ఆరాధన కోసం తెలుగు క్రైస్తవ పాటల సాహిత్యం. మా సమాజం కోసం విశ్వసనీయ ఆన్లైన్ వనరుల నుండి సేకరించిన రోమన్ మరియు తెలుగు లిపిలో సాహిత్యం.
12 songs found|By Alphabet|By Popularity
నేనెల్లప్పుడు యెహోవను సన్నుతించెదన్ / నిత్యము ఆయన కీర్తి నా నోట నుండున్ (2) / అంతా నా మేలుకే – ఆరాధన యేసుకే / అంతా నా మంచికే – తన చిత్తమునకు తల వంచితే / తన చిత్తమునకు తల వంచితే / ఆరాధన ఆపను – స్తుతియించుట మానను (2) / స్తుతియించుట మానను / కన్నీళ్లే పానములైనా – కఠిన దుఃఖ బాధలైనా / స్థితి గతులే మారినా – అవకాశం చేజారినా (2) / మారదు యేసు ప్రేమ – నిత్యుడైన తండ్రి ప్రేమ (2) / మారదు యేసు ప్రేమ – నిత్యుడైన తండ్రి ప్రేమ (2) ||అంతా|| / ఆస్తులన్ని కోల్పోయినా – కన్నవారే కనుమరుగైనా / ఊపిరి భరువైనా – గుండెలే పగిలినా (2) / యెహోవా ఇచ్చెను – యెహోవా తీసుకొనెను (2) / ఆయన నామమునకే – స్తుతి కలుగు గాక (2) ||అంతా|| / అవమానం ఎంతైనా – నా వారే కాదన్నా / నీవు తప్ప ఎవరున్నారు ఆకాశమందున (2) / నీవు నాకుండగా – ఏది నాకక్కర లేదు (2) / నీవు నాకుండగా – ఏది నాకక్కర లేదు (2) ||అంతా|| / ఆశలే సమాధియైనా – వ్యాధి బాధ వెల్లువైనా / అధికారం కొప్పుకొని – రక్షణకై ఆనందింతును (2) / నాదు మనస్సు నీ మీద – ఆనుకొనగా ఓ నాథా (2) / పూర్ణ శాంతి నే పొంది – నిన్నే నే కీర్తింతున్ (2) ||అంతా|| / చదువులే రాకున్నా – ఓటమి పాలైనా / ఉద్యోగం లేకున్నా – భూమికే భరువైనా (2) / నా యెడల నీ తలంపులు – ఎంతో ప్రియములు (2) / నీవుద్దేశించినది – నిశ్ఫలము కానేరదు (2) ||అంతా|| / సంకల్పన పిలుపొంది – నిన్నే ప్రేమించు నాకు / సమస్తము సమకూడి – మేలుకై జరుగును (2) / యేసుని సారూప్యము – నేను పొందాలని (2) / అనుమతించిన ఈ – విలువైన సిలువకై (2) ||అంతా|| / నీవు చేయునది – నాకిప్పుడు తెలియదు / ఇక మీదట నేను – తెలిసికొందును (2) / ప్రస్తుతము సమస్తము – దుఃఖ కరమే (2) / అభ్యసించిన నీతి – సమాధాన ఫలమే (2) ||అంతా||
స్తుతియింతుము స్తోత్రింతుము / పావనుడగు మా పరమ తండ్రిని (2) ||స్తుతియింతుము|| / నీ నామము రుజువాయే / నీ ప్రజలలో దేవా (2) / వర్ణింప మా తరమా / మహిమ కలిగిన నీ నామమును ||స్తుతియింతుము|| / మా ప్రభువా మా కొరకై / సిలువలో సమసితివి (2) / మాదు రక్షణ కొరకై / రక్తమును కార్చిన రక్షకుడా ||స్తుతియింతుము|| / పరిశుద్ధ జనముగా / నిర్దోష ప్రజలనుగా (2) / పరలోక తనయులుగా / పరమ కృపతో మార్చిన దేవా ||స్తుతియింతుము||
