ఆరాధన కోసం తెలుగు క్రైస్తవ పాటల సాహిత్యం. మా సమాజం కోసం విశ్వసనీయ ఆన్లైన్ వనరుల నుండి సేకరించిన రోమన్ మరియు తెలుగు లిపిలో సాహిత్యం.
2 songs found|By Alphabet|By Popularity
అన్ని తెలిసిన తల్లి మరియమ్మా / నీ వెన్న మనసులో వేదన ఏందమ్మా / కరిగే కొడుకును కన్నది నువ్వమ్మా / నీ గుండెలో బరువును తీసేదెవరమ్మా / మది సిలువలో తనయుని పలుమార్లు తలచి / నిలువెల్ల వణికి నిదురంత పోయేనా.. / పుట్టినరోజులు పండుగలేవమ్మా / ఈ కారణజన్ముడు కరుణామయుడమ్మా / గట్టిగ పట్టిన ఆపగ లేవమ్మా / గొల్గొతా గమనం తప్పదు ఓయమ్మ / అది మనకోసమేనమ్మా… ||అన్ని తెలిసిన|| / గొల్లలంతా కలిసి మెల మెల్లగ చేరిరి / తమ పిల్లన గ్రోవితో లాలిపాటను పాడిరి / తూరుపు దేశపు జ్ఞానుల మంటిరి / నింగి చుక్కను కనుగొని బహు చక్కగా చేరిరి / బంగారం సాంబ్రాణి అర్పించి రారాజు యాజకుడు అని యెంచి / మొకరించి బహుమతులిచ్చి ఆ మహిమంతా మనసుకు తెలిపి / బోళము నెందుకు తెచ్చిరి ఓ యమ్మ / ఆ మరణపు సూచిక కంటివా మరియమ్మా / బోరున వచ్చిన కన్నీరేదమ్మా నీ గుండెను గుచ్చిన తరుణం కదా అమ్మా / అది మనకోసమేనమ్మా… ||అన్ని తెలిసిన|| / ఎనిమిదో దినమున యెరూషలేము వచ్చి / పేరు యేసు అని పెట్టి ఎంతగానో మురిసిరి / సిమోయోను వచ్చెను ఆ శిశువును చూసేను / మహా సంబరపడుచు బహు నెమ్మది నొందెను / తన ఆత్మ నింపబడి ఎత్తుకుని – మన లోక రక్షణ కై ముద్దాడి / తన తనువు చాలింప తృప్తిపడి – ఆ మహిమంతా జనులకు తెలిపి / నీ హృదయములో ఖడ్గము దూరునని / ఆ సిలువలో త్యాగం నీకు నేర్పేనమ్మా / దీవెన నొందిన ధన్యత నీదమ్మా / ఆ మరణము గెలిచిన తనయుని తల్లివమ్మా / అది మనకోసమేనమ్మా… ||అన్ని తెలిసిన||
ఆరాధ్యుడవు నీవే ప్రభు / ఆనందముతో ఆరాధింతును (2) / అత్యున్నత ప్రేమను కనుపరచినావు / నిత్యము నిను కొనియాడి కీర్తింతును (2) ||ఆరాధ్యుడవు|| / పేతురు వలె నేను ప్రభునకు దూరముగా / పనులతో జనులతో జతబడి పరుగెత్తగా (2) / ప్రయాసమే ప్రతిక్షణం ప్రతి నిమిషం పరాజయం / గలిలయ తీరమున నన్ను గమనించితివా (2) ||ఆరాధ్యుడవు|| / ప్రభురాకడ నెరిగి జలజీవరాసులు / తీరము చేరిరి కర్తను తేరి చూడగా (2) / పరుగెత్తెను పలు చేపలు ప్రభు పనికై సమకూడి / సంతోషముతో ఒడ్డున గంతులేసెను (2) ||ఆరాధ్యుడవు|| / నిన్నెరుగను అని పలికి అన్యునిగా జీవించితి / మీనముతో భోజనము సమకూర్చితివా (2) / ఆచేపల సమర్పణ నేర్చితి నిను వెంబడింతు / అద్వితీయ దేవుడవు నీవే ప్రభు (2) ||ఆరాధ్యుడవు||