799 praise songs available. Lyrics in Roman and Telugu script.
చిరకాల స్నేహితుడా / నా హృదయాన సన్నిహితుడా (2) / నా తోడు నీవయ్యా – నీ స్నేహం చాలయ్యా / నా నీడ నీవయ్యా – ప్రియ ప్రభువా యేసయ్యా / చిరకాల స్నేహం – ఇది నా యేసు స్నేహం (2) / బంధువులు వెలివేసినా / వెలివేయని స్నేహం / లోకాన లేనట్టి ఓ దివ్య స్నేహం / నా యేసు నీ స్నేహం (2) ||చిరకాల స్నేహం|| / కష్టాలలో కన్నీళ్లలో / నను మోయు నీ స్నేహం / నను ధైర్యపరచి ఆదరణ కలిగించు / నా యేసు నీ స్నేహం (2) ||చిరకాల స్నేహం|| / నిజమైనది విడువనిది / ప్రేమించు నీ స్నేహం / కలువరిలో చూపిన ఆ సిలువ స్నేహం / నా యేసు నీ స్నేహం (2) ||చిరకాల స్నేహం||
అడవి చెట్ల నడుమ / ఒక జల్దరు వృక్షం వలె / పరిశుద్ధుల సమాజములో / యేసు ప్రజ్వలించుచున్నాడు (2) / కీర్తింతున్ నా ప్రభుని / జీవ కాలమెల్ల ప్రభు యేసుని / కృతజ్ఞతతో స్తుతించెదను (2) / షారోను రోజా ఆయనే / లోయ పద్మమును ఆయనే / అతిపరిశుద్ధుడు ఆయనే / పదివేలలో అతిశ్రేష్టుడు (2) ||కీర్తింతున్|| / పరిమళ తైలం నీ నామం / దాని వాసన వ్యాపించెగా / నింద శ్రమ సంకటంలో / నను సుగంధముగా చేయున్ (2) ||కీర్తింతున్|| / మనోవేదన సహించలేక / సిలువ వైపు నే చూడగా / లేవనెత్తి నన్నెత్తుకొని / భయపడకుమని అంటివి (2) ||కీర్తింతున్|| / నా త్రోవకు దీపం నీవే / నా బ్రతుకుకు జీవం నీవే / నా సేవకు బలము నీవే / నా ఆత్మకాదరణ నీవే (2) ||కీర్తింతున్|| / ఘనమైన నా ప్రభువా / నీ రక్త ప్రభావమున / నా హృదయము కడిగితివి / నీకే నా స్తుతి ఘనత (2) ||కీర్తింతున్|| / నీవు నా దాసుడవనియు / ఏర్పరచుకొంటినని / నేనే నీ దేవుడనని / భయపడకు-మని అంటివి (2) ||కీర్తింతున్||
పదివేలలో అతిసుందరుడా / మనోహరుడా మహిమోన్నతుడా (2) / నీ నామం అతి మధురం / నీ త్యాగం మహానీయం (2) / తల్లిదండ్రుల కన్నను / బంధు మిత్రుల కన్నను (2) / ప్రేమించి నాకై నిలచే / స్నేహితుడా ప్రాణ నాథుడా (2) ||పదివేలలో|| / నీ కొరకే యేసు నీ కొరకే (3) / నా కరములెత్తెదను / మోకరించి నా శిరము వంచి / నా కరములెత్తెద నీ కొరకే (2) / పరిశుద్ధ ఆత్మ రమ్ము (2) / నను యేసు పాదము చెంత చేర్చుము / పరిశుద్ధ ఆత్మ రమ్ము ||నీ కొరకే||
పదములు చాలని ప్రేమ ఇది / స్వరములు చాలని వర్ణనిది (2) / కరములు చాపి నిను కౌగలించి పెంచిన / కన్నవారికంటే ఇది మిన్నయైన ప్రేమ / వారిని సహితము కన్న ప్రేమ / ప్రేమ ఇది యేసు ప్రేమ ప్రేమ ఇది తండ్రి ప్రేమ / ప్రేమ ఇది ప్రాణమిచ్చిన ప్రేమ / కలువరి ప్రేమ ||పదములు|| / నవ మాసం మోసి ప్రయోజకులను చేసినా / కన్నబిడ్డలే నిను వెలివేసినా (2) / తన కరములు చాపి ముదిమి వచ్చు వరకు / నిన్నెత్తుకొని ఆదరించు ప్రేమ / ఆ వేదనంత తొలగించును ప్రేమ ||ప్రేమ|| / మేలులెన్నో పొంది ఉన్నత స్థితికెదిగిన / స్నేహితులే హృదయమును గాయపరచగా (2) / మేలులతో నింపి అద్భుతములు చేసి / క్షమియించుట నేర్పించెడి ప్రేమా / శాంతితో నిను నడిపించెడి ప్రేమ ||ప్రేమ||
యేసుని నా మదిలో స్వీకరించాను / ఆయన నామములో రక్షణ పొందాను (2) / నేను నేనే కాను… నాలో నా యేసే… (2) / హల్లెలూయ హల్లెలూయ హల్లెలూయ హల్లెలూయ / హల్లెలూయ హల్లెలూయ హల్లెలూయ హల్లెలూయ ||యేసుని|| / పాతవి గతియించెను / క్రొత్తవి మొదలాయెను (2) / నా పాప హృదయింలో రారాజు జన్మించె / నా పాపం తొలగి పోయెను – నా దుఃఖం కరిగి పోయెను (2) / యేసే నా జీవం… / ఆ ప్రభువే నా దైవం (2) ||హల్లెలూయ|| / నీ పాపం తొలగాలన్నా / నీ దుఃఖం కరగాలన్నా (2) / యేసుని నీ మదిలోకి స్వీకరించాలి / ఆయన నామములోనే రక్షణ పొందాలి (2) / యేసే మన జీవం… / ఆ ప్రభువే మన దైవం (2) ||హల్లెలూయ|| / నీవు నమ్మితే రక్షణ / నమ్మకున్నచో శిక్షయే (2) / ఎత్తబడే గుంపులో నీవు ఉంటావో / విడువబడే రొంపిలో నీవు ఉంటావో (2) / ఈ క్షణమే నీవు తేల్చుకో… / ఇదియే అనుకూల సమయము (2) ||హల్లెలూయ||
దేవా నీ గొప్పకార్యములన్ – మదిన్ తలచి స్తుతించెదం / నీ ఆశ్చర్యక్రియలను – పాడి కీర్తించెదం / హల్లెలూయా నా యేసురాజ / హల్లెలూయా నా ప్రాణనాథ (2) / స్తుతులు మహిమ ఘనత నీకే (2) ||దేవా నీ|| / శాశ్వత ప్రేమతో నను ప్రేమించి / పరమును వీడి భువికరుదెంచి / కలువరి సిలువలో రక్తము కార్చి / నీదు కృపతో నను రక్షించిన / నీ దివ్య ప్రేమను అత్యధికముగా / స్మరింతున్ జీవిత కాలమంతా ||దేవా నీ|| / నీ కంటిపాపగా నన్ను కాచి / నీ చేతి నీడలో నన్ను దాచి / నీ అరచేతిలో నను చెక్కుకొని / నీదు సొత్తుగా నను చేసుకొని / అక్షయమైన నీ మధుర ప్రేమను / దీక్షతో ఇలలో చాటెదను ||దేవా నీ||
స్తుతుల మీద ఆసీనుడా / స్తుతులందుకో నా యేసు రాజా (2) / ఆరాధన యేసు ఆరాధనా / ఆరాధన నీకే ఆరాధనా (2) / ప్రేమామయుడా మహోన్నతుడా / పూజించెదన్ నా యేసు రాజా (2) ||ఆరాధన|| / అల్ఫా ఒమేగా ఆదిసంభూతుడా / రానైయున్న నా యేసు రాజా (2) ||ఆరాధన||
అడిగినది కొంతే అయినా / పొందినది ఎంతో దేవా / ప్రతిగా ఏమివ్వగలనయా / నిను స్తుతియించే హృదయము తప్ప / నా జీవితం నీకే అంకితమయ్యా – (4) ||అడిగినది|| / ఊహించలేని వివరింపజాలని / నీ కార్యములు ఆశ్చర్యమే / యోచించినా నా వర్ణనకందని / నీ కృపా కనికరములు అత్యున్నతమే / తరతరములకు మారని నీ ఉన్నత ప్రేమా / యుగయుగములకు నీకే ఘనతా మహిమా / సతతం నిను నే కొనియాడెదను / సకలం నీ నామముకే స్తోత్రము తగును ||అడిగినది|| / క్షణ భంగురం నా క్షయ జీవితం / కాచావయ్యా నను నీ రెక్కల నీడ / ఏ యోగ్యత లేని అల్పురాల నన్ను / హెచ్చించావయ్యా నీ ప్రేమ తోడ / నా ఆశ్రయ దుర్గము నీవే యేసయ్య / నా రక్షణ శృంగము నీవే మెస్సయ్య / నా స్తుతికి పాత్రుడవు నీవేనయ్యా / ఈ స్తోత్ర కీర్తన నీకేనయ్యా ||అడిగినది|| / మహిమోన్నతుడా నను మరువని విభుడా / ప్రణుతించెదను నిన్నే నిరతం / నిష్కలంకుడా నిర్మలాత్ముడా / ప్రకటించెదను నీ పావన చరితం / నా అతిశయము నీవే నా యేసయ్యా / నా ఆధారము నీవే నా మెస్సయ్యా / నా ఆరాధన ఆలాపన నీకేనయ్యా / ఈ దీన సేవను చేకొనుమయ్యా ||అడిగినది||
నీవే నా ప్రాణము నీవే నా సర్వము / నీవే నా జీవము యేసయ్యా (2) / మరువలేను నీదు ప్రేమ / విడువలేనయ్యా నీ స్నేహం (3) ||నీవే|| / మార్గం నీవే సత్యం జీవం నీవే / జీవించుటకు ఆధారం నీవే (2) / అపాయము రాకుండా కాపాడువాడవు / నిను నేను ఆరాధింతున్ (2) ||నీవే|| / తోడు నీవే నా నీడ నీవే / నిత్యం నా తోడుగుండె చెలిమి నీవే (2) / బ్రతుకంతా నీ కొరకై జీవింతును / నిను నేను ఆరాధింతున్ (2) ||నీవే||
నన్నెంతగానో ప్రేమించిన ప్రభువా / నా దీన బ్రతుకునే దీవించిన దేవా (2) / నిన్నే ఆరాధింతును – నీలో ఆనందింతును (2) / నా యవ్వనమంతా… నా జీవితమంతా (2) ||నన్నెంతగానో|| / ధరలోని మన్నుతో సమమైన నన్ను / ఎన్నుకొని ఉన్నత స్థితికి చేర్చినావు (2) / అన్నీ నీవే నాకై సమకూర్చినావు / ఉన్నాను నీ తోడు భయపడకన్నావు (2) / వాక్యపు మన్నాతో పోషించిన నన్నే / ఎన్నడూ విడువని ఎడబాయని నిన్నే ||నిన్నే|| / దినమెల్ల నా కొరకే కనిపెట్టినావు / ఎల్లవేళలా నా తోడుగ నిలిచావు (2) / మెల్లని నీ స్వరముతో మాట్లాడినావు / చల్లని కరములతో నా కన్నీరు తుడిచావు (2) / పాపపు ముళ్ళును తొలగించుటకై నాలో / మరణపు విల్లును విరచిన దేవా నీలో ||నీలో||
నీకు ఇష్టముగా ఇలలో నే ఉండాలని / ఎంత కష్టమైనా నీలోనే ఉండాలని / ఆశతో ఉన్నాను నా యేసయ్యా / ఆశలు తీర్చే నా మెస్సయ్యా (2) / నువ్వంటే ఇష్టము నా యేసయ్యా / నాతో నువ్వుంటే ఇష్టము నా మెస్సయ్యా (2) / నీ వెంటే నేను నడవాలని / నీ ఇంటిలోనికి రావాలని (2) / నీ వాక్యపు రుచి నాకు చూపావయ్యా / నీ వాత్సల్యతతో నను నింపావయ్యా (2) / అందుకేనయ్యా నువ్వంటే నాకిష్టం / అందుకోవయ్యా నాలోని నీ ఇష్టం (2) ||నువ్వంటే|| / ఎన్నో శోధనలు ఎన్నెన్నో శ్రమలతో / ఈ లోకంలో నే పడియుండగా (2) / నీ కృపచేత నను నీవు నిలిపావయ్యా / నీ కరుణతో నను నీవు నడిపావయ్యా (2) / అందుకేనయ్యా నువ్వంటే నాకిష్టం / అందుకోవయ్యా నాలోని నీ ఇష్టం (2) ||నువ్వంటే||
నీకంటె నమ్మదగిన దేవుడెవరయ్యా / నీవుంటే నాతో ఏ భయము లేదయ్యా (2) / మేలు కొరకే అన్ని జరిగించు యేసయ్యా / కీడు వెనకే ఆశీర్వాదం పంపుతావయ్యా ||నీకంటె|| / కొట్టబడిన వేళ / నా గాయం కట్టినావే (2) / బాధించినా స్వస్థపరిచేది నీవే (2) ||నీకంటె|| / అణచబడిన వేళ / నా తలను ఎత్తినావే (2) / శిక్షించినా గొప్ప చేసేది నీవే (2) ||నీకంటె|| / విడువబడిన వేళ / నను చేరదీసినావే (2) / కోపించినా కరుణ చూపేది నీవే (2) ||నీకంటె||