ఆరాధన కోసం తెలుగు క్రైస్తవ పాటల సాహిత్యం. మా సమాజం కోసం విశ్వసనీయ ఆన్‌లైన్ వనరుల నుండి సేకరించిన రోమన్ మరియు తెలుగు లిపిలో సాహిత్యం.
116 songs found|By Alphabet|By Popularity
నిజముగా మొర పెట్టిన / దేవుడాలకించకుండునా / సహనముతో కనిపెట్టిన / సమాధానమీయకుండునా / జీవముగల దేవుడు మౌనముగా ఉండునా / తన పిల్లలకాయన మేలు చేయకుండునా (2) ||నిజముగా|| / పరలోక తండ్రినడిగిన / మంచి ఈవులీయకుండునా (2) / కరములెత్తి ప్రార్థించినా / దీవెనలు కురియకుండునా (2) ||జీవముగల|| / సృష్టి కర్త అయిన ప్రభువుకు / మన అక్కర తెలియకుండునా (2) / సరి అయిన సమయానికి / దయచేయక ఊరకుండునా (2) ||జీవముగల|| / సర్వశక్తుడైన ప్రభువుకు / సాధ్యము కానిదుండునా (2) / తన మహిమ కనపరచుటకు / దయ చేయక ఊరకుండునా (2) ||జీవముగల||
నమ్మకమైన నా ప్రభు / నిన్ను నే స్తుతింతును – నిన్ను నే స్తుతింతును || నమ్మకమైన || / కరుణతోడ పిల్చియు – స్థిరపరచి కాపాడిన / స్థిరపరచి కాపాడిన / స్థిరపరచిన నా ప్రభున్ / పొగడి నే స్తుతింతును (2) || నమ్మకమైన || / ఎన్నో సార్లు నీ కృపన్ – విడచియుంటినో ప్రభు / విడచియుంటినో ప్రభు / మన్ననతోడ నీ దరిన్ / చేర్చి నన్ క్షమించితివి (2) || నమ్మకమైన || / కృంగియుండు వేళలో – పైకి లేవనెత్తితివి / పైకి లేవనెత్తితివి / భంగ పర్చు సైతానున్ / గెల్చి విజయమిచ్చితివి (2) || నమ్మకమైన || / నా కాశ్రయశైలమై – కోటగా నీవుంటివి / కోటగా నీవుంటివి / ప్రాకారంపు ఇంటివై / నన్ను దాచియుంటివి (2) || నమ్మకమైన || / సత్య సాక్షివై యుండి – నమ్మదగినవాడవై / నమ్మదగినవాడవై / నిత్యుడౌ మా దేవుడా / ఆమేనంచు పాడెద (2) || నమ్మకమైన ||
కృతజ్ఞతన్ తలవంచి / నాదు జీవము అర్పింతును / లేదే ఇక-నే ఈవి ఇల / అర్పింతును నన్నే నీకు (2) / దూరమైతి నీ ప్రేమ మరచి / నే రేపితి నీ గాయముల్ (2) / దూరముగా నిక వెళ్ళజాల / కూర్చుండెద నీ చెంతనే (2) ||కృతజ్ఞతన్|| / ఆకర్షించే లోకాశాలన్ని / లోక మహిమ నడ్డగించు (2) / కోర్కెలన్నీ క్రీస్తు ప్రేమకై / నిక్కముగా త్యజింతును (2) ||కృతజ్ఞతన్|| / తరముల నీ ప్రేమ నాకై / వర్ణింపను అశక్యము (2) / నిరంతరము సేవించినను / తీర్చలేను నీ ఋణము (2) ||కృతజ్ఞతన్||
