131 love songs available. Lyrics in Roman and Telugu script.
యేసయ్య నిన్నే సేవింతును / ఆరాధింతును స్తుతింతును (2) / బంధీనైపోయ నీలో మునిగి తేలాక / నావల్ల కాదయ నిను వీడి ఉండుట (2) / యేసయ్య యేసయ్య యేసయ్య యేసయ్య (2) / నను వీడని నీ ప్రేమను / యెడబాయని నీ కరుణను / వెన్నంటి ఉండే కృపలను / వర్ణించగలనా (2) / నింపావు నీ అగ్నితో / నింపావు నీ శక్తితో / నింపావు జీవ జలముతో / నిన్నే మహిమపరతును (2) / నీలో మునిగి తేలాక / నే విడుదలనే పొందా / నీలో మునిగి తేలాక / నే ఉప్పోంగి పోయా / నీలో మునిగి తేలాక / నే జీవమునే పొందా / నీలో మునిగి తేలాక / నే బంధీనైపోయా
ప్రేమ లేనివాడు పరలోకానికి అనర్హుడు / ప్రేమించలేని నాడు – తన సహోదరుని ద్వేషించే నరహంతకుడు (2) / ప్రేమ నేర్పించాలని నిన్ను – ఈ లోకానికి పంపించెను ఆ దేవుడు / ప్రేమ చూపించాలని నీకు – తన ప్రాణాన్ని అర్పించెను ప్రియ కుమారుడు / ప్రేమే జీవన వేదం – ప్రేమే సృష్టికి మూలం / ప్రేమే జగతికి దీపం – ప్రేమలోనే నిత్య జీవితం / ప్రేమే అంతిమ తీరం – ప్రేమే వాక్యపు సారం / ప్రేమే సత్య స్వరూపం – ప్రేమ ఒకటే నిలుచు శాశ్వతం ||ప్రేమ లేనివాడు|| / మంచి వాని కొరకు సహితము – ఒకడు మరణించుట అరుదు / పాపులకై ప్రాణమిచ్చిన – ప్రేమకు కట్టలేము ఖరీదు / ద్రోహియైన యూదానే ఆయన – కడవరకు విడువలేదు / అప్పగించువాడని తెలిసి – బయటకు నెట్టివేయలేదు / దొంగ అని తెలిసే ఉద్యోగం ఇచ్చాడురా / ధనము సంచి యూదా దగ్గరనే ఉంచాడురా / వెండి కొరకు తనను అమ్ముకోకూడదనేరా / చివరి వరకు వాడిని మార్చాలని చూసాడురా / ఇంత గొప్ప క్రీస్తు ప్రేమ కలిగియున్నవాడే / నిజ క్రైస్తవుడౌతాడురా / ప్రేమే దేవుని రూపం – ప్రేమే క్రీస్తు స్వరూపం / ప్రేమే కడిగెను పాపం – ప్రేమ జీవ నదీ ప్రవాహం ||ప్రేమ లేనివాడు|| / కాలు ఎదిగిపోతుందని – ఓర్వలేక కన్ను బాధపడదు / కంటిలోని నలుసు పడితే – సంబరంతో కాలు నాట్యమాడదు / చేయి లేచి చెవిని నరుకదు – పేగు గుండెను ఉరి తీయదు / వేలు తెగితే నోరు నవ్వదు – అసూయ అవయవాలకుండదు / సంఘమంటే యేసు క్రీస్తు శరీరమే సోదరా / మీరంతా అవయవాలు అతికి ఉండాలిరా / ఏ భాగం పాటుపడిన శిరస్సుకే మహిమరా / ఈ భావం బాధపడితే అభ్యంతర పరచకురా / ఇంత గొప్ప దైవ ప్రేమ కనుపరచిననాడే / క్రీస్తు నీలో ఉంటాడురా / ప్రేమే ఆత్మకు ఫలము – ప్రేమే తరగని ధనము / ప్రేమే పరముకు మార్గము – ప్రేమ వరము నిత్యజీవము ||ప్రేమ లేనివాడు|| / ఎంత గొప్పవాడైనా ప్రేమ లేకపోతే – లేదు ఏ ప్రయోజనం / ఎంత సేవ చేస్తున్నా