535 worship songs available. Lyrics in Roman and Telugu script.
ఎందుకో నన్నింతగా నీవు ప్రేమించితివో దేవా / అందుకో నా దీన స్తుతిపాత్ర హల్లెలూయ యేసయ్యా (2) / నా పాపము బాప నరరూపివైనావు / నా శాపము మాప నలిగి వ్రేలాడితివి / నాకు చాలిన దేవుడవు నీవే / నా స్థానములో నీవే (2) ||ఎందుకో|| / నీ రూపము నాలో నిర్మించియున్నావు / నీ పోలికలోనే నివసించుమన్నావు / నీవు నన్ను ఎన్నుకొంటివి / నీ కొరకై నీ కృపలో (2) ||ఎందుకో|| / నా శ్రమలు సహించి నా ఆశ్రయమైనావు / నా వ్యధలు భరించి నన్నాదుకొన్నావు / నన్ను నీలో చూచుకున్నావు / నను దాచియున్నావు (2) ||ఎందుకో|| / నీ సన్నిధి నాలో నా సర్వము నీలో / నీ సంపద నాలో నా సర్వస్వము నీలో / నీవు నేను ఏకమగువరకు / నన్ను విడువనంటివే (2) ||ఎందుకో|| / నా మనవులు ముందే నీ మనసులో నెరవేరే / నా మనుగడ ముందే నీ గ్రంథములోనుండే / ఏమి అద్భుత ప్రేమ సంకల్పం / నేనేమి చెల్లింతున్ (2) ||ఎందుకో||
దేవుని స్తుతియించుడి / ఎల్లప్పుడు దేవుని స్తుతియించుడి ||దేవుని|| / ఆయన పరిశుద్ధ ఆలయమందు (2) / ఆయన సన్నిధిలో ఆ… ఆ… (2) ||ఎల్లప్పుడు|| / ఆయన బలమును ప్రసిద్ధి చేయు (2) / ఆకశవిశాలమందు ఆ… ఆ… (2) ||ఎల్లప్పుడు|| / ఆయన పరాక్రమ కార్యములన్ బట్టి (2) / ఆయన ప్రభావమును ఆ… ఆ… (2) ||ఎల్లప్పుడు|| / బూరధ్వనితో ఆయనన్ స్తుతించుడి (2) / స్వరమండలములతో ఆ… ఆ… (2) ||ఎల్లప్పుడు|| / సన్న తంతుల సితారతోను (2) / చక్కని స్వరములతో ఆ… ఆ… (2) ||ఎల్లప్పుడు|| / తంబురతోను నాట్యముతోను (2) / తంతి వాద్యములతో ఆ… ఆ… (2) ||ఎల్లప్పుడు|| / పిల్లనగ్రోవుల చల్లగనూది (2) / ఎల్లప్రజలు జేరి ఆ… ఆ… (2) ||ఎల్లప్పుడు|| / మ్రోగుతాళములతో ఆయనన్ స్తుతించుడి (2) / గంభీర తాళముతో ఆ… ఆ… (2) ||ఎల్లప్పుడు|| / సకల ప్రాణులు యెహోవన్ స్తుతించుడి (2) / హల్లెలూయా ఆమెన్ ఆ… ఆ… (2) ||ఎల్లప్పుడు||
ఆయనే నా సంగీతము బలమైన కోటయును / జీవాధిపతియు ఆయనే / జీవిత కాలమెల్ల స్తుతించెదము ||ఆయనే|| / స్తుతుల మధ్యలో నివాసం చేసి / దూతలెల్ల పొగడే దేవుడాయనే (2) / వేడుచుండు భక్తుల స్వరము విని / దిక్కు లేని పిల్లలకు దేవుడాయనే (2) ||ఆయనే|| / ఇద్దరు ముగ్గురు నా నామమున / ఏకీభవించిన వారి మధ్యలోన (2) / ఉండెదననిన మన దేవుని / కరములు తట్టి నిత్యం స్తుతించెదము (2) ||ఆయనే|| / సృష్టికర్త క్రీస్తు యేసు నామమున / జీవిత కాలమెల్ల కీర్తించెదము (2) / రాకడలో ప్రభుతో నిత్యముందుము / మ్రొక్కెదము స్తుతించెదం పొగడెదము (2) ||ఆయనే||
