ఆరాధన కోసం తెలుగు క్రైస్తవ పాటల సాహిత్యం. మా సమాజం కోసం విశ్వసనీయ ఆన్‌లైన్ వనరుల నుండి సేకరించిన రోమన్ మరియు తెలుగు లిపిలో సాహిత్యం.
20 songs found|By Alphabet|By Popularity
నమ్మకమైన దేవుడవైన నీవే చాలు యేసయ్యా (2) / నేనేమైయున్నా ఏ స్థితిలో ఉన్నా (2) / ఇంకేమి కోరుకోనయ్యా (2) ||నమ్మకమైన|| / ఆప్తులైన వారే హాని చేయచూసినా / మిత్రులే నిలువకుండినా (2) / న్యాయము తీర్చే నీవు నాకుంటే (2) / చాలు యేసయ్యా (2) ||నమ్మకమైన|| / జ్ఞానమంత చూపి శక్తి ధారపోసినా / నష్టమే మిగులుచుండినా (2) / శాపము బాపే నీవు నాకుంటే (2) / చాలు యేసయ్యా (2) ||నమ్మకమైన|| / కష్ట కాలమందు గుండె జారిపోయినా / గమ్యమే తెలియకుండినా (2) / సాయము చేసే నీవు నాకుంటే (2) / చాలు యేసయ్యా (2) ||నమ్మకమైన||
నా ప్రియ దేశం భారత దేశం / బైబిల్ లో రాయబడిన ధన్యమైన దేశం (2) / ఐ లవ్ మై ఇండియా… ఐ ప్రే ఫర్ ఇండియా (2) / ఇండియా మై ఇండియా.. ఇండియా ఐ లవ్ ఇండియా (2) / నేను పుట్టిన ఈ దేశాన్ని ప్రేమిస్తాను / భారతీయుడనైనందుకు గర్విస్తాను (2) / సంతోష సౌభాగ్యం – సమృద్ధి సంక్షేమం / దేశంలో ఉండాలని ప్రార్ధిస్తాను (2) / ఐ లవ్ మై ఇండియా… ఐ ప్రే ఫర్ ఇండియా (2) / క్రైస్తవ్యం మతము కాదని మారుమనస్సని / జీవమునకు నడిపించునని వివరిస్తాను (2) / మతి మార్చు వాడు యేసని మత బోధకుండు కాదని / రక్షించే దేవుడని ప్రకటిస్తాను (2) / ఐ లవ్ మై ఇండియా… ఐ ప్రే ఫర్ ఇండియా (2) / ఇండియా మై ఇండియా.. ఇండియా ఐ లవ్ ఇండియా (2) / మనుషులంతా ఒక్కటేనని మంచి భావన / అందరిలో కలిగించుటకు శ్రమియిస్తాను (2) / కేవలము మాటలు కాక క్రియలందు మేలు చేయుచు / యేసయ్య అడుగులలో పయనిస్తాను (2) / ఐ లవ్ మై ఇండియా… ఐ ప్రే ఫర్ ఇండియా (2) ||నా ప్రియ||
కొంతసేపు కనబడి అంతలోనే మాయమయ్యే / ఆవిరి వంటిదిరా ఈ జీవితం / లోకాన కాదేది శాశ్వతం (2) / యేసే నిజ దేవుడు నిత్యజీవమిస్తాడు / మరణమైన జీవమైన నిన్ను విడువడు (2) ||కొంతసేపు|| / ఎదురౌతారెందరో నీ పయనంలో / నిలిచేది ఎందరు నీ అక్కరలో (2) / వచ్చేదెవరు నీతో మరణము వరకు (2) / ఇచ్చేదేవరు ఆపై నిత్య జీవము నీకు ||యేసే|| / చెమటోడ్చి సుఖము విడిచి కష్టమునోర్చి / ఆస్తులు సంపాదించిన శాంతి ఉన్నదా (2) / ఈ రాత్రే దేవుడు నీ ప్రాణమడిగితే (2) / సంపాదన ఎవరిదగును యోచించితివా ||యేసే|| / నీ శాపం తాను మోసి పాపం తీసి / రక్షణ భాగ్యము నీకై సిద్ధము చేసి (2) / విశ్రాంతినీయగ నిన్ను పిలువగా (2) / నిర్లక్ష్యము చేసిన తప్పించుకొందువా ||యేసే||
