799 praise songs available. Lyrics in Roman and Telugu script.
సుందరుడా అతి కాంక్షనీయుడా / నా ప్రియా రక్షకుడా / పరిశుద్ధుడా నా ప్రాణ నాథుడా / నాదు విమోచకుడా / నీ స్వరము మధురం / నీ ముఖము మనోహరము (2) ||సుందరుడా|| / కనబడనిమ్ము వినబడనిమ్మ / నాదు స్నేహితుడా (2) / స్నేహితుడా నా స్నేహితుడా / నా ప్రియుడా నా ప్రాణ నాథుడా (2)
శిలనైన నన్ను శిల్పివై మార్చావు / నాలోని ఆశలు విస్తరింపచేసావు (2) / నీ ప్రేమ నాపై కుమ్మరించుచున్నావు (2) / నీ ప్రేమే నా ఊపిరి – నీ ప్రేమే నా కాపరి (2) ||శిలనైన|| / మోడుబారిన నా జీవితం / నీ ప్రేమతోనే చిగురింపచేసావు (2) / నీ ప్రేమాభిషేకం నా జీవిత గమ్యం (2) / వర్ణించలేను లెక్కించలేను (2) / నీ ప్రేమే నా ఊపిరి – నీ ప్రేమే నా కాపరి (2) ||శిలనైన|| / ఏ విలువలేని అభాగ్యుడను నేను / నీ ప్రేమచూపి విలువనిచ్చి కొన్నావు (2) / నాయెడల నీకున్న తలంపులు విస్తారం (2) / నీ కొరకే నేను జీవింతు ఇలలో (2) / నీ ప్రేమే నా ఊపిరి – నీ ప్రేమే నా కాపరి (2) ||శిలనైన|| / ఊహించలేను నీ ప్రేమ మధురం / నా ప్రేమ మూర్తి నీకే నా వందనం (2) / నీ ప్రేమే నాకాధారం – నా జీవిత లక్ష్యం (2) / నీ ప్రేమే నా ఊపిరి – నీ ప్రేమే నా కాపరి (2) ||శిలనైన||
నిను స్తుతియించే కారణం / ఏమని చెప్పాలి ప్రభువా (2) / ప్రతి క్షణము ప్రతి దినము / స్తుతియించుటే నా భాగ్యము / ప్రతి క్షణము ప్రతి దినము / స్తుతియించుటే నా జీవము ||నిను|| / ఉన్నత స్థలములలోన నీకు స్తోత్రము / అగాధ జలములలోన నీకు స్తోత్రము (2) / పరమందు నీకు స్తోత్రం / ధరయందు నీకు స్తోత్రం (2) / ప్రతి చోట నీకు స్తోత్రం / ప్రతి నోట నీకు స్తోత్రం (2) ||నిను|| / చీకటి లోయలలోన నీకు స్తోత్రము / మహిమాన్విత స్థలములలోన నీకు స్తోత్రము (2) / గృహమందు నీకు స్తోత్రం / గుడిలోన నీకు స్తోత్రం (2) / ప్రతి చోట నీకు స్తోత్రం / ప్రతి నోట నీకు స్తోత్రం (2) ||నిను|| / నిన్నటి మేలుల కొరకై నీకు స్తోత్రము / ఈ దిన దీవెన కొరకై నీకు స్తోత్రము (2) / శ్రమలైనా నీకు స్తోత్రం / కరువైనా నీకు స్తోత్రం (2) / ప్రతి చోట నీకు స్తోత్రం / ప్రతి నోట నీకు స్తోత్రం (2) ||నిను||