ఉదయించె దివ్య రక్షకుడు / ఘోరాంధకార లోకమున / మహిమ క్రీస్తు ఉదయించెను / రక్షణ వెలుగు నీయను – (2) ||ఉదయించె|| / ఘోరాంధకారమున దీపంబు లేక / పలు మారు పడుచుండగా (2) / దుఃఖ నిరాశ యాత్రికులంతా / దారి తప్పియుండగా (2) / మార్గదర్శియై నడిపించువారు (2) / ప్రభు పాద సన్నిధికి / దివ్య రక్షకుడు ప్రకాశ వెలుగు / ఉదయించె ఈ ధరలో – (3) ||ఉదయించె|| / చింత విచారముతో నిండియున్న / లోక రోదన విని (2) / పాపంబునుండి నశించిపోగా / ఆత్మ విమోచకుడు (2) / మానవాళికై మరణంబునొంది (2) / నిత్య జీవము నివ్వన్ / దివ్యరక్షకుడు ప్రకాశతార / ఉదయించె రక్షింపను – (3) ||ఉదయించె|| / పరలోక తండ్రి కరుణించి మనల / పంపేను క్రీస్తు ప్రభున్ (2) / లోకాంధులకు దృష్టినివ్వ / అరుదెంచె క్రీస్తు ప్రభువు (2) / చీకటి నుండి దైవ వెలుగునకు (2) / తెచ్చె క్రీస్తు ప్రభువు / సాతాను శృంగలములను తెంప / ఉదయించె రక్షకుడు – (3) ||ఉదయించె||
నా సంకట దుఃఖములెల్ల తీరిపోయెగా / నశింపజేయు దూత నన్ను దాటిపోయెను (2) ||నా సంకట|| / విలువైన గొర్రెపిల్ల రక్తము ద్వారా (2) / కలిగియున్న రక్షణలో దాగియుంటిని (2) ||నా సంకట|| / ఇంకా నేను ఫరోకు దాసుడను కాను (2) / ఇంకా నేను సీయోను కన్యుడను గాను (2) ||నా సంకట|| / మార్చబడు నాడు మారా మధురముగా (2) / పారు జలము బండనుండి త్రాగుచుండును (2) ||నా సంకట|| / సౌందర్యమయమగు పరమ కానాను (2) / నా నిత్యమైన స్వాస్థ్యమది మార్పుజెందదు (2) ||నా సంకట|| / ఆనందమే పరమానందమే (2) / కానాను జీవితము నా కానందమే (2) ||నా సంకట|| / నా దేవుడే ఎడారిలో నాదు ప్రభువు (2) / నా దేవుడిచ్చు క్రొత్త మన్నా నాకు చాలును (2) ||నా సంకట|| / నా యేసు ప్రభువే నా బలము గానము (2) / నా యేసు ప్రభువే నా రక్షణ హల్లెలూయా (2) ||నా సంకట||
దేవుని స్తుతించ రండి / గత సంవత్సరమున కాపాడెన్ / కీడు మనలను చేరకను – కోటి / కీడుల నుండి కాపాడినట్టి – మహా ||దేవుని|| / కోట్లకొలది మరణించిరి / మన మిచ్చట చేరియున్నాము / కష్టముల బాపి మనల నింక / జగమున జీవితులుగా నుంచినట్టి – మహా ||దేవుని|| / ఎన్ని కీడుల మనము చేసిన / నన్ని మెల్లను చేసెనుగా / నిరతము కాచి చక్కగాను / ప్రభు ప్రేమతో కాచినందున స్తుతిచేసి ||దేవుని|| / ఏకముగా పాడి హర్షముతో / లెక్కలేని మేలులకై / ఆత్మ దేహములను బలిగా / నిపుడేసు కర్పించెద మేకముగా – చేరి ||దేవుని|| / వత్సారంభముననిను / మే మొక్కటిగా నారాధింప / దైవ కుమారా కృపనిమ్ము / మా జీవిత కాలమంతయు