నిన్ను చూడగ వచ్చినాడురా దేవ దేవుడు / గొప్ప రక్షణ తెచ్చినాడురా యేసు నాథుడు (2) / లోకమే సంతోషించగా / ప్రేమనే పంచే క్రీస్తుగా / బెత్లెహేమను ఊరిలో కన్యకు పుట్టినాడురా / పొత్తి గుడ్డల మధ్యలో హాయిగా నిద్దరోయెరా ||నిన్ను|| / దేవుని కోపము నుండి / తప్పించే ప్రియ పుత్రుడాయనే (2) / ముట్టుకో ముద్దు పెట్టుకో (2) ||బెత్లెహేమను|| / గుండెలో కొలువైయుండి / దీవించే ధనవంతుడాయనే (2) / ఎత్తుకో బాగా హత్తుకో (2) ||బెత్లెహేమను|| / తోడుగ వెంటే ఉండి / రక్షించే బలవంతుడాయనే (2) / చేరుకో నేడే కోరుకో (2) ||బెత్లెహేమను||
నడిపిస్తాడు నా దేవుడు – శ్రమలోనైనా నను విడువడు (2) / అడుగులు తడబడినా – అలసట పైబడినా (2) / చేయి పట్టి వెన్నుతట్టి – చక్కని ఆలొచన చెప్పి (2) ||నడిపిస్తాడు|| / అంధకారమే దారి మూసినా – నిందలే నను కృంగదీసినా (2) / తన చిత్తం నెరవేర్చుతాడు / గమ్యం వరకు నను చేర్చుతాడు (2) ||నడిపిస్తాడు|| / కష్టాల కొలిమి కాల్చివేసినా – శోకాలు గుండెను చీల్చివేసినా (2) / తన చిత్తం నెరవేర్చుతాడు / గమ్యం వరకు నను చేర్చుతాడు (2) ||నడిపిస్తాడు|| / నాకున్న కలిమి కరిగిపోయిన – నాకున్న బలిమి తరిగిపోయిన (2) / తన చిత్తం నెరవేర్చుతాడు / గమ్యం వరకు నను చేర్చుతాడు (2) ||నడిపిస్తాడు||
ఎంతటి వాడను నేను యేసయ్యా / కొంతైనా యోగ్యుడను కానయ్యా (2) / ఇంతగ నను హెచ్చించుటకు / ఈ స్థితిలో నన్నుంచుటకు (2) ||ఎంతటి|| / ఐశ్వర్యము గొప్పతనమును / కలిగించు దేవుడవీవే / హెచ్చించువాడవును / బలమిచ్చువాడవు నీవే (2) / అల్పుడను మంటి పురుగును / నన్ను ప్రేమించినావు / ప్రాణమును నీ సర్వమును / నా కొరకై అర్పించినావు ||ఎంతటి|| / నిను వెంబడించువారిని / నిజముగ సేవించువారిని / నీవుండే స్థలములలో / నిలిచే నీ సేవకుని (2) / ఎంతో ఘనపరచెదవు / ఆశీర్వదించెదవు / శత్రువుల కంటె ఎత్తుగా / అతని తలను పైకెత్తెదవు ||ఎంతటి|| / వినయముగల మనుష్యులను / వర్దిల్లజేసెదవు / గర్విష్టుల గర్వమునణచి / గద్దె నుండి దించెదవు (2) / మాదు ఆశ్రయ దుర్గమా / మేమంతా నీ వారమే / మా శైలము మా కేడెమా / మాకున్నదంతా నీ దానమే ||ఎంతటి||
నీకంటె నమ్మదగిన దేవుడెవరయ్యా / నీవుంటే నాతో ఏ భయము లేదయ్యా (2) / మేలు కొరకే అన్ని జరిగించు యేసయ్యా / కీడు వెనకే ఆశీర్వాదం పంపుతావయ్యా ||నీకంటె|| / కొట్టబడిన వేళ / నా గాయం కట్టినావే (2) / బాధించినా స్వస్థపరిచేది నీవే (2) ||నీకంటె|| / అణచబడిన వేళ / నా తలను ఎత్తినావే (2) / శిక్షించినా గొప్ప చేసేది నీవే (2) ||నీకంటె|| / విడువబడిన వేళ / నను చేరదీసినావే (2) / కోపించినా కరుణ చూపేది నీవే (2) ||నీకంటె||
నాతో మాట్లాడు ప్రభువా – నీవే మాట్లాడుమయ్యా (2) / నీవు పలికితే నాకు మేలయ్యా (2) / నీ దర్శనమే నాకు చాలయ్యా (2) ||నాతో|| / నీ వాక్యమే నన్ను బ్రతికించేది / నా బాధలలో నెమ్మదినిచ్చేది (2) ||నీవు పలికితే|| / నీ వాక్యమే స్వస్థత కలిగించేది / నా వేదనలో ఆదరణిచ్చేది (2) ||నీవు పలికితే|| / నీ వాక్యమే నన్ను నడిపించేది / నా మార్గములో వెలుతురునిచ్చేది (2) ||నీవు పలికితే||