ఆరాధన కోసం తెలుగు క్రైస్తవ పాటల సాహిత్యం. మా సమాజం కోసం విశ్వసనీయ ఆన్లైన్ వనరుల నుండి సేకరించిన రోమన్ మరియు తెలుగు లిపిలో సాహిత్యం.
6 songs found|By Alphabet|By Popularity
నమ్మదగిన దేవుడవు యేసయ్యా / నిత్య జీవమిచ్చు దేవుడవు నీవయ్యా (2) / నా తేజోమయుడా నాదు రక్షకా / నను విడిపించిన నా విమోచకా (2) / నీ శరణు జొచ్చితి ఆదరించుము / సేదదీర్చి నీ అక్కున చేర్చుము / యేసయ్యా… సేదదీర్చి నీ అక్కున చేర్చుము ||నమ్మదగిన|| / నా ప్రాణము దప్పిగొని ఆశపడెనే / నీ కృపా వార్తను వినిపించుము (2) / నా పూర్ణ హృదయముతో ఆత్మతో / కృతజ్ణతా స్తుతులు చెల్లించెదన్ (2) ||నీ శరణు|| / నా ప్రాణము ఆపదలో చిక్కుబడెనే / నను రక్షించుటకై చేయి చాచితివే (2) / పదితంతుల సితారతో గానముతో / స్తుతి గానం చేసి కీర్తించెదన్ (2) ||నీ శరణు||
పసి బాలుడై ప్రేమా రూపుడై – ఇమ్మానుయేలు దైవమై / నీతి తేజమై సత్య రూపమై – బలమైన నా దుర్గమా / దీనుడవై పరమును విడిచి – నా కొరకు దిగి వచ్చావు / నా రక్షణ కొరకై నీవు – నర రూపము ధరించినావు / రండి రండి నేడు బెత్లహేము పురముకు / రండి రండి ఆ యేసు రాజునొద్దకు / రండి రండి పరిశుద్ధాత్ముని యొద్దకు / రండి రండి నేడు ఉత్సహించి పాడుటకు ||పసి బాలుడై|| / యేసు రాజు పుట్టేనని హల్లేలూయా / గంతులు వేసి పాడుదమా హల్లేలూయా / నిజ రక్షకుడు అని హల్లేలూయా / ఆరాధించెదము హల్లేలూయా ||రండి|| / ఆశ్చర్యకరుడని యేసు హల్లేలూయా / పరిశుద్ధుడు అని పాడుదమా హల్లేలూయా / రాజులకు రాజు హల్లేలూయా / ఘనపరచి కీర్తింతున్ హల్లేలూయా ||రండి||
నీ ప్రేమకు సాటి లేదయా / యేసయ్యా… నీ సన్నిధి నాకు మేలయ్యా (2) / నా కొరకై ప్రాణమిచ్చితివి / నా కొరకై సిలువనెక్కితివి (2) / కరుణించి కాపాడుమా నా యేసయ్యా / కన్నీటి ప్రార్దన ఆలకించుమా (2) ||నీ ప్రేమకు|| / అవిశ్వాసురాలై నేనుండగా అంధకారమందు రక్షించితివే / నా దీనస్థితిలో నా దరికి చేరి నీ వాక్యముతో బలపరచితివే (2) / మనోహరమైన నీ కృపనిచ్చి నన్నాదరించితివే (2) / నా బ్రతుకు దినములన్ని నిను వేడెదన్ నా యేసయ్యా (2) / నా యేసయ్యా…. ||నీ ప్రేమకు|| / ఏమివ్వగలను నీ ప్రేమకు నా సర్వము నీవేనయా / నా అతిశయము ఆధారము నాకన్నియు నీవేనయా (2) / విశ్వాసముతో నీటిపైన నన్ను నడువనిమ్ము (2) / నా అడుగులు తడబడగా నన్నెత్తుకో నా యేసయ్యా (2) / నా యేసయ్యా…. ||నీ ప్రేమకు||
నీ చిత్తమునే నెరవేర్చుటకై నను ఎన్నుకొని / నీ కృపావరమునే దానముగా దయచేసి (2) / నీ ప్రేమలో పరవశించి / నీ సన్నిధిలో నే చేరి / నీ నామమును నీ ప్రేమను నేను ఘనపరచెదను / దేవా… నా దేవా… / నా యేసయ్యా నా రక్షకుడా (2) ||నీ చిత్తమునే|| / హృదయము బద్దలై ఏడ్చిన వేళ / కన్నీటి ప్రార్దన చేసిన వేళ (2) / నీ చిత్తముకై నే ఎదురు చూసి / నీ బలము పొంద సహియింప చేసి / నా ప్రాణమును తృప్తి పరచితివే ||దేవా|| / నాలోని ప్రాణం తల్లడిల్లిపోగా / భూదిగంతములనుండి మొర్ర పెట్టుచున్నాను (2) / నా శత్రువుపైనే జయమునిచ్చి / నా ఆశ్రయమై ధైర్యమును నింపి / నా కోట నీవైతివే ||దేవా||
క్రిస్మస్ ఆనందం వచ్చెను మన ఇంటికి / దేవాది దేవుడు వెలసెను ఈ ధరణిలో (2) / ఆనందము మహదానందము / సంతోషము బహు సంతోషము (2) / మెర్రి మెర్రి మెర్రి క్రిస్మస్ / హ్యాప్పీ హ్యాప్పీ హ్యాప్పీ క్రిస్మస్ (2) ||క్రిస్మస్|| / శోధనలేమైనా – బాధలు ఎన్నైనా / రండి క్రీస్తు నొద్దకు… / రక్షణ ఇచ్చెను – ప్రభువైన యేసు నాథుడు (2) ||ఆనందము|| / చింతయే నీకున్నా – శాంతియే కరువైనా / రండి క్రీస్తు నొద్దకు… / నెమ్మది ఇచ్చెను – ప్రియమైన దైవ తనయుడు (2) ||ఆనందము||
ఆలకించుమో దేవా మా ఆక్రందనను / కోల్పోతిమయ్యా మా ఆత్మీయులను (2) / మా ధైర్యము నీవై – మము నడిపించుము తండ్రి / బలహీనులమైన మమ్ము బలపరచుమయ్యా… / భూదిగoతముల నుండి మొరపెట్టుచున్నాము / మా ప్రార్థన ఆలకించుమో దేవా (2) / మా కనులెత్తుచున్నాము కనికరించుము / నీ రాకడకు మమ్ము సిధ్ధపరచుము / అంధకారము అలముకొన్న – ఈ లోకములో / గొప్ప వెలుగుగా మమ్ము ఉండనిమ్ము ||ఆలకించుమో||