ఆరాధన కోసం తెలుగు క్రైస్తవ పాటల సాహిత్యం. మా సమాజం కోసం విశ్వసనీయ ఆన్లైన్ వనరుల నుండి సేకరించిన రోమన్ మరియు తెలుగు లిపిలో సాహిత్యం.
2 songs found|By Alphabet|By Popularity
నీవు తోడైయుండగా యేసు – భయము లేదు ఇలలో / మేలు చేయు దేవుడా నీకు – సాటి లేరు సృష్టిలో / ఎక్కలేని కొండలెన్నో ఎదురొచ్చిననూ / లెక్కలేని నిందలే నన్ను బాధించిననూ ||నీవు తోడైయుండగా|| / గతం గాయాన్ని చేయగా – గాయం హృదయాన్ని చీల్చగా / శోకం సంద్రంలా ముంచగా – లోకం బంధాలే తెంచగా / పేరు పెట్టి తల్లిలా పిలచి లాలించితివి / నీవే తోడు నీడగా నిలచి కృప చూపితివి ||నీవు తోడైయుండగా|| / ఆశ నిరాశగా మారినా – నిరాశ నిస్పృహ పెంచినా / యుక్తి తెలియక తిరిగినా – శక్తి క్షీణించిపోయినా / వెన్ను తట్టి తండ్రిలా నిలిపి నడిపించితివి / నీవే కొండ కోటగా నిలిచి బలపరచితివి ||నీవు తోడైయుండగా|| / నీవు నాకు అండగా నిలచి – దారి చూపినావయ్యా / నేను నీకు మెండుగా స్తుతులు – అర్పించెదను
నా చెలిమి కోరి – నీ కలిమి వీడి / నా చెంత చేరావు శ్రీమంతుడా / నా రక్షణ కొరకై – ఆ శిక్షను పొంది / బలియాగమైన నిజ స్నేహితుడా ||నా చెలిమి|| / ద్రోహినై దూరమైతిని – పాపినై పరుగులెడితిని / గమ్యమే ఎరుగనైతిని – మరణమే శరణమాయెను / ఎంతో ప్రేమించితివి – నా స్థానమందు నిలిచితివి / కృపతో నన్ రక్షించితివి – నా దోషశిక్ష భరించితివి ||నా చెలిమి|| / నిందలు అవమానములు – హేళనలు చీత్కారములు / కఠిన దెబ్బలు ముళ్లపోటులు – సిలువ భారం కాయమంతా గాయం / హృదినే బాధించినా – భరియించావు వేదన మౌనముగా / తనువే తల్లడిల్లినా – తృప్తినొందావు నను తలచుకొని ||నా చెలిమి|| / ఏ రీతి నిన్ను – కీర్తించగలను / నా నీతి నీవే ఓ యేసుదేవా / నీ సాక్షిగ నిలిచి – నీ ప్రేమను చాటి / ఘనపరతును నిన్నే ప్రియ స్నేహితుడా