ఆరాధన కోసం తెలుగు క్రైస్తవ పాటల సాహిత్యం. మా సమాజం కోసం విశ్వసనీయ ఆన్‌లైన్ వనరుల నుండి సేకరించిన రోమన్ మరియు తెలుగు లిపిలో సాహిత్యం.
116 songs found|By Alphabet|By Popularity
బేత్లేహేం పురమున చిత్రంబు కలిగె / కర్తాది యేసు జన్మించినపుడు / అంధకారంపు పృథివి వీధులలో / మోదంపు మహిమ చోద్యంబుగానరే / ఉదయంపు తారల్ ముదమున బాడే / ఉదయించ యేసు ఈ పృథివిలోన / ముదమును గలిగె మరి సమాధానం / పదిలంబుతోడ పూజించ రండి ||బేత్లేహేం|| / పరమును విడచి నరరూపమెత్తి / అరుదెంచి యేసు పరమ వైద్యుండై / నరుల దుఃఖములన్ తొలగించివేసి / పరలోక శాంతి స్థిరపరచె ప్రభువు ||బేత్లేహేం|| / నీదు చిత్తమును నాదు హృదయమున / ముదమున జేయ మదినెంతో యాశ / నీదు పాలనము పరమందు వలెనె / ఈ ధరణియందు జరుగంగ జూడ ||బేత్లేహేం|| / దేవుని సన్నిధి దీనత నుండ / పావనయాత్మ పవిత్ర పరచున్ / పావనుడేసు ప్రకాశమిచ్చి / జీవంబు నొసగి జీవించు నెదలో ||బేత్లేహేం|| / గతించె రాత్రి ప్రకాశించె కాంతి / వితానముగ వికసించె నెల్ల / దూతల ధ్వనితో పతి యేసు క్రీస్తు / అతి ప్రేమతోడ అరుదెంచె నోహో ||బేత్లేహేం||
ఆహా యేమానందం ఆహా యేమానందము / చెప్ప శక్యమా (2) / ఆహా మా రాజగు యేసు మా వృజినముల / మన్నించి వేసెను (2) ||ఆహా|| / ముదముతో నాడుచు కూడుచు పాడుచు / ఆర్భాటించెదము (2) / వెదకుచు వచ్చిన యేసును హృదయాన / కోరి స్తుతింతుము (2) ||ఆహా|| / అక్షయుడగు ప్రేమతో రక్షణ బాకాను / గ్రహించినందున (2) / రక్షకుడు యేసును గూర్చి మా సాక్ష్యము / నిశ్చయముగా నిత్తుము (2) ||ఆహా|| / తెల్లంగి వాద్యము స్వర్ణ కిరీటము / మేడపై జయ జెండాల్ (2) / ఉల్లాసించి మంటి నుండి మింట కేగిన / రాజున్ స్తుతింతుము (2) ||ఆహా||
నా నాథుడా నా యుల్లమిచ్చితి నీకు (2) / అన్నియు నీకై వీడి – నిన్నే వెంబడించితిని (2) / పెన్నుగ నాలో నాటుమా (2) ప్రేమన్ ||నా నాథుడా|| / దేవాలయ విగ్రహముల్ – దేవతలు వేయిలక్షల్ (2) / యావత్తు పెంటయనుచు (2) నిదిగో ||నా నాథుడా|| / ఆదియంత రహితుడ – ఆత్మల నాయకుడా (2) / ఆశ కల్గించు నాలోన (2) నీవే ||నా నాథుడా|| / పరిశుద్ధ యవతరుడా – మరియు తేనె అమృతుడా (2) / కరుణతో నన్ను గావుమా (2) యిప్పుడు ||నా నాథుడా|| / భూతలమునకు వేంచేసి – పాతకుల ప్రేమించితివి (2) / పాతకుడ నేనైతిని (2) మహా ||నా నాథుడా|| / ఆద్యంతము లేనట్టి – బీదలకు ధన నిధీ (2) / సదయుడా నన్ను చూడుమా (2) యిపుడు ||నా నాథుడా|| / హల్లెలూయ గీతమును – ఎల్లెడల చాటించెదను (2) / ఉల్లమందానంద ధ్వని (2) యిదియే ||నా నాథుడా||
ఆత్మ దీపమును (2) / వెలిగించు యేసు ప్రభు (2) ||ఆత్మ|| / వసియించుము నా హృదయమునందు (2) / వసియించు నా నయనములందు (2) / అన్నియు నిర్వహించుచున్నావు (2) / నన్ను నిర్వహించుము ప్రభువా (2) ||ఆత్మ|| / కలుషాత్ములకై ప్రాణము బెట్టి (2) / కష్టములంతరింప జేసి (2) / కల్వరి సిలువలో కార్చిన రక్త (2) / కాలువ యందు కడుగుము నన్ను (2) ||ఆత్మ||
