ఆరాధన కోసం తెలుగు క్రైస్తవ పాటల సాహిత్యం. మా సమాజం కోసం విశ్వసనీయ ఆన్లైన్ వనరుల నుండి సేకరించిన రోమన్ మరియు తెలుగు లిపిలో సాహిత్యం.
21 songs found|By Alphabet|By Popularity
దీవించావే సమృద్ధిగా – నీ సాక్షిగా కొనసాగమని / ప్రేమించావే నను ప్రాణంగా – నీ కోసమే నను బ్రతకమని / దారులలో.. ఎడారులలో.. సెలయేరులై ప్రవహించుమయా.. / చీకటిలో.. కారు చీకటిలో.. అగ్ని స్తంభమై నను నడుపుమయా.. ||దీవించావే|| / నువ్వే లేకుండా నేనుండలేను యేసయ్యా / నీ ప్రేమే లేకుండా జీవించలేను నేనయ్యా / నా ఒంటరి పయనంలో నా జంటగ నిలిచావే / నే నడిచే దారుల్లో నా తోడై ఉన్నావే (2) / ఊహలలో.. నా ఊసులలో.. నా ధ్యాస బాసవైనావే.. / శుద్ధతలో.. పరిశుద్ధతలో.. నిను పోలి నన్నిల సాగమని.. ||దీవించావే|| / కొలతే లేదయ్యా నీ జాలి నాపై యేసయ్యా / కొరతే లేదయ్యా సమృద్ధి జీవం నీవయ్యా / నా కన్నీరంత తుడిచావే కన్నతల్లిలా / కొదువంతా తీర్చావే కన్నతండ్రిలా (2) / ఆశలలో.. నిరాశలలో.. నేనున్నా నీకని అన్నావే.. / పోరులలో.. పోరాటములో.. నా పక్షముగానే నిలిచావే.. ||దీవించావే||
కలలాంటి బ్రతుకు నాది / కన్నీటి ఊట నాది (2) / కలలోనైనా ఊహించలేదే / కమనీయమైన ఈ బంధం / కల్వరిలో సిలువ త్యాగ బంధం (2) ||కలలాంటి|| / నేనేమిటో నా గతమేమిటో / తెలిసిన వారే క్షమియించలేరే / నా నడకేమిటో పడకేమిటో / ఎరిగిన వారే మన్నించలేరే / హేయుడనై చెడియుండగా.. నా యేసయ్యా / ధన్యునిగా నను మార్చినావే (2) ||కలలాంటి|| / నేనేమిటో నా విలువేమిటో / తెలియకనే తిరుగాడినానే / నీవేమిటో నీ ప్రేమేమిటో / ఎరుగక నిను నే ఎదిరించినానే / హీనుడనై పడియుండగా.. నా యేసయ్యా / దీవెనగా నను మార్చినావే (2) ||కలలాంటి||
యెహోవా నను కరుణించుమా / నా దేవా నను దర్శించుమా (2) / ఉదయమునే నీ సన్నిధిలో మొరపెడుతున్నాను / వేకువనే నీ కృప కొరకు కనిపెడుతున్నాను / దినమంతయు నేను ప్రార్ధించుచు ఉన్నాను ||యెహోవా|| / విచారము చేత నా కన్నులు గుంటలై / వేదన చేత నా మనస్సు మూగదై (2) / నా హృదయమెంతో అలసి సొలసి ఉన్నది / నా ప్రాణము నీకై ఎదురు చూస్తూ ఉన్నది (2) ||దినమంతయు|| / అవమానము చేత నా గుండెలో గాయమై / (నడి) వంచన చేత నా ఊపిరి భారమై (2) / నా హృదయమెంతో అలసి సొలసి ఉన్నది / నా ప్రాణము నీకై ఎదురు చూస్తూ ఉన్నది (2) ||దినమంతయు||
నన్ను కాదనవని – నను కాదనలేవని / నీ చెంతకు నే చేరినా (2) / నీ ప్రేమే చాలని – నిను ప్రేమించాలని / నీ మనసే నే కోరినా (2) ||నన్ను|| / లోకాన్ని చూసి నే – పాపాన్ని చేసి నే / అలసి నీ చెంత చేరినా (2) / సాతానుకు దొరికిన – లోకానికి లొంగిన / నీవే నా దిక్కని ఎంచినా – (2) ||నన్ను|| / లాభాన్నాశించి నే – లోపాలు చేసి నే / సొలసి నీ శరణు కోరినా (2) / శోధనలు లొంగిన – వంచనలకు ఒరిగిన / నీవే ఆధారమని యెంచినా – (2) ||నన్ను||