నీ జల్దరు వృక్షపు నీడలలో / నేనానంద భరితుడనైతిని (2) / బలు రక్కసి వృక్షపు గాయములు (2) / ప్రేమా హస్తములతో తాకు ప్రభు (2) ||నీ జల్దరు|| / నా హృదయపు వాకిలి తీయుమని / పలు దినములు మంచులో నిలచితివి (2) / నీ శిరము వానకు తడిచినను (2) / నను రక్షించుటకు వేచితివి (2) ||నీ జల్దరు|| / నీ పరిమళ పుష్ప సుగంధములు / నా రోత హృదయమును నింపినవి (2) / ద్రాక్షా రస ధారల కన్న మరి (2) / నీ ప్రేమే ఎంతో అతి మధురం (2) ||నీ జల్దరు|| / ఓ ప్రియుడా నా అతి సుందరుడా / దవళ వర్ణుడా నాకతి ప్రియుడా (2) / వ్యసనా క్రాంతుడుగా మార్చబడి (2) / నీ సొగసును నాకు నొసగితివి (2) ||నీ జల్దరు||
దేవుని స్తుతించ రండి / గత సంవత్సరమున కాపాడెన్ / కీడు మనలను చేరకను – కోటి / కీడుల నుండి కాపాడినట్టి – మహా ||దేవుని|| / కోట్లకొలది మరణించిరి / మన మిచ్చట చేరియున్నాము / కష్టముల బాపి మనల నింక / జగమున జీవితులుగా నుంచినట్టి – మహా ||దేవుని|| / ఎన్ని కీడుల మనము చేసిన / నన్ని మెల్లను చేసెనుగా / నిరతము కాచి చక్కగాను / ప్రభు ప్రేమతో కాచినందున స్తుతిచేసి ||దేవుని|| / ఏకముగా పాడి హర్షముతో / లెక్కలేని మేలులకై / ఆత్మ దేహములను బలిగా / నిపుడేసు కర్పించెద మేకముగా – చేరి ||దేవుని|| / వత్సారంభముననిను / మే మొక్కటిగా నారాధింప / దైవ కుమారా కృపనిమ్ము / మా జీవిత కాలమంతయు పాడి – మహా ||దేవుని|| / భూమి యందలి మాయల నుండి / సైతానుని వలలో నుండి / ఆత్మతో నిను సేవింప / నిపు డేలుమనుచు బ్రతిమాలెదము – కూడి ||దేవుని||| / ప్రతి సంవత్సరమును మము జూడుము / దుర్గములో మము చేర్చుమయ్యా / దాటునప్పుడు నీ సన్నిధిని – చూపి / ధైర్యమునిచ్చి ఓదార్చుమయ్యా – మహా ||దేవుని|| / స్తోత్రింతుము ప్రభువా నీ పదముల / సకలాశీర్వాదముల నిమ్ము / ప్రేమతో ప్రభుతో నుండ / నెట్టి యాపద లేక బ్రోవుమామెన్ – ప్రభు ||దేవుని||
పరమ జీవము నాకు నివ్వ / తిరిగి లేచెను నాతో నుండ / నిరంతరము నన్ను నడిపించును / మరల వచ్చి యేసు కొని పోవును / యేసు చాలును – యేసు చాలును / యే సమయమైన యే స్థితికైన / నా జీవితములో యేసు చాలును / సాతాను శోధనలధికమైన / సొమ్మసిల్లక సాగి వెళ్ళెదను / లోకము శరీరము లాగినను / లోబడక నేను వెళ్ళెదను ||యేసు|| / పచ్చిక బయలులో పరుండజేయున్ / శాంతి జలము చెంత నడిపించును / అనిశము ప్రాణము తృప్తిపరచున్ / మరణ లోయలో నన్ను కాపాడును ||యేసు|| / నరులెల్లరు నన్ను విడిచినను / శరీరము కుళ్ళి కృశించినను / హరించినన్ నా ఐశ్వర్యము / విరోధివలె నన్ను విడచినను ||యేసు||
