Songs sorted by number of likes. 1604 songs total.
గొప్ప దేవుడవని శక్తి సంపన్నుడని / గళమెత్తి నిన్ను నేను గానమాడెదన్ / రాజుల రాజువని రక్షణ దుర్గమని / నీ కీర్తిని నేను కొనియాడెదన్ / హల్లెలూయా నా యేసునాథా / హల్లెలూయా నా ప్రాణనాథా (2) ||గొప్ప|| / అద్భుత క్రియలు చేయువాడని / ఆశ్చర్య కార్యాలు చేయగలడని (2) / అద్వితీయుడవని ఆదిసంభూతుడని / ఆరాధించెద నిత్యం నిన్ను (2) ||హల్లెలూయా|| / సాగరాన్ని రెండుగా చేసినాడని / సాతాను శక్తులను ముంచినాడని (2) / సర్వోన్నతుడవని సర్వ సంపన్నుడని / సాక్ష్య గీతం నే పాడెదన్ (2) ||హల్లెలూయా||
గొప్పవాడు – క్రీస్తు యేసు – పుట్టినాడు నీ కోసం / పాటలు పాడి – నాట్యము చేసి – ఆరాధింప రారండి (2) / ప్రేమామయుడు మహిమాన్వితుడు / ఉన్నవాడు అనువాడు (2) / మహిమ ఘనత నిత్యం యేసుకు / హ్యాపీ క్రిస్మస్ మెర్రి క్రిస్మస్ ||గొప్పవాడు|| / ఆశ్చర్యకార్యాలు చేసేవాడు యేసు / నీ పాప జీవితం మార్చేవాడు యేసు (2) / నీ బాధలన్ని తీర్చేవాడు యేసు / సంతోష జీవితం ఇచ్ఛేవాడు యేసు (2) ||మహిమ|| / నీ రోగాలను స్వస్థపరచునేసు / నీ శాపాలను తీసివేయునేసు (2) / నీ శోకాలను మాన్పివేయునేసు / పరలోక భాగ్యం నీకు ఇచ్చునేసు (2) ||మహిమ||
గొర్రెపిల్ల జీవ గ్రంథమందు – నీ పేరున్నదా / పరలోక రాజ్య ప్రవేశము – నీకున్నదా / ఏది గమ్యము ఏది మార్గము / యోచించుమా ఓ క్రైస్తవా (2) ||గొర్రెపిల్ల|| / ఆరాధనకు హాజరైనా / కానుకలు నీవు ఎన్ని ఇచ్చినా (2) / ఎన్ని సభలకు నీవు వెళ్ళినా / మారుమనసు లేకున్న నీకు నరకమే (2) ||గొర్రెపిల్ల|| / సంఘములో నీవు పెద్దవైనా / పాటలెన్నో నీవు పాడినా (2) / వాక్యమును నీవు బోధించినా / మారుమనసు లేకున్న నీకు నరకమే (2) ||గొర్రెపిల్ల|| / ఉపవాసములు ఎన్ని ఉన్నా / ప్రార్థనలు నీవు ఎన్ని చేసినా (2) / ప్రవచనములు నీవు ఎన్ని పలికినా / మారుమనసు లేకున్న నీకు నరకమే (2) ||గొర్రెపిల్ల||
గొర్రెపిల్ల రక్తములో / కడుగబడినవారే పరిశుద్ధులు (2) / పరిశుద్ధుడా యేసయ్యా.. / నను శుద్ధి చేయుమయా (2) / నను శుద్ధి చేయుమయా ||గొర్రెపిల్ల|| / ఆకాశము ఈ భూమియు / గతియించినా గతియించవు నీ మాటలు (2) / శాశ్వతమైనది నీ రాజ్యము (2) / ఆ రాజ్యములో నన్ను చేర్చుమయా… యేసయ్యా ||గొర్రెపిల్ల|| / వేవేళ దూతలు అనునిత్యము / కొనియాడుచున్న ఆ పరలోకము నీ సింహాసనం (2) / పరిశుద్ధులతో నిండిన నీ రాజ్యము (2) / ఆ రాజ్యములో నన్ను చేర్చుమయా… యేసయ్యా ||గొర్రెపిల్ల||