ప్రేమ చూపకుంటే – గణ గణలాడే తాళం / వర్గాలుగా విడిపోయి విభజన చేస్తామంటే – ఒప్పుకోదు వాక్యం / పౌలెవరు పేతురెవరు పరిచారకులే కదా – క్రీస్తు యేసు ముఖ్యం / మారాలని మార్చాలని కోరేది ప్రేమరా / నిన్ను వలె నీ సహోదరులను ప్రేమించరా / ప్రేమించే వారినే ప్రేమిస్తే ఏం గొప్పరా / శత్రువులను సైతం ప్రేమించమన్నాడురా / ప్రేమ పొడవు లోతు ఎత్తు గ్రహియించినవాడే / పరలోకం వెళతాడురా / స్వార్ధ్యం లేనిది ప్రేమ – అన్నీ ఓర్చును ప్రేమ / డంభం లేనిది ప్రేమ – అపకారములే మరచును ప్రేమ / ఉప్పొంగని గుణమే ప్రేమ – కోపం నిలుపదు ప్రేమ / అన్నీ తాలును ప్రేమ – మత్సరమే పడనిది ప్రేమ / దయనే చూపును ప్రేమ – దరికే చేర్చును ప్రేమ / సహనం చూపును ప్రేమ – నిరీక్షణతో నిలుచును ప్రేమ / క్షమనే కోరును ప్రేమ – ద్వేషం చూపదు ప్రేమ / ప్రాణం నిచ్చిన ప్రేమ – దోషములే కప్పును ప్రేమ
షారోను రోజావే – నా ప్రాణ స్నేహమే / నిర్దోష రక్తమే – దైవ గొర్రెపిల్లవే / సుందరుడవు – నీవు సుందరుడవు / పదివేలలో నీవు శ్రేష్టుడవు / సుందరుడవు – బహు సుందరుడవు / పదివేలలో అతిశ్రేష్టుడవు / హోసన్నా – ఉన్నత దైవమా / హోసన్నా – దావీదు తనయుడా / స్నేహితులు మరచిపోయినా – బంధువులే విడిచిపోయినా / తోడుగా నిలిచిన ప్రేమను మరువలేనే / సహచారివే సహచారివే / వేదనలో ఆదరించే నా ప్రియుడవే / రోగపు పడకలోన – నిరీక్షణ కోల్పోయినా / నను తాకి స్వస్థపరచిన వైద్యుడవే / పరిహారివే – పరిహారివే / నా వ్యాధులు భరియించిన యేసువే
నిన్ను విడచి తిరిగితిని / నివాసముకై వేతికేతిని / నన్ను నేను కోల్పోతిని / పోల్చలేని స్థితికి మారితి / నీ కృపలోనే నన్ను దాచావయ్యా / మార్గమును ఏర్పరచి నన్ను నడిపించావు / తండ్రి తండ్రి / నేనూ నీ కుమారుని / నిన్ను విడచి ఏటువేల్లేదా / నీవేగా నా ఆశ్రయం / గ్రహించలేకపోతిని / నీ సొత్తై నే ఉన్నానని / నీ దృష్టిని నాపై నిలిపితివి / నీ నీడలో నన్ను దాచితివి / నీ కను పాపనై ఉన్నా తండ్రి / నీ కను పాపనై ఉన్నా తండ్రి / పరాయుడను కాను / నీవు వెలివేయలేదు / అవమానము నుండి కాపాడినావు / నీ కౌగిటితో నన్ను ముద్దాడినావు / ప్రశస్త వస్త్రములు నా కిచ్చినావు