ఎంత ప్రేమో నాపై యేసయ్యా / నేను ఎలాగ వివరించగలనయ్యా (2) / పెంట కుప్పలలో పడి ఉన్ననూ / నా మెడ మీద పడి ముద్దు పెట్టితివా / జిగట ఊబిలో నేను దిగి ఉన్ననూ / నా చేయి పట్టి నను పైకి లేపితివా ||ఎంత|| / దాహం తీర్చగలేని బావి అయిననూ / నేను పాపపు కుండను విడువకుంటిని (2) / నా పాపమంత క్షమించితివి (2) / జీవ జలమిచ్చి నన్ను చేర్చుకుంటివి (2) ||ఎంత|| / పందులున్న చోట నలిగి పడి ఉంటిని / నా పాపమే చుట్టు ముట్టి పట్టుకున్నది (2) / బుద్ధి వఛ్చి నేను నిన్ను ఆశ్రయించగా (2) / క్షమియించి నీ రక్షణిచ్చితివి (2) ||ఎంత|| / నరికిన కొమ్మ వలె ఎండిపోతిని / నా పాపాన్ని దాచి దాచి నశించితిని (2) / ఒప్పుకొనగా నాకు జీవమిచ్చితివి (2) / (ఎండిన) మొద్దును చిగురింపజేసితివి (2) ||ఎంత||
స్వఛ్చంద సీయోను వాసి / సర్వాధికారి – కస్తూరి పూరాసి (2) / వర్తమాన భూత భవి-ష్యత్కాల వాసి (2) / అల్ఫా ఒమేగ తానే (2) / ఆద్యంతము మన యేసే (2) ||స్వఛ్చంద|| / ఇదిగో నేనొక నిబంధనను / అద్భుతముగ జేతున్ – నీ ప్రజలందరి యెదుట (2) / పరిశోధింపజాలని మహా – పనులెల్ల ప్రభువే (2) / లెక్క లేని యద్భుతముల్ (2) / మక్కువతో చేయువాడు (2) ||స్వఛ్చంద|| / సంగీతం నాదముల తోడ / సీయోను పురము – సొంపుగను చేరితిమి (2) / శాశ్వత సంతోషము మా – శిరములపై వెలసెన్ (2) / దుఃఖము నిట్టూర్పును పోయెన్ (2) / మిక్కిలి ఆనందము కల్గెన్ (2) ||స్వఛ్చంద|| / నీలముల పునాదులు వేసి / నీలాంజనములతో – మాణిక్య మణులతో (2) / సువర్ణ శునీయముల – సూర్య కాంతముతో (2) / ప్రశస్త రత్నములతో (2) / ప్రవిమలముగా నిను గట్టెదను (2) ||స్వఛ్చంద|| / సుమముల హారము / సంతోషానంద తైలము నీదే – స్తుతి వస్త్రమును నీదే (2) / ఉల్లాస వస్త్రంబు నీదే – విడుదలయి నీదే (2) / హిత వత్సరము విముక్తి (2) / ఆత్మాభిషేకము నీదే (2) ||స్వఛ్చంద|| / జలములలో బడి దాటునప్పుడు / బలమై యుండెదను – నీ తోడై యుండెదను (2) / నదులలో వెళ్లునప్పుడు – నీపై పారవు (2) / అగ్ని మధ్యను నడచినను (2) / జ్వాలలు నిను కాల్చగ లేవు (2) ||స్వఛ్చంద|| / ఇత్తడి తలుపుల బగుల గొట్టెద / నినుప ఘడియలను – విడగొట్టెదను నేను (2) / అంధకార స్థలములలో ను-న్నట్టి నిధులను (2) / రహస్యములో మరుగైన (2) / ధనమును నీ కొసంగెదను (2) ||స్వఛ్చంద|| / గర్భమున పుట్టినది మొదలు / తల్లి యొడిలోన – కూర్చుండినది మొదలు (2) / నేను చంక బెట్టుకొన్న – నాదు ప్రజలారా (2) / ముదిమి వచ్చుఁ వరకు నిన్ను (2) / ఎత్తుకొను వాడను నేనే (2) ||స్వఛ్చంద||
