ఆరాధన కోసం తెలుగు క్రైస్తవ పాటల సాహిత్యం. మా సమాజం కోసం విశ్వసనీయ ఆన్లైన్ వనరుల నుండి సేకరించిన రోమన్ మరియు తెలుగు లిపిలో సాహిత్యం.
8 songs found|By Alphabet|By Popularity
పరలోకమే నా అంతఃపురం / చేరాలనే నా తాపత్రయం (2) / యేసుదేవరా – కనికరించవా – దారి చూపవా (2) ||పరలోకమే|| / స్వల్ప కాలమే ఈ లోక జీవితం / నా భవ్య జీవితం మహోజ్వలం (2) / మజిలీలు దాటే మనోబలం / నీ మహిమ చూసే మధుర క్షణం (2) / వీక్షించు కన్నులు – విశ్వాస జీవితం – నాకు ఈయవా (2) ||పరలోకమే|| / పాపము నెదిరించే శక్తిని నాకివ్వు / పరులను ప్రేమించే మనసే నాకివ్వు (2) / ఉద్రేక పరచే దురాత్మను / ఎదురించి పోరాడే శుద్ధాత్మను (2) / మోకాళ్ళ జీవితం – కన్నీటి అనుభవం – నాకు నేర్పవా (2) ||పరలోకమే||
స్నేహితుడా నా స్నేహితుడా / నా ప్రాణ స్నేహితుడా / ఆపదలో నన్నాదుకొనే / నిజమైన స్నేహితుడా (2) / నన్నెంతో ప్రేమించినావు / నాకోసం మరణించినావు (2) / మరువగలనా నీ స్నేహము / మరచి ఇల నే మనగలనా (2) ||స్నేహితుడా|| / నా ప్రాణ ప్రియుడా నీ కోసమే / నే వేచానే నిరతం నీ తోడుకై (2) / ఇచ్చెదన్ నా సర్వస్వము / నాకున్న ఆశలు ఈడేర్చుము (2) ||స్నేహితుడా|| / కన్నీటితో ఉన్న నన్ను / కరుణించి నను పలుకరించావు (2) / మండిన ఎడారిలోన / మమత వెల్లువ కురిపించినావు (2) ||స్నేహితుడా||
జగతికి వెలుగును తెచ్చెనులే – క్రిస్మస్ క్రిస్మస్ / వసంత రాగం పాడెనులే – క్రిస్మస్ క్రిస్మస్ / రాజుల రాజు పుట్టిన రోజు – క్రిస్మస్ క్రిస్మస్ / మనమంతా పాడే రోజు – క్రిస్మస్ క్రిస్మస్ (2) / ఈ రాత్రిలో కడు దీనుడై / యేసు పుట్టెను బెత్లెహేములో (2) / తన స్థానం పరమార్ధం విడిచాడు నీకై / నీ కోసం నా కోసం పవళించే పాకలో (2) ||జగతికి|| / ఇమ్మానుయేలుగా అరుదించెను / దైవ మానవుడు యేసు దేవుడు (2) / నీ తోడు నా తోడు ఉంటాడు ఎప్పుడు / ఏ లోటు ఏ కీడు రానీయదు ఎన్నడు (2) ||జగతికి||
ఒకని తల్లి ఆదరించునట్లు / నను ఆదరించిన నా దేవుడు (2) / హీనుడనైనా బలహీనుడనైనా / కురూపినైనా కఠినుడనైనా (2) ||ఒకని|| / ఒకసారి నేను నీ మందనుండి / నే తప్పిపోయిన వేళ (2) / నను వెదకితివయ్యా కాపాడితివయ్యా (2) / నీ చంకపెట్టితివా యేసయ్యా (2) ||ఒకని|| / నీ సన్నిధినుండి నే దూరమవగా / చిక్కాను దొంగ చేతిలోన (2) / నను దోచిపోగా నను దాటిపోగా (2) / బ్రతికింప వచ్చితివా యేసయ్యా (2) ||ఒకని||