చిన్నారి బాలగా చిరుదివ్య జ్యోతిగా / కనరాని దేవుడు కనిపించెనా / తన ప్రేమ నా పైన కురిపించెనా… కురిపించెనా / జో.. లాలిజో.. జో… లాలిజో… / పరలోక భోగాలు వర దూత గానాలు / తనకున్న భాగ్యాలు విడనాడెనా (2) / పాపాలు భరియించెనా – శాపాలు భరియించెనా / ఆనందమే ఆశ్చర్యమే సంతోషమే సమాధానమే ||జో లాలిజో|| / దావీదు తనయుండై మహిమా స్వరూపుండై / మానుజావతారుండై పవళించెనా (2) / గాఢాంధకారంబున ఒక తార ఉదయించెనా / ప్రభు బాలుడై ప్రభు యేసుడు మరియమ్మ ఒడిలోన నిదురించెనా ||జో లాలిజో|| / శాంతి స్వరూపుండు కరుణా సముద్రుండు / కడు శక్తిమంతుడు కమనీయుడు (2) / ఆశ్చర్యకరుడాయనే ఆలోచన కర్తాయనే / అభిషిక్తుడు ఆరాధ్యుడు ప్రేమామయుడు ప్రియుడేసుడు ||జో లాలిజో||
స్నేహితుడా నా హితుడా / నన్ను మరువని బహు ప్రియుడా / నన్ను విడువని నా హితుడా / ఏమని నిన్ను వర్ణింతును / నీ ప్రేమకు నేను ఏమిత్తును (2) ||స్నేహితుడా|| / కారుచున్న కన్నీరు తుడిచి / పగిలియున్న గుండెను ఓదార్చి (2) / ఆదరించిన స్నేహితుడా / నన్నోదార్చిన నా హితుడా (2) / నన్ను ఓదార్చిన నా హితుడా ||స్నేహితుడా|| / మోడుగున్న బ్రతుకును చిగురించి / గూడు చెదరిన నన్ను దరి చేర్చి (2) / కృపను చూపిన స్నేహితుడా / కనికరించిన నా హితుడా (2) / నన్ను కరుణించిన నా హితుడా ||స్నేహితుడా||
చూచితివే నా కన్నీటిని / తుడచితివే నా యేసయ్యా (2) / లొంగిపోయిన నా జీవితం / కృంగిపోయిన నా ఆత్మను (2) / చేరదీసెనే నీ ప్రేమ / నన్ను… చేరదీసెనే నీ ప్రేమ ||చూచితివే|| / లోకమంతయూ నన్ను ద్వేషించినా / సొంత బంధువులంతా నన్ను వెలివేసినా (2) / చేరదీసెనే నీ ప్రేమ / నన్ను… చేరదీసెనే నీ ప్రేమ ||చూచితివే|| / ఒంటరితనం నన్ను వేధించినా / దీన దరిద్రురాలై నన్ను అవమానించినా (2) / చేరదీసెనే నీ ప్రేమ / నన్ను… చేరదీసెనే నీ ప్రేమ ||చూచితివే|| / ప్రేమతో నన్ను పిలిచావయ్యా / నీ వాక్కునిచ్చి స్వస్థపరచావయ్యా (2) / మరువలేనయ్యా నీ ప్రేమ / నేను… మరువలేనయ్యా నీ ప్రేమ (3)
ఎలా మరువగలనయ్యా నీ ప్రేమను / ఎలా విడువగలనయ్యా నీ సేవను (2) / యేసయ్యా యేసయ్యా యేసయ్యా యేసయ్యా (2) ||ఎలా మరువగలనయ్యా|| / ఆత్మీయులే నన్ను ఆదరించలేదు / ప్రేమించువారే ప్రేమించలేదు (2) / ఆదరించావు ప్రేమించావు (2) / అన్ని వేళలా నాకు తోడు నీవయ్యావు (2) ||ఎలా మరువగలనయ్యా|| / బంధువులే నన్ను ద్వేషించినారు / సొంత తల్లిదండ్రులే వెలివేసినారు (2) / చేరదీసావు సేదదీర్చావు (2) / అన్ని వేళలా నాకు తోడు నీవయ్యావు (2) ||ఎలా మరువగలనయ్యా|| / అనాథగా నేను తిరుగుచున్నప్పుడు / ఆకలితో నేను అలమటించినప్పుడు (2) / ఆదరించావు ఆకలి తీర్చావు (2) / అన్ని వేళలా నాకు తోడు నీవయ్యావు (2) ||ఎలా మరువగలనయ్యా||
