11 hymns songs available. Lyrics in Roman and Telugu script.
వినుమా యేసుని జననము / కనుమా కన్య గర్భమందున (2) / పరమ దేవుని లేఖనము (2) / నెరవేరే గైకొనుమా (2) / ఆనందం విరసిల్లె జనమంతా / సంతోషం కలిగెను మనకంతా / సౌభాగ్యం ప్రణవిల్లె ప్రభుచెంత / చిరజీవం దిగివచ్చె భువికంతా ||వినుమా|| / గొల్లలొచ్చె దూతద్వారా సాగిలపడి మ్రొక్కిరంట / చుక్కచూచి జ్ఞానులువచ్చిరి యేసును చూచి కానుకలిచ్చిరి / మనకోసం పుట్టెనంట పశువుల పాకలోన / ఎంత మస్తు దేవుడన్న రక్షణనే తెచ్చెనన్నా ||వినుమా|| / పాపులనంతా రక్షింపగా / పరమును విడిచె యేసు (2) / దీనులకంతా శుభవార్తేగా (2) / నడువంగ ప్రభువైపునకు (2) ||ఆనందం|| / అదిగో సర్వలోక రక్షకుడు / దివినుండి దిగివచ్చినాఁడురా (2) / చూడుము యేసుని దివ్యమోమును (2) / రుచియించు ప్రభుని ప్రేమను (2) ||ఆనందం||
నే నీవాడనై యుండఁ గోరెదన్ / యేసు ప్రియ రక్షకా / నీవు చూపు ప్రేమను గాంచితిన్ / నన్నుఁ జేర్చు నీ దరిన్ / నన్నుఁ జేర్చు చేర్చు చేర్చు రక్షకా / నీవు పడ్డ సిల్వకున్ / నన్నుఁ జేర్చు చేర్చు చేర్చు రక్షకా / గాయపడ్డ ప్రక్కకున్ / నన్నుఁ బ్రతిష్ఠ పర్చుమీ నాధా / నీదు కృపవల్లనే / నాదు నాత్మ నిన్ను నిరీక్షించు / నీ చిత్తంబు నాదగున్ / నన్నుఁ జేర్చు చేర్చు చేర్చు రక్షకా / నీవు పడ్డ సిల్వకున్ / నన్నుఁ జేర్చు చేర్చు చేర్చు రక్షకా / గాయపడ్డ ప్రక్కకున్ / నీదు సన్నిధిలో నిఁక నుండ / నెంత తుష్టి నాకగున్ / స్నేహితుని మాటలాడెదన్ / సర్వశక్త ప్రభుతో / నన్నుఁ జేర్చు చేర్చు చేర్చు రక్షకా / నీవు పడ్డ సిల్వకున్ / నన్నుఁ జేర్చు చేర్చు చేర్చు రక్షకా / గాయపడ్డ ప్రక్కకున్ / నీదు దివ్య ప్రేమాతిశయము / ఇహ బుద్ధి కందదు / పరమందున దాని శ్రేష్ఠత / నే ననుభవించెదన్ / నన్నుఁ జేర్చు చేర్చు చేర్చు రక్షకా / నీవు పడ్డ సిల్వకున్ / నన్నుఁ జేర్చు చేర్చు చేర్చు రక్షకా / గాయపడ్డ ప్రక్కకున్
ఆకాశ వాసులారా / యెహోవాను స్తుతియించుడి (2) / ఉన్నత స్థలముల నివాసులారా / యెహోవాను స్తుతియించుడి – హల్లేలూయ (2) ||ఆకాశ|| / ఆయన దూతలారా మరియు / ఆయన సైన్యములారా (2) / సూర్య చంద్ర తారలారా / యెహోవాను స్తుతియించుడి – హల్లేలూయ (2) ||ఆకాశ|| / సమస్త భుజనులారా మరియు / జనముల అధిపతులారా (2) / వృద్దులు బాలురు, యవ్వనులారా / యెహోవాను స్తుతియించుడి – హల్లేలూయ (2) ||ఆకాశ|| / క్రీస్తుకు సాక్షులారా మరియు / రక్షణ సైనికులారా (2) / యేసు క్రీస్తు పావన నామం / ఘనముగ స్తుతియించుడి – హల్లేలూయ (2) ||ఆకాశ||
