ఆరాధన కోసం తెలుగు క్రైస్తవ పాటల సాహిత్యం. మా సమాజం కోసం విశ్వసనీయ ఆన్లైన్ వనరుల నుండి సేకరించిన రోమన్ మరియు తెలుగు లిపిలో సాహిత్యం.
7 songs found|By Alphabet|By Popularity
ప్రార్థన వలనే పయనము – ప్రార్థనే ప్రాకారము / ప్రార్థనే ప్రాధాన్యము – ప్రార్థన లేనిదే పరాజయం (2) / ప్రభువా ప్రార్థన నేర్పయ్యా / ప్రార్ధించకుండా నే ఉండలేనయ్యా (2) / నీ పాదాలు తడపకుండా / నా పయనం సాగదయ్యా (2) ||ప్రార్థన|| / ప్రార్ధనలో నాటునది – పెల్లగించుట అసాధ్యము / ప్రార్ధనలో పోరాడునది – పొందకపోవుట అసాధ్యము (2) / ప్రార్ధనలో ప్రాకులాడినది – పతనమవ్వుట అసాధ్యము (2) / ప్రార్ధనలో పదునైనది – పనిచేయకపోవుట అసాధ్యము (2) ||ప్రభువా|| / ప్రార్ధనలో కనీళ్లు – కరిగిపోవుట అసాధ్యము / ప్రార్ధనలో మూల్గునది – మరుగైపోవుట అసాధ్యము (2) / ప్రార్ధనలో నలిగితే – నష్టపోవుట అసాధ్యము (2) / ప్రార్ధనలో పెనుగులాడితే – పడిపోవుట అసాధ్యము (2) ||ప్రభువా||
సుడిగాలైననూ నిశ్చలముగ చేసెదవు / నీవే నా బలం నీవే నా నమ్మకం (2) / గడచిన కాలము నాతో ఉన్నావు / నేడు నా తోడు నడుచుచున్నావు / సదా నాతోనే ఉంటావు / ఎగసిపడే తుఫానుల్లో – నీవే ఆశ్రయ దుర్గము / ఎదురుపడే అలలెన్నైనా – అవి నీ పాదముల క్రిందనే (2) / వ్యాధి నను చుట్టినా / లెమ్మని సెలవిచ్చెదవు / యెహోవా రాఫా / నీవే నా స్వస్థత (2) ॥గడచిన॥ / ఓ వ్యాధి నీ శిరస్సు వొంగెనే / నాపై నీ అధికారం చెల్లదే / రూపింపబడిన ఏ ఆయుధం / నాకు విరోధముగా వర్ధిల్లదు (2) ॥ఎగసిపడే॥
శక్తి చేత కాదనెను / బలముతోనిది కాదనెను (2) / నా ఆత్మ ద్వారా దీని చేతునని / యెహోవ సెలవిచ్చెను (2) ||శక్తి|| / ఓ గొప్ప పర్వతమా / జెరుబ్బాబెలు నడ్డగింపను (2) / ఎంత మాత్రపు దానవు నీవనెను / చదును భూమిగా మారెదవు (2) ||శక్తి|| / ఓ ఇశ్రాయేలు విను / నీ భాగ్యమెంత గొప్పది (2) / యెహొవా రక్షించిన నిన్ను / బోలిన వారెవరు (2) ||శక్తి||
కృతజ్ఞతతో స్తుతి పాడెద / నా యేసు నాథా / నాకై నీవు చేసిన మేళ్లకై / కోటి కోటి కృతజ్ఞతలు (2) / అర్హతే లేని నాపై నీదు / ప్రేమ చూపిన కృపామయా (2) / నా ఊహలకంటెను అధికముగా / దయచేయు ప్రేమామయా (2) ||కృతజ్ఞతతో|| / నిజ రక్షకుడు యేసు క్రీస్తని / విశ్వసించెద అను నిత్యము (2) / నీ పాద సేవలో బ్రతుకుటకై / నీ వరము ప్రసాదించుము / నీ పాద సేవలో బ్రతుకుటకై / వరములతో అభిషేకించు ||కృతజ్ఞతతో||
ఆశతో నీ కొరకు ఎదురుచూచుచుండగా . / నూతన బలముతో నను నింపినావు (2) / బలహీనులను బలపరచువాడా / కృంగిన వారిని లేవనెత్తువాడా (2) / యేసయ్యా నా ఆశ్రయమా / యేసయ్యా నీకే ఆరాధన (2) ||ఆశతో|| / సొమ్మసిల్లక అడుగులు తడబడక / నడిచెద నీ వెంట జీవితమంతా (2) / లోకము నన్ను ఆకర్షించినా / వెనుదిరుగక నేను సాగెద నీ వెంట (2) ||యేసయ్యా|| / అలయక నేను పరుగెత్తెదను / అంతము వరకు ఆత్మల రక్షణకై (2) / సిద్ధము చేసిన బహుమానముకై / గురియొద్దకే నేను సాగెదనయ్యా (2) ||యేసయ్యా|| / రెక్కలు చాపి పక్షి రాజువలెనే / పైకెగెరెద నీ పరిశుద్ధులతో (2) / పరవశించెదను నీ ముఖమును చూచి / ప్రణమిల్లెద నీ పాదముల చెంత (2) ||యేసయ్యా||
చూడరే సిలువను వ్రే-లాడు యేసయ్యను / పాడు లోకంబునకై – గోడు జెందె గదా ||చూడరే|| / నా చేతులు చేసినట్టు – దోషంబులే గదా / నా రాజు చేతులలో ఘోరంపు జీలలు ||చూడరే|| / దురితంపు దలఁపులే – పరమ గురిని శిరముపై / నెనరు లేక మొత్తెనయ్యొ – ముండ్ల కిరీటమై ||చూడరే|| / పరుగెత్తి పాదములు – చేసిన పాపంబులు / పరమ రక్షకుని – పాదములలో మేకులు ||చూడరే|| / పాపేఛ్చ తోడ గూడు – నాడు చెడ్డ పడకలే / పరమ గురుని ప్రక్కలోని – బల్లెంపు పోటులు ||చూడరే||
నీ ప్రేమ ఎంతో ఎంతో మధురం (2) యేసు / యేసయ్యా నీ ప్రేమ మధురం / యేసయ్యా మధురాతి మధురం (2) ||నీ ప్రేమ|| / మరచిపోనిది నీ ప్రేమా / నన్ను మార్చుకున్నది నీ ప్రేమా / కన్ను రెప్ప లాంటిది నీ ప్రేమా / జీవ కాలముండును నీ ప్రేమా (2) ||నీ ప్రేమ|| / సిలువకెక్కెను నీ ప్రేమా / నాకు విలువ నిచ్చెను నీ ప్రేమా / నాకై మరణించెను నీ ప్రేమా / నాకై తిరిగి లేచెను నీ ప్రేమా (2) ||నీ ప్రేమ|| / తల్లికుండునా నీ ప్రేమా / సొంత చెల్లికుండునా నీ ప్రేమా / అన్నకుండునా నీ ప్రేమా / కన్న తండ్రికుండునా నీ ప్రేమా (2) ||నీ ప్రేమ|| / త్యాగమున్నది నీ ప్రేమలో / దీర్ఘ శాంతమున్నది నీ ప్రేమలో / బలమున్నది నీ ప్రేమలో / గొప్ప భాగ్యమున్నది నీ ప్రేమలో (2) ||నీ ప్రేమ||