255 salvation songs available. Lyrics in Roman and Telugu script.
కొంతసేపు కనబడి అంతలోనే మాయమయ్యే / ఆవిరి వంటిదిరా ఈ జీవితం / లోకాన కాదేది శాశ్వతం (2) / యేసే నిజ దేవుడు నిత్యజీవమిస్తాడు / మరణమైన జీవమైన నిన్ను విడువడు (2) ||కొంతసేపు|| / ఎదురౌతారెందరో నీ పయనంలో / నిలిచేది ఎందరు నీ అక్కరలో (2) / వచ్చేదెవరు నీతో మరణము వరకు (2) / ఇచ్చేదేవరు ఆపై నిత్య జీవము నీకు ||యేసే|| / చెమటోడ్చి సుఖము విడిచి కష్టమునోర్చి / ఆస్తులు సంపాదించిన శాంతి ఉన్నదా (2) / ఈ రాత్రే దేవుడు నీ ప్రాణమడిగితే (2) / సంపాదన ఎవరిదగును యోచించితివా ||యేసే|| / నీ శాపం తాను మోసి పాపం తీసి / రక్షణ భాగ్యము నీకై సిద్ధము చేసి (2) / విశ్రాంతినీయగ నిన్ను పిలువగా (2) / నిర్లక్ష్యము చేసిన తప్పించుకొందువా ||యేసే||
సరిచేయుమో దేవా / నన్ను బలపరచుమో ప్రభువా (2) / నీ ఆత్మతో నను అభిషేకించి / సరి చేయుమో దేవా (2) ||సరి|| / దూరమైతి నీ సన్నిధి విడచి / పారిపోతి నీ గాయము రేపి / లోకమునే స్నేహించితి నేను / పాపము మదిలో నింపుకున్న / అది తప్పని తెలిసి తిరిగి వచ్చి / నీ సన్నిధిలో నే మోకరించి / బ్రతిమాలుచున్నాను / నన్ను సరి చేయుమో దేవా (2) ||సరి|| / నింపుము నీ వాక్యము మదిలో / పెంచుము నను నీ పాలనలో / శోధనను గెలిచే ప్రతి మార్గం / ఇవ్వుము నాకు ప్రతి క్షణము / నీ సన్నిధిలో ఒక దినమైనను / వేయి దినములకంటే బహుశ్రేష్టము.. అని / తెలుసుకున్నాను / నన్ను సరి చేయుమో దేవా (2) ||సరి||
నశియించెడి లోకంలో – వసియించవు కలకాలం / మేలైనది చేపట్టి – సాగించు నీ పయనం – (2) / అది నాదంటూ ఇది నాదంటూ – ఆనందం కోల్పోతూ / పరమార్ధం గ్రహియించకనే – గతియించిపోతావా ||నశియించెడి|| / కాలంతో పాటుగా కృశియించును శరీరం / మరణం కబళించును ఏ ఘడియలోనైనా (2) / క్రీస్తు దారిలో సాగి – నిత్య రాజ్యమే చేరి (2) / వసియించు కలకాలం – సత్యమైన లోకంలో ||నశియించెడి|| / నిలచిపోవును మహిలోన బంధాలన్ని / మట్టిలో కలియును దేహం రిక్త హస్తాలతో (2) / ఇకనైనా తేరుకొని – గ్రహియించు సత్యాన్ని (2) / యేసులోకి మళ్ళించు – నీ జీవిత గమనాన్ని ||నశియించెడి||
మన్నేగదయ్యా మన్నేగదయ్యా (2) / మహిలోని ఆత్మ జ్యోతియు తప్ప / మహిలోనిదంతా మన్నేగదయ్యా (2) ||మన్నేగదయ్యా|| / మంచిదంచు ఒకని యించు సంచిలోనే ఉంచినా / మించిన బంగారము మించిన నీ దేహము (2) / ఉంచుము ఎన్నాళ్ళకుండునో / మరణించగానే మన్నేగదయ్యా (2) ||మన్నేగదయ్యా|| / ఎన్ని నాళ్ళు లోకమందు ఉన్నతముగా నిలిచినా / నిన్ను చూచి లోకులంతా ధన్యుడవని పిలిచినా (2) / మెల్లని పుష్పంబు పోలినా / పుష్పంబుతోనే ఊడిపడినది (2) ||మన్నేగదయ్యా|| / మిక్కిలి సౌందర్యమగు చక్కని నీ దేహము / ఒక్కనాడు ఆరిపోగా నీలో ఆత్మ దీపము (2) / కుక్క శవంతో సమమేగా / నిక్కముగనదియు మన్నేగదయ్యా (2) ||మన్నేగదయ్యా|| / మానవునికి మరణమింత ఎంచనంత మన్నిల / మరణమును జయించుచున్న కాలమింత మన్నిల (2) / మరణ విజయుడేసు క్రీస్తుడే / మది నమ్ము నిత్య జీవమిచ్చ్చును (2) ||మన్నేగదయ్యా||
