6 songs found
ఊరుకో నా ప్రాణమా కలత చెందకు / ఆనుకో ప్రభు రొమ్మున నిశ్చింతగా (2) / ఎడారి దారిలోన – కన్నీటి లోయలోన (2) / నా పక్షమందు నిలిచే నా ముందురే నడిచే / నీ శక్తినే చాట నన్నుంచెనే చోట / నిన్నెరుగుటే మా ధనం / ఆరాధనే మా ఆయుధం / ఎర్రసముద్రాలు నా ముందు పొర్లుచున్నా / ఫరో సైన్యమంతా నా వెనుక తరుముచున్నా (2) / నమ్మదగిన దేవుడే నడిపించుచుండగా / నడి మధ్యలో నన్ను విడిచిపెట్టునా (2) ||ఊరుకో|| / ఇంతవరకు నడిపించిన దాక్షిణ్యపూర్ణుడు / అన్యాయము చేయుట అసంభవమేగా (2) / వాగ్దానమిచ్చిన సర్వశక్తిమంతుడు / దుష్కార్యము చేయుట అసంభవమేగా (2) ||ఊరుకో|| / అవరోధాలెన్నో నా చుట్టు అలుముకున్నా / అవరోధాల్లోనే అవకాశాలను దాచెగా (2) / యెహోవా సెలవిచ్చిన ఒక్కమాటయైనను / చరిత్రలో ఎన్నటికీ తప్పియుండలేదుగా (2) ||ఊరుకో||
ఊహకు అందని కార్యముల్ / ఊహించని రీతిలో నాకై చేసిన దేవా / ఊహకు అందని వేళలో / ఊహించని మేలులన్ నాకై చేసిన దేవా / ఉత్సహించి పాడెదన్ ఉల్లసించి చాటెదన్ / నీదు నామ గీతము నాదు జీవితాంతము / కొనియాడెదన్ కీర్తించెదన్ స్తోత్రించెదన్ ||ఊహకు|| / కనబడవు మా కళ్ళకు – మరి వినబడవు మా చెవులకు / ఊహలకే అస్సలందవు – ప్రభు నీ కార్యముల్ (2) / అడుగువాటి కంటెను – ఊహించు వాటి కంటెను / అద్భుతాలు చేయగా – వేరెవరికింత సాధ్యము / అసాధ్యమైనదేది నీకు లేనే లేదు / ఇల నీకు మించి నాకు దైవమెవరున్నారు (2) ||ఉత్సహించి|| / బండ నుండి నీళ్లను – ఉబికింపజేసినావుగా / ఎడారిలో జల ధారలు – ప్రవహింపజేసినావుగా / కనుపాప లాగ నన్ను కాచే దైవం నీవు / నడి సంద్రమైన నన్ను నడిపే తోడే నీవు (2) ||ఉత్సహించి||
ఊహలు నాదు ఊటలు / నా యేసు రాజా నీలోనే యున్నవి (2) / ఊహకందని నీదు ఆశ్చర్య క్రియలు (2) ||ఊహలు|| / నీదు కుడి చేతిలోన / నిత్యము వెలుగు తారగా (2) / నిత్య సంకల్పము / నాలో నెరవేర్చుచున్నావు (2) ||ఊహలు|| / శత్రువులు పూడ్చిన / ఊటలన్నియు త్రవ్వగా (2) / జలలు గల ఊటలు / ఇస్సాకునకు ఇచ్చినావు (2) ||ఊహలు|| / ఊరు మంచిదే గాని / ఊటలన్నియు చెడిపోయెనే (2) / ఉప్పు వేసిన వెంటనే / ఊట అక్షయత నొందెనే (2) ||ఊహలు||
ఊహించలేనయ్యా వివరించలేనయ్యా / ఎనలేని నీ ప్రేమను (2) / నా జీవితాంతం ఆ ప్రేమలోనే (2) / తరియించు వరమే దొరికెను (2) ||ఊహించ|| / నా మనసు వేదనలో – నాకున్న శోధనలో / ఉల్లాసమే పంచెను / ఓ మధుర భావనలో – తుదిలేని లాలనలో / మధురామృతమునే నింపెను (2) / అనాథయిన నను వెదకెను / ప్రధానులలో ఉంచెను (2) ||ఊహించ|| / నీ మరణ వేదనలో – నీ సిలువ శోధనలో / నీ ప్రేమ రుజువై నిలిచెను / వెలలేని త్యాగముతో – అనురాగ బోధలతో / నా హృదయమే కరిగెను (2) / ఇది నీ ప్రేమకే సాధ్యము / వివరించుట నాకసాధ్యము (2) ||ఊహించ||
ఊహించలేని కార్యములు దేవుడు జరిగించినాడు / కానానులో మహిమను చూపి కార్యము జరిగించినాడు (2) / దంపతులను దీవించగా బంధువులు విచ్చేసినారు / ఘనమైన కార్యము తిలకించగా ఆత్మీయులే వచ్చినారు / ఆనందమే ఆనందమే ఈ పెళ్లి సంతోషమే / కళ్యాణము కమనీయము కళ్యాణ వైభోగము ||ఊహించలేని|| / ఒకరికి ఒకరు ముడి వేసుకొనే బంధం / ఒకరంటే ఒకరికి ప్రేమను పంచే తరుణం (2) / కలవాలి హృదయాలు ఒకటై / పండాలి నూరేళ్లు ఇకపై (2) / వెయ్యేళ్ళు వర్ధిల్లాలని ఇస్తున్నాము ఇవ్వాళ ||ఊహించలేని|| / దేవుని సముఖములో బ్రతకాలి మీరు / మీ జీవిత పయనం సాగాలి ఆ దేవునితో (2) / లోబడి ఉండాలి వధువు / ప్రేమను పంచాలి వరుడు (2) / దేవుడిచ్చే బహుమానం మీ కన్నుల పంట కావాలి ||ఊహించలేని||
ఊహించలేని మేలులతో నింపిన / నా యేసయ్యా నీకే నా వందనం (2) / వర్ణించగలనా నీ కార్యముల్ / వివరించగలనా నీ మేలులన్ (2) ||ఊహించలేని|| / మేలుతో నా హృదయం తృప్తిపరచినావు / రక్షణ పాత్రనిచ్చి నిను స్తుతియింతును (2) / ఇశ్రాయేలు దేవుడా నా రక్షకా / స్తుతియింతును నీ నామమున్ (2) ||ఊహించలేని|| / నా దీనస్థితిని నీవు మార్చినావు / నా జీవితానికి విలువనిచ్చినావు (2) / నీ కృపకు నన్ను ఆహ్వానించినావు / నీ సన్నిధి నాకు తోడునిచ్చినావు (2) ||ఊహించలేని||