29 songs found
తరాలు మారినా యుగాలు మారినా / మారని దేవుడు మారని దేవుడు / మన యేసుడు ||తరాలు|| / మారుచున్న లోకములో / దారి తెలియని లోకములో (2) / మారని దేవుడు మన యేసుడు (2) ||తరాలు|| / సూర్యచంద్రులు గతించినా / భూమ్యాకాశముల్ నశించినా (2) / మారని దేవుడు మన యేసుడు (2) ||తరాలు|| / నీతి న్యాయ కరుణతో / నిశ్చలమైన ప్రేమతో (2) / మారని దేవుడు మన యేసుడు (2) ||తరాలు|| / నిన్న నేడు నిరంతరం / ఒకటైయున్న రూపము (2) / మారని దేవుడు మన యేసుడు (2) ||తరాలు||
తలవంచకు నేస్తమా (2) / తలవంచకు ఎప్పుడూ / తలవంచకు ఎన్నడూ / స్వార్ధపుటంచున ఊగిసలాడే లోకంలో / కుడి ఎడమలకు బేధం తెలియని లోకంలో / కన్నులు నెత్తికి వచ్చిన ఈ లోకంలో / ప్రేమకు అర్ధం గ్రహించలేని లోకంలో / నీవు కావాలి ఓ.. మాదిరి / నీవు ఇవ్వాలి ఓ.. ప్రేరణ / నీవు మండాలి ఓ.. జ్వాలగా / నీవు చేరాలి ఓ.. గమ్యము ||తలవంచకు|| / చీకటిని వెనుకకు త్రోసి – సాగిపో ముందుకే / క్రీస్తు బాటలో పయనిస్తే – ఎదురేమున్నది / రేపటి భయం నిందల భారం – ఇకపై లేవులే / క్రీస్తుని చేరు లోకాన్ని వీడు – విజయం నీదేలే (2) ||నీవు|| / పెకిలించు కొండలను – విశ్వాస బాటలో / గెలవాలి యుద్ధ రంగంలో – దైవిక బలంతో / యేసుని కృప నీతోనే ఉంది – సాధించు ప్రగతిని / మంచిని పెంచు ప్రేమను పంచు – నిలిచిపో జగతిలో (2) ||నీవు||
తల్లిలా లాలించును తండ్రిలా ప్రేమించును (2) / ముదిమి వచ్చువరకు ఎత్తుకొని ముద్దాడును / చంక పెట్టుకొని కాపాడును యేసయ్యా ||తల్లిలా|| / తల్లి అయిన మరచునేమో నేను నిన్ను మరువను / చూడుము నా అరచేతులలో / నిన్ను చెక్కియున్నాను (2) / నీ పాదము తొట్రిల్లనీయను నేను / నిన్ను కాపాడువాడు కునుకడు నిదురపోడు / అని చెప్పి వాగ్దానం చేసిన యేసయ్య ||తల్లిలా|| / పర్వతాలు తొలగవచ్చు తత్తరిల్లు మెట్టలన్నీ / వీడిపోదు నా కృప నీకు / నా నిబంధనా తొలగదు (2) / దిగులుపడకు భయపడకు నిన్ను విమోచించెద / నీదు భారమంతా మోసి నాడు శాంతి నొసగెద / అని చెప్పి వాగ్దానం చేసిన యేసయ్య ||తల్లిలా||
తార వెలిసింది ఆ నింగిలో ధరణి మురిసింది / దూత వచ్చింది సువార్తను మాకు తెలిపింది (2) / రాజులకు రాజు పుట్టాడని / యూదుల రాజు ఉదయించాడని (2) ||తార|| / మందను విడచి మమ్మును మరచి / మేమంతా కలిసి వెళ్ళాములే / ఆ ఊరిలో ఆ పాకలో / స్తుతి గానాలు పాడాములే (2) / సంతోషమే ఇక సంబరమే / లోక రక్షణ ఆనందమే / స్తోత్రార్పణే మా రారాజుకే / ఇది క్రిస్మస్ ఆర్భాటమే ||తార|| / బంగారమును సాంబ్రాణియు / బోళంబును తెచ్చాములే / ఆ యింటిలో మా కంటితో / నిను కనులారా గాంచాములే (2) / మా ఇమ్మానుయేలువు నీవేనని / నిను మనసారా కొలిచాములే / మా యూదుల రాజువు నీవేనని / నిను ఘనపరచి పొగిడాములే ||తార||