మనస యేసు మరణ బాధ – లెనసి పడవే / తన – నెనరు జూడవే యా – ఘనుని గూడవే / నిను – మనుప జచ్చుటరసియే – మరక వేడవే ||మనస|| / అచ్చి పాపములను బాప – వచ్చినాడట / వా-క్కిచ్చి తండ్రితో నా – గెత్సేమందున / తా – జొచ్చి యెదను నొచ్చి బాధ – హెచ్చుగనెనట ||మనస|| / ఆ నిశీధ రాత్రి వేళ – నార్భటించుచు / న-య్యో నరాంతకుల్ చే-బూని యీటెలన్ / ఒక – ఖూని వానివలెను గట్టి – కొంచుబోయిరా ||మనస|| / పట్టి దొంగవలెను గంత – గట్టి కన్నులన్ / మరి – గొట్టి చెంపలన్ వడి – దిట్టి నవ్వుచున్ / నిను – గొట్టి రెవ్వరదియు మాకు – జెప్పమనిరట ||మనస|| / ముళ్ల తోడ నొక కిరీట – మల్లి ప్రభు తలన్ / బెట్టి – రెల్లు కర్రతో నా – కళ్ళ జనములు / రా-జిల్లు మనుచు గొట్టి నవ్వి – గొల్లు బెట్టిరా ||మనస|| / మొయ్యలేక సిల్వ భారము – మూర్చ బోయెనా / అ-య్యయ్యో జొక్కెనా యే-సయ్య తూలెనా / మా – యయ్యనిన్ దలంపగుండె – లదరి పోయెనా ||మనస|| / కాలు సేతులన్ గుదించి – కల్వరి గిరిపై / నిన్ – గేలి జేయుచు నీ – కాళ్ళ మీదను / నినుప – చీలలతో గృచ్చి నిన్ను – సిల్వ గొట్టిరా ||మనస|| / దేవ సుతుడా వైతి వేని – తీవరంబుగా / దిగి – నీవు వేగమే రమ్ము – గావు మనుచును / ఇట్లు – గావరించి పల్కు పగర – కరుణ జూపెనా ||మనస|| / తన్ను జంపు శత్రువులకు – దయను జూపెనా / తన – నెనరు జూపెనా ప్రభు – కనికరించెనా / ఓ – జనక యీ జనుల క్షమించు – మనుచు వేడెనా ||మనస|| / తాళలేని బాధ లీచ్చి – దాహమాయెనా / న-న్నేలువానికి నా – పాలి స్వామికి / నే-నేల పాపములను జేసి – హింస పరచితి ||మనస|| / గోడు బుచ్చి సిలువపైన – నేడు మారులు / మా-ట్లాడి ప్రేమతో నా – నాడు శిరమును / వంచి – నేడు ముగిసె సర్వ మనుచు – వీడె ప్రాణము ||మనస|| / మరణమైన ప్రభుని జూచి – ధరణి వణకెనా / బల్ – గిరులు బగిలెనా – గుడి తెరయు జీలెనా / దివా-కరుడు చీకటాయె మృతులు – తిరిగి లేచిరి ||మనస|| / ఇంత జాలి యింత ప్రేమ – యింత శాంతమా / నీ – యంత కరుణను నే – జింత చేయగా / నీ – వింత లెల్ల నిత్య జీవ – విధము లాయెనా ||మనస||
ఓ క్రీస్తు సంఘమా, పరిశుద్ధ సంఘమా / ప్రభువు నామములో సాగే అనుబంధమా / ఓ ప్రియ సంఘమా, యేసయ్య దేహమా / ఓ కంట కన్నీరు తగదు సహవాసమా / ప్రతి కష్టము మనము పంచుకుందాము / కలిసి అందరము వేడుకుందాము (2) ||ఓ క్రీస్తు|| / మనమంతా కలిసి ఆ దేవుని దేహము / తండ్రి చిత్తముగా ఏర్పడిన సంఘము (2) / ఏ భాగము శ్రమ పడినా కలిగెను వేదన / ఒక్కరికి ఘనతయినా అందరికి ఆదరణ (2) ||ప్రతి కష్టము|| / సాటి సోదరులు శ్రమల పాలైనపుడు / సాతాను శక్తులచే శోధింపబడినపుడు (2) / ధైర్యమును నింపాలి, విశ్వాసము పెంచాలి / ఎడతెగక ప్రార్థించి శోధనను గెలవాలి (2) ||ప్రతి కష్టము|| / శ్రమలు పొందేవారు అవిధేయులు కారు / విశ్వాసము పెంచుకొని దేవునిలో ఎదిగేరు (2) / శాంతమును పాటించి, దేవునిలో వీక్షించి / పంచాలి ఓదార్పు వదిలేసి మన తీర్పు (2) ||ప్రతి కష్టము||
