ఆరాధన కోసం తెలుగు క్రైస్తవ పాటల సాహిత్యం. మా సమాజం కోసం విశ్వసనీయ ఆన్లైన్ వనరుల నుండి సేకరించిన రోమన్ మరియు తెలుగు లిపిలో సాహిత్యం.
5 songs found|By Alphabet|By Popularity
ఇయ్యాల ఇంట్ల రేపు మంట్ల (2) / ఏది నీది కాదే యేసయ్య నీకు తోడే (2) ||ఇయ్యాల|| / నువ్వు తొడిగే చెప్పులకు గ్యారెంటి ఉంది / జేబుల పెన్నుకు గ్యారెంటి ఉంది (2) / గుండు సూదికి గ్యారెంటి ఉంది / నీ గుండెకు గ్యారెంటి లేదే (2) ||ఇయ్యాల|| / ఎం ఏ చదువులు చదివే అన్న / బి ఏ చదువులు చదివే అన్న (2) / ఎం ఏ చదువులు ఏటి పాలురా / బి ఏ చదువులు బీటి పాలురా (2) ||ఇయ్యాల|| / మేడలు మిద్దెలు ఎన్ని ఉన్నా / అందం చందం ఎంత ఉన్నా (2) / యేసయ్య లేనిది ఎన్ని ఉన్నా / ఎన్ని ఉన్నా అన్ని సున్నా (2) ||ఇయ్యాల|| / సబ్సే బడా రూపాయంటావు / రూపాయీ అన్నిస్తదంటావు (2) / రూపాయీ పరలోకమివ్వదు / రూపాయీ సంతోషమివ్వదు (2) ||ఇయ్యాల||
అందరికి కావాలి యేసయ్య రక్తము (2) / పాపము లేని పరిశుద్ధుని రక్తము / ఇది పాపుల కొరకై వొలికిన / పరమ వైద్యుని రక్తము (2) / కుల మత బేధం లేని రక్తము / అందరికి వర్తించే రక్తము (2) / కక్ష్య క్రోధం లేని రక్తము / కన్న ప్రేమ చూపించే రక్తము (2) ||అందరికి|| / కోళ్ళ రక్తముతో పాపం పోదు / ఎడ్ల రక్తముతో పాపం పోదు (2) / ఈ పాపము కడిగే యేసు రక్తము / సాకలి వాని సబ్బు వంటిది (2) ||అందరికి|| / చీకటి శక్తుల అణిచె రక్తము / రోత బతుకును కడిగే రక్తము (2) / రక్తములోనే ప్రాణమున్నది / పాపము కడిగే గుణమున్నది (2) / రక్తములోనే పవ్వరున్నది / స్వస్తపరిచే గుణమున్నది (2) ||అందరికి||
అమ్మల్లారా ఓ అక్కల్లారా (2) / ఈ వార్త వినరండే / యేసయ్యను నమ్ముకొండే (2) / మానవ జాతి పాపము కొరకై (2) / కన్నీరు విడుస్తుండు / ప్రభు రమ్మని పిలుస్తుండు (2) ||అమ్మల్లారా|| / లోకమంతటా యేసు రక్తము (2) / ఎరువుగ జల్లిండే / మరణపు ముల్లును విరిచిండే (2) / అమ్మల్లారా ఓ అక్కల్లారా (2) / ఓ పల్లె చెల్లెల్లారా / ఓ పట్నం అక్కల్లారా (2) / బట్టలు మార్చితే బ్రతుకు మారదు / గుండు కొడితే నీ గుణం మారదు / బతుకు మారడం బట్టల్ల లేదు / గుణం మారడం గుండుల లేదు / నీ మనసు మారాలన్నా / నీ బుద్ది మారాలన్నా / నీ మనసు మారాలక్కా / నీ బుద్ది మారాలక్కా ||అమ్మల్లారా|| / పాపం లేని యేసు దేవుణ్ణి / నమ్ముకుందామమ్మా / దేవుడు మంచి దేవుడమ్మా (2) / అమ్మల్లారా ఓ అక్కల్లారా (2) / ఈ సత్యమినరండే / ఇది కల్ల కాదు చెల్లె / ఇది కల్ల కాదు తమ్మి / ఇది కల్ల కాదు తాత / ఇది కల్ల కాదు అవ్వ / ఇది కల్ల కాదు అన్న / ఇది కల్ల కాదు అక్క