జీవ నాథ ముక్తి దాత / శాంతి దాత పరమాత్మ / పావనాత్మ పరుగిడి రావా / నా హృదిలో నివసింప రావా / నీ రాక కోసం వేచియున్నాను / వెలిగించు నాలో నీ దివ్య జ్యోతి – (2) / ముక్తి ప్రసాదించుము / భక్తిని నేర్పించుము / నీ ఆనందముతో నను నింపుము – (2) / వేంచేయు మా ఆత్మ దేవా / వెలిగించు నాలో నీ దివ్య జ్యోతి – (2) ||జీవ నాథ|| / నీ శాంతి నింపంగ రావా / నీ శక్తి నింపంగ రావా (2) / నీ పరమ వారములతో నింపేవా (2) / వేంచేయు మా ఆత్మ దేవా / వెలిగించు నాలో నీ దివ్య జ్యోతి – (2) ||జీవ నాథ||
నమ్మకురా నమ్మకురా ఈ లోకం నమ్మకురా / నమ్ముకోరా నమ్ముకోరా ప్రభుయేసుని నమ్ముకోరా (2) / మత్తును నమ్మకురా గమ్మత్తులు సేయకురా / ఆత్మను హత్తుకోరా ఆరోగ్యం పొందుకోరా ||నమ్మకురా|| / ధనము చదువు నేర్పునురా – సంస్కారం నేర్పదురా / ధనము మందులు కొనునురా – ఆరోగ్యం ఇవ్వదురా (2) / వస్తువాహనాల కాధారం / సుఖ సంతోషాలకు బహుదూరం (2) ||నమ్మకురా|| / ధనము పెళ్ళి చేయునురా – కాపురము కట్టదురా / ధనము సమాధి కట్టునురా – పరలోకం చేర్చదురా (2) / డబ్బును నమ్మకురా / గబ్బు పనులు చేయకురా (2) ||నమ్మకురా|| / ధనము ఆస్తిని పెంచునురా – అనురాగం తుంచునురా / ధనము పొగరు పెంచునురా – పరువు కాస్త తీయునురా (2) / ధనము కోరిక తీర్చునురా / నరకానికి చేర్చునురా (2) ||నమ్మకురా||
నీ జీవితములో గమ్యంబు ఏదో ఒకసారి యోచించవా / ఈనాడే నీవు ప్రభు యేసుకొరకు నీ హృదయమర్పించవా (2) ||నీ జీవితములో|| / నీ తల్లి గర్భాన నీవుండినపుడే / నిను చూచే ప్రభు కన్నులు (2) / యోచించలేవా ఏ రీతి నిన్ను / నిర్మించే తన చేతులు (2) ||నీ జీవితములో|| / నీలోనే తాను నివసింపగోరి / దినమెల్ల చేజాచెను (2) / హృదయంపు తలుపు తెరువంగ లేవా / యేసు ప్రవేశింపను (2) ||నీ జీవితములో|| / తన చేతులందు రుధిరంపు ధారల్ / స్రవియించే నీకోసమే (2) / భరియించె శిక్ష నీకోసమేగా / ఒకసారి గమనించావా (2) ||నీ జీవితములో|| / ప్రభు యేసు నిన్ను సంధించునట్టి / సమయంబు యీనాడేగా (2) / ఈ చోటనుండి ప్రభు యేసు లేక / పోబోకుమో సోదరా / ఈ చోటనుండి ప్రభు యేసు లేక / పోబోకుమో సోదరీ ||నీ జీవితములో||
కట్టెలపై నీ శరీరం కనిపించదు గంటకు మళ్ళీ / మట్టిలోన పెట్టిన నిన్నే గుర్తించదు నీ తల్లి / ఎన్ని చేసినా తనువు నమ్మినా / కట్టె మిగిల్చింది కన్నీటి గాధ – (2) ||కట్టెలపై|| / దేవాది దేవుడే తన పోలిక నీకిచ్చెను / తన ఆశ నీలో చూసి పరితపించిపోవాలని (2) / కన్న తండ్రినే మరచి కాటికెళ్ళిపోతావా / నిత్య జీవం విడచి నరకమెళ్ళి పోతావా (2) ||ఎన్ని చేసినా|| / ఆత్మ నీలో ఉంటేనే అందరు నిను ప్రేమిస్తారు / అది కాస్త వెళ్ళిపోతే ఎవరికి నీ అవసరముండదు (2) / కన్నవారే ఉన్ననూ కట్టుకున్న వారున్ననూ / ఎవ్వరికీ కనిపించక నీ ఆత్మ వెళ్లిపోవును (2) ||ఎన్ని చేసినా||
