమయ్యా (2) ||నిత్యం||
ఓ మానవా.. నీ పాపం మానవా / యేసయ్య చెంత చేరి / నీ బ్రతుకు మార్చవా (2) / పాపములోనే బ్రతుకుచున్నచో చెడును నీ దేహము / పాపములోనే మరణించినచో తప్పదు నరకము (2) ||ఓ మానవా|| / ఎంత కాలము పాపములోనే బ్రతుకుచుందువు / ఎంత కాలము శాపములోనే కొట్టబడుదువు / ఎంత కాలము వ్యసనపరుడవై తిరుగుచుందువు / ఎంత కాలము దుఃఖములోనే మునిగియుందువు / యేసుని నమ్మి పాపము నుండి విడుదల పొందుము / యేసయ్య తన రక్తంతో నీ పాపం కడుగును (2) ||ఓ మానవా|| / ఎంత కాలము దేవుని విడిచి తిరుగుచుందువు / ఎంత కాలము దేవుడు లేక బ్రతుకుచుందువు / ఎంత కాలము దేవుని మాటను ఎదిరించెదవు / ఎంత కాలము దేవుని నీవు దుఃఖపరతువు / యెసయ్యే నీ పాపం కొరకు ప్రాణం పెట్టెను / యెసయ్యే నిను రక్షించి పరమున చేర్చును (2) ||ఓ మానవా||
స్తుతియించి కీర్తించి ఘనపరతును నా యేసయ్యా (2) / నీవే నా ఆరాధన యేసయ్యా / నీవే నా స్తుతి పాత్రుడా నా యేసయ్యా / నీవే నా ఆత్మలో ఆనందమయ్యా / నీవే నా జీవిత మకరందమయ్యా ||స్తుతియించి|| / గాఢాంధకారములోన వెలుగై నడిపించినావా / అగాధ జలములలోన మార్గము చూపించినావా (2) / అనుదినము మన్నాను పంపి / ప్రజలను పోషించినావా (2) / నీ ప్రజలను పోషించినావా ||స్తుతియించి|| / అగ్ని గుండము నుండి నీవు విడిపించినావు / సింహపు నోటి నుండి మరణము తప్పించినావు (2) / ప్రతి క్షణము నీవు తోడుగా నుండి / ప్రజలను రక్షించినావు (2) / నీ ప్రజలను రక్షించినావు ||స్తుతియించి|| / పాపములో ఉన్న మాకై రక్తము చిందించినావే / మరణములో ఉన్న మాకై సిలువలో మరణించినావే (2) / అనుదినము మాతో నీవుండి / మమ్ము నడిపించు దేవా (2) / మము పరముకు నడిపించు దేవా ||స్తుతియించి||