చెట్టు చూస్తే పచ్చగుంది / పూత లేదు కాత లేదు (2) / వేసినెరువు వ్యర్ధమాయెనా నా యేసయ్యా / రెక్కల కష్టం వృథా ఆయేనా నా యేసయ్యా (2) / కాపు గాసి కలుపు తీసి నీరు కట్టి పెంచితే (2) / కండ్లెర్రికి చెట్టు పెరిగెనా నా యేసయ్యా / కాత లేదు పూత లేదుగా నా యేసయ్యా (2) ||చెట్టు|| / కాపెంతో గాస్తదని కలలెన్నో కన్నాను (2) / ఫలములెన్నో ఇస్తదని పరవశించి పాడినాను (2) / పూతకంత పురుగు తగిలెనా నా యేసయ్యా / కలలన్ని కల్లలాయెనా నా యేసయ్యా (2) ||చెట్టు|| / పందిరెలుపు తీగ ఉంది కాయ లేదు పండు లేదు (2) / ప్రేమతోని పెంచుకుంటిని నా యేసయ్యా / నరకనీకి ప్రాణమొప్పదు నా యేసయ్యా (2) ||చెట్టు|| / కొత్త కొత్త ఎరువులేసి కొన్ని నాళ్ళు మళ్ళి జూస్తి (2) / పనికిరాని తీగలొచ్చెనా నా యేసయ్యా / పరికి కంపకు పాకిపాయెనా నా యేసయ్యా (2) ||చెట్టు|| / పనికిరాని తీగలన్ని పట్టి కత్తిరించేస్తి (2) / పాడు నాటి పందిరేసి ప్రభుకు అంటు కట్టినాను (2) / కాత పూత ఇవ్వమని కన్నీళ్ళతో ప్రభునడిగితి (2) / పూత కాత బలముగాయెనా నా యేసయ్యా / ఫలాలన్నీ పంచబట్టెనా నా యేసయ్యా (2) ||చెట్టు||
తుప్పు పట్టి పోవుటకంటే (2) / కరిగిపోత యేసయ్య నీ చేతిలో / అరిగిపోత యేసయ్య నీ సేవలో (2) ||తుప్పు పట్టి|| / సుఖమనుభవించుటకంటే (2) / శ్రమలనుభవిస్తాను నీ సేవలో / నిన్ను నేను సంతోషపెడత యేసయ్యా (2) ||తుప్పు పట్టి|| / వెన్న లాగ కరుగుకుంట (2) / కటిక చీకట్ల దీపమైతానయ్యా / నీ చిత్తము జరిగిస్తా యేసయ్యా (2) ||తుప్పు పట్టి|| / మూర్ఖమైన వక్ర జనం మధ్యల (2) / ముత్యమోలె నేనుండాలి యేసయ్యా / దివిటీ నయ్యి వెలుగుతుండాలే యేసయ్యా (2) ||తుప్పు పట్టి|| / వెండి బంగారాల కన్నా / ధన ధాన్యముల కన్నా / నీ పొందు నాకు ధన్యకరము యేసయ్యా / నీతో ఉండుటే నాకు ఆనందం యేసయ్యా (2) ||తుప్పు పట్టి|| / నాలో ఊపిరున్నంత వరకు (2) / ప్రకటిస్త యేసయ్య నీ ప్రేమను / కటిక చీకట్ల దీపమెలిగిస్తాను (2) ||తుప్పు పట్టి||