అంత్య దినములయందు ఆత్మను / మనుష్యులందరి మీద కుమ్మరించుమయా (2) / దేవా యవ్వనులకు దర్శనము / కలుగజేయుము (2) ||అంత్య|| / కోతెంతో విస్తారము / కోసేడి వారు లేరు / యవ్వనులకు నీ పిలుపునిచ్చి / సేవకు తరలింపుము (2) ||దేవా|| / సౌలు లాంటి యవ్వనులు / దమస్కు మార్గము వెళ్లుచుండగా (2) / నీ దర్శనము వారికిచ్చి / పౌలు వలె మార్చుము (2) ||దేవా|| / సంసోను లాంటి యవ్వనులు / బలమును వ్యర్ధ పరచుచుండగా (2) / నీ ఆత్మ బలమును వారికిచ్చి / నీ దాసులుగా మార్చుము (2) ||దేవా||
గలిలయ తీరాన చిన్న నావ / యేసయ్య ఏర్పరచు-కున్న నావ (2) / యేసయ్య సేవలో వాడబడిన / యేసయ్య బోధకు ఉపయోగపడిన / ఆ నావలా నేనుంటే చాలునయ్యా ||గలిలయ|| / యేసయ్య రాకకై ఎదురు చూసిన / యేసయ్యను మోస్తూ పరవశించిన (2) / ఆత్మల సంపాదనకై వాడబడిన / ఆశ్చర్య కార్యములెన్నో చూసిన / ఆ నావలా నిన్ను మోస్తే చాలునయ్యా ||గలిలయ|| / సుడిగుండాలెన్నో ఎదురొచ్చినా / పెనుతుఫానులెన్నో అడ్డొచ్చినా (2) / ఆగకుండా ముందుకే కొనసాగిన / అలుపెరగని సేవకై సిద్ధపడిన / ఆ నావలా నన్ను కూడా వాడుమయ్యా ||గలిలయ||
దేవా యెహోవా సీయోనులో నుండి / స్తుతియించెదా కొనియాడెదా కీర్తించెద (2) / కను మూసినా కను తెరిచినా – కనిపించె నీ రూపం / కల కానిది నిజమైనది – సిలువలో నీ త్యాగం / రక్తాన్ని చిందించి రక్షించినావా / ఈ పాపిని యేసయ్యా / నా దేవా.. నా ప్రభువా… / నీకేమర్పింతును – (2) ||దేవా|| / నను మోసిన నను కాచిన – నా తండ్రి నీవయ్యా / నా శిక్షను నీ శిక్షగా – భరియించినావయ్యా / ప్రాణంగా ప్రేమించి నా పాపముల కొరకై / బలియైతివా యేసయ్యా / నా దేవా.. నా ప్రభువా… / నీ సిలువే చాలయా – (2) ||దేవా||
నీవేగా యేసు నీవేగా / నీవేగా క్రీస్తు నీవేగా ||నీవేగా|| / పాపమునుండి విడిపించింది నీవేగా / పరిశుద్దునిగా మార్చినిది నీవేగా (2) / (నా) ఘోరపాపము మన్నించినిది / రోతబ్రతుకును మార్చినిది (2) ||నీవేగా|| / బలహీనతలో బలపరిచింది నీవేగా / దుఃఖములో నను ఓదార్చినిది నీవేగా (2) / (నా) ఓటములను ఓడించింది / బాధలన్నియు బాపినది (2) ||నీవేగా||