తారా వెలిసెను ఈ వేళ / యేసు పుట్టిన శుభవేళ (2) / వెలిగెను ఈ లోకం – మదిలో నిండెను ఆనందం / తరగని రక్షణను – మనకై తెచ్చెను ఆ దైవం (2) / రండి వార్తను చాటుదాము / ఆ రక్షణను పంచుదాము (2) ||తారా|| / పశుల పాకే పావనమాయె / మంద గొల్లలే తన వారాయె (2) / జ్ఞానులొచ్చిరి ఆరాధింప / రాజులలో భీతిని నింప (2) ||తారా|| / పాపమెరుగని నీతి పరుడు / లోకమును కాచే రక్షకుడు (2) / కన్య మరియా గర్భమున / పుట్టెను దేవుని అంశమున (2) ||తారా|| / రాజులకు రాజైన తనకు / ఇచ్చుటకు ఏమున్నది మనకు (2) / వెండి బంగారముల కన్నా / హృదములనర్పిస్తే మిన్నా (2) ||తారా||
తీయని స్వరాలతో నా మనసే నిండెను / యేసుని వరాలతో నా బ్రతుకే మారెను / భావమధురిమ ఉప్పొంగెను / రాగసుధలతో భాసిల్లెను (2) / పరవశించి నిను స్తుతించి / ఘనపరచెద వైభవముగా ||తీయని|| / ఏదేమైనా ఏనాడైనా నీ దారిలో నేను / నీవే నాకు ఆప్తుడైన నిన్నాశ్రయించాను / సజీవుడా నీవే లేని నేనే వ్యర్ధము / ఏదేమైనా ఏనాడైనా నీ దారిలోనేను / యేసుతో రాజ్యము చేసే భాగ్యము / నాకు దొరికె కనికరము – తనువు పరవశము ||తీయని|| / ఆరాధన యోగ్యుడైన నీ సొంతమే నేను / నిన్నేనమ్మి జీవించేను నీలో ఫలించేను / సహాయుడా నీలోనేగా నా సాఫల్యము / ఆరాధన యోగ్యుడైన నీ సొంతమే నేను / యేసుని సన్నిధి చేరే భాగ్యము / నాకు కలిగె అనుగ్రహము – తనువు పరవశము ||తీయని||
తుప్పు పట్టి పోవుటకంటే (2) / కరిగిపోత యేసయ్య నీ చేతిలో / అరిగిపోత యేసయ్య నీ సేవలో (2) ||తుప్పు పట్టి|| / సుఖమనుభవించుటకంటే (2) / శ్రమలనుభవిస్తాను నీ సేవలో / నిన్ను నేను సంతోషపెడత యేసయ్యా (2) ||తుప్పు పట్టి|| / వెన్న లాగ కరుగుకుంట (2) / కటిక చీకట్ల దీపమైతానయ్యా / నీ చిత్తము జరిగిస్తా యేసయ్యా (2) ||తుప్పు పట్టి|| / మూర్ఖమైన వక్ర జనం మధ్యల (2) / ముత్యమోలె నేనుండాలి యేసయ్యా / దివిటీ నయ్యి వెలుగుతుండాలే యేసయ్యా (2) ||తుప్పు పట్టి|| / వెండి బంగారాల కన్నా / ధన ధాన్యముల కన్నా / నీ పొందు నాకు ధన్యకరము యేసయ్యా / నీతో ఉండుటే నాకు ఆనందం యేసయ్యా (2) ||తుప్పు పట్టి|| / నాలో ఊపిరున్నంత వరకు (2) / ప్రకటిస్త యేసయ్య నీ ప్రేమను / కటిక చీకట్ల దీపమెలిగిస్తాను (2) ||తుప్పు పట్టి||
తూరుపు దిక్కున చుక్క బుట్టె / దూతలు పాటలు పాడ వచ్చె (2) / చలి మంట లేకుండా ఎలుగే పుట్టె (2) / చల్లని రాతిరి కబురే తెచ్చె (2) / పుట్టినాడంట యేసునాథుడు / పాపములు తీసే పరమాత్ముడు (2) ||తూరుపు|| / గొల్లలు జ్ఞానులు వేగిర వచ్చి / కొలిచినారు తనకు కానుకలిచ్చి / పశుల పాక మనము చేరుదాము / కాపరిని కలిసి వేడుదాము (2) ||పుట్టినాడంట|| / చిన్నా పెద్దా తనకు తేడా లేదు / పేదా ధనికా ఎప్పుడూ చూడబోడు / తానొక్కడే అందరికీ రక్షకుడు / మొదలు నుండి ఎప్పుడూ ఉన్నవాడు (2) ||పుట్టినాడంట|| / మంచి చెడ్డా ఎన్నడు ఎంచబోడు / చెడ్డ వాళ్లకు కూడా బహు మంచోడు / నమ్మి నీవు యేసును అడిగి చూడు / తన ప్రేమను నీకు అందిస్తాడు (2) ||పుట్టినాడంట||