ఏం చేసానయ్యా నీకోసం ఈ బ్రతుకునిచ్చావని (2) / ఏం మోసానయ్యా నీకోసం నీవు నన్ను చూచావని (2) / ఒక్కరినైనా ఒక ఆత్మనైనా / రక్షించానా నీకై వెలిగించానా (2) ||ఏం చేసానయ్యా|| / ప్రాణమిచ్చావయ్యా బుద్ధినిచ్చావయ్యా / మాటలిచ్చావయ్యా నాకు బ్రతుకు నేర్పావయ్యా (2) / ఎన్ని ఇచ్చినా నిన్నే నేను ఘనపరచానా / నిన్నే ఎదిరించానా (2) / ఇప్పటికైనా నీ కోసం నే కష్టపడతానయ్యా (2) / నాకున్నవన్ని నీ పనిలో వాడనిస్తానయ్యా (2) ||ఏం చేసానయ్యా|| / ధనమునిచ్చావయ్యా ఘనతనిచ్చావయ్యా / శ్రద్ధ నిలిపావయ్యా పోషింప జేసావయ్యా (2) / ఎన్ని ఇచ్చినా నీకై నేను ఖర్చయ్యానా / నా కడుపు నింపుకున్నానా (2) ||ఇప్పటికైనా || / ఇల్లునిచ్చావయ్యా వాహనమునిచ్చావయ్యా / భాగ్యమిచ్చావయ్యా నాకు సుఖమునిచ్చావయ్యా (2) / ఎన్ని ఇచ్చినా నీకై నేను కష్టించానా / సోమరినైపోయానా (2) ||ఇప్పటికైనా ||
ఒంటరివి కావు ఏనాడు నీవు / నీ తోడు యేసు ఉన్నాడు చూడు (2) / ఆలకించవా ఆలోచించావా / ఆనందించవా (2) ||ఒంటరివి|| / వెలివేసారని చింతపడకుమా / ఎవరూ లేరని కృంగిపోకుమా / ఒంటరితనమున మదనపడకుమా / మంచి దేవుడు తోడుండగా (2) / ఆత్మహత్యలు వలదు / ఆత్మ ఆహుతి వలదు (2) ||ఆలకించవా|| / బలము లేదని భంగపడకుమా / బలహీనుడనని బాధపడకుమా / ఓటమి చూచి వ్యసనపడకుమా / బలమైన దేవుడు తోడుండగా (2) / నిరాశ నిస్పృహ వద్దు / సాగిపోవుటే ముద్దు (2) ||ఆలకించవా||
ఆశ్చర్యకరుడు ఆలోచనకర్త / నిత్యుడగు తండ్రి సమాధానకర్త (2) / తనవంటి గొప్ప దేవుడు ఎవరున్నారిలలో / తన సాటైనా దీటైనా దేవుడు లేడిలలో (2) ||ఆశ్చర్యకరుడు|| / తన చేతిలో రోగాలు లయమైపోయెను / తన చూపుతో దయ్యాలు విలవిలలాడెను (2) / తన మాటతో ప్రకృతినే శాసించినవాడు (2) / నీటిపై ఠీవిగా నడచినవాడతడు (2) ||ఆశ్చర్యకరుడు|| / మనకోసం తన ప్రాణాన్నే బలి ఇచ్చినవాడతడు / మనకోసం సజీవుడై లేచినవాడతడు (2) / తన శాంతినే పంచిపెట్టిన శాంతమూర్తి యేసు (2) / తన సర్వాన్నే ధారబోసిన త్యాగశీలి క్రీస్తు (2) ||ఆశ్చర్యకరుడు||
నాదంటూ లోకాన ఏదీ లేదయ్యా / ఒకవేళ ఉందంటే నీవిచ్చనదే ప్రభువా (2) / నీదే నీదే బ్రతుకంతా నీదే (2) ||నాదంటూ|| / నాకు ఉన్న సామర్ధ్యం / నాకు ఉన్న సౌకర్యం / నాకు ఉన్న సౌభాగ్యం / నాకు ఉన్న సంతానం (2) / ఆరగించే ఆహారం అనుభవించే ఆరోగ్యం (2) / కేవలం నీదేనయ్య (2) ||నాదంటూ|| / నాకు ఉన్న ఈ బలం / నాకు ఉన్న ఈ పొలం / త్రాగుచున్న ఈ జలం / నిలువ నీడ ఈ గృహం (2) / నిలచియున్న ఈ స్థలం బ్రతుకుచున్న ప్రతి క్షణం (2) / కేవలం నీదేనయ్య (2) ||నాదంటూ||