ఆనందము ప్రభు నాకొసగెను / నా జీవితమే మారెను (2) / నా యుల్లమందు యేసు వచ్చెన్ / నా జీవిత రాజాయెను (2) ||ఆనందము|| / ప్రభుని రుచించి ఎరిగితిని / ఎంతో ఎంతో ప్రేమాముర్తి (2) / విశ్వమంతట నే గాంచలేదు / విలువైన ప్రభు ప్రేమను (2) ||ఆనందము|| / సంతోషం సముద్రపు అలలన్ పోలి / పైకి ఉప్పొంగి ఎగయుచుండె (2) / నన్ను పిలిచి ఎన్నో మేలులు చేసే / నూతన జీవమొసగెన్ (2) ||ఆనందము|| / శత్రువున్ ఎదిరించి పోరాడెదన్ / విజయము పొంద బలమొందెదన్ (2) / ప్రభువుతో లోకమున్ జయించెదన్ / ఆయనతో జీవించెదన్ (2) ||ఆనందము||
ప్రభు యేసు నా రక్షకా / నొసగు కన్నులు నాకు / నిరతము నే నిన్ను జూడ (2) / అల్ఫయు నీవే – ఒమేగయు నీవే (2) ||ప్రభు యేసు|| / ప్రియుడైన యోహాను పత్మాసులో / ప్రియమైన యేసు నీ స్వరూపము (2) / ప్రియమార జూచి బహు ధన్యుడయ్యె / ప్రియ ప్రభు నిన్ను జూడనిమ్ము (2) ||ప్రభు యేసు|| / లెక్కలేని మార్లు పడిపోతిని / దిక్కులేనివాడ నేనైతిని (2) / చక్కజేసి నా నేత్రాలు దెరచి / గ్రక్కున నిన్ను జూడనిమ్ము (2) ||ప్రభు యేసు|| / ఎరిగి యెరిగి నే చెడిపోతిని / యేసు నీ గాయము రేపితిని (2) / మోసపోతి నేను దృష్టి దొలగితి / దాసుడ నన్ను జూడనిమ్ము (2) ||ప్రభు యేసు|| / ఎందరేసుని వైపు చూచెదరో / పొందెదరు వెల్గు ముఖమున (2) / సందియంబు లేక సంతోషించుచు / ముందుకు పరుగెత్తెదరు (2) ||ప్రభు యేసు|| / విశ్వాసకర్తా ఓ యేసు ప్రభూ / కొనసాగించువాడా యేసు ప్రభూ (2) / వినయముతో నేను నీ వైపు జూచుచు / విసుగక పరుగెత్త నేర్పు (2) ||ప్రభు యేసు|| / కంటికి కనబడని వెన్నియో / చెవికి వినబడని వెన్నియో (2) / హృదయ గోచరము కాని వెన్నియో / సిద్ధపరచితివ నాకై (2) ||ప్రభు యేసు|| / లోక భోగాలపై నా నేత్రాలు / సోకకుండునట్లు కృప జూపుము (2) / నీ మహిమ దివ్య స్వరూపమును / నిండార నను జూడనిమ్ము (2) ||ప్రభు యేసు||
నా మనో నేత్రము తెరచి / నా కఠిన హృదయమును మార్చి (2) / అంధకారములో నేనుండ (2) / వెదకి నన్ రక్షించితివి (2) ||నా మనో|| / నే పాప భారము తోడ / చింతించి వగయుచునుంటి (2) / కల్వరి సిలువలో నా శ్రమలన్ (2) / పొంది నన్ విడిపించితివి (2) ||నా మనో|| / ఎన్నాళ్ళు బ్రతికిననేమి / నీకై జీవించెద ప్రభువా (2) / బాధలు శోధనలు శ్రమలలో (2) / ఓదార్చి ఆదుకొంటివయా (2) ||నా మనో|| / నీ సన్నిధిని నే కోరి / నీ సన్నిధిలో నే మారి (2) / స్తుతి పాత్రగ ఆరాధింతున్ (2) / యుగయుగములు సర్వ యుగములు (2) ||నా మనో||
అడవి చెట్ల నడుమ / ఒక జల్దరు వృక్షం వలె / పరిశుద్ధుల సమాజములో / యేసు ప్రజ్వలించుచున్నాడు (2) / కీర్తింతున్ నా ప్రభుని / జీవ కాలమెల్ల ప్రభు యేసుని / కృతజ్ఞతతో స్తుతించెదను (2) / షారోను రోజా ఆయనే / లోయ పద్మమును ఆయనే / అతిపరిశుద్ధుడు ఆయనే / పదివేలలో అతిశ్రేష్టుడు (2) ||కీర్తింతున్|| / పరిమళ తైలం నీ నామం / దాని వాసన వ్యాపించెగా / నింద శ్రమ సంకటంలో / నను సుగంధముగా చేయున్ (2) ||కీర్తింతున్|| / మనోవేదన సహించలేక / సిలువ వైపు నే చూడగా / లేవనెత్తి నన్నెత్తుకొని / భయపడకుమని అంటివి (2) ||కీర్తింతున్|| / నా త్రోవకు దీపం నీవే / నా బ్రతుకుకు జీవం నీవే / నా సేవకు బలము నీవే / నా ఆత్మకాదరణ నీవే (2) ||కీర్తింతున్|| / ఘనమైన నా ప్రభువా / నీ రక్త ప్రభావమున / నా హృదయము కడిగితివి / నీకే నా స్తుతి ఘనత (2) ||కీర్తింతున్|| / నీవు నా దాసుడవనియు / ఏర్పరచుకొంటినని / నేనే నీ దేవుడనని / భయపడకు-మని అంటివి (2) ||కీర్తింతున్||