శాశ్వతమైన ప్రేమతో నను ప్రేమించావయ్యా / నీ ప్రేమే నను గెల్చెను / విడువక నీ కృప నా యెడ కురిపించినావయ్యా / నీ కృపయే నను మార్చెను / నీ ప్రేమ ఉన్నతం – నీ ప్రేమ అమృతం / నీ ప్రేమ తేనె కంటే మధురము / నీ ప్రేమ లోతులో – నను నడుపు యేసయ్యా / నీ ప్రేమలోని నే వేరు పారి నీకై జీవించినా / ప్రేమతో… ప్రేమతో… / యేసయ్యా నిను వెంబడింతును / ప్రేమతో… ప్రేమతో… ప్రేమతో… / యేసయ్యా నిను ఆరాధింతును ||శాశ్వతమైన|| / నా తల్లి గర్భమునందు నే పిండమునైయుండఁగా / దృష్టించి నిర్మించిన ప్రేమ / నా దినములలో ఒకటైన ఆరంభము కాకమునుపే / గ్రంధములో లిఖియించిన ప్రేమ / నా ఎముకలను నా అవయములను / వింతగా ఎదిగించి రూపించిన ప్రేమ / తల్లి ఒడిలో నేను పాలు త్రాగుచున్నప్పుడు / నమ్మికను నాలోన పుట్టించిన ప్రేమ / తన సొంత పోలిక రూపులోన నను సృష్టించిన ప్రేమ / ప్రేమతో… ప్రేమతో… / నీ కోసం సృజియించావయ్యా / ప్రేమతో… ప్రేమతో… ప్రేమతో… / నను మురిపెంగా లాలించావయ్యా ||శాశ్వతమైన|| / నే ప్రభువును ఎరుగక యుండి అజ్ఞానముతో ఉన్నప్పుడు / నను విడువక వెంటాడిన ప్రేమ / నా సృష్టికర్తను గూర్చి స్మరణే నాలో లేనప్పుడు / నా కోసం వేచిచూచిన ప్రేమ / బాల్య దినముల నుండి నను సంరక్షించి / కంటి రెప్పలా నన్ను కాపాడిన ప్రేమ / యవ్వన కాలమున కృపతో నను కలిసి / సత్యమును బోధించి వెలిగించిన ప్రేమ / నే వెదకకున్నను నాకు దొరికి నను బ్రతికించిన ప్రేమ / ప్రేమతో… ప్రేమతో… / యేసయ్యా నను దర్శించినావయ్యా / ప్రేమతో… ప్రేమతో… ప్రేమతో… / నను ప్రత్యేకపరిచావేసయ్యా ||శాశ్వతమైన|| / నే పాపినై యుండగానే నాకై మరణించిన ప్రేమ / తన సొత్తుగా చేసుకున్న ప్రేమ / విలువే లేనట్టి నాకై తన ప్రాణపు విలువని చెల్లించి / నా విలువని పెంచేసిన ప్రేమ / లోకమే నను గూర్చి చులకన చేసినను / తన దృష్టిలో నేను ఘనుడన్న ప్రేమ / ఎవరూ లేకున్నా నేను నీకు సరిపోనా / నీవు బహు ప్రియుడవని బలపరచిన ప్రేమ / నా ముద్దు బిడ్డ నువ్వంటూ నన్ను తెగ ముద్దాడిన ప్రేమ / యేసయ్యా… యేసయ్యా… / నాపై ఇంత ప్రేమ ఏంటయ్యా / యేసయ్యా… యేసయ్యా… యేసయ్యా… / నను నీలా మార్చేందులకేనయ్యా ||శాశ్వతమైన|| / పలు మార్లు నే పాడినప్పుడు బహు చిక్కులలోనున్నప్పుడు / కరుణించి పైకి లేపిన ప్రేమ / నేనే నిను చేసానంటూ నేనే భరియిస్తానంటూ / నను చంకన ఎత్తుకున్న ప్రేమ / నా తప్పటడుగులు తప్పకుండ సరి చేసి / తప్పులను మాన్పించి స్థిరపరచిన ప్రేమ / నన్ను బట్టి మారదుగా నన్ను చేరదీసెనుగా / షరతులే లేనట్టి నా తండ్రి ప్రేమ / తనకిష్టమైన ఘనమైన పాత్రగా నను మలచిన ప్రేమ / ప్రేమతో… ప్రేమతో… / నను మరలా సమకూర్చావేసయ్యా / ప్రేమతో… ప్రేమతో… ప్రేమతో… / నీ సాక్ష్యంగా