ఎరుగనయ్యా నిన్నెప్పుడు (2) / నను వెదకుచుంటివా.. ఓ ప్రభువా (2) ||ఎరుగనయ్యా|| / నీ ప్రేమ శాశ్వతమేగా (2) / నీ కరుణ సాగరమేగా (2) / నిను కొలువ భాగ్యమే కదా (2) / నను పిలువ వచ్చిన.. ఓ ప్రభువా (2) ||ఎరుగనయ్యా|| / నీ పలుకే తీర్చునాకలి (2) / నీ స్మరణము కూర్చు బలిమిని (2) / నీ బ్రతుకే వెలుగు బాట (2) / నను కొలువ వచ్చిన.. ఓ ప్రభువా (2) ||ఎరుగనయ్యా|| / వలదయ్యా లోక భ్రాంతి (2) / కడు భారము ఘోర వ్యాధి (2) / నిను చేరిన నాకు మేలు (2) / నీ రక్షణ చాలు చాలు.. నా ప్రభువా (2) ||ఎరుగనయ్యా||
స్తుతి పాడనా నేను / నన్ను కాచే యేసయ్యా / నా జీవాన్నదాతకు / నను నడిపే ప్రభువుకు / పాపములో పడియున్న వేళ / వదలకనే దరి చేర్చిన దాత / నీ దివ్య కాంతిలో నడిపించుము యేసయ్యా ||స్తుతి|| / సోలిపోయి తూలుతున్న వేళ / జాలితో నను పిలచిన నా దేవా / నా హృదయ ధ్యానము నీకే అర్పింతును ||స్తుతి|| / భూమినేలే రారాజు నీవని / ధరణిలోని నీ మహిమను ప్రకటించ / నీ రెక్కల చాటున నను దాచే నీడవని ||స్తుతి||
నిజమైన ద్రాక్షావల్లి నీవే / నిత్యమైన సంతోషము నీలోనే (2) / శాశ్వతమైనది ఎంతో మధురమైనది / నాపైన నీకున్న ప్రేమ / ఎనలేని నీ ప్రేమ – (2) ||నిజమైన|| / అతి కాంక్షనీయుడా దివ్యమైన నీ రూపులో / జీవించున్నాను నీ ప్రేమకు నే పత్రికగా (2) / శిధిలమై యుండగా నన్ను నీదు రక్తముతో కడిగి / నీ పోలికగా మార్చినావే నా యేసయ్యా (2) ||నిజమైన|| / నా ప్రాణ ప్రియుడా శ్రేష్టమైన ఫలములతో / అర్పించుచున్నాను సర్వము నీకే అర్పణగా (2) / వాడిపోనివ్వక నాకు ఆశ్రయమైతివి నీవు / జీవపు ఊటవై బలపరచితివి నా యేసయ్యా (2) ||నిజమైన|| / షాలేము రాజా రమ్యమైన సీయోనుకే / నను నడిపించుము నీ చిత్తమైన మార్గములో (2) / అలసి పోనివ్వక నన్ను నీదు ఆత్మతో నింపి / ఆదరణ కర్తవై నను చేర్చుము నీ రాజ్యములో (2) ||నిజమైన||
యెహోవా నాకు వెలుగాయె / యెహోవా నాకు రక్షణయే / నా ప్రాణ దుర్గమయ్యె / నేను ఎవరికీ ఎన్నడు భయపడను – (2) / నాకు మార్గమును ఉపదేశమును / ఆలోచన అనుగ్రహించే (2) / తన ఆజ్ఞలలో జీవించుటకై / కృపతో నింపి కాపాడుము (2) ||యెహోవా|| / నా కొండయు నా కోటయు / నా ఆశ్రయము నీవే (2) / నే నెల్లప్పుడు ప్రభు సన్నిధిలో / స్తుతి గానము చేసెదను (2) ||యెహోవా|| / నా తల్లియు నా తండ్రియు / ఒకవేళ విడచినను (2) / ఆపత్కాలములో చేయి విడువకను / యెహోవా నన్ను చేరదీయును (2) ||యెహోవా||