ఎంతెంత భారమాయె ఆ సిలువ / లోక పాపములన్ని నువ్వు గెలువ (2) / కదిలినావు ఆ కల్వరికి / మరణముని దరి చేర్చుకొని (2) / యేసయ్యా… నా యేసయ్యా… / అలసిపోతివ నా యేసయ్యా… (2) / కొరడాలు నీ ఒళ్ళు చీల్చేను / పిడి గుద్దులతో కళ్ళు తిరిగెను (2) / వడి ముళ్ళు తలలోన నాటేను / నీ కళ్ళు రుధిరాన్ని కురిసెను (2) ||యేసయ్యా|| / బరువైన సిలువను మోయలేక / తడబడె నీ అడుగు అదిరిపడి (2) / వడివడిగా నిన్ను నడువుమని / పడి పడి తన్నిరి ఆ పాపులు (2) ||యేసయ్యా|| / చల్లని నీ దేహమల్లాడెను / ఏ చోటు లేకుండ గాయాలతో (2) / కాళ్ళు చేతులకు దిగి మేకులు / వ్రేళాడే సిలువకు నీ ప్రాణము (2) ||యేసయ్యా|| / వెలలేనిది తండ్రి నీ త్యాగము / నీ కష్టమంతయు నా పాపము (2) / మదిలోన కొలువుండు నా రక్షకా / వదిలేది లేదు నిన్ను నా పాలిక (2) ||యేసయ్యా||
శుద్ధ రాత్రి! సద్ధణంగా / నందరు నిద్రపోవ / శుద్ధ దంపతుల్ మేల్కొనగా / బరిశుద్దుడౌ బాలకుడా! / దివ్య నిద్ర పొమ్మా / దివ్య నిద్ర పొమ్మా / శుద్ధ రాత్రి! సద్ధణంగా / దూతల హల్లెలూయ / గొల్లవాండ్రకు దెలిపెను / ఎందు కిట్టులు పాడెదరు? / క్రీస్తు జన్మించెను / క్రీస్తు జన్మించెను / శుద్ధ రాత్రి! సద్ధణంగా / దేవుని కొమరుడ / నీ ముఖంబున బ్రేమలొల్కు / నేడు రక్షణ మాకు వచ్చె / నీవు పుట్టుటచే / నీవు పుట్టుటచే
వందనంబొనర్తుమో ప్రభో ప్రభో / వందనంబొనర్తుమో ప్రభో ప్రభో / వందనంబు తండ్రి తనయ శుద్ధాత్ముడా / వందనంబు లందుకో ప్రభో ||వందనం|| / ఇన్ని నాళ్ళు ధరను మమ్ము బ్రోచియు / గన్న తండ్రి మించి ఎపుడు గాచియు / ఎన్నలేని దీవెన లిడు నన్న యేసువా / యన్ని రెట్లు స్తోత్రములివిగో ||వందనం|| / ప్రాత వత్సరంపు బాప మంతయు / బ్రీతిని మన్నించి మమ్ము గావుము / నూత నాబ్దమునను నీదు నీతి నొసగుమా / దాత క్రీస్తు నాథ రక్షకా ||వందనం|| / దేవ మాదు కాలుసేతు లెల్లను / సేవకాలి తనువు దినములన్నియు / నీ వొసంగు వెండి పసిడి జ్ఞానమంత నీ / సేవకై యంగీకరించుమా ||వందనం|| / కోతకొరకు దాసజనము నంపుము / ఈ తరి మా లోటుపాట్లు దీర్చుము / పాతకంబు లెల్ల మాపి భీతి బాపుము / ఖ్యాతి నొందు నీతి సూర్యుడా ||వందనం|| / మా సభలను పెద్దజేసి పెంచుము / నీ సువార్త జెప్ప శక్తి నీయుము / మోసపుచ్చు నందకార మంత ద్రోయుము / యేసు కృపన్ గుమ్మరించుము ||వందనం||
శ్రీ యేసుండు జన్మించె రేయిలో (2) / నేడు పాయక బెత్లెహేము ఊరిలో (2) ||శ్రీ యేసుండు|| / ఆ కన్నియ మరియమ్మ గర్భమందున (2) / ఇమ్మానుయేలనెడి నామమందున (2) ||శ్రీ యేసుండు|| / సత్రమందున పశువులశాల యందున (2) / దేవపుత్రుండు మనుజుండాయెనందునా (2) ||శ్రీ యేసుండు|| / పట్టి పొత్తి గుడ్డలతో చుట్టబడి (2) / పశుల తొట్టిలో పరుండ బెట్టబడి (2) ||శ్రీ యేసుండు|| / గొల్లలెల్లరు మిగుల భీతిల్లగా (2) / దెల్పె గొప్ప వార్త దూత చల్లగా (2) ||శ్రీ యేసుండు|| / మన కొరకొక్క శిశువు పుట్టెను (2) / ధరను మన దోషములబోగొట్టెను (2) ||శ్రీ యేసుండు|| / పరలోకపు సైన్యంబు గూడెను (2) / మింట వర రక్షకుని గూర్చి పాడెను (2) ||శ్రీ యేసుండు|| / అక్షయుండగు యేసు పుట్టెను (2) / మనకు రక్షణంబు సిద్ధపరచెను (2) ||శ్రీ యేసుండు||