నిలబెట్టావయ్యా ||శాశ్వతమైన|| / కష్టాల కొలుముల్లోన కన్నీటి లోయల్లోన / నా తోడై ధైర్యపరచిన ప్రేమ / చెలరేగిన తుఫానులలో ఎడతెగని పోరాటంలో / తన మాటతో శాంతినిచ్చింది ప్రేమ / లోకమే మారిననూ మనుషులే మరచిననూ / మరువనే మరువదుగా నా యేసు ప్రేమ / తల్లిలా ప్రేమించి తండ్రిలా బోధించి / ఆలోచన చెప్పి విడిపించిన ప్రేమ / క్షణమాత్రమైన నను వీడిపోని వాత్సల్యత గల ప్రేమ / ప్రేమతో… ప్రేమతో… / నా విశ్వాసం కాపాడవయ్యా / ప్రేమతో… ప్రేమతో… ప్రేమతో… / బంగారంలా మెరిపించావయ్యా ||శాశ్వతమైన|| / ఊహించలేనటువంటి కృపాలని నాపై కురిపించి / నా స్థితి గతి మార్చివేసిన ప్రేమ / నా సొంత శక్తితో నేను ఎన్నడును పొందగలేని / అందలమును ఎక్కించిన ప్రేమ / పక్షి రాజు రెక్కలపై నిత్యము నను మోస్తూ / శిఖరముపై నన్ను నడిపించు ప్రేమ / పర్వతాలపై ఎప్పుడు క్రీస్తు వార్త చాటించే / సుందరపు పాదములు నాకిచ్చిన ప్రేమ / తన రాయబారిగా నన్ను ఉంచిన యేసే ఈ ప్రేమ / ప్రేమతో… ప్రేమతో… / శాశ్వత జీవం నాకిచ్చావయ్యా / ప్రేమతో… ప్రేమతో… ప్రేమతో… / నను చిరకాలం ప్రేమిస్తావయ్యా ||శాశ్వతమైన||
ప్రేమలో పడ్డాను… నేను ప్రేమలో పడ్డాను… / ప్రేమలో పడ్డాను నేను ప్రేమలో పడ్డాను / నా యేసు ప్రభుని ప్రేమలో పడ్డాను / ప్రేమలో ఉన్నాను నేను ప్రేమలో ఉన్నాను / నా యేసు ప్రభుతో ప్రేమలో ఉన్నాను / స్వార్ధ్యం కలిగిన ప్రేమ కాదు – లాభం కోరే ప్రేమ కాదు / కొద్ది కాలమే ఉండే ప్రేమ కాదు – ఆహ శాశ్వతమైన యేసుని ప్రేమ / మోహం కలిగిన ప్రేమ కాదు – మోసం చేసే ప్రేమ కాదు / పై అందం చూసే ప్రేమ కాదు – పరిశుద్ధమైన ప్రేమ / ఇదే కదా ప్రేమంటే – (2) / ఈ లోక ప్రేమ కాదు అగాపే ప్రేమ / దేవుని ప్రేమ ఇది ||ప్రేమలో|| / మొదటగా ప్రపోజ్ చేసింది నేను కాదు / నా ప్రియుడే తన ప్రేమ వ్యక్తపరిచే / మొదటగా ప్రేమించింది నేను కాదు / నా యేసే తన ప్రేమ వ్యక్తపరిచే / కోరినాడు పిలిచినాడు – నేను ఎదో మంచి వ్యక్తినైనట్టు / కుమ్మరించే ప్రేమ మొత్తం – నేను తప్ప ఎవ్వరు లేనట్టు / ఆకశాన తనలో తాను – పరిపూర్ణునిగా ఉన్న ప్రభువుకు / భువిలో నాపై ప్రేమ ఎందుకో / ఏమి తిరిగి ఇవ్వలేని – ఈ చిన్న జీవి పైన / ప్రభువుకు అంత ప్రేమ దేనికో / హే… ఇంత గొప్ప ప్రేమ రుచి చూసాక / నేను ప్రేమించకుండ ఎట్లా ఉంటాను / అంత గొప్ప ప్రేమ చూపు ప్రేమికునికి / ఐ లవ్ యు చెప్పకుండ ఎట్లగుంటాను ||ఇదే కదా|| / తన ప్రేమకు ఋజువేంటని నేనడుగక ముందే / నా ప్రియుడు తన ప్రేమ రుజువు పరిచె / ప్రేమకు ఋజువేంటని నేనడగక మునుపే / నా యేసు తన ప్రేమ రుజువు పరిచె / పాపమనే కూపమందు – నేను బంధీనైయుండఁగా / పాపమనే అప్పు చేత – బానిసై నేను అలసియుండగా / గగనపు దూరము దాటి వచ్చి – సిలువలో చేతులు పార చాపి / నువ్వంటే నాకింత ప్రేమనే / రక్తముతో నను సంపాదించి – నా కళ్ళల్లో కళ్ళు పెట్టి / నీపై పిచ్చి ప్రేమ నాకనే / హే… నన్ను తన సొత్తు చేసుకున్నాడు / నా పాప కట్లు తెంపి స్వేచ్ఛనిచ్చాడు / మరల వచ్చి పెళ్లి చేసుకుంటాడు / అని నిశ్చితార్ధం చేసుకొని వెళ్ళాడు ||ఇదే కదా|| / ప్రేమతో నా ప్రియుడు రాసెను ప్రేమ లేఖ / వాక్యమనే పరిశుద్ధ ప్రేమ లేఖ / ప్రేమతో నా యేసు రాసెను ప్రేమ లేఖ / వాక్యమనే పరిశుద్ధ ప్రేమ లేఖ / ఆ లేఖ చదువుతుంటే – నా ప్రియుని తలపులు నాలో నిండే / ప్రభుని ప్రేమ లోతు తెలిసి – నా యేసుపై పొంగి పొరలే / రేయింబవలు ప్రభు కావాలని – తనతో ఎప్పుడు కలిసుండాలని / నా ప్రాణము పరి తపియించెనే / యుగయుగములు నన్నేలేడివాడు – అని త్వరలోనే రానున్నాడని / ఆత్మలో కలిగే ప్రేమ పరవశమే / హే… వింత అయిన ఆ యేసు ప్రేమ గూర్చి / నేను సర్వ లోకమునకు చాటి చెబుతాను / యేసు రక్తమందు శుద్ధులైన వారే / ఆ ప్రేమ రాజ్యమందు ఉందురంటాను ||ఇదే కదా||
అందాలు చిందే శుభ వేళ – అందుకో ఈ వేళ (2) / కోరుకున్నావు ఈ వరుని – చేరియున్నాడు నీ జతనే (2) ||అందాలు|| / చిననాటి పుట్టింటి నడకా / సాగాలి అత్తింటి దాకా (2) / ఎంత ఘనమైన బంధం / వెయ్యేండ్ల వివాహ బంధం (2) ||అందాలు|| / సంసార సాగర పయనం / తెర చాటు అనుభూతి వినయం (2) / సాగిపోవాలి పయనం / చేరుకోవాలి గమ్యం (2) ||అందాలు|| / యేసయ్య పాదాల చెంత / వదలాలి ఎదలోని చింత (2) / క్రీస్తు పుట్టాలి నీలో / చేర్చుకోవాలి హృదిలో (2) ||అందాలు||
నీవే ఆశ నీవే శ్వాస / నీవే ధ్యాస యేసువా / నీవే ప్రాణం నీవే గానం / నీవే ధ్యానం నేస్తమా / తలచుదునే నాపై కురిసిన నీ మధుర ప్రేమను (2) / నీ రూపులోనే నీ చేతి పనిగా – నను నీవు మలచితివే / నీ శ్వాసతోనే నీ మహిమ కొరకై – నను సృజియించితివే ||నీవే|| / ఇహమున నా కొసగిన – ఈ ధర ఎంత భాగ్యమని / తలచితి నే భ్రమచితి – అంతయు నాకు సొంతమని / ఆశతో నేను పరుగెడితి ఇలలో చెలిమికై / ప్రతి హృదయం స్వార్ధమాయే / ప్రేమను ప్రేమగా చూపే మనసొకటి కలిగిన / ఒక ప్రేమైన కాన రాదే ||నీవే|| / హృదయము పులకించెను – నీ ప్రేమ ప్రచించగానే / దృఢమాయె నా మదిలో – ఇక అంతయు వ్యర్థమని / నా జీవన గమనాన్ని నీ వైపు మలచి / నీ అడుగులలో నే నడచి / నీ ప్రియమైన ప్రేమగ ఇలలో జీవించి / నీ కౌగిలిలో ఒదుగుదునే ||నీవే||