మెల్లని స్వరమే వినిపించావే / చల్లని చూపుతో దీవించినావే / వాక్యపు ఒడిలో లాలించినావే / ఆత్మీయ బడిలో నన్ను పెంచినావే / నీ మెల్లని స్వరమే చల్లని చూపే నాకు పది వేలయా / నీ మెల్లని స్వరమే చల్లని చూపే నాకు సుభాగ్యమయా (2) ||మెల్లని|| / తీయని గీతాన్ని వినిపించాలని / చల్లని వేళలో నిను నేను చేరితిని / అమృత రాగాన్ని వినిపించాలని / చల్లని వేళలో నిను నేను చేరితిని (2) / నాకంటే ముందుగా నీవొచ్చినావే / నీ మాట నా పాటగా మార్చేసినావే (2) ||మెల్లని|| / కృంగిన కాలములో వేదనల వేళలో / సోమసిన సమయములో నిను నేను చేరితిని (2) / నా గాథ అంతయు గమనించినావే / నా గుండె మంటలను ఆర్పేసినావే (2) ||మెల్లని||
ఎంతగ నిను కీర్తించినను – ఏమేమి అర్పించినను (2) / నీ ఋణము నే తీర్చగలనా / తగిన కానుక నీకు అర్పింపగలనా (2) / ప్రభువా నిను కీర్తించుటకు వేనోళ్లు చాలునా / దేవా నీకు అర్పించుటకు పొట్టేళ్లు చాలునా (2) / ఎంతగ నిను కీర్తించినను – యేమేమి అర్పించినను (2) / నీ ఋణము నే తీర్చగలనా / తగిన కానుక నీకు అర్పించగలనా (2) ||ప్రభువా|| / కుడి ఎడమవైపుకు విస్తరింపజేసి / నా గుడారమునే విశాల పరచి (2) / ఇంతగ నను హెచ్చించుటకు / నే తగుదునా… నే తగుదునా… / వింతగ నను దీవించుటకు / నేనర్హుడనా… నేనర్హుడనా… ||ప్రభువా|| / నీ నోటి మాట నా ఊటగ నుంచి / నా జీవితమునే నీ సాక్షిగ నిలిపి (2) / ఇంతగ నను వాడుకొనుటకు / నే తగుదునా… నే తగుదునా… / వింతగ నను హెచ్చించుటకు / నేనర్హుడనా… నేనర్హుడనా… ||ప్రభువా||
నలుగకుండ గోధుమలు కడుపు నింప గలుగునా / కరగకుండ కొవ్వొత్తి కాంతి నివ్వగలుగునా (2) / ఆత్మీయ యాత్రలో నలుగుటయే విలువయా / ఇరుకైన బాటలో కరుగుటయే వెలుగయా (2) ||నలుగకుండ|| / పగలని బండనుండి జలములు హోరులు / విరుగని పొలము మనకు పంటలివ్వగలుగునా (2) / పరలోక యాత్రలో పగులుటయే ఫలమయా (2) / విశ్వాసి బాటలో విరుగుటయే పరమయా (2) ||నలుగకుండ|| / రక్తము చిందకుండ పాపములు పోవునా / కన్నీరు కార్చకుండ కలుషములు కరుగునా (2) / అంతిమ యాత్రలో క్రీస్తేసే గమ్యమయా (2) / ఏకాంత బాటలో ప్రభు యేసే శరణమయా / బహు దూర బాటలో ప్రభు యేసే శరణమయా ||నలుగకుండ||
నిబ్బరముతో నా యేసుకే స్తుతి పాడెదా / వేకువనే లేచి నా ప్రభునే కొనియాడెదా (2) / యేసయ్యా… యేసయ్యా… స్తుతులకు పాత్రుడవు నీవయ్యా / యేసయ్యా… యేసయ్యా… మాహిమ ఘనతలు నీకయ్యా (2) ||నిబ్బరముతో|| / కష్టకాలమందు నాకు – కనికరము చూపెను / కాలుజారుతున్నవేళ – కరుణతో నిలిపెను (2) / కడుపు కాలుతున్నవేళ – నా కడుపు నింపెను / కన్నిటి బ్రతుకును – నాట్యముగా మార్చెను / కఠినమైన కాలములో – నా చెంత నిలిచెను ||యేసయ్యా|| / దిక్కుదెసలేని నాకు – దర్శనము నిచ్చెను / ధనము ఘనము లేని నాకు ఘనతనెంతో నిచ్చెను (2) / దిక్కుతోచని వేళ – నా దిక్కై నిలిచెను / దుష్ట శక్తులన్నిటిని – నాకు దూరపరచెను / దీవెనలు కుమ్మరించి – ధన్యునిగా చేసెను ||యేసయ్యా||