సాగిలపడి మ్రొక్కెదము సత్యముతో ఆత్మలో / మన ప్రభు యేసుని ఆ ఆ ఆఆ (2) ||సాగిలపడి|| / మోషేకంటే శ్రేష్టుడు / అన్ని మోసములనుండి విడిపించున్ (2) / వేషధారులను ద్వేషించున్ / ఆశతో మ్రొక్కెదము (2) ||సాగిలపడి|| / అహరోనుకంటే శ్రేష్టుడు / మన ఆరాధనకు పాత్రుండు (2) / ఆయనే ప్రధాన యాజకుడు / అందరము మ్రొక్కెదము (2) ||సాగిలపడి|| / ఆలయముకన్న శ్రేష్టుడు / నిజ ఆలయముగ తానే యుండెన్ (2) / ఆలయము మీరేయనెను / ఎల్లకాలము మ్రొక్కెదము (2) ||సాగిలపడి|| / యోనా కంటె శ్రేష్టుడు / ప్రాణ దానముగా తన్ను అర్పించెన్ (2) / మానవులను విమోచించెన్ / ఘనపరచి మ్రొక్కెదము (2) ||సాగిలపడి|| / సొలోమోను కన్న శ్రేష్ఠుడు / సర్వజ్ఞానమునకు ఆధారుండు (2) / పదివేలలో అతిప్రియుండు / పదిలముగ మ్రొక్కెదము (2) ||సాగిలపడి|| / రాజులకంటే శ్రేష్ఠుడు / యాజకులనుగా మనలను చేసెన్ (2) / రారాజుగ త్వరలో వచ్చున్ / రయముగను మ్రొక్కెదము (2) ||సాగిలపడి|| / అందరిలో అతి శ్రేష్ఠుడు / మనకందరికి తానే ప్రభువు (2) / హల్లెలూయకు పాత్రుండు / అనుదినము మ్రొక్కెదము (2) ||సాగిలపడి||
నీ రక్తమే నీ రక్తమే నన్ శుద్దీకరించున్ / నీ రక్తమే నా బలము (2) / నీ రక్త ధారలే ఇల / పాపికాశ్రయంబిచ్చును (2) / పరిశుద్ధ తండ్రి పాపిని / కడిగి పవిత్ర పరచుము (2) ||నీ రక్తమే|| / నశించు వారికి నీ సిలువ / వెర్రితనముగ నున్నది (2) / రక్షింపబడుచున్న పాపికి / దేవుని శక్తియై యున్నది (2) ||నీ రక్తమే|| / నీ సిల్వలో కార్చినట్టి / విలువైన రక్తముచే (2) / పాప విముక్తి చేసితివి / పరిశుద్ధ దేవ తనయుడా (2) ||నీ రక్తమే|| / పంది వలె పొర్లిన నన్ను / కుక్క వలె తిరిగిన నన్ను (2) / ప్రేమతో చేర్చుకొంటివి / ప్రేమార్హ నీకే స్తోత్రము (2) ||నీ రక్తమే|| / నన్ను వెంబడించు సైతానున్ / నన్ను బెదరించు సైతానున్ (2) / దునుమాడేది నీ రక్తమే / దహించేది నీ రక్తమే (2) ||నీ రక్తమే|| / స్తుతి మహిమ ఘనతయు / యుగయుగంబులకును (2) / స్తుతి పాత్ర నీకే చెల్లును / స్తోత్రార్హుడా నీకే తగును (2) ||నీ రక్తమే||
కుతూహలం ఆర్భాటమే – నా యేసుని సన్నిధిలో / ఆనందమానందమే – నా యేసుని సన్నిధిలో (2) ||కుతూహలం|| / పాపమంత పోయెను – రోగమంత పోయెను / యేసుని రక్తములో / క్రీస్తునందు జీవితం – కృప ద్వారా రక్షణ / పరిశుద్ధ ఆత్మలో (2) ||కుతూహలం || / దేవాది దేవుడు – ప్రతిరోజు నివసించు / దేవాలయం మనమే / ఆత్మయైన దేవుడు – మన సొంతమాయెను / ఆశ్చర్యమాశ్చర్యమే (2) ||కుతూహలం|| / శక్తినిచ్చు యేసు – జీవమిచ్చు యేసు / జయంపై జయం ఇచ్చును / ఏకముగా కూడి – హోసన్నా పాడి / ఊరంతా చాటెదము (2) ||కుతూహలం||
హల్లెలుయా పాడెదా ప్రభు నిన్ను కొనియాడెదన్ (2) / అన్ని వేళలయందునా నిన్ను పూజించి కీర్తింతును (2) / ప్రభువా నిన్ను నే కొనియాడెదన్ ||హల్లెలుయా|| / వాగ్ధానములనిచ్చి / నెరవేర్చువాడవు నీవే (2) / నమ్మకమైన దేవా / నన్ను కాపాడువాడవు నీవే (2) / ప్రభువా నిన్ను నే కొనియాడెదన్ ||హల్లెలుయా|| / ఎందరు నిను చూచిరో / వారికి వెలుగు కల్గెన్ (2) / ప్రభువా నీ వెలుగొందితిన్ / నా జీవంపు జ్యోతివి నీవే (2) / ప్రభువా నిన్ను నే కొనియాడెదన్ ||హల్లెలుయా|| / కష్టములన్నింటిని / ప్రియముగా భరియింతును (2) / నీ కొరకే జీవింతును / నా జీవంపు దాతవు నీవే (2) / ప్రభువా నిన్ను నే కొనియాడెదన్ ||హల్లెలుయా||