కన్నులనెత్తి పైరుల చూడు కోయగ లేరెవ్వరు (2) / ఓ యువకుడా! ఓ యువతీ! తినుచు త్రాగుచు సుఖింతువా? (2) / కన్నీటితో విత్తినచో కోయుదువు హర్షముతో (2) / ఆత్మీయ విజయముతో కొనసాగవా, నీ ప్రభుతో (2) ||ఓ యువకుడా|| / మోయాబున్ విడిచి నీవు యేసు ప్రభున్ హత్తుకొనవా? (2) / వినయమున దీనుడవై సేవింతువా ధన్యుడవై? (2) ||ఓ యువకుడా|| / విశ్వాస ప్రార్థనచే క్షీణతను తొలగింప (2) / జనములలో ప్రభు మహిమ నిండ సాగెదవా ఫలమొంద (2) ||ఓ యువకుడా|| / మందిరము పడియుండ మందుడవై నీవుండి (2) / సరంబీ గృహములలో సంతోష సమయమిదా? (2) ||ఓ యువకుడా|| / మహిమ ఆర్భాటముతో క్రీస్తు రాజు వేంచేయ (2) / నమ్మకమైన దాసునిగా ఎదుర్కొందువు హల్లెలూయా (2) ||ఓ యువకుడా||
నే యేసుని వెలుగులో నడిచెదను / రాత్రింబగలాయనతో నడిచెదను / వెల్గున్ నడిచెదను – వెంబడిచెదను / యేసుడే నా రక్షకుడు / నడిచెద నే ప్రభు యేసునితో / నడిచెద నే ప్రభు హస్తముతో / కాంతిలో నుండగ జయగాంతును / యేసునే నే వెంబడింతును / నే యేసుని వెలుగులో నడిచెదను / గాడంబగు చీకటిలో భయపడను / ఆత్మతో పాడుచు సాగిపోవుదును / యేసుడే నా ప్రియుండు ||నడిచెద|| / నే యేసుని వెలుగులో నడిచెదను / వెల్గులో ప్రభు స్వరము నే వినుచుందును / సర్వమిచ్చెదను చెంతనుండెదను / యేసుడే ప్రేమామయుడు ||నడిచెద|| / నే యేసుని వెలుగులో నడిచెదను / దిన సహాయము నే పొందెదను / సుఖ దుఃఖమైన మరణంబైన / యేసుడే నా యండనుండును ||నడిచెద|| / నే యేసుని వెలుగులో నడిచెదను / నా దృష్టిని ప్రభుపై నుంచెదను / సిల్వ ధ్వజమునే బట్టి వెళ్లెదను / యేసుడే నా చెంత నుండును ||నడిచెద||
జాగ్రత్త, భక్తులారా పిలుపిదే ప్రభు యేసు వేగవచ్చును / వందనం, హోసన్న, రాజాధి రాజు వచ్చును / వినుమార్భాటము బూరధ్వనియు ప్రధానదూత శబ్దము / చాలా రాత్రి గడిచిపోయే చూడు పగలు వచ్చెనుగా / విడువుము అంధకార క్రియలు తేజో ఆయుధముల ధరించుము ||జాగ్రత్త|| / గుర్తులన్ని నెరవేరినవి నోవహు కాలము తలచుము / లోతు భార్యను మరచిపోకు మేలుకొనెడి సమయము వచ్చె ||జాగ్రత్త|| / మన దినములు లెక్కింపబడెను మేల్కొనువారికి భయమేమి / ఘనముగ వారెత్తబడుదురు యెవరు ప్రభువుతో నడచెదరో ||జాగ్రత్త|| / దైవజనులు కలుతురు గగనమున – ప్రభునందు మృతులు జీవింతురు / మేఘమునందు ఎల్లరు చేరి అచ్చటనే ప్రభుని గాంతురు ||జాగ్రత్త|| / క్రియలను బట్టి ప్రతిఫలమిచ్చును విజయులే దాని పొందెదరు / ప్రీతిగ పల్కును ప్రభువే మనతో నావన్నియు మీవేయనుచు ||జాగ్రత్త||