సిలువ సాక్షిగా యేసు సిలువను / సిలువ మోయుచు ప్రకటించెదను (2) / ఇదే నా వేదన – ఇదే నా ప్రార్థన ||సిలువ|| / యేసు ఒళ్ళు చీల్చెను కుల కొరడా దెబ్బలే / క్రీస్తు తలను గుచ్చెను మత ముళ్ల కిరీటమే (2) / మేకులు దిగ గొట్టెను పదవి వ్యామోహమే / సిలువలో వ్రేలాడ దీసెను అధికారమే / కులమా కళ్ళు పొడచుకో – మతమా ఉరి పోసుకో ||సిలువ|| / లోక పాప క్షమాపణ యేసు సిలువ రక్తమే / పాప శాప విమోచన యేసు సిలువ మార్గమే (2) / దైవమా నవ పాలన క్రీస్తు సిలువ జీవమే / సమ సమాజ స్థాపనలో యేసు సిలువ సత్యమే / కులమా కళ్ళు పొడచుకో – మతమా ఉరి పోసుకో ||సిలువ||
దిక్కులెన్ని తిరిగినా – ఏ దిక్కు వెదకినా (2) / మనకు దిక్కు ఈ బాల యేసుడే / ఈ ధరణిలో – జోల పాట పాడ రారండయ్యో / ఓ జనులారా – మీ హృదయంలో నివసింప జేయండయ్యో (2) / కన్య గర్భమందు నేడు – కరుణగల రక్షకుండు (2) / స్థలము లేక తిరిగి వేసారెను / నా కొరకై స్థలము సిద్ధ పరచ నేడు పుట్టెను (2) / కల్లబొల్లి కథలు కావు – ఆ గొల్ల బొయల దర్శనంబు (2) / నేడు నోవాహు ఓడ జోరేబు కొండ / గుర్తుగా ఉన్నాయి చూడండి ||దిక్కులెన్ని|| / దిక్కులేని వారినెల్ల – పాపమందు బ్రతికేటోళ్ల (2) / తన మార్గమందు నడుప బుట్టెను / ఈ బాలుడు చెడ్డ వారినెల్ల చేరదీయును (2) / జన్మించాడు నేడు – ఈ విశ్వ మొత్తమునేలు రాజు (2) / నేడు తూర్పు దిక్కు జనులందరు వచ్చి / హృదయాలు అర్పించినారయ్యో ||దిక్కులెన్ని||
యేసయ్యా ప్రాణ నాథా – ఎంతో మంచోడివయ్యా / సిలువలో ప్రాణం పెట్టినావయ్యా / రక్తమిచ్చి కొన్నావయ్యా యేసయ్యా / నన్ను.. రక్తమిచ్చి కొన్నావయ్యా యేసయ్యా / మరణాంధకారములో పడియున్న వేళ / ఉదయించినావు ఓ నీతి సూర్యుడా (2) / కురిసింది కల్వరి ప్రేమ నీ రుధిర ధారలై (2) / నిను వీడి క్షణమైనా నే బ్రతుకలేను (2) ||యేసయ్యా|| / మరణ పాశాలన్ని ఛేదించినావు / ప్రేమ పాశాలతో దీవించినావు (2) / నీ ప్రేమ బానిసగా నను చేసుకున్నావు (2) / మోడైన నా బ్రతుకు చిగురింపజేశావు (2) ||యేసయ్యా|| / మృతిని గెల్చి లేచావు మహిమను దాల్చావు / ఈ మట్టి దేహాన్ని మహిమతో నింపావు (2) / నా సృష్టికర్తవు నా క్రీస్తు నీవు (2) / రానున్న రారాజు నీ వధువు నేను (2) ||యేసయ్యా||
సమీపింపరాని తేజస్సులో ఓ.. ఓ.. / వసీయించువాడ నా దైవమా (2) / రాజులకు రారాజా / సమస్తమునకు జీవధారకుడా (2) / పరిశుద్ధుడా ఆ.. ఆ.. ఆ.. పరిశుద్ధుడా ||సమీపింపరాని|| / పాపులలో… ప్రధానుడనైన నను రక్షించుటకు / క్రీస్తేసువై లోకమునకు అరుదెంచినావు (2) / దూషకుడను హానికరుడైన నన్ను (2) / కరుణించి మార్చివేసితివి (2) ||సమీపింపరాని|| / నా దేవా… నా యవ్వనమును బట్టి / తృణీకరింప బడకుండ నన్ను కాపాడుము (2) / నా పవిత్రత ప్రేమ ప్రవర్తనములో (2) / నీ స్వరూపములోకి నను మార్చుము (2) ||సమీపింపరాని||