తూర్పు దిక్కు చుక్క బుట్టె / మేరమ్మా – ఓ మరియమ్మా (2) / చుక్కను జూచి మేము వచ్చినాము / మొక్కి పోవుటకు (2) ||తూర్పు దిక్కు|| / బెత్లెహేము పురము లోని బాలుడమ్మా / గొప్ప బాలుడమ్మా (2) / మన పాపముల బాప పుట్టెనమ్మా / మహిమవంతుడమ్మా (2) ||తూర్పు దిక్కు|| / పశువుల పాకలోని బాలుడమ్మా / పాపరహితుడమ్మా (2) / పాపంబు బాపను పుట్టెనమ్మా / సత్యవంతుడమ్మా (2) ||తూర్పు దిక్కు|| / బంగారం సాంబ్రాణి బోళం తెచ్చినాము / బాల యేసు నొద్దకు (2) / బంగారు పాదముల మ్రొక్కెదము / బహుగ పాడెదము (2) ||తూర్పు దిక్కు||
తెలియదా? నీకు తెలియదా? / యేసు తోడుగా ఉన్నాడని (4) / నీవే సాక్షి యేసే దేవుడని / యేసే నీకు సాక్షి ఆయన బిడ్డవని (2) / యేసే నీకు సాక్షి ఆయన బిడ్డవని (2) / తెలియదా? నీకు తెలియదా? / యేసుకున్నదంతా నువ్వేనని (4) / నీ మౌనం పరలోకపు మౌనమని / నీవు మాట్లాడితే పాతాళం వణుకునని (2) / నీవు మాట్లాడితే పాతాళం వణుకునని (2) / తెలియదా? నీకు తెలియదా? / నీవు జత పని వాడవని / తెలియదా? నీకు తెలియదా? / దేవుని జత పని వాడవని (2) / నీ బలహీనతలో యేసే నీ బలం / నీ అవమానములో యేసే నీ ఘనం (2) / నీ అవమానములో యేసే నీ ఘనం (2) / తెలియదా? నీకు తెలియదా? / రాయబారివి అని / తెలియదా? నీకు తెలియదా? / దేవుని రాయబారివి అని (2) / అడుగుము జనములను స్వాస్థ్యముగా ఇచ్చును / భూమిని దిగంతముల వరకు సొత్తుగా మార్చును (2) / నీ శత్రువులందరిని పాదపీఠముగ చేయును (2) / తెలియదా? నీకు తెలియదా? / వారసుడు నువ్వేనని / తెలియదా? నీకు తెలియదా? / దేవుని వారసుడు నువ్వేనని (2) / తెలియదా? ఆ ఆ ఆ (2) / నీకు తెలియదా? ఆ ఆ ఆ (2) / నీకు తెలియదా? / తెలియదా? (4)
అన్నయ్య… తెల్లారింది లేరా.. / తెల్లారింది వేళ – త్వరగా నిద్దుర లేరా / మనమంతా ఆయన సృష్టే రా / పక్షుల కోలాహ వేళ – ప్రభువును స్తుతించావేరా / వాటి కంటె శ్రేష్ఠుల మనమేరా (2) / అడవి రాజు సింహమైననూ – ఆకలంటు పిల్లలన్ననూ / యేసు రాజు పిల్లలం మనం – పస్తులుంచునా (2) / వాడిపోవు అడవి పూలకు – రంగులేసి అందమిచ్చెను / రక్తమిచ్చి కొన్న మనలను – మరచిపోవునా (2) / మరచిపోవునా ||తెల్లారింది|| / చిన్నదైన పిచ్చుకైననూ – చింత ఉందా మచ్ఛుకైననూ / విత్తలేదు కోయలేదని – కృంగిపోవునా (2) / వాటికన్ని కూర్చువాడు – నీ తండ్రి యేసేనని / నీకు ఏమి తక్కువ కాదని – నీకు తెలియునా (2) / నీకు తెలియునా ||తెల్లారింది||
తేనెకన్న తీయనైనది / నా యేసు ప్రేమ – మల్లెకన్న తెల్లనైనది (2) / నన్ను ప్రేమించెను నన్ను రక్షించెను / కష్టకాలమందు నాకు తోడైయుండెను (2) ||తేనెకన్న|| / ఆగకనే సాగిపోదును / నా ప్రభువు చూపించు బాటలో (2) / అడ్డంకులన్ని నన్ను చుట్టినా / నా దేవుని నే విడువకుందును (2) ||తేనెకన్న|| / నా వాళ్ళే నన్ను విడిచినా / నా బంధువులే దూరమైనా (2) / ఏ తోడు లేక ఒంటరినైననూ / నా తోడు క్రీస్తని ఆనందింతును (2) ||తేనెకన్న||