గొర్రెపిల్ల వివాహోత్సవ / సమయము వచ్చెను రండి (2) / సర్వాధికారియు సర్వోన్నతుండైన (2) / మన తండ్రిని ఘనపరచి మనముత్సహించెదము (2) ||గొర్రెపిల్ల|| / సిద్ధపడెను వధువు సుప్రకాశము గల (2) / నిర్మల వస్త్రములతో నలంకరించుకొనెన్ (2) ||గొర్రెపిల్ల|| / పరిశుద్ధుల నీతి క్రియలే యా వస్త్రములు (2) / గొర్రె పిల్ల రక్తములో శుద్ధి నొందిన వారు (2) ||గొర్రెపిల్ల|| / తెల్లని గుర్రముపై కూర్చుండినవాడు (2) / నమ్మకమై యున్నట్టి పెండ్లి కుమారుండు (2) ||గొర్రెపిల్ల|| / దేవుని వాక్యమను నామము గలవాడు (2) / రక్తములో ముంచిన వస్త్రమున్ ధరియించె (2) ||గొర్రెపిల్ల|| / ప్రేమించి సంఘముకై ప్రాణంబు నిదె ప్రభువు (2) / పరిశుద్ధ పరచుట కొరకై తానప్పగించుకొనెన్ (2) ||గొర్రెపిల్ల|| / శ్రీ యేసు క్రీస్తుండే సంఘంబునకు శిరస్సు (2) / వాక్య ఉదకము తోడ శుద్ధి పరచుచుండె (2) ||గొర్రెపిల్ల||
గుణవతి అయిన భార్య / దొరుకుట అరుదురా (2) / ఆమె మంచి ముత్యము కన్న విలువైందిరా / జీవితాంతము… / జీవితాంతము తోడురా / వెన్నెల బాటరా (2) / వెన్నెల బాటరా (4) ||గుణవతి|| / అలసినపుడు తల్లిలా / కష్టాలలో చెల్లిలా (2) / సుఖ దుఃఖములలో భార్యగా (2) / భర్త కన్నుల మేడరా ||జీవితాంతము|| / మరచిపోనిది మాసిపోనిది / పెండ్లనే బంధము (2) / మరచిపోకుమా జీవితమున (2) / పెండ్లి నాటి ప్రమాణము ||జీవితాంతము||
గుండె బరువెక్కిపోతున్నది / ప్రాణము సొమ్మసిల్లుచున్నది (2) / నా మనసేమో కలవరపడుచున్నది (2) / యేసయ్యా.. ఆదరించ రావా / యేసయ్యా.. బలపరచ రావా ||గుండె|| / ప్రాకారము లేని పురముగా నేనుంటిని / ఆదరణ లేక దిగులుతో నేనుంటిని (2) / నెమ్మది లేదాయెనే – శాంతి కరువాయెనే (2) / యేసయ్యా.. ఆధారం నీవే కదా / యేసయ్యా.. నా కాపరి నీవే కదా ||గుండె|| / అంధకారంలో నా దీపము ఆరిపోయెనే / అరణ్య రోదనలో ప్రాణము సొమ్మసిల్లెనే (2) / దినదినము నేను కృంగుచున్నాను (2) / యేసయ్యా.. వెలిగించగ రావా / యేసయ్యా.. లేవనెత్త రావా ||గుండె|| / ఎక్కడ చూసిననూ నెమ్మది లేదాయెనే / ఎవరిలో చూసిననూ ప్రేమ కరువాయెనే (2) / ఆత్మల భారముతో మూల్గుచున్నానయ్యా (2) / యేసయ్యా.. దర్శించ రావా / యేసయ్యా.. ప్రేమతో నింపుమయా ||గుండె||
గుండె నిండా యేసు ఉంటే కన్నీళ్లే ముత్యాలు / గుండె గుడిలో యేసు ఉంటే దుఃఖమైనా సంతోషం (2) / గుండె నిండా నువ్వే / యేసు గుండె నిండా నువ్వే (4) / లోక స్నేహం వెలివేసినా / శోకంలో ముంచి వేసినా – నీవే నా నేస్తం / నా హృదయం చెప్పేదొక్కటే / గుండె నిండా నువ్వే (2) ||గుండె నిండా నువ్వే|| / ఊపిరంతా శాపమైనా / గాలి కూడా గేలిచేసినా – నీవే నా చెలిమి / జాలి లేని ఇలలోన / నీవే నా కలిమి (2) ||గుండె నిండా నువ్వే|| / చిరకాలం నీ ఒడిలో / ఉండాలని ఆశతో / చెమ్మగిల్లే కలలతోనే / పాడుతున్నా గీతం (2) ||గుండె నిండా నువ్వే||