స్తోత్రింతుము నిను మాదు తండ్రి / సత్యముతో ఆత్మతో నెప్పుడు (2) / పరిశుధ్ధాలంకారములతో / దర్శించెదము శరణం శరణం (2) ||స్తోత్రింతుము|| / శ్రేష్ఠ యీవుల యూట నీవే / శ్రేష్ఠ కుమారుని ఇచ్చినందున (2) / త్రిత్వమై ఏకత్వమైన త్రి- / లోకనాథ శరణం శరణం (2) ||స్తోత్రింతుము|| / దవలవర్ణుడ రత్నవర్ణుడ / సత్యరూపి యనబడువాడా (2) / నను రక్షించిన రక్షకుండవు / నాథ నీవే శరణం శరణం (2) ||స్తోత్రింతుము|| / సంఘమునకు శిరస్సు నీవే / రాజా నీకే నమస్కారములు (2) / ముఖ్యమైన మూలరాయి / కోట్లకొలది శరణం శరణం (2) ||స్తోత్రింతుము|| / నీదు సేవకుల పునాది / జ్ఞానమునకు మించిన తెలివి (2) / అందముగనూ కూడుకొనుచు / వేడుకొందుము శరణం శరణం (2) ||స్తోత్రింతుము|| / రాజ నీకే స్తుతి స్తోత్రములు / గీతములు మంగళ ధ్వనులు (2) / శుభము శుభము శుభము నిత్యం / హల్లెలూయా ఆమెన్ ఆమెన్ (2) ||స్తోత్రింతుము||
యెహోవా నా కాపరి నాకు లేమిలేదు / పచ్చికగలచోట్ల మచ్చికతో నడుపున్ || యెహోవా || / మరణపు చీకటిలో తిరుగుచుండినను / ప్రభు యేసు నన్ను కరుణతో ఆదరించున్ || యెహోవా || / పగవారి ఎదుట ప్రేమతో ఒక విందు / ప్రభు సిద్ధము చేయున్ పరవశమెందెదను || యెహోవా || / నూనెతో నా తలను అభిషేకము చేయున్ / నా హృదయము నిండి పొర్లుచున్నది || యెహోవా || / చిరకాలము నేను ప్రభు మందిరములో / వసియించెద నిరతం సంతసమొందెదను || యెహోవా ||
ఓ యేసు నీ ప్రేమ ఎంతో మహానీయము / ఆకాశ తార పర్వత సముద్ర-ములకన్న గొప్పది (2) ||ఓ యేసు|| / అగమ్య ఆనందమే హృదయము నిండెను / ప్రభుని కార్యములు గంభీరమైనవి / ప్రతి ఉదయ సాయంత్రములు / స్తుతికి యోగ్యములు (2) ||ఓ యేసు|| / సంకట సమయములో సాగలేకున్నాను / దయచూపు నా మీదా అని నేను మెరపెట్టగా / వింటినంటివి నా మొర్రకు ముందే / తోడునుందునంటివి (2) ||ఓ యేసు|| / కొదువలెన్ని యున్నా భయపడను నేనెప్పుడు / పచ్చిక బయలులో పరుండ జేయును / భోజన జలములతో తృప్తి పరచు / నాతో నుండునేసు (2) ||ఓ యేసు|| / దేవుని గృహములో సదా స్తుతించెదనూ / సంపూర్ణ హృదయముతో సదా భజించెదనూ / స్తుతి ప్రశంస-లకు యోగ్యుడేసు / హల్లేలూయా ఆమేన్ (2) ||ఓ యేసు||
నీవెన్నాళ్ళు రెండు తలంపులతో / కుంటి కుంటి నడిచెదవీవు / యెహోవాయే నీ దేవుడా / లేక వేరే దేవతలున్నారా (2) / మనం తీర్మానించెదమిప్పుడే / మన నోట వంచన లేకుండా (2) / మరుగైన పాపములన్నిటిన్ / హృదయమునుండి తొలగించెదం (2) ||నీవెన్నాళ్ళు|| / మారు మనస్సు పొందెదమిప్పుడే / జీవిత మోసములనుండి (2) / పరిశుధ్ధులమై నిర్దోషులుగా / ప్రభు దినమందు కనబడెదం (2) ||నీవెన్నాళ్ళు|| / నేను నా ఇంటివారలము / యెహోవానే సేవించెదము (2) / నీవెవరిని సేవించెదవో / ఈ దినమే తీర్మానించుకో (2) ||నీవెన్నాళ్ళు||