తెలుగు పాటలు|Most Popular

Songs sorted by number of likes. 1604 songs total.

న్యాయాధిపతి|Nyaayaadhipathi

న్యాయాధిపతియైన దేవుడు – నిన్ను పిలిచే వేళలోన / ఏ గుంపులో ఉంటావో తెలుసుకో – మరలా వచ్చే వేళలోన (2) / ఒక గుంపేమో పరలోకపు గుంపు / రక్షింపబడిన వారికే అది సొంతం / మరు గుంపేమో ఘోర నరకపు గుంపు / నిజ దేవుని ఎరుగని వారికి అది అంతం ||న్యాయాధిపతి|| / నీవు కాదు నీ క్రియలు కాదు – ఆ పరముకు నిను చేర్చేది / కాదు కాదు వేరెవరో కాదు – మరణమును తప్పించేది (2) / కలువరిలో తన ప్రాణం పెట్టిన / యేసయ్యే నీ ప్రాణ రక్షణ / సిలువలో క్రయ ధనమే చెల్లించిన / ఆ ప్రభువే నీ పాప విమోచన ||ఒక గుంపేమో|| / ఇదియే సమయం ఇక లేదే తరుణం – నీ పాపము ఒప్పుకొనుటకు / ఆ పరలోకం చేరే మార్గం – యేసేగా ప్రతి ఒక్కరకు (2) / మేఘముపై రానైయున్నాడుగా / త్వరలోనే నిను కొనిపోడానికి / వెనుదీయకు ఓ నా ప్రియ నేస్తమా / నీ హృదిలో స్వీకరించడానికి ||ఒక గుంపేమో||

ప్రేమతో యేసు|Prematho Yesu

ప్రేమతో యేసు – పిలచుచున్నాడు రమ్ము (2) / రక్షణను పొంది – లక్షణముగా వెళ్ళుము (2) ||ప్రేమతో|| / పాపమెరుగని ప్రభు నీ కొరకు / పాపముగను చేయబడెను (2) / శాపగ్రాహియాయె సిలువలో / శాపగ్రాహియాయె సిలువలో పరుగిడి రమ్ము (2) ||ప్రేమతో|| / ముండ్ల కిరీటమును ధరించి / ముఖముపై నుమ్మి వేయబడె (2) / ప్రాణమిడె నేసు సిలువలో / ప్రాణమిడె నేసు సిలువలో పరుగిడి రమ్ము (2) ||ప్రేమతో|| / సిలువలో నీకై దప్పిగొని / కలుష నీ క్షమకై ప్రార్థించి (2) / సహించి ప్రాణమిడె నీ కొరకు / సహించి ప్రాణమిడె నీ కొరకు పరుగిడి రమ్ము (2) ||ప్రేమతో|| / తప్పిన గొర్రెను రక్షింప / తనదు రక్తమును చిందించె (2) / కాపరి స్వరము ధ్వనించె / కాపరి స్వరము ధ్వనించె పరుగిడి రమ్ము (2) ||ప్రేమతో|| / తామసించ తగదిక ప్రియుడా / త్వరపడుము నీ రక్షణ కొరకు (2) / నేడే నీ రక్షణ దినము / నేడే నీ రక్షణ దినము పరుగిడి రమ్ము (2) ||ప్రేమతో|| / తానే కడుగును తన రక్తముతో / తండ్రివలె నీ పాపమునంత (2) / తనయుడవై పోదు విపుడే / తనయుడవై పోదు విపుడే పరుగిడి రమ్ము (2) ||ప్రేమతో|| / ప్రేమవార్త ప్రకటింపబడె / ప్రియుడు యేసుని యొద్దకు రమ్ము (2) / కృపాకాలమిదే జాగేల / కృపాకాలమిదే జాగేల పరుగిడి రమ్ము (2) ||ప్రేమతో||

శ్రీ యేసుండు జన్మించె|Sri Yesundu Janminche

శ్రీ యేసుండు జన్మించె రేయిలో (2) / నేడు పాయక బెత్లెహేము ఊరిలో (2) ||శ్రీ యేసుండు|| / ఆ కన్నియ మరియమ్మ గర్భమందున (2) / ఇమ్మానుయేలనెడి నామమందున (2) ||శ్రీ యేసుండు|| / సత్రమందున పశువులశాల యందున (2) / దేవపుత్రుండు మనుజుండాయెనందునా (2) ||శ్రీ యేసుండు|| / పట్టి పొత్తి గుడ్డలతో చుట్టబడి (2) / పశుల తొట్టిలో పరుండ బెట్టబడి (2) ||శ్రీ యేసుండు|| / గొల్లలెల్లరు మిగుల భీతిల్లగా (2) / దెల్పె గొప్ప వార్త దూత చల్లగా (2) ||శ్రీ యేసుండు|| / మన కొరకొక్క శిశువు పుట్టెను (2) / ధరను మన దోషములబోగొట్టెను (2) ||శ్రీ యేసుండు|| / పరలోకపు సైన్యంబు గూడెను (2) / మింట వర రక్షకుని గూర్చి పాడెను (2) ||శ్రీ యేసుండు|| / అక్షయుండగు యేసు పుట్టెను (2) / మనకు రక్షణంబు సిద్ధపరచెను (2) ||శ్రీ యేసుండు||

స్తుతులపై ఆసీనుడా|Sthuthulapai Aaseenudaa

స్తుతులపై ఆసీనుడా / అత్యున్నత నా దేవుడా (2) / నీ ప్రేమలో నీ ప్రేమలో / నను నేను మరిచాను నీ ప్రేమలో / నీ నీడలో నీ జాడలో / మైమరచిపోయాను నేను ||స్తుతులపై|| / నీవు చేసిన ఆశ్చర్య కార్యాలకు బదులు / నీవు పొందిన గాయాలకు బదులు (2) / బంగారం వజ్రాలు – మకుటాలు కిరీటాలు / వెండినడుగలేదు నీవు / విరిగి నలిగి – కరిగి వెలిగే / హృదయాన్నే కోరావు నీవు (2) / ఓ మాట సెలవియ్యి దేవా / నీ పాద ధూళిని కానా ప్రభువా / నీ పాదం స్పర్శించగానే / నా సంతోషానికి హద్దుండునా ||స్తుతులపై|| / నీవు లేచిన పునరుథ్తానా దినము మొదలు / మా బ్రతుకులో విజయము మొదలు (2) / మరణం అనేటి ముల్లును విరచి / తిరిగి లేచావు నీవు / చీకటి నిండిన మాదు బ్రతుకులో / వెలుగులు నింపావు నీవు (2) / నీకోసం ఏదైనా దేవా / నే వెచ్చింప సంసిద్ధమయ్యా / ఆఖరికి నా ప్రాణమైనా / చిందులు వేస్తూ అర్పిస్తా ||స్తుతులపై||

Most Popular Telugu Songs — Page 8 | UEC Telugu Church