గొర్రెపిల్ల వివాహోత్సవ / సమయము వచ్చెను రండి (2) / సర్వాధికారియు సర్వోన్నతుండైన (2) / మన తండ్రిని ఘనపరచి మనముత్సహించెదము (2) ||గొర్రెపిల్ల|| / సిద్ధపడెను వధువు సుప్రకాశము గల (2) / నిర్మల వస్త్రములతో నలంకరించుకొనెన్ (2) ||గొర్రెపిల్ల|| / పరిశుద్ధుల నీతి క్రియలే యా వస్త్రములు (2) / గొర్రె పిల్ల రక్తములో శుద్ధి నొందిన వారు (2) ||గొర్రెపిల్ల|| / తెల్లని గుర్రముపై కూర్చుండినవాడు (2) / నమ్మకమై యున్నట్టి పెండ్లి కుమారుండు (2) ||గొర్రెపిల్ల|| / దేవుని వాక్యమను నామము గలవాడు (2) / రక్తములో ముంచిన వస్త్రమున్ ధరియించె (2) ||గొర్రెపిల్ల|| / ప్రేమించి సంఘముకై ప్రాణంబు నిదె ప్రభువు (2) / పరిశుద్ధ పరచుట కొరకై తానప్పగించుకొనెన్ (2) ||గొర్రెపిల్ల|| / శ్రీ యేసు క్రీస్తుండే సంఘంబునకు శిరస్సు (2) / వాక్య ఉదకము తోడ శుద్ధి పరచుచుండె (2) ||గొర్రెపిల్ల||
గీతం గీతం జయ జయ గీతం / చేయి తట్టి పాడెదము (2) / యేసు రాజు లేచెను హల్లెలూయ / జయ మార్భటించెదము (2) || గీతం|| / చూడు సమాధిని మూసినరాయి / దొరలింపబడెను / అందు వేసిన ముద్ర కావలి నిల్చెను / దైవ సుతుని ముందు || గీతం|| / వలదు వలదు యేడువవలదు / వెళ్ళుడి గలిలయకు / తాను చెప్పిన విధమున తిరిగి లేచెను / పరుగిడి ప్రకటించుడి || గీతం|| / అన్న కయప వారల సభయు / అదరుచు పరుగిడిరి / ఇంక దూత గణముల ధ్వనిని వినుచు / వణకుచు భయపడిరి || గీతం|| / గుమ్మముల్ తెరచి చక్కగ నడువుడి / జయ వీరుడు రాగా / మీ మేళతాళ వాద్యముల్ బూర / లెత్తి ధ్వనించుడి || గీతం||
యెహోవాకు స్తుతులు పాడండి – మీరు / సమాజములో ప్రభు ప్రశంస పాడి / సభలో పాడండి మీరు యెహోవాకు / ఇశ్రాయేలు తమ సృష్టికర్తను / సీయోను వాసులు తమ రాజును / స్మరియించుకొని సంతోషింతురు / నాట్యమాడి తన స్తుతి పాడండి – మీరు ||యెహోవాకు|| / తంబురతోను సితారతోను / తనను గూర్చి గానము చేసి / దేవుని ప్రేమరసమును గ్రోలి / పావనాలంకారమును బొంది – మీరు ||యెహోవాకు|| / భక్తులై ఘనులై హర్షింతురు / ఉత్సాహమున ఊప్పొంగెదరు / పడకల మీద ప్రభువును కోరి / పాడి పాడి ప్రభువును దలచెదరు – మీరు ||యెహోవాకు|| / అన్య జనులను శిక్షించుటకు / రాజుల గొలుసుతో బంధించుటకు / రెండంచుల ఖడ్గమును ధరించిరి / దైవ భక్తులకు ఘనత యునిదే – మీరు ||యెహోవాకు||