ఆరాధన కోసం తెలుగు క్రైస్తవ పాటల సాహిత్యం. మా సమాజం కోసం విశ్వసనీయ ఆన్లైన్ వనరుల నుండి సేకరించిన రోమన్ మరియు తెలుగు లిపిలో సాహిత్యం.
3 songs found|By Alphabet|By Popularity
ఎడబాయని నీ కృప / నను విడువదు ఎన్నటికీ (2) / యేసయ్యా నీ ప్రేమానురాగం / నను కాయును అనుక్షణం (2) ||ఎడబాయని|| / శోకపు లోయలలో – కష్టాల కడగండ్లలో / కడలేని కడలిలో – నిరాశ నిసృహలో (2) / అర్ధమేకాని ఈ జీవితం / ఇక వ్యర్థమని నేననుకొనగా (2) / కృపా కనికరముగల దేవా / నా కష్టాల కడలిని దాటించితివి (2) ||ఎడబాయని|| / విశ్వాస పోరాటములో – ఎదురాయె శోధనలు / లోకాశల అలజడిలో – సడలితి విశ్వాసములో (2) / దుష్టుల క్షేమమునే చూచి / ఇక నీతి వ్యర్థమని అనుకొనగా (2) / దీర్ఘశాంతముగల దేవా / నా చేయి విడువక నడిపించితివి (2) ||ఎడబాయని|| / నీ సేవలో ఎదురైన – ఎన్నో సమస్యలలో / నా బలమును చూచుకొని – నిరాశ చెందితిని (2) / భారమైన ఈ సేవను / ఇక చేయలేనని అనుకొనగా (2) / ప్రధాన యాజకుడా యేసు / నీ అనుభవాలతో బలపరిచితివి (2) ||ఎడబాయని||
ఘనమైన నా యేసయ్యా / బహు ఆశ్చర్యములు నీ ఘన కార్యములు (2) / (నా) శిరము వంచి స్తుతియింతును / నీ – కృపా సత్యములను ప్రకటింతును (2) ||ఘనమైన|| / నీ చేతి పనులే కనిపించే నీ సృష్టి సౌందర్యము / నీ – ఉన్నతమైన ఉద్దేశమే మంటి నుండి నరుని నిర్మాణము (2) / ఒకని నుండి ప్రతి వంశమును సృష్టించినావయ్యా (2) / తరతరములుగా మనుష్యులను పోషించుచున్నావయ్యా (2) / ఏమని వర్ణించెదను నీ ప్రేమను / నేనెన్నని ప్రకటించెదను నీ కార్యములు (2) ||ఘనమైన|| / మహోన్నతమైన సంకల్పమే పరమును వీడిన నీ త్యాగము / నీ – శాశ్వత ప్రేమ సమర్పణయే కలువరి సిలువలో బలియాగము (2) / మార్గము సత్యము జీవము నీవై నడిపించుచున్నావయ్యా (2) / మానవ జాతికి రక్షణ మార్గము చూపించుచున్నావయ్యా (2) / ఏమని వర్ణించెదను నీ ప్రేమను / నేనెన్నని ప్రకటించెదను నీ కార్యములు (2) ||ఘనమైన|| / సంఘ క్షేమముకై సంచకరువుగా పరిశుద్ధాత్ముని ఆగమనము / అద్భుతమైన కార్యములే నీవు ఇచ్చిన కృపా వరములు (2) / పరిపూర్ణతకై పరిశుద్ధులకు ఉపదేశ క్రమమును ఇచ్చావయ్యా (2) / స్వాస్థ్యమైన జనులకు మహిమ నగరం నిర్మించుచున్నావయ్యా (2) / ఏమని వర్ణించెదను నీ ప్రేమను / నేనెన్నని ప్రకటించెదను నీ కార్యములు (2) ||ఘనమైన||
నీ పాదాలే నాకు శరణం / యేసయ్యా నీవే ఆధారము (2) / నా ఆశ్రయ పురము – ఎత్తైన కోటవి నీవేనయ్యా (2) / నా దాగు చాటు నీవే యేసయ్యా (2) ||నీ పాదాలే|| / అలసిన సమయములో ఆశ్రయించితి నీ పాద సన్నిధి (2) / నా ఆశ్రయుడా నీ కన్నా నాకు / కనిపించదు వేరొక ఆశ్రయము (2) / కనిపించదు వేరొక ఆశ్రయము / శరణం శరణం శరణం / నీవే శరణం యేసయ్యా (2) ||నీ పాదాలే|| / ఇరుకు ఇబ్బందులలో చూచుచుంటిని నీ వైపు నేను (2) / నా పోషకుడా నీ కన్న నాకు / కనిపించరే వేరొక పోషకుడు (2) / కనిపించరే వేరొక పోషకుడు / శరణం శరణం శరణం / నీవే శరణం యేసయ్యా (2) ||నీ పాదాలే|| / సాతాను శోధనలో పరుగెత్తితిని నీ వాక్కు కొరకు (2) / నా జయశీలుడా నీకన్న నాకు / కనిపించరే జయమును ఇచ్చే వేరొకరు (2) / కనిపించరే జయమునిచ్చే వేరొకరు / శరణం శరణం శరణం / నీవే శరణం యేసయ్యా (2) ||నీ పాదాలే||