పాడి – మహా ||దేవుని|| / భూమి యందలి మాయల నుండి / సైతానుని వలలో నుండి / ఆత్మతో నిను సేవింప / నిపు డేలుమనుచు బ్రతిమాలెదము – కూడి ||దేవుని||| / ప్రతి సంవత్సరమును మము జూడుము / దుర్గములో మము చేర్చుమయ్యా / దాటునప్పుడు నీ సన్నిధిని – చూపి / ధైర్యమునిచ్చి ఓదార్చుమయ్యా – మహా ||దేవుని|| / స్తోత్రింతుము ప్రభువా నీ పదముల / సకలాశీర్వాదముల నిమ్ము / ప్రేమతో ప్రభుతో నుండ / నెట్టి యాపద లేక బ్రోవుమామెన్ – ప్రభు ||దేవుని||
జాగ్రత్త, భక్తులారా పిలుపిదే ప్రభు యేసు వేగవచ్చును / వందనం, హోసన్న, రాజాధి రాజు వచ్చును / వినుమార్భాటము బూరధ్వనియు ప్రధానదూత శబ్దము / చాలా రాత్రి గడిచిపోయే చూడు పగలు వచ్చెనుగా / విడువుము అంధకార క్రియలు తేజో ఆయుధముల ధరించుము ||జాగ్రత్త|| / గుర్తులన్ని నెరవేరినవి నోవహు కాలము తలచుము / లోతు భార్యను మరచిపోకు మేలుకొనెడి సమయము వచ్చె ||జాగ్రత్త|| / మన దినములు లెక్కింపబడెను మేల్కొనువారికి భయమేమి / ఘనముగ వారెత్తబడుదురు యెవరు ప్రభువుతో నడచెదరో ||జాగ్రత్త|| / దైవజనులు కలుతురు గగనమున – ప్రభునందు మృతులు జీవింతురు / మేఘమునందు ఎల్లరు చేరి అచ్చటనే ప్రభుని గాంతురు ||జాగ్రత్త|| / క్రియలను బట్టి ప్రతిఫలమిచ్చును విజయులే దాని పొందెదరు / ప్రీతిగ పల్కును ప్రభువే మనతో నావన్నియు మీవేయనుచు ||జాగ్రత్త||
బేత్లేహేం పురమున చిత్రంబు కలిగె / కర్తాది యేసు జన్మించినపుడు / అంధకారంపు పృథివి వీధులలో / మోదంపు మహిమ చోద్యంబుగానరే / ఉదయంపు తారల్ ముదమున బాడే / ఉదయించ యేసు ఈ పృథివిలోన / ముదమును గలిగె మరి సమాధానం / పదిలంబుతోడ పూజించ రండి ||బేత్లేహేం|| / పరమును విడచి నరరూపమెత్తి / అరుదెంచి యేసు పరమ వైద్యుండై / నరుల దుఃఖములన్ తొలగించివేసి / పరలోక శాంతి స్థిరపరచె ప్రభువు ||బేత్లేహేం|| / నీదు చిత్తమును నాదు హృదయమున / ముదమున జేయ మదినెంతో యాశ / నీదు పాలనము పరమందు వలెనె / ఈ ధరణియందు జరుగంగ జూడ ||బేత్లేహేం|| / దేవుని సన్నిధి దీనత నుండ / పావనయాత్మ పవిత్ర పరచున్ / పావనుడేసు ప్రకాశమిచ్చి / జీవంబు నొసగి జీవించు నెదలో ||బేత్లేహేం|| / గతించె రాత్రి ప్రకాశించె కాంతి / వితానముగ వికసించె నెల్ల / దూతల ధ్వనితో పతి యేసు క్రీస్తు / అతి ప్రేమతోడ అరుదెంచె నోహో ||బేత్లేహేం||