సాగిలపడి మ్రొక్కెదము సత్యముతో ఆత్మలో / మన ప్రభు యేసుని ఆ ఆ ఆఆ (2) ||సాగిలపడి|| / మోషేకంటే శ్రేష్టుడు / అన్ని మోసములనుండి విడిపించున్ (2) / వేషధారులను ద్వేషించున్ / ఆశతో మ్రొక్కెదము (2) ||సాగిలపడి|| / అహరోనుకంటే శ్రేష్టుడు / మన ఆరాధనకు పాత్రుండు (2) / ఆయనే ప్రధాన యాజకుడు / అందరము మ్రొక్కెదము (2) ||సాగిలపడి|| / ఆలయముకన్న శ్రేష్టుడు / నిజ ఆలయముగ తానే యుండెన్ (2) / ఆలయము మీరేయనెను / ఎల్లకాలము మ్రొక్కెదము (2) ||సాగిలపడి|| / యోనా కంటె శ్రేష్టుడు / ప్రాణ దానముగా తన్ను అర్పించెన్ (2) / మానవులను విమోచించెన్ / ఘనపరచి మ్రొక్కెదము (2) ||సాగిలపడి|| / సొలోమోను కన్న శ్రేష్ఠుడు / సర్వజ్ఞానమునకు ఆధారుండు (2) / పదివేలలో అతిప్రియుండు / పదిలముగ మ్రొక్కెదము (2) ||సాగిలపడి|| / రాజులకంటే శ్రేష్ఠుడు / యాజకులనుగా మనలను చేసెన్ (2) / రారాజుగ త్వరలో వచ్చున్ / రయముగను మ్రొక్కెదము (2) ||సాగిలపడి|| / అందరిలో అతి శ్రేష్ఠుడు / మనకందరికి తానే ప్రభువు (2) / హల్లెలూయకు పాత్రుండు / అనుదినము మ్రొక్కెదము (2) ||సాగిలపడి||
దేవునికి స్తోత్రము గానము చేయుటయే మంచిది / మనమందరము స్తుతిగానము చేయుటయే మంచిది / యెరుషలేము యెహోవాయే కట్టుచున్నవాడని / ఇశ్రయేలీయులను పోగుచేయువాడని ||దేవునికి|| / గుండె చెదరిన వారిని బాగుచేయువాడని / వారి గాయములన్నియు కట్టుచున్నవాడని ||దేవునికి|| / నక్షత్రముల సంఖ్యను ఆయనే నియమించును / వాటికన్నియు పేరులు పెట్టుచున్నవాడని ||దేవునికి|| / ప్రభువు గొప్పవాడును అధిక శక్తి సంపన్నుడు / జ్ఞానమునకు ఆయనే మితియు లేనివాడని ||దేవునికి|| / దీనులకు అండాయెనే భక్తిహీనుల కూల్చును / సితారాతో దేవుని స్తుతులతో కీర్తించుడి ||దేవునికి|| / ఆయన ఆకాశమున్ మేఘములతో కప్పును / భూమికొరకు వర్షము సిద్ధపరచువాడని ||దేవునికి|| / పర్వతములలో గడ్డిని పశువులకు మొలపించెను / అరచు పిల్లకాకులకును ఆహారము తానీయును ||దేవునికి|| / గుర్రముల నరులందలి బలము నానందించడు / కృప వేడు వారిలో సంతసించువాడని ||దేవునికి|| / యెరుషలేము యెహోవను సీయోను నీ దేవుని / కీర్తించుము కొనియాడుము ఆనందించువాడని ||దేవునికి|| / పిల్లల నాశీర్వదించియు బలపరచు నీ గుమ్మముల్ / మంచి గోధుమపంటతో నిన్ను తృప్తిగనుంచును ||దేవునికి|| / భూమికి తనయాజ్ఞను ఇచ్చువాడు ఆయనే / వేగముగను దేవుని వాక్యము పరుగెత్తును ||దేవునికి|| / వాక్యమును యాకోబుకు తెలియచేసినవాడని / ఏ జనముకీలాగున చేసియుండలేదని ||దేవునికి||