గుర్తుండిపోయే ఈ క్షణాలలో / ప్రతి గుండె నిండా ఆనందమే / ఘనమైన ఈ వివాహ వేడుక / చేసావు మాకు తీపి జ్ఞాపిక / దేవా నీకు వందనం (4) / చిన్ని మొగ్గలా లేత సిగ్గులా / చిరునవ్వుల ఈ నవ వధువు / నింగి చుక్కలా కాంతి రేఖలా / సుందరుడు ఈ నవ వరుడు (2) / దేవా నీ సన్నిధిలో నిలిచిన ఈ జంటను (2) / దీవించు.. నూరేళ్ళూ.. చల్లగా ఉండాలని / దీవించు.. నూరేళ్ళూ.. నిండుగా ఉండాలని / నీ బాటలో నీ మాటలో / సాగనీ అనురాగమై / నీ ధ్యాసలో నీ ఊసులో / ఎదగనీ అనుబంధమై (2) / దేవా నీ సన్నిధిలో నిలిచిన ఈ జంటను (2) / దీవించు.. నూరేళ్ళూ.. చల్లగా ఉండాలని / దీవించు.. నూరేళ్ళూ.. నిండుగా ఉండాలని
హల్లెలూయా ఆరాధన / రాజాధి రాజు యేసునకే / మహిమయు ఘనతయు / సర్వాధికారి క్రీస్తునకే (2) / చప్పట్లు కొట్టుచూ – పాటలు పాడుచూ / ఆ ప్రభుని కీర్తించెదం / నాట్యము చేయుచు – ఉత్సాహ ధ్వనులతో / స్తోత్రార్పణ చేసెదం ||హల్లెలూయా|| / రూపింప బడక ముందే / నన్ను ఎరిగితివి / నా పాదములు జారకుండా / రక్షించి నడిపితివి (2) ||చప్పట్లు|| / అభిషేక వస్త్రము నిచ్చి / వీరులుగా చేసితివి / అపవాది క్రియలను జయించే / ప్రార్థన శక్తినిచ్చితివి (2) ||చప్పట్లు||
హల్లెలూయ పాటలతో / ఆనంద గీతాలతో (2) / కృపామయుండా నీ మేలులన్ని / స్మరించి స్తుతింతును (2) / నేనారణ్యా యానములో / నిను పలుమార్లు విసిగించినా (2) / కోపించుచునే వాత్సల్యము చూపి / అనుదినము నను మరువక / మన్నాను నాకిడితివి (2) ||హల్లెలూయ|| / మలినంబైన వలువలతో / నే నీ ఎదుట నిలుచుండగా (2) / కృపతో నా నేరములను క్షమియించి / పరిశుద్ధ వస్త్రములతో / నన్నలంకరించితివి (2) ||హల్లెలూయ|| / నే కృంగిన వేళలలో / నీ అభిషేక తైలముచే (2) / పక్షిరాజు యవ్వనము వలె నా బలము / నూతనము జేసితివి / నను పైకెగుర జేసితివి (2) ||హల్లెలూయ||
హల్లెలూయా యేసు ప్రభున్ ఎల్లరు స్తుతియించుడి / వల్లభుని చర్యలను తిలకించి స్తుతియించుడి / బలమైన పని చేయు బలవంతుని స్తుతియించుడి / ఎల్లరిని స్వీకరించు యేసుని స్తుతియించుడి / రాజుల రాజైన యేసు రాజు భూజనులనేలున్ / హల్లెలూయా, హల్లెలూయా దేవుని స్తుతియించుడి / తంబురతోను వీణతోను ప్రభువుని స్తుతియించుడి / పాపమును రక్తముతో తుడిచెను స్తుతియించుడి / బూరతోను తాళముతో మ్రోగించి స్తుతియించుడి / నిరంతరము మారని యేసుని స్తుతియించుడి ||రాజుల|| / సూర్య చంద్రులారా ఇల దేవుని స్తుతియించుడి / హృదయమును వెలిగించిన యేసుని స్తుతియించుడి / అగ్నివడగండ్లార మీరు కర్తను స్తుతియించుడి / హృదయమును చేధించిన నాథుని స్తుతియించుడి ||రాజుల|| / యువకులారా పిల్లలారా దేవుని స్తుతియించుడి / జీవితమున్ ప్రభుపనికై సమర్పించి స్తుతియించుడి / పెద్దలారా ప్రభువులారా యెహోవాను స్తుతియించుడి / ఆస్తులను యేసునకై అర్పించి స్తుతియించుడి ||రాజుల|| / అగాథమైన జలములారా దేవుని స్తుతియించుడి / అలలవలె సేవకులు లేచిరి స్తుతియించుడి / దూతలారా పూర్వ భక్తులారా దేవుని స్తుతియించుడి / పరమందు పరిశుద్ధులు ఎల్లరు స్తుతియించుడి ||రాజుల||