ఆహా యేమానందం ఆహా యేమానందము / చెప్ప శక్యమా (2) / ఆహా మా రాజగు యేసు మా వృజినముల / మన్నించి వేసెను (2) ||ఆహా|| / ముదముతో నాడుచు కూడుచు పాడుచు / ఆర్భాటించెదము (2) / వెదకుచు వచ్చిన యేసును హృదయాన / కోరి స్తుతింతుము (2) ||ఆహా|| / అక్షయుడగు ప్రేమతో రక్షణ బాకాను / గ్రహించినందున (2) / రక్షకుడు యేసును గూర్చి మా సాక్ష్యము / నిశ్చయముగా నిత్తుము (2) ||ఆహా|| / తెల్లంగి వాద్యము స్వర్ణ కిరీటము / మేడపై జయ జెండాల్ (2) / ఉల్లాసించి మంటి నుండి మింట కేగిన / రాజున్ స్తుతింతుము (2) ||ఆహా||
ఆత్మ దీపమును (2) / వెలిగించు యేసు ప్రభు (2) ||ఆత్మ|| / వసియించుము నా హృదయమునందు (2) / వసియించు నా నయనములందు (2) / అన్నియు నిర్వహించుచున్నావు (2) / నన్ను నిర్వహించుము ప్రభువా (2) ||ఆత్మ|| / కలుషాత్ములకై ప్రాణము బెట్టి (2) / కష్టములంతరింప జేసి (2) / కల్వరి సిలువలో కార్చిన రక్త (2) / కాలువ యందు కడుగుము నన్ను (2) ||ఆత్మ||
ఆనందము ప్రభు నాకొసగెను / నా జీవితమే మారెను (2) / నా యుల్లమందు యేసు వచ్చెన్ / నా జీవిత రాజాయెను (2) ||ఆనందము|| / ప్రభుని రుచించి ఎరిగితిని / ఎంతో ఎంతో ప్రేమాముర్తి (2) / విశ్వమంతట నే గాంచలేదు / విలువైన ప్రభు ప్రేమను (2) ||ఆనందము|| / సంతోషం సముద్రపు అలలన్ పోలి / పైకి ఉప్పొంగి ఎగయుచుండె (2) / నన్ను పిలిచి ఎన్నో మేలులు చేసే / నూతన జీవమొసగెన్ (2) ||ఆనందము|| / శత్రువున్ ఎదిరించి పోరాడెదన్ / విజయము పొంద బలమొందెదన్ (2) / ప్రభువుతో లోకమున్ జయించెదన్ / ఆయనతో జీవించెదన్ (2) ||ఆనందము||
యెహోవా నా కాపరి నాకు లేమిలేదు / పచ్చికగలచోట్ల మచ్చికతో నడుపున్ || యెహోవా || / మరణపు చీకటిలో తిరుగుచుండినను / ప్రభు యేసు నన్ను కరుణతో ఆదరించున్ || యెహోవా || / పగవారి ఎదుట ప్రేమతో ఒక విందు / ప్రభు సిద్ధము చేయున్ పరవశమెందెదను || యెహోవా || / నూనెతో నా తలను అభిషేకము చేయున్ / నా హృదయము నిండి పొర్లుచున్నది || యెహోవా || / చిరకాలము నేను ప్రభు మందిరములో / వసియించెద నిరతం సంతసమొందెదను || యెహోవా ||
ప్రియ యేసు నిర్మించితివి / ప్రియమార నా హృదయం / ముదమార వసియించునా / హృదయాంతరంగమున / నీ రక్త ప్రభావమున / నా రోత హృదయంబును (2) / పవిత్రపరచుము తండ్రి / ప్రతి పాపమును కడిగి (2) ||ప్రియ యేసు|| / అజాగరూకుడనైతి / నిజాశ్రయమును విడచి (2) / కరుణారసముతో నాకై / కనిపెట్టితివి తండ్రి (2) ||ప్రియ యేసు|| / వికసించె విశ్వాసంబు / వాక్యంబును చదువగనే (2) / చేరితి నీదు దారి / కోరి నడిపించుము (2) ||ప్రియ యేసు|| / ప్రతి చోట నీ సాక్షిగా / ప్రభువా నేనుండునట్లు (2) / ఆత్మాభిషేకమునిమ్ము / ఆత్మీయ రూపుండా (2) ||ప్రియ యేసు||