స్తుతి గానమే పాడనా / జయగీతమే పాడనా (2) / నా ఆధారమైయున్న / యేసయ్యా నీకు – కృతజ్ఞుడనై / జీవితమంతయు సాక్షినై యుందును (2) ||స్తుతి|| / నమ్మదగినవి నీ న్యాయ విధులు / మేలిమి బంగారు కంటే – ఎంతో కోరతగినవి (2) / నీ ధర్మాసనము – నా హృదయములో / స్థాపించబడియున్నది – పరిశుద్ధాత్మునిచే (2) ||స్తుతి|| / శ్రేష్టమైనవి నీవిచ్చు వరములు / లౌకిక జ్ఞానము కంటే – ఎంతో ఉపయుక్తమైనవి (2) / నీ శ్రేష్టమైన – పరిచర్యలకై / కృపావరములతో నను – అలంకరించితివే (2) ||స్తుతి|| / నూతనమైనది నీ జీవ మార్గము / విశాల మార్గము కంటే – ఎంతో ఆశించదగినది (2) / నీ సింహాసనము – నను చేర్చుటకై / నాతో నీవుంటివే – నా గురి నీవైతివే (2) ||స్తుతి||
పావురమా నీ ప్రేమ ఎంత మధురము / పావురమా నీ మనసు ఎంత నిర్మలము / జుంటి తేనె ధార కన్నా / మంచి గోధుమ పంట కన్నా (2) / ప్రేమ మధురము – నీ మనసు నిర్మలము (2) / నా యేసయ్యా నీ ప్రేమ ఎంత మధురము / నా యేసయ్యా నీ మనసు ఎంత నిర్మలము / కొండల్లోన కోనల్లోనే నిన్నే వెదికాను / ఊరు వాడా వీధుల్లోన నిన్నే అడిగాను (2) / ఎటు చూసిననూ ఎం చేసిననూ / మదిలో నిన్నే తలంచుచున్నాను (2) / ఒకసారి కనిపించి / నీ దారి చూపించవా (2) ||నా యేసయ్యా|| / దవళవర్ణుడు రత్నవర్ణుడు నా ప్రాణ ప్రియుడు / పది వేళ మంది పురుషుల్లోన పోల్చదగినవాడు (2) / నా వాడు నా ప్రియుడు / మదిలో నిన్నే తలంచుచున్నాడు (2) / ఒకసారి కనిపించి / నీ దారి చూపించవా (2) ||నా యేసయ్యా||
ఇదే నా హృదయ వాంఛన / నీవే నా హృదయ స్పందన (2) / నిన్ను చూడాలని – నిన్ను చేరాలని (2) / నా బ్రతుకు నీలో నే సాగని ||ఇదే నా|| / నీ యందు నిలిచి ఫలియించాలని / నీ అడుగు జాడలోనే నడవాలని (2) / ఈ లోక ఆశలన్ని విడవాలని (2) / నీ సువార్తను ఇలలో చాటాలని / ఆశతో నీ కొరకై నే వేచియుంటిని – (2) / యేసయ్యా యేసయ్యా నా ప్రాణం నీవయ్యా / నీకన్నా ఈ లోకాన నాకెవరున్నారయ్యా (2) ||ఇదే నా|| / ప్రతి వారు నీవైపు తిరగాలని / ప్రతి వారి మోకాలు వంగాలని (2) / ప్రతి నాలుక నిన్నే స్తుతియించాలని (2) / ప్రతి ఆత్మ ప్రార్ధనలో నిండాలని / ఆశతో నీ కొరకై నే వేచియుంటిని – (2) / యేసయ్యా యేసయ్యా నా ప్రాణం నీవయ్యా / నీకన్నా ఈ లోకాన నాకెవరున్నారయ్యా (2) ||ఇదే నా|| / ప్రతి చోట నీ పాట పాడాలని / ప్రతి చోట నీ సువార్త చేరాలని (2) / ప్రతి వారికి రక్షణ కావాలని (2) / ప్రతి వారు నీ సన్నిధి చేరాలని / ఆశతో నీ కొరకై నే వేచియుంటిని – (2) / యేసయ్యా యేసయ్యా నా ప్రాణం నీవయ్యా / నీకన్నా ఈ లోకాన నాకెవరున్నారయ్